فلنحفظ معا كتاب الله عز وجل

[أحمد سيف 3]

بسم الله الرحمن الرحيم

الحمد لله رب العالمين، والصلاة والسلام على أشرف الأنبياء والمسلمين ، سيدنا محمد وعلى آله وصحبه أجمعين وبعد

انا عندي اقتراح اتمنى نعيش فيه مع بعض

كل واحد منا بيقضي كام ساعة في اليوم على النت

انا بقول لو ساعة واحده كل يوم

بحيث اننا كل اسبوع نحفظ ربع حزب

 

يعني نبدأ من السبت لحد الأربع

والخميس والجمعة نراجع

 

نجرب ونشوف

 

نبدأ النهارده من اول الفاتحة وحتى قوله تعالى "وبشر الذين آمنوا وعملو الصالحات"

والله معنا

والسلام عليكم ورحمة الله

[عاشق الصداقه 525]

والله العظيم حبيبى احمد انا كنت ناوى أكتب الموضوع ده بمجرد انتهاء الامتحانات ...

 

يعنى لو كنت استنيت يومين بالظبط كنت لقيتنى كاتبه ..

 

بس انت دايما سباق بالخير ..

 

بجد انا نفسى نحفظ مع بعض القران .. بس الموضوع محتاج تروى ... الاول يكون الكل موجود ..

 

ونحط خطه نحفظ بيها كلنا القران .. بحيث اللى ينضم كمان بعد كده يكمل معان ويبقى يجيب اللى فاته بعدها ..

 

ولو هنقعد سنه او اتنين حتى .. بس نحفظه ... وياريت الطريقه اللى نحطها تكون ميسره .. علشان تشجع الكل ..

 

مظنش فى حد فينا مش عاوز يحفظ القران ...

 

ياللا ... بس معلش اصبر لبعد الامتحانات الكل يتواجد يا احمد .. مش عاوز حد يتحرم من الفرصه الجميله دى ..

 

وزى ما قلت .. ياريت تحط خطه سهله لحفظه فى سنه او اتنين واللى عنده اقتراح يقوله ..

 

وكمان هتبقى المتابعه فى الموضوع ازاى ؟؟؟

 

بس المهم فى النهايه ... انى نويت .. اننا بإذن الله هنحفظ القران سوا ...

 

هااااااا..... مين معانا ؟؟؟

[ABOTASNEEM 117]

موضوع راااااااااااااااااااائع

وبدون كلام كل اعضاء المنتدى معاكم

وانا اولهم

بس فعلا ياريت ننتظر ابعد الامتحانات

[أحمد سيف 3]

انا مع مقترحاتكم

اذن فلنحدد يوما نبدأ فيه ( اقترح يوم الجمعة الموافق 22/6/2007

لتحضير الهمة والنيه الخالصة

 

ونحدد مده نحفظ فيها ( خمسة أيام في الاسبوع)

مع المراجعه اليومية على الحفظ من أول الفاتحة وحتى أخر ما وصلنا اليه

 

ونحدد مده للمراجعة ( يومان في الأسبوع)

المراجعة ستكون ضروريه جدا عندما يصبح كم الحفظ كبيرا

اي عندما تكون حفظت جزءا او اثنين لابد ان تراجع يوميا لأن القرآن يتفلت

 

ونحدد كم الحفظ ( ربع حزب كل أسبوع)

القرآن الكريم:-

ثلاثون جزءا

ستون حزب

كل حزب أربعة أرباع

اي 240 ربع

في البداية يكفي ربع حزب حتى لا تفتر الهمة ولا يصاب الفرد بالملل

بعد ذلك يمكن ان نزيد الكم او نستمر عليه حسب الهمة

وبذلك نحتاج 240 اسبوعا لحفظ القرآن الكريم

الأسبوع 7 أيام

اي 7×240= 1680 يوم

4 سنوات و سبعة أشهر وعشرة ايام

وإذا ضاعفنا الكم ستقل المدة

 

 

والله ولي التوفيق

[عاشق الصداقه 525]

على بركة الله ان شاء الله ..

