الجندى المجهول 37 قام بنشر February 23, 2009 البت باتعه البت باتعه… بنت زيد عبد الصبور اللي أمها يوم عرسها كان عفشها… حلّة وبابور ومعاه كمان صندوق خشب كان أصله سحارة صابون فيه بنستين والمكحلة ومراية والفلاية والملقاط وحجر وليفة ومبخره وقزازة كان فيها البخور وجوز صحون ومنٍخُلين.. والطشت والقروانه والغربال.. ومقشّه ليف… ومقشتين عرجون وزير وزلعة وقلتين وماجور وحصيره من سوق التلات ولحاف بإيدها منجداه ومخدتين والوش كان دمُّور في الانفتاح علي رأي صاحبي ولانبطاح وفتحنا مصر سداح مداح ونسينا حي علي الكفاح والشعب محكوم بالسلاح اتلخبطت كل الأمور وقيم كتير وعادات كتير اتغيرت من ضمنها غًلو المهور البنت دي بنت أم باتعه مش عاجبه حد في مشيها إكمنًّها.. مشيت طريقها لوحدها والأسرة غابت عنًّها مشغولة عنها بعبئها سايبينها هيًّ وشأنها وإكمنًّها مستهدفه الأجنبي ومعاه غبي فكّر لها قال أولا: ترفض معيشة أهلها ترفض أوامر ربها ترمي الحياء والانتماء ورا ضهرها تقطع جدورها بنفسها أوعز لها إزاي حتعرض لحمها وتبان مفاتن جسمها من ضفرها.. لأعلي خصله ف شعرها عمل الصالات… تعرض موضات والاعلانات… ماليه الشاشات بالشنبوهات والتسريحات وحاجات كتير فرحت بها تاهت ونسيت نفسها وتكلًّمك ربع الكلام بالأجنبي وتقول هالو… بنت أم باتعه تقول هالو مرسيه يا شوشو وثانك يو وكَمٍ يا توتو وياللا جو وكبار شيوخ المسلمين ما عرفش ليه مًتلجًّمين والمسئولين… فتحوا الببان علي وًسعها قام قال سلامة ألمًّها يمكن تغيّر فكرها ترجع لدينها وربها وتعيش حياتها بحلوها وبمرها راح لـ أمها… يخطبها منها وقال لها بصراحه بنتك.. عاوزه حد يلمّها وأنا قدّها قالت: وماله البنت يلزمها الجواز شخشخ جيوبك.. واشتري ياللا الجهاز قال: اطلبي… قالت: تجهز شقه.. قد أربع إوض أحسن نابوليا في البلد وتجيبها من دمياط وتجيب نجف من غير عدد والمكنسة بشفاط والدِش قبل الدٌش والفيديو والبوتاجاز وتجيب لها تلاجة ستاشر قدم وتجيب لها قبل الجواز… الفرو والمحمول وتجيب لها غسالة فول أنا قصدي فول توماتيك شقتها كاملة.. زي أي بوتيك وتجيب لها قبل الجهاز الشبكة طقم من الدهب أنا مش حاقولك ألماظ وتجيب لها فستان زفاف من غير كمام من غير كتاف علشان يبين صدرها وتبان مفاتن جسمها وتجيب غوازي تزفها واللي اسمه إيه شهر العسل في الشرم واللا الغردقة وبلاش أمور البعزقة آدي مطلبي إن كنت قادر مهرها قرَّب لها أنا مش حاميّل بختها.. قال: يا ام باتعه حاجيب منين أنا لاني راجل مرتشي ولا أحب أجيب بالدّين ولا أرضي بالتقسيط.. الطاق بيبقي طاقين ويكتّبوني شيكات أو أمضي علي ايصالات علي إنها امانات وحكاية مش هيّ لو بس فات شهرين مادفعتلوش قسطين بدل المحامي اتنين حايجيب له رفض الشيك ومصيبه وقضيه ومش حاقولك عالقرف وحاجات مخلًّه بالشرف اما البوليس والمحكمه حابقي ف نظرهم منحرف وباكسر القوانين شوفي يا ام باتعه أنا عندي شقه محندقه معقوله ماهش ضيقه فيها يادوب أوضتين وعملت جمعيه مع ناس أماره زيكم وقبضتها ألفين وادي اللي عندي وقلتلك بصراحه وبإذن واحد أحد ربًّك حايفرجها.. وباتعه حتريَّحك.. وتعيش مرتاحه قالت له: قم من هنا قم فضها سيره أنا احترمتك.. عشان الأهل والجيره بتقولي الفين جنيه?!! وانا اللي قال بافتكر.. باتعه حاتخد بيه حافظ علي كلمتك يا اهبل.. وخلًّيك زوق دي باتعه طول عمرها دايما تبص لفوق لاحمر ولاخضر وشي محزَّق وبنطلونات والشعر فوق كتفها سايح وفي الكوافير مش كل طير يندبح