قصه حقيقه ؟؟؟؟؟؟؟؟؟؟؟؟؟؟

[حياتى من اجل ربى 22]

 

اعضاء منتداى الغالى

 

 

هذا الموقف الذى ساحكى لكم عنه حقيقى

حدث بالفعل

كنت ماشيه مع احدى صديقاتى ((راجعين من الجامعه))

وطبعا انتو عارفين الظاهره التى انتشرت كثييييرا فى مصر الان الا ووهى الشحاتين المحترفين

فعلا بقت ((الشحاته احتراف ))

وفن وبيدرس

امال انتو فاكرين ايه

ممكن يعملو كليات ليه بعد كده كمان

ممكن وانت ماشى مثلا تقابلك واحده لابسه كويس وشكلها بنت ناس يعنى

وتقولك معلش يا بيه انا المحفظه بتاعتى ضاااعت وعايزه حاجه اروح بيها

لانى مش معايا فلوس

 

طبعا انت من فرط كرمك وشاهمتك ورجولتك

تروح مطلع ومديها

ولكن تكون المفاجاه لو مررت من هذا الطريق بعد ساعه او ما يزيد لتجد نفس السيده وتسالك نفس السؤال

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا سبحان الله انا مش لسه مديكى ؟؟؟؟؟؟؟؟؟؟؟

 

اكييييييييد اتصدقت بيهم

 

؟؟؟؟؟؟؟؟؟؟؟؟؟؟؟؟؟

المهم نرجع لموضوعنا الاصلى

 

وانا ماشيه بقى مع صديقتى اللى حصلها موقف

 

بجد تحفه

 

لاتحسد عليه ابداااااااااااا

والله مش شماته يا حبيبتى

انا بحترم صديقتى دى جدااا

وشئ جميل اللى هى عملته

وان شاء الله ربنا يجعله فى ميزان حسناتها

سالتنا احدى السيدات ان بنتها بتعمل عمليه

ومحتاجه للدواء

صديقتى فتحت شنطتها وسارعت باعطاء السيده المبلغ((1 جنيه))

اخذت السيده المبلغ وصرخت فى وجه صديقتى

ايه ده يا انسه بقولك بنتى عايزه تعمل عمليه ده اعمل بيه ايه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ناس ماعندهاش دم.....

 

 

 

 

 

 

 

 

 

 

لاتعليق

 

اتركها لكم

 

 

 

[حياتى من اجل ربى 22]

اسال الله ان يرزقنا جميعا العفاف والغنى

وان يهدينا الى مايحبه ويرضاه ويرزقنا من حيث لاتحتسب

وكما قال حبيبى محمد صلى الله عليه وسلم

اليد العليا خير من اليد السفلى، وابدأ بمن تعول، وخير الصدقة ما كان عن ظهر غنى، ومن يستعفف يعفه الله، ومن يستغن يغنه الله متفق عليه، واللفظ للبخاري.

 

 

جزاكم الله خيرا

واسال الله لكم الثبات والرزق الحلال

 

اللهم اكفنا بحلالك عن حرامك واغننا بفضلك عمن سواك

 

</SPAN>

[رجل من الصحراء 36]

اختي الصغيرة يعني بصراحة موضوع حساس جدا ويمس ناحية كبيرة من الواقع الذي نعايشه هذه الايام

وبصراحة مش عارف ارد اقول ايه ده احيانا بيطلبوا بلسانهم عدد الفلوس اللي عايزينها وكمان بيدخلوا البورصة والازمةالمالية واحيانا ارتفاع البنزبن والبترول في الشحاته وساعات يقلك ياراجل ده الدولار بقى مش عارف بكام تقوم انت تديني جنيه وغيره وغيره

بس الحقيقة انا سالت في الموضوع ده كتيير ووصلت الى اني بتعامل مع الله في اخراج الصدقة مش مع الشخص اللي قدامي يعني حتى لو انا عارفه انه متسول بس انا بتصدق لاني بعامل ربنا وهو اللي هيحاسبني على نيتي .

اظرف موقف حصل معانا من احد النماذج دي اللي بنتكلم عليها انه مرة خبط على باب البيت شحات بيطلب نظارة شمس عشان يعرف يمشي بيها شوفتي بقى الشحات الموديرن ده

قال رسول الله صلى الله عليه وسلم:

(لأن يحتطب أحدكم حزمة على ظهره ، خير له من أن يسأل أحدا، فيعطيه أو يمنعه) صدق رسول الله صلى الله عليه وسلم.