 

وأقترح شيئاً آخر ...

 

قسم فرعى بالقسم الإسلامى لحفظ القران ..

 

بحيث لو دخل شخص فى الحفظ معنا ونحن متقدمون فى الحفظ ...

 

لا ينتابه الكسل ويرحل ..

 

بل يكون لكل جزء موضوع مثلاً ... والمراجعه لهذا الجزء تكون فى نفس الموضوع ..

 

وتخصص جوائز من المنتدى كالأوسمه مثلاً لحفظة القرآن ...

 

كل هذه إقتراحات ... وياريت اللى عنده أى إقتراح فى الموضوع يقوله ..

 

وعاوزك يا احمد لو موافق على نفس كلامى .. تعد الموضوع لإنشاء القسم ..

 

يعنى هتكون سياسة القسم ايه .. والموضوع هيمشى ازاى ؟؟

 

وعاوز رد مفصل لو حسبتها تمام ..

 

وياريت الكل يشارك برأيه ... مظنش ان فى حد فينا مش عاوز يحفظ القران ...

 

وانا أول ما نقر الموضوع سأرسل رساله لجميع الأعضاء .. من المنتدى ...

 

علشان نتيح الفرصه الجميله دى للكل ..

 

وكمان عندى اقتراح ان اللى يشد حيله ويحفظ القران أسرع فينا ...

 

يتم تكريمه فى موضوع خاص فى نفس القسم ...

 

وكمان فى رمضان نزيد من حفظنا ليه ..

 

وربنا يقدم اللى فيه الخير ...

 

يا ريت رأى الجميع

[NADA 34]

جميله جدا الفكرة دى والحمد لله ان الناس لسه بتخاف على بعضها

ونفسهم يشتركوا بعض ف كل حاجه وايما ان شاء الله نكون بنجتمع ف الخير

وان شاء الله انا نفسى بجد احفظ القرأن والحمد لله ان فى ناس كويسين هيكونوا معايا

وهيشجعونى انا مبسوطه اوى بالفكرة دى وان شاء الله ننفذها

ربنا معانا يارب وييسر علينا الحفظ والناس كلها تحفظ

وربنا ينور قلوبنا بحبه وحب نبيه وكتابه الكريم

[AMR DAWAM 7]

جميلة جدا الفكرة يا احمد

وزى ما قال عمر كل الاعضاء باذن الله هيشتركوا

 

 

وكمان فكرة كرينكل جميلة واقتراح رائع

 

 

باذن الله ربنا يوفقك لعمل الخير

 

وجعله الله فى ميزان حسناتك

****************************

[أحمد سيف 3]

على فكرة النهارده 11/7

[عاشق الصداقه 525]

جارى التجهيز للموضوع ..

 

فقد قررنا بعد مناقشه مع ابو تسنيم .. ان يتم فتح باب التحفيظ بالأحكام الصحيحه والتجويد

 

وتم الاتفاق مع شيخ كبير ليتولى عملية التحفيظ وليشرح التجويد لمن يريد .. وسيكون هذا عبر كونفرنس ..

 

ادعو لنا بالتوفيق فى التنسيق لهذا العمل العظيم ..