خد دش وانت تفوق وتفوق لنفسك وتتكلم كلام موزون وفرضنا انت اللي عاقل والمستمع مجنون ! ألفين جنيه للغوازي واللا للمأذون?!! فيه ناس كتير زيكم مش عايشة في الدنيا. مابتسمعوش الرداوي.. واللا تلفزيون?!! شفت اللي بيقدمه الحاج متولي?!! الشقه بالعفش كامله.. وفلوس كتير في البنك كتبه لعروسته.. دَا غير اللبس والمصاريف شايفاه بعيني ولا واحد غريب قالًّلي كل المسلسل تابعته دقيقه بدقيقه والحاج متولي إلاهي لم يشوف ضيقه راجل صحيح مًقٍتًدًر كل البنات عاوزاه وباتعه بنتي.. إلاهي يكون نصيبها معاه مش جاي تقولي الشباب !! أنا ناقصه هَمٍ تقيل قال: يا ام باتعه اسمعيني كل دا تمثيل قالت له: ده قصر ديل وبلاش كلام فاضي الشعب راضي مافيش غيرك عامل لي تقيل ما تكونش ماهر يا شاطر واسم أبوك عطار والشاي علي النار وقاعد لسَّه عالرمله والحلوه تيجي تلاقيك فارش لها المنديل.?! قال: يا ام باتعه دي ناس بتوزع الأوهام ساعدوا العدو بجهلهم في الحرب عالإسلام وأنا مش بالوم جهلهم اللوم علي الإعلام قالت: خلاصة الكلام أنا بنتي مش من وقمكم شوفولكو ناس علي قدًّكم أنا بنتي حلوه مثقفه حافظه الأغاني كلها. أحدث شرايط عندها. دي لما تلبس بنطلونها الجينز كل الشباب تجري وتخطب ودّها ونانسي عَجرم نفسها ما تجيش في خصله ف شعرها ولا تيجي ضفر ف رجلها طب والنبي… لو شافها واحد أجنبي ليجيب لها. كل اللي ييجي ف نفسها شارك هذه المشاركه رابط المشاركه شار ك علي موقع اخر
اعتز بحجابى 0 قام بنشر February 23, 2009 Thank you شارك هذه المشاركه رابط المشاركه شار ك علي موقع اخر
«۞۩ أبو سليمان ۩۞» 179 قام بنشر February 23, 2009 (تعديل) راااااااااااااااااااااااااااااااااااااااااااااااااااااااائع بجد جندي المجهول ده بيحصل كتير قوي اليومين دول تحياتي و تقديري تم تعديل February 23, 2009 بواسطه Dr Abcarino شارك هذه المشاركه رابط المشاركه شار ك علي موقع اخر
رجل من الصحراء 36 قام بنشر February 23, 2009 شكرا يابوحميد انا بحب شعر الشيخ امين ده جدا واحبك في الله يااخي شارك هذه المشاركه رابط المشاركه شار ك علي موقع اخر
بنت مصرية 66 قام بنشر February 23, 2009 جميل الشعر اوي طويل جدا ...ةمضحكة في كتير من اجزئها سخرية مؤلمه بجد مش عارفة اقول ايه غير ربنا يهدي وماشاء الله عليك ياشاعرنا المجهول شارك هذه المشاركه رابط المشاركه شار ك علي موقع اخر
omar_altawel 6 قام بنشر February 24, 2009 باتعة وامها عايزين الدبح على العموم بارك الله فيك وربنا يهدى بنات المسلمين كلهم شكرا يا جندى شارك هذه المشاركه رابط المشاركه شار ك علي موقع اخر
الجندى المجهول 37 قام بنشر February 25, 2009 (تعديل) اعتز بحجيتى الشكر للك على المرور د|عبقرينو نفسنا يتغير الكلام ده وجزاك الله خيرا حبيبى رجل من الصحراء احببك الذى احببتنى من اجله ربنا يكرمك على الكلام الجميل ده يا بنت مصريه ارجوا انى الموضوع ميكونش اطول من الازم فيجن جروب شكرا يبشا على الكلام الجامد ده تم تعديل February 25, 2009 بواسطه الجندى المجهول شارك هذه المشاركه رابط المشاركه شار ك علي موقع اخر
الحياه 20 قام بنشر February 25, 2009 بجد جميل ولكنها الحقيقه ربنا يهدي المسلمين رائع أخي الجندي المجهول شارك هذه المشاركه رابط المشاركه شار ك علي موقع اخر
الجندى المجهول 37 قام بنشر March 1, 2009 شكرا لمرورك اختى الحياه وربنا يهدى امتنا وجزاكى الله خيرا شارك هذه المشاركه رابط المشاركه شار ك علي موقع اخر