وعن ثوبان مولى رسول الله صلى الله عليه وسلم ، قال : قال رسول الله صلى الله عليه وسلم :" من يتكفل لى أن لا يسأل الناس شيئا وأتكفل له بالجنة "؟ فقال ثوبان : أنا يا رسول ، فقال : "لا تسأل الناس شيئا " فكان لا يسأل أحداً شيئاً

جزيتي خيرا اختي الصغيرة على هذا الموضوع الجمييل والمفيد والهادف وانتي دائما متميزة وراائعة

تقبلي تحياتي وتقديري واحترامي الشديد لشخصك الكريم

[حياتى من اجل ربى 22]

اخى الكبير

يشرفنى ان تكون اول من رد على موضوعى البسيط

ردك اضاف لى الكثيييير

جزاك الله خير

ورزقك من حيث لا تحتسب وحقق لك كل ما تتمنى

وان يهديك الى كل خير ويرضى عنك

شكرا لك

[«۞۩ أبو سليمان ۩۞» 179]

الموضوع ده انتشر جدا و بقيت ناس كتير تستسهل انها تشحت علي انها تعمل بيدها و تقتات من عرق جبينها

 

الواحد بيعامل ربنا في كل شيء ,,, لكن لما اعرف ان الشحات ده موش محتاج بصراحه أتعمد اني ما اعطيهوش لأن فيه كتير احق منه

 

و من رأيي ان ده بيكون حركه ايجابيه عشان يحس علي دمه و يقوم و يشتغل بيده لينفع نفسه و ينفع المسلمين

 

لأن لو استمر الناس في اعطائه موش ممكن هيفكر انه يشتغل مادام لاقي كل اللي محتاجه بيجيلوا بسهوله عشان كده انا ببدأ بنفسي و اتمني الناس كلها تعمل كده

 

في ناس كتير جدا تحتاج المال ده و لكن لا يستطيعون طلبه متعففين و هم احق بالصدقه

 

قال تعالى: بسم الله الرحمن الرحيم (لِلْفُقَرَآءِ الّذِينَ أُحصِرُواْ فِي سَبِيلِ اللّهِ لاَ يَسْتَطِيعُونَ ضَرْباً فِي الأرْضِ يَحْسَبُهُمُ الْجَاهِلُ أَغْنِيَآءَ مِنَ التّعَفّفِ تَعْرِفُهُم بِسِيمَاهُمْ لاَ يَسْأَلُونَ النّاسَ إِلْحَافاً وَمَا تُنفِقُواْ مِنْ خَيْرٍ فَإِنّ اللّهَ بِهِ عَلِيمٌ) [سورة: البقرة - الأية: 273] صدق الله العظيم

 

شكرا حياتي من اجل ربي متميزة كالعاده

 

بارك الله فيكي و جزاكي كل الخير

[حياتى من اجل ربى 22]

Dr Abcarino

 

 

اشكرك دكتور

دائما ردك يضيف لى كل جديد

اسال الله ان يوفقك الى ما يحبه ويرضاه وان يجعلك من الشباب الذين صدقو ماعاهدو الله عليه

جزاك الله كل خير

 

[بنت مصرية 66]

بصراحة موقف غريب جدا

ماحدث لصديقتك ياحياتي

وسبحان الله بجد انا مش عارفة اعلق واقول ايه علي الموقف ده

لكن انا من راي

انا مع رجل من الصحراء ودكتور عبقرينوا في بعض الجزئيات

مثلا انا فعلا اهتم بموضوع النية

ودائما ادخل في احاديث مع من حولي

في هذا هو انك تعطي لي للشخص الذي اماماك ولكن لانها صدقة لوجه الله تعالي

وبعد تعديلات كثيرة

كل مافعله هو اني اعطي للأطفال الصغار ومن اجد انه شخص ذو اعاقة

الفكرة قائمة في ذهني لانه معروف واعطي مافيه النصيب

بصراحة موضوع نسبي

تقبلي مروري ياقلب النقاش في المنتدي

[haroun 6]

السلام عليكــم ورحمـة الله وبركاتــة ،،

الي حصل موش غريب أختي لان في ناس كتيرى جشعا وطماعا ....والموقف حصل معايا

شكرا على الموضوع وتقبلي مروري المتواضع

[ABOTASNEEM 117]

جزيتى خيرا عالموضوع

 

وبصراحة هو الواحد زى ما قال اخى رجل من الصحراء

 

بيعامل مع ربنا

 

بس انا حابب اضيف

 

ان المؤمن كيس فطن

 

فله نظرة وفراسه فى الشخص الذى امامه

 

فلو استطاع ان يعلم كينونة من امامه

 

فهذا اولى ..

[NADA 34]

جيتى ع الوتر الحساس وبجد الموضوع ده بيثير جوايا مواقف مش حلوة وبتضايقنى

 

أنا قبل كده ف محطة المترو واحدة شكلها يعنى مدام بنت ناس وشكلها نضيف وحوار وكده

 

المهم وقفتنى وبكل براءة يعنى قالتلى معلش يا آنسة أصل أنا فلوسى ضاعت منى

 

فالمهم يعنى قلتلها لا عادى ولا يهمك ويعنى حسيت انى شاركت بحاجة كويسة هتروح لبيتها

 

المهم بعدها بفترة ف نفس المكان تقريبا ,, نفس الشخصاية دى وقفتنى وقالتلى نفس الكلام

 

المهم انا من عبطى ولا مش عارف ايه بالظبط وقفت وبصتلها جامد وسكت ,, فعادت عليا الكلام

 

الموقف شفت قدام عينى كانى شفتهها امبارح بنفس الطريقة والرقة

 

فقلتلها على فكرة .. حضرتك وقفتنى قبل كده وقلتيلى نفس الكلام **

 