[:: نبـ القلم ــض :: 8]

بجد فكرة رائعه ... من منا ليس من امنياته ان يحفظ كتاب الله

 

جزاك الله خيرا اخى ** احمد سيف** جعله الله فى ميزان حساناتك

 

 

واحب اقول حاجه

 

 

أنا من رأى كفاية خمس أيات يوميا مع البحث عن تفسيرهم وتطبيقهم على قد ما نقدر فى حياتنا

 

 

ده غير اننا ان شاء الله هنصلى بيهم وهنحس بيهم بقلوبنا مش هتكون مجرد قرايه عاديه

 

 

هنصلى بيهم فى صلاوتنا العادية او فى قيام الليل

 

 

** ايه رايكم المنتدى كله كلنا يعنى ننوى اننا نخصص ركعتين قيام ليل نختم فيها اللى هنحفظه من القرأن

 

 

ودى تكون ختمه لوحدها يعملها كل اعضاء منتدى يلا يا شباب

 

 

يعنى نحفظ قرأن سوا ونفسره سوا ونحس بيه سوا

 

 

 

وهنصلى باللى هنحفظه فى صلاتنا ونختم ختمه باللى هنحفظه سوا

 

 

ده هيكون عمل لوحده نتقابل بيه كلنا قدام ربنا بيه يوم القيامه

 

 

ماسكين ايدينا فى ادين بعض ... ونعقد ننادى على كل اللى نفذوا الفكرة معانا

 

 

لحد ما نجمع سوا ...

 

 

ونقول لربنا ده عمل نوينا بيه وجهك الكريم ونيتنا كانت خالصه ليك

 

 

وان شاء الله ربنا هيقبله مننا ...

 

 

ونراجع برده كل خميس وجمعة

 

 

واللى عاوز اى حاجه سواء برامج القرأن او الحفظ او التجويد او التفسير موجوده كلها فى المكتبه الاسلامية

 

 

وفكرة الحفظ هتكون كالاتى

 

 

***كل واحد هيشترك بتسمييييييييييييع الخمس الايات اللى عليهم الدووور

 

 

هيسمعهم بالكتابه على الكى بورد وهيكتبهم فى الرد من غير ما بيص فى المصحف لوحده

 

وقبلها يكون سمعهم وعارف قرايتهم بالتجويد وبحث عن تفسيرهم

 

ولو يحب يكتب اى تفسير لفت نظره او اعجاز يكتبه فى موضوع *** كنوز الحكمه*** بتاع اختنا الحبيبة نجمة الكتب

 

 

ويصلى بيهم فى الصلاة ويستشعر معانيهم وبليل يصلى كعتين اللى كلنا نوينا نصليها سوا لحد ما نختم ختمه كلنا سوا

 

 

هى هتكون مسابقه فى الردود اللى هيسبق هو اللى هيسمع فى الردود كنوع من التشجييييييييييييع

 

 

عشان نحس اننا بنحفظ سوا

 

 

لو الفكرة عجبتكم كملوها ... لو محتاجه تعديل أرجو منكم ان تبدوا اقتراحتم

 

المهم نبدأ بسرعه فى الحفظ لاننا بدانا الاجازة الصيفيه فياريت نستغلها احسن الاستغلال

 

............

 

أكيد كلنا حافظين الفاتحه

 

هبتدى بسم الله بسورة بتسمييييييييع اول خمس ايات من سورة البقرة وطبعا كلنا هنحفظهم سوا

 

 

واللى بعدى يكتب الخمس ايات اللى بعدهم وهكذا

 

بسم الله الرحمن الرحيم

 

***الم ذلك الكتاب لا ريب فيه هدى للمتقين اللذين يؤمنون بالغيب ويقيمون الصلاة ومما رزقناهم ينفقون

 

واللذين يؤمنون بما انزل اليك وما انزل من قبلك وبالاخرة هم يوقنون اولئك على هدى من ربهم واولئك هم المفلحون ***

 

(صدق الله العظيم)

 

 

 

..................................

