رحلة توقيع

[صناع الحياه]

بلغني ان فيه ناس منكم مش فاهمه توقيعي

انا بعتزرلكم علي غموض توقيعي وخصصت الرحله دي عشان اشرحه ليكم

التوقيع بيقول " وعزاؤنا الوحيد ان ذرةالكربون رباعية التكافؤ "

اولا الجمله دي كانت لصديق عزيز ربنا يجازيه عني كل خير لانه كان في

يوم من الايام بصيص نور في ليله اسود من ثقب اسود

الجمله الرمزيه دي بحاول اقول ورا حروفها كلام كتير

عايز اقول ان علي الرغم من ان الزمن اتغير واتشوهت فيه معظم المعاني

الجميله في حياتنا

الفن اتحول من طرب لغني للحمير والعنب والخيار

اللغه والشعر والادب اتحول للروشنه والفاظ العصر السريع وخليك كول

يامان وجهز مطوتك وموسك تحت لسانك وحصلني علي الغرزه نضربلنا حجرين

ونعللي الطاسه

قيمنا ومبدئنا واصالتنا وتراثنا من العادات والتقاليد اتحولت من شهامة

ابن البلد والمرجله للمياصه والانسيال والسلسله واللبانه والجيل

والمياصه

حجات كتير اتشوهت

بالله عليكم مش كتر خير ذرة الكربون انها لسه صامده امام التيار الجارف

ده

لسه محتفظه بتكافؤها الرباعي

صامده قدام تيار التغيير ومحتفظه بنفسها

والحمد لله انها لسه قويه واصابع التغيير مقدرتش تحركلها ساكن

لان ساعتها الكون هيخرب

اسالوا طالب علوم ايه اللي هيحصل لو صحيت من النوم لقيت ان ذرة الكربون

اتغير تكافؤها سواء بالذياده او بالنقصان

الكون كله هيتقلب عاليه علي واطيه

 

احمدوا ربنا ان لسه حجا كتيره في حياتنا ملعبتش فيها اصابع التغيير

احمدوا ربنا ان فيه بريق امل ولو صغير موجود بيمشي وراه كل انسان محترم

محافظ علي انسانيته

متقلقوش لو القلم خلص حبره الكيبورد موجود وهيكتب ويكمل مسيرة القلم

شاءت اعاصير التغيير او ابت

وشكرا

تم تعديل June 16, 2008 بواسطه عاشق الصداقه
تم إعادة الموضوع بعد حذفه

[NADA]

الحمد لله ان تكافؤ ذرة الكربون لسه متغيرش

وان فى ناس زيك لسه موجوده ف الدنيا المتقلبه دى

ومتشكرة جدا عالتوضيح لان انا كنت قربت اتجنن من توقيعك

وكنت خلاص هسالك ف ردى بس الحمد لله انك جاوبت من غير ما اسال

[صناع الحياه]

انا بشكرك جدا علي متابعتك لرحلات خمسه لعقلك

واسف جدا علي تاخري في شرح توقيعي

ولو اي حاجه تاني غامضه فريق عمل ياللا ياشباب كله تحت امرك

[أحمد سيف]

امتى تكون ذرة الكربون ثنائية التكافؤ

يلا تحدي؟

[BLACKDREAM]

الله يا عرابي ايه المشاعر الجميله دي في التوقيع بتاعك

بجد انت انسان و انسان مرهف الاحاسيس معلش يا سي

عبد الله مصير الكون يتغير مافيش حاجه بتفضل على حالها

[تقوى القلوب]

رحله موفقه

[صناع الحياه]

اظاهر ان مش انا بس بحسن اختياري في التوقيعات

فيه ناس كمان بتحسن اختيار الصور المرفقه بصوره رائعه

[BLACKDREAM]

و اللهي الناس دول اللي بتكللم عنهم زوقهم جميل اوي والولد الضغنطوط دا جميل اوي و رائع

[تقوى القلوب]

شكرا

وادى فنجانين قهوة عشان ذوقكم والله لو فى محشى كنت جيبتلك يا عبد الله بس النهردة عندنا مكرونة

[BLACKDREAM]

يعني بس لعبد الله طيب و انا و الله جوعااااااااااااااااان

[تقوى القلوب]

والله اتفضل تنور الاكل جاهز اهو

[Shetos]

كلامك منطقى يا عرابى..

 

ولكن أحياناً لابد من التغير..

 

ولكن

 

هناك ثوابت ومبادئ لا يمكن تغيرها..

 

ف تحية خاصة لذرة الكربون..لصمودها..

 

وأتمنى أن تكون فى صمودها صناع الحياة..

[حياتى من اجل ربى]

جمييييييييييييل جمييييييييييييل جميييييييييييييييييييل

 

ومتشكرة جدا عالتوضيح لان انا كنت قربت اتجنن من توقيعك

 

بصراحه ده كان حالى برضو زى ندى بالظبط

 

فعلا انا دائما بقول ان ماشاء الله عليك رحلاتك جاااااامده

جزاك الله خيرا اخى صناع الحياه

ربنا يصلح بيك الكون كده يارب ويجعلك سبب فى نصر الاسلام والمسلمين يااااااااااارب

 

عزاؤنا الوحيد ان هناك اناس بمثل هذا العقل ومثل هذه الحكمه ومازالو محافظين على قيمهم

 

كل احترامى وتقدير لك اخى

تم تعديل February 7, 2010 بواسطه حياتى من اجل ربى

[صناع الحياه]

نورتي الرحله يا حياتي من اجل ربي

كعادتك شمعه تضيئ كل مواضيع المنتدي القديم منها والحديث