وعينكم ما تشوف الا النور بعد كده

 

بجد رجعت البيت منهارة وبجد كنت حاسه ان ممكن يحصلى حاجه

 

**** موقف تانى وضايقنى اوى بردو ,, هو ان بنت بردو شكلها نضيف جدا

 

ف محطة المترو وانا بشترى تذكرة قالتلى لو سمحتى يا آنسه ممكن تجيبيلى تذكرة معاكى

 

قلتلها اوكى ماشى ,, فجبتلها معايا ,, وانا بديها التذكرة لقيتها بتقولى معلش اصلى رايحة الشغل ونسيت المحفظة

 

ولسه هتكمل قلتلها خلاص يعنى حصل خير

 

بس طبعا انا كنت ماشية بكلم ف نفسى ** أيه المشكلة لو كانت قالتلى الاول ,, كده هى كمان يعتبر غشتنى

 

 

الناس مش بالمظاهر ولا باللسان حتى ,, الناس بالنوايا والقلوب ودى حاجة مش يعرفها غير ربنا

 

فأنت عامل ربنا وحسابه هو بعدين ويمكن يكونو فعلا محتاجين ,, وبيلجأو للحيلة دى حفاظاً على منظر الشارع المصرى العام

 

شكرا ليكى يا حياتى ومعلش حاسة انى طولت عليكم

 

بس انتو عايزين كده ,, انتو حرين بقى

[مصطفى بهجت 2]

بجد بجد بجد موضوووووووع مهم جدا جدا جدا يا أختنا حياتي من أجل ربي ..

طبعا الشحاتة بقيت فن و ممكن تدرس كمااان .. ربنا يسترها ..

موضوع الشحاتة ده كتييير جدا في الشوارع ..

انا اتعرضت لمواقف زي دي كتيييييير ..

و ف مرة قابلتني واحدة آخر شياكة ف الشارع .. وحاطة مكياج ولابسة الجينز ومحجبة ووو ........

و بصوت أدوبك تسمعيه قالت (( بس بس لو سمحت يا أستاذ أنا فلوسي ضاعت و أنا من مركز كذا جنبيكم وعايزة فلوس علشان أسافر )) ..

طبعا أنا بصراحة كنت حديلها لكن كان معايا واحد زميلي ناصح قالها تعالي معانا نركبك مواصلة البلد اللي عاوزاها ..

قالت :: لالالالالا خلااااااص .. أنا حتصرف ..

و طبعا علشان هيه كدااااابة والكدب ملهوش رجلين وعلشان كده رفضت ..

 

أما عن القصة اللي حصلت معاكي ومع صديقتك دي ..

هههههههههههه

بصراحة ما تزعليش مني أنا ضحكت جامد أول ما قولتي صاحبتك عطت الشحاتة جنيه واحد ..

تستاااااااااااااهل الشحاتة تزعق فيهاااااااااا ..

يعني بترسم عليها العذاااااااب وتقولها عملية وغيره وف الآخر يطلع جنيه يتيم ..

احمدي ربنا إن الشحاتة دي سبتكم تروحوا سلااااااااااام ..

 

لكن المشكلة كلها مش في الشحاتين .. المشكلة والمصيبة فينا إحنا اللي بنهاودهم على كده ..

وكل ما نقابل شحات نديله فلووووووس ..

 

تحسبهم أغنياااااااااء من التعفف

 

هما دول اللي يستاهلوا يا أختي العزيزة ..

مش الجماعة اللي بيسرحوا في الشوارع ..

 

أنا مش عايز موضوعك ده يعدي كده ..

لازم نعمل في المنتدى حملة مكثفة لمحاربة التسول في الشوارع ..

 

جزاكي الله عنا خير الجزاااااااااااء ..

تقبلي مروري المتواضع

تحياتي ..

[حياتى من اجل ربى 22]

مصطفى بهجت

 

 

اسعدنى جدااااااااااااااااااااااا مرورك اخى

فانا استفيد جدا من ردودك الرائعه

اسال الله ان يجعلك من الاعلاميييين الناجحين وان يوفقك الى كل خير ويرزقك النجاح فى كل شئ ويحقق لك كل ما تتمنى

شكرا لك

NADa

 

احب ان اقول لك اولا انى سعيده جدااا انى شوفتك على ارض الواقع

وانتى بنت زى العسل

جزاك الله خيرا على الرد المطول الذى انار موضوعى

 

 

ABOTASNEEM

 

جزاك الله خيرا اخى على الرد المميز والرائع

منكم نستفيييييييد

اسال الله ان يرضى عنك ويحقق لك كل ما تتمنى ويوفقك الى كل خير

 

haroun

 

 

جزاك الله خيرا حبيبتى

يؤسفنى ان يكون هذا هو الواقع

نورتى الموضوع بردك

 

 

بنت مصريه

روووووووووووووووووووح قلبى وجميلتى

شرفنى ردك ومرورك رائع

افخر بان عقليه مثلك قد ردت على موضوعى المتواضع

تم تعديل February 22, 2009 بواسطه حياتى من اجل ربى