مازلت أبحث عن عناقيد العنب

فى عالم ما زال يعتصر اللهب

ما زلت ألبس كل جلدى المتحترق

أجتاز لافتة النهاية للبدايه فى غضب

وأعيد حلما قد سرق

أبى اختزالى فى نفايات الحطب

[mona 0]

فكرة حلوة قوى اسمحولى اشارك معاكم دى اول مشاركة ليا اتشرف ان تكون فى هذا الموضوع انا من زمان نفسى احفظ القراءن وكان نفسى حد يشجعنى واقبلونى عضوة جديده معاكم فى المنتدى

 

هسمع الخمس ايات اللى بعدهم بقى

 

بسم الله الرحمن الرحيم

 

ان اللذين كفروا سواء عليهم اانذرتهم ام لم تنذرهم لا يؤمنون ختم الله على قلوبهم وعلى سمعهم وعلى ابصارهم غشاوة ولهم عذاب عظيم

 

ومن الناس من يقول امنا بالله وباليوم الاخر وما هم بمؤمنين يخادعون الله واللذين امنوا وما يخدعون الا انفسهم وما يشعرون فى قلوبهم مرضا

 

فزادهم الله مراضا ولهم عذاب اليم بما كانوا يكذبون

 

صدق الله العظيم

 

 

يعنى انا كده لحد الان حفظت عشر ايات من سورة البقرة بتفسيرهم وتجويدهم وهستشعرهم بقلبى فى الصلاة وهصلى بيهم فى قيام الليل لحد ما اختمها صح ياعشقه القرأن انا كده فهمت صح ولا غلط؟؟؟

 

واسال سؤال لو سمحتم لو حد لخبط وهو بيسمع على الكى بورد او غلط يعمل ايه ونفسه يسمع يستنى لما يحفظ قوى تانى ولا يكتب ولو غلط حد من اللى هيسمع بعده يعدله عشان يصدق فى التسميع وميبصش فى المصحف شكرا

[عاشق الصداقه 525]

أهلا بأختنا منى فى المنتدى ..

 

والحمد لله ان فى ناس دخلت المنتدى على الموضوع ده مباشرة

واسال سؤال لو سمحتم لو حد لخبط وهو بيسمع على الكى بورد او غلط يعمل ايه ونفسه يسمع يستنى لما يحفظ قوى تانى ولا يكتب ولو غلط حد من اللى هيسمع بعده يعدله عشان يصدق فى التسميع وميبصش فى المصحف شكرا

 

انا شايف ان المفروض ميسمعش غير لما يتأكد انه حافظ كوبس ..

يعنى الاختيار التانى .. لأن العضو اللى بعده صعب كل واحد يعدل على اللى قبله ..

 

 

بالنسبه لأختى عاشقة القران .. جزاكى الله خيرا على حماسك .. واقتراحاتك ..

 

بس انا افضل ان الموضوع يتأجل لحد انشاء القسم ..

 

والاتفاق على كونفرنس .. ووالله الموضوع شغال .. ومتابعه مع مشايخ كمان ..

 

بس نصبر علشان نبدأه صح وتحت قوانبن علشان مينتهيش غلط

 

وكمان علشان نبعت بعد التنسيق للموضوع لكل المنتدى علشان نبدأ سوا ..

 

ورجاء مراجعة ردودى فى الموضوع .. وهتفهمى اكتر

 

تحياتى مشرفتنا الكبيره .. ولكل من يريد ان يفعل خيرا ..

 

ومتتخيليش فرحت قد ايه بالكلام الجميل اللى قلتيه ..

 

ربنا يوفقنا للعمل ده على مستوى كبير .. ونقابل بيه ربنا بعد كده ..

 

اسمى تحباتى

[:: نبـ القلم ــض :: 8]

شكرا ليك يا احمد على التوضيح ... ونحن فى انتظااااااااااااااار وضع الخطه وتنفيذها بأقصى سرعه

 

 

لان الايام بتفوت بسرعه والاجازة هتخلص ... أرجو الاسراع فى هذه الفكرة

 

 

جزاك الله خيرا يا عاشق الصداقه ...

 

 

وشكرا ليكى أختى منى ... على حماسك ومشاركتك معانا واهلا بيكى عضوة جديده معنا

 

 

..........................

