اذهب الي المحتوي
منتديات ياللا يا شباب

Recommended Posts

نستهدى كده بالله

ونبدء مناقشة كل عام الخاصة بزكاة الفطر  
بالراحة كده وبالهداوة وهنفهم بإذن الله المسألة 
عشان القلب يكون مطمئن
أولا نسمع كلام النبى صلى الله عليه وسلم

👈عن ابن عمر رضي الله عنهما قال فرض رسول الله صلى الله عليه وسلم زكاة الفطر صاعاً من تمر أو صاعاً من شعير على العبد والحر والذكر والأنثى والصغير والكبير من المسلمين وأمر بها أن تؤدي قبل خروج الناس الى الصلاه. البخاري 1503

👈 عن أبي سعيد الخدري رضي الله عنه قال كنا نخرج زكاه الفطر صاعاً من طعام أو صاعاً من شعير أو صاعاً من تمر أو صاعاً من اقط أو صاعاً من زبيب . البخاري 1506، مسلم 985

ولو رجعنا للأدلة فى الباب
 لوجدنا أنه لم يرد أنها تخرج مال أبدًا بل حبوب 

🍂طيب بس أبو حنيفة قال يجوز أنها تخرج مال
 لأنها أنفع للفقير 
هتردى على دى إزاى بقى ؟؟

🍂هرد وأقول إن چُل مسائل الفقه فيها خلاف بين أهل العلم فهناك عالم يقول بقول وعالم آخر يقول بقول آخر
إحنا بقى بنمشى ورا الدليل الأقوى مش الأشخاص
( طبعا مع احترام أهل العلم وتبجيلهم وتوقيرهم ) 

🍂ليه بقى ؟
لأن العالم مجتهد إن أصاب فله أجران وإن أخطأ فله أجر
يعنى فى كل الأحوال هو مأجور لأنه مجتهد
( يعنى المسألة مفيهاش هوى ولا تحكيم عقل )

🍂وفى مسألة زكاة الفطر أكثر أهل العلم 
قالوا بأنها تخرج حبوب لا مال 

🍂طيب معلش ليه منخودش بقول أبى حنيفة ؟؟

👈أولا : لأنه ليس الراجح 
لأن كل الأدلة اللى وردت وردت بأنها تخرج طعام لا مال 

👈ثانيا : أبو حنيفة ليس معه دليل على ذلك القول 
والعدول عن ذلك يحتاج لدليل ولادليل على ذلك القول 

👈ثالثا : معظم الناس اللى بيخرجوا مال 
مش عشان بيتبعوا قول أبى حنيفة 
لا خالص
دى عشان عقلهم بيقودهم إن دى الأفضل والناس محتاجة فلوس وهيعملوا ايه بالحبوب وهكذا 

🍂طيب بس معلش هو فعلا الناس محتاجة للمال أكتر من الحبوب وبعدين أنا اطلع مال وهو بقى يجيب اللى عاوزه وبعدين إحنا داخلين على عيد ومصاريف و و و .....

🍂هقول لحضرتك 
من الذى حكم بهذا ووضع لنا هذه الضوابط
أكيد ربنا سبحانه وتعالى
طيب ألم يكن فى علم الله إن فى عام ٢٠٢١ هيكون فى فقراء ومحتاجبن للمال بدل الحبوب !
بالطبع يعلم ومع ذلك الحُكم ثابت بالدليل
بس كده يبقى إحنا نقف على حدود الشرع
لأن الله حكيم حتى وإن خفيت علينا الحكمة 

🍂طيب هضربلك مثال تانى 
عشان القلب يعقل أنها حدود وضوابط 
مش بالدماغ خالص 

زكاة المال ينفع اشترى بيها حاجات للفقير ؟
لأ مينفعش
الشرع بردو حددلك أنها لازم تخرج للفقير مال 

🍂يبقى إحنا منحكمش العقل فى تغيير الأحكام 
أو فى الحكم على شرع الله
دماغك وعقلك للفهم فقط 
مسلم يعنى مستسلم ومنقاد لشرع الله
أفهم آه
أعترض لأ

🍂 وأخيرًا كتنبيه 🍂
--------------------------------
ممكن نخرج زكاة الفطر مال لشخص كوكيل عنك 
شرط أن يخرجها حبوب 
وأن يخرجها فى وقتها ولا حرج
كده احنا مخرجنهاش مال احنا هنخرجها حبوب بس بوكالة شخص أو جهة موثوق فيها 
ولابد من التحرى الدقيق


⚘كتبته: مروة مصطفى ⚘

FB_IMG_1619114507898.jpg

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..