battot 19 قام بنشر March 4, 2009 الأمثال الشعبية هي جزء التراث شعبي .. ومراجع يومية لعلاج المشاكل أو التنفيس عنها على الأقل .. والأمثال الشعبية حكم ومأثورات فلسفية خرجت ببساطة من أفواه البسطاء .. وتناقلناها عبر الأجيال .. وتقال في مواقف معينة .. وتتسم في معظمها بالطابع الساخر .. وسر خلودها يرجع لأنها ليست بدعاً أو ّتقاليع وإنما صادرة من العقل والقلب للإنسان البسيط .. ولا يوجد شعب من شعوب العالم إلا وله أمثاله والحكم . وأغلبيتها مكتوبة باللغة المصرية الدارجة. علم في المتبلم يصبح ناسي الفصيح من بيضته يصيح بيت المهمل يخرب قبل بيت الظالم بيت النتاش يخرب قبل بيت الظالم أدوله الفروة طمع في الخروف لو حبيبك عسل ما تلحسهوش كله بصلة المحب خروف حبيبك يبلع لك الزلط وعدوك يتمنى لك الغلط اقف معوج وأتكلم عدل يموت الزمار وصباعه بيلعب هيسخطوك يا قرد أعمى ويصلح ساعات القرعة تتعايق بشعر بنت أختها أتلم المتعوس على خايب الرجا المتعوس متعوس ولو حطو في رأسه فانوس اللي يجى من الصعايده فايده الأشكال على طيورها تقع لبس البوصة تبقى عروسه أصلك فعلك أدوله الفروة طمع في الخروف الحية تخلف تعبان الدوي ع الودان اشد من السحر ودن على ودن غلبت السحر يا نحلة لا تقرصيني ولا عايز عسل منك قالوا للكداب احلف قال جالك الفرج فى الوش مرايه وفى القفا سلاية سكتنا له دخل بحماره فسحنا له دخل بحماره حط طوبة على طوبة خلى العركة منصوبة يا حافر البير وموسع مراقيه ما داهية لا تقع انت فيه الغول ما يكلشى ولاده الغراب ما ينقرش عين أخوه من أمنك لم تخونه ولو كنت خاين اللي ما لوش كبير يشترى له كبير التاجر لما يفلس يدور في دفاتره القديمه الشبشب والقبقاب عملو الاتنين صحاب لولا كمى ما اكل فمى اللي يأكل رغيف اليهودي يحارب بسيفه يا ما دقت ع الرس طبول الكسل عسل عسل وأتغسل إن دبلت الوردة رحيتها فيها مفيش حلاوة من غير نار قدم السبت تلاقى الحد قدامك اللي أوله شرط آخره نور الميه يكدب الغطاس الميه متطلعش في العالى أن فاتك الميرى اتمرغ في ترابه يخاصمن في شارع ويصالحنى في حارة أكل علقة ما كلهاش حرامى في حارة أكل علقة ما كلهاش حمار في مطلع جبنا سيرة القط جه ينط التعلب ما ينساش قطع ديله يطلع من نقره يقع في دحديره علمناهم الشحاته سبقونا ع الأبواب يا ما في الجراب يا حاوى إيه اللي رماك ع المر قال اللي امر منه كله عند العرب صابون ما ينوب المخلص الا تقطيع هدومه الباب اللي يجى لك منه الريح سده واستريح أطبخي يا جاريه كلف يا سيدي لا طال بلح الشام ولا عنب اليمن ايه اللي لم الشامي ع المغربي مش كل الطير اللي يتاكل لحمه خد من التل يختل يا ما في السجن مظاليم اضرب المربوط يخاف السايب طباخ السم بيدوقه عصفور في الأيد ولا عشرة ع الشجرة اللي يعمل بيه القرد يعلق بيه الجحش تجرى جرى الوحوش غير رزقك لم تحوش دارى على شمعتك تقيد سمك لبن تمر هندى الأيد وحدها ما تسقفشى الكف اللي ما يصيبشى يدوش مفيش حاجة ببلاش الا العمى والطراش قليل البخت يلاقى العضم في الكرشه قليل البخت عضه الكلب في المولد جات الحزينة تفرح مالقيلهاش مطرح ياما جاب الغراب لأمه تعمل ايه المشطه في الوش العكر عشمتني بالحلق خرمت أنا ودانى كل فوله ولها كيال رحت بيت أبويا استريح مسكونى المفاتيح أنضف من الصيني بعد غسيله على قد لحافك مد رجليك يدى الغطا على قد البرد جمز بالجميز لما يجيلك التين سبع صنايع والبخت ضايع جناين مع المايل خسارة فيه يا واخد قوتي يا ناوي على موتى نقبك جه على شونة الكحكه في ايد اليتيم عجبه وجع بطني ولا تبويظ حاجتي أنا واخويا على ابن عمى وأنا وابن عمى ع الغريب اهلك لتهلك: للتدليل على أهمية الأهل الأقارب عقارب: تحذير من الأهل شارك هذه المشاركه رابط المشاركه شار ك علي موقع اخر
مصطفى بهجت 2 قام بنشر March 4, 2009 صديقتنا بطوط ... موضوعك جميييييييييييييل .. أنا عاشق للكلمات التراثية و الأمثلة الشعبية دي جدا جدا .. لكن ليا تعليق صغير قوي على المثل اللي بيقول ... الكحكه في ايد اليتيم عجبه ف مرة قولته لوحد شيخ قالي يا بني المثل ده حرااااااااام تقوله .. وبصراحة ما سألتهوش ع السبب ليه حراااااااام .. أتمنى لو حد في أصدقائنا في المنتدى عنده المعلومة دي .. ياريت يقولهالنا .. ومنكم نستفيييييييد .. موضوع أكثر من رائع يا بطوط .. تقبلي مروري المتواضع .. شارك هذه المشاركه رابط المشاركه شار ك علي موقع اخر
battot 19 قام بنشر March 4, 2009 شكرا على المشاركة الغالية دى والرد الجميل ده ويارب يكون الموضوع عجبك وبالنسبة لسؤالك انا هابحث عنه وان شاء الله هلاقى الاجابة باسرع وقت شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر March 4, 2009 جميييييييييييييييييييييل ومهما قولت فلن اوفيك حقك حبيبتى جزاك الله كل خير وحقق لك كل ما تتمنى تقبلى منى فائق احترامى وتقديرى لتميزك عزيزتى شارك هذه المشاركه رابط المشاركه شار ك علي موقع اخر
battot 19 قام بنشر March 5, 2009 اختى الغالية حياتى من اجل ربى احب اشكرك على هذا الرد الرائع الجميل وعلى هذه المشاركة الجميلة ويارب اكون عند حسن ظنكم علطول ويفضل التواصل مستمر بينا علطول اشكرك مرة تانية رغم ان كلماتى تعجز عن شكرك شارك هذه المشاركه رابط المشاركه شار ك علي موقع اخر