مازلت أبحث عن عناقيد العنب

فى عالم ما زال يعتصر اللهب

ما زلت ألبس كل جلدى المتحترق

أجتاز لافتة النهاية للبدايه فى غضب

وأعيد حلما قد سرق

أبى اختزالى فى نفايات الحطب

[عاشق الصداقه 525]

جزاكى الله خيرا نبض القلم

وجزاكم الله خيرا اخوانى الكرام

 

رجاء كل من له تصور يضعه لمساعدتنا لوضع جدول لهذا القسم

 

فقد تم بحمد الله انشء قسم لتحفيظ القرآن

 

وتبقى الخطه المتبعه فى حفظه فى عامين او أكثر ..

 

مع الأخذ فى الاعتبار :

 

1-يجب الا تزيد كمية الحفظ فى كل مره عن نصف صفحه او 5 ايات لعدم تكاسل حفظة كتاب الله

2-يجب الأخذ فى الاعتبار انه يمكن انضمام اى احد لنا بعدما نتجاوز جزئين او عشره او اكثر .. وعليه البدء من جديد فيجب توفير الحافز له على ذلك

3-الاخذ فى الاعتبار ان الحفظ ليس كل يوم .. وهناك ايام للمراجعه

4-استغلال شهر رمضان للبدء بأقصى سرعه وانجاز كم كبير من الحفظ ودعوة كل الأصدقاء فهو شهر الروحانيات والكل سيكون مستعد للحفظ فيه

 

 

ساعدونى بأفكاركم جزاكم الله خيراً

 

شاركوا برأيكم ولكم الجزاء عند الله

 

نريد الآن خطه كامله وجدول للحفظ يسير عليها قسم تحفيظ القرآن الكريم

 

هيا سريعاً فاليوم الذى يمضى من رمضان لا يعود وسيفرق معنا كثيرأ

 

انتظر الاجابه

[أحمد سيف 3]

بسم الله الرحمن الرحيم

الحمد لله وكفى والصلاة والسلام على عباده الذين اصطفى

وبعد

اخوتي في الله

أعلم أنه تأخر كثيرا البدء في هذا العمل العظيم

ولكن أرجو من الله سبحانه وتعالى أن يكون هذا التأخير مقدمة لنجاح كبير

انا سأقسم الموضوع لنقاط لكي تكون واضحة للجميع.

1. نطلب من الله سبحانه وتعالى أن يجعل حفظنا لكتابه خالصا لوجه من غير رياء أو سمعة وأن يوفقنا لحفظه على الوجه الذي يرضيه عنا.

2. أن نعمل على رفع الهمة والمواصلة حتى ختم القرآن الكريم كاملا مهما طالت او قصرت المده ومهما توقف احد من الأخوة يجد من يبث فيه الهمة والتشجيع للعوده من جديد.

3. ان لا أريد أن أثبط العزم ولكن من الصعب علينا أن نحفظ خمسة آيات يوميا كما يقترح بعض الاخوة لأنك لا تضمن ظروف كل يوم(أولا) وبعد عدة أيام سيكون كم الحفظ كبيرا فبالتالي لن تجد وقت للمراجعة فستضيع ما حفظته وتتكاسل عن حفظ المزيد بمعنى أن سورة البقرة حوالي 286 أية فبالتالي بالقسمة على 5 سيتم حفظها في 57 يوم أي شهرين تقريبا أما لو اتبعنا طريقة الحفظ بالأرباع فسورة البقرة أيضا تقريبا 10 أرباع كل ربع في اسبوع اي عشرة أسابيع حوالي شهرين ونص ولكن كل منا يستطيع الحفظ في اي يوم يناسبه في الاسبوع ويعيد الحفظ طوال الأسبوع وفي أخر يومين يراجع ما حفظه من بداية المصحف وحتى الربع الذي وصل إليه.

4. الأخوة الذين سيتابعون الموضوع بعد أن نكون قطعنا شوطا فيه لا يرحلون بل يبدؤا معنا من حيث انتهينا أننا لن نتوقف عندما نختم حفظ القرآن انشاء الله بل سنعيد من البداية ونحفظ من يأتي بعدنا انشاء الله

5. بجانب الحفظ نقوم بعمل ختمة للقرآن الكريم مرة شهريا أو مرة كل شهرين حتى نأخذ الأجر والثواب

 

 

وأرجو من الأخوة الذين سيقومون بالرد أن يردو على النقاط بصورة مرتبة بحيث يكون كل رد على كل نقطة على حدة لعدم تداخل الكلام حتى نصل معا للشكل النهائي لنبدأ سريعا ي هذا العمل الكريم

 

هذا وبالله التوفيق

 

والسلام عليكم ورحمة الله وبركاته

[تقوى القلوب 12]

ربنا يعيننا كلنا على الحفظ

[عاشق الصداقه 525]

جزاك الله خيرً أخى احمد

 

واختى تقوى القلوب

 

اعلم انه انقضى رمضان منذ فتره ..

 

ولكن تعلمون ما حدث بالموقع .. من نقل لسيرفر جديد وتطوير ودومين جديد وكل هذا اخذ وقتاً كبيراً وتسبب فى اغلاق المنتدى وتوقف كل شىء لفتره كبيره

 

كذلك بعدها حدثت لى ظروف خاصه مثل غيابى لعلاج والدى .. وايضاً تغيب الشيخ محمد الذى سيشرف على الدوره والتحفيظ لمرض والده ايضاً

 

ولكنى اعدكم انى لن اضيع هذه الفرصه وهذا الاجر

 

سأبدأ الترتيب لذلك من الآن ..

 

اريد جدول للتحفيظ يا احمد سيف .. او من لديه مساعده فليدلنا .. وسأهتم كثيراً بالموضوع بعد اصلاح الاخطاء بالمنتدى والناتجه ن تغيبى وعن نقل الااستضافه وتطوير المنتدى

 

 

انتظروا .. وادعولى

[تقوى القلوب 12]

ربنا يكرمك ويوفقك يا احمد

واحنا منتظرين

[أحمد سيف 3]

بسم الله الرحمن الرحيم

 

اخي العزيز كرينكل

 

عام بأكمله مضى ولم نحفظ معا ايه من كتاب الله

 

 

 

شغلتنا الحياة بأفراحها وأحزانها

 

فهل إلى الله من سبيل

 

إخواني الأعزاء

 

المفروض ان احنا نبدأ بالحفظ كل على قدر همته

 

هنا نشجع بعضنا بعضا

 

بإذن الله تعالى

 

سنبدأ حفظ كتاب الله سويا

 

واعزرني أخي العزيز كرينكل هذه المرة لن ننتظر احد

 

سنبدأ ومن يأتي يلحق بنا

 

الفكرة ببساطه

 

يوم االسبت من كل أسبوع هو أول الاسبوع بالنسبة لنا

 

النظام كالتالي

 

السبت -- الاحد -- الاثنين -- الثلاثاء -------------------- الاربعاء -- الخميس ------------ الجمعه

 

حـفظ لـربـع حزب من الـقرآن الكريم -------------------- مراجعة ما تم حفظه ----------- التسميع

 

( 24/5 - 27/5 ) حفظ الربع الأول ----------------------- (28/5 - 29/5) مراجعه ----------- 30/5 تسميع

( 31/5 - 3/6 ) حفظ الربع الثاني ----------------------- ( 4/6-5/6) مراجعة الربع الأول والثاني 6/6 تسميع الربع الثاني

 

وهكذا.....

 

لا تدعو شيئا يعطلكم

 

سيدخل الشيطان بيننا وننتظر لأي سبب

فلنبدأ الآن وعلى بركة الله

 

وبإذن الله تعالى سيقف الله بجانبنا ولن يخذلنا

 

 

طيب حد يقولي كنت خليتها بعد الامتحانات

هرد اقول حجة ضعيفه

الانسان بيكون اقرب الى الله في الامتحانات

وثانيا حفظ ربع في 4 ايام يعني لو كل يوم 5 أيات في ربع ساعة مش هتاخد وقت

 

طب ما انت يا سيدي بتدخل على المنتدى وبتضيع وقت

لأ احفظ

وتعال وقول انا حفظت

 

هنبدأ ان شاء الله

 

من معي؟

[bads ahmed amer 0]

الفكرة جميلة جدا والموضوع جميل

 

 

وأنا إن شاء الله معاكم

 

 

بس إعذرونى بعد الإمتحانات

 

 

لأنى بمتحن يوم ويوم

 

 

يعنى بمتحن يوم ويوم فاصل واليوم التالى بمتحن

 

 

يعنى مفيش وقت خالص

 

 

وأنا لما بدخل المنتدى ببقى بسمع لنفسى جزء حفظته أو ماسكة الكتاب وبراجع جزء حفظته وقى الغالب بيقى جزء الراحة من المذاكرة وجزء

 

الراحة عندى تسميع الأجزاء اللى حفظاها من المادة

 

 

 

وده أقسم بالله بيحصل وربنا يحاسبنى لو بكذب ومش بدخل أكتر من ربع ساعة

 

 

 

ثم حفظ القرآن هيحتاج تركيز

 

 

فياريت ياريت يكون بعد الإمتحانات لأن بجد بجد هيفوتنا كلنا كتير

 

 

 

 

وجزاكم الله كل خير وجعله الله فى ميزان حسناتكم

 

 

 

بدس أحمد عامر

[أحمد سيف 3]

الحمد لله

 

انا حفظت الربع الأول جيدا

 

عشان تتأكد من حفظك

 

صلي بالربع اللي حفظته

 

بدأت في حفظ الربع الثاني

 

ان شاء الله تكونوا خلصتوا امتحانات ونبدأ سوا

 

وفقنا الله واياكم

[تقوى القلوب 12]

ربنا يعينكم

 

انا الحمد لله وصلت مراجعه للجزء التالت قبل الامتحان

 

وحفظت سور متفرقة

زى يس و الكهف

ويوسف

 

وكنت بحفظ فى سورة مريم بس الامتحانات

 

هكمل ان شاء الله لما اخلص

تم تعديل June 15, 2008 بواسطه تقوى القلوب

[bads ahmed amer 0]

أنا بحاول أراجع الأول على اللى حفظاه

 

 

 

 

لأنى نسيته وبحفظ فى سورة الكهف

 

 

 

 

علشان أقدر أقرائها كل جمعة من غير المصحف يعنى لو أنا برة البيت أو فى المواصلات أو أى مكان أقدر

 

 

أقرأها من غير ماأرجع للمصحف

 

 

 

 

 

وده لأنها نور لقارئها بين الجمعتين

 

 

 

 

 

 

 

 

 

 

 

 

بدس أحمد عامر

 

[حنان القلب 1]

على فكره الموضوع دا جميل جدا انا بداته مع نفسي من زمان ومشيت فيه حلو خالص

 

والقران هو الحاجه الوحيده الللي لو نسيتها اول ما تراجعها تفتكرها تاني بسرعه جدا

 

وعلى فكره هو تعود الموضوع وكل يوم هتلاقوا ان معدل الحفظ بيزيد معاكم والذاكره بتقوى اكتر

 

والله الموضوع دا متجرب وهتشوفوا وكمان فعلا اكدوا عالحفظ من خلال الصلى وكتابة الايات في كشكول

 

والتسميع بورقه وقلم وربنا معانا كلنا اللهم امين ويوفقنا لما فيه الخير والصواب

[محمدابوالعلا 0]

بسم الله ماشاء الله