اذهب الي المحتوي
منتديات ياللا يا شباب
Elmasry

"عايز ابقى روش طحن"

Recommended Posts

 

بص بقى احنا لازم نعيش حياتنا ... آه زى الشباب بتاع امريكا كده .. وزى الفيلم اللى شفناه امبارح .. شفت الواد كان معلق كام مزة ... والا العربية اللى راكبها .. والا الموبايل اللى ماسكه ... دى الناس اللى عايشة يامان

 

طب ح نعمل ايه ؟

 

اضرب شعرك جيل زى تامر حسنى .. وانا ح اعمل سبايك زى بتاع عمرو دياب .. وجزمة كعب كباية .. وحتة سلسلة

جنزير محترمة .. وانسيال جلد

 

واشمعنى يعنى جلد ما تخليه دهب زى السلسلة ؟

 

افهم يا حمار دى موضة .. خليك روش وحديث ومتفتح كده ع العالم الخارجى .. انسيال جلد زى اللى لابسه ريكى مارتن فى الاغنية .. ركز بقى معايا .. بقولك ايه .. ولع الدبوس التانى خلينا نعرف نتكتك

 

ماشى

 

بيس يا مان ؟

 

بيس يا مان .. بس مش الحاجات دى محتاجة فلوس برضه .. والا انا بيتهيأ لى

 

سهلة يا مان .. مافيش اسهل من سرقة الموبايلات اليومين دول .. واهى الناس ماشية تايهة.. واى حد سهل تغفله

 

آه فكرة

 

بعد بقى ما نظبط المسائل .. ننزل بقى نتدنجل .. ونعلق مزز .. او نروش فى اى صالة ديسكو .. ونعيش يا معلم

 

ميه ميه ياريس .. بس انا برضه اتكسف امشى فى الشارع وانا عامل فى نفسى الحاجات دى

 

يا بنى آدم افهم .. انت ح تفضل طول عمرك متاخر كده .. ده اسمه نيو لوك يا مغفل .. وبعدين ما تنساش تبقى تميع وسطك شوية فى البيت مع نفسك على انغام روبى و هيفا ... علشان تبقى شب روش طحن .. هما البنات بيحبوا كده .. اسمع كلامى وسيبك من الواد احمد ده اللى ح ببوظلك دماغك .. صلاة ايه وصيام ايه وتعذيب ايه .. وده حرام وده حلال .. وسوريا وفلسطين والعراق

 

الا صحيح اليهود بقالهم 54 سنة فى فلسطين ؟

 

يا عم احنا مالنا اياكش يولعوا ف بعض .. يابا خلينا نعيش حياتنا .. والا انتا عايز تخش المعتقل؟

 

اخش المعتقل ليه ؟

هو كده .. ح تمشى ف سكة الدين والسياسة .. وتقعد تقولى ده صح وده غلط ... ح تبقى أخرتك فى المعتقل .. ح تبقى روش طحن .. ودماغك انضف م الصينى بعد غسيله .. ح تبقى حبيب الكل يا سافو .. اشرب .. انسى .. ما تفكرش ..ما تحلمش .. ما تحسش .. قضى يومك خليه يعدى .. والعمر كله يعدى ranting.gif

 

 

 

عليه العوض فيكي يابلد

يا شباب متعة الحياة ليست فى سلسلة وروشنة زى ما بتقولوا . اعمل لنفسك شخصية فريدة ومتميزة والا فانت لا تستحق الحياة التى خلقت من اجلها

( وما خلقت الجن والانس الا ليعبدون )

 

 

ranting.gifبلا روشنة بلا نيلة اتقوا الله باة دا كلامranting.gif

 

 

تقبلوا منى ارق تحياتى

 

و اتمنى ان ينال الموضوع اعجبكم

تم تعديل بواسطه دفءُ الأٌنْــــــــسِ

شارك هذه المشاركه


رابط المشاركه
شار ك علي موقع اخر

هههههههههههههههههههههه

بلا روشنة بلا نيلة

تعرف انا نسيت اقولك حاجة

انا لو بقيت رئيس جمهورية

هضيف قرار جديد فى الدستور

يعنى اللى متروش طحن واهم حاجة يكون وسطة مايع هو اللى

يترمى فى المعتقلات لحد ما يسترجل ويعرف ان الله حق

 

 

 

تقبل تحياتى عزيزى المصرى

موضوع جمييييييييييل

***********************************

شارك هذه المشاركه


رابط المشاركه
شار ك علي موقع اخر

اخي العزيز و الغالي المصري :

 

انت بالموضوع دا ادرت توصل للمشكله اللي بتواجه المسلمين بجد

هي دي التقليد الاعمى

 

عن أبي سعيد الخدري رضي الله عنه أن النبي صلى الله عليه وسلم قال :

( لَتَتَّبِعُنَّ سَنَنَ مَنْ قَبْلَكُمْ شِبْراً بِشِبْرٍ وَذِرَاعاً بِذِرَاعٍ حَتَّى لَوْ سَلَكُوا جُحْرَ ضَبٍّ لَسَلَكْتُمُوهُ ، قُلْنَا : يَا رَسُولَ اللهِ اليَهُودَ والنَّصَارَى ؟ قَالَ : فَمَنْ ؟ )

رواه البخاري ( 1397 ) ومسلم ( 4822 ) .

طبعا الحديث دا حديث صحيح ميه ميه و مش ممكن ناول انه حديث مدسوس خالص . . .

 

والمقلِّد للكفار يشعر بعقدة النقص ، ويتحلى بالانهزامية والتردي ،

لذا يسارع إلى سد نقصه بتقليد من يعظمه ،

ولو وقف هؤلاء على عظمة تشريعات الإسلام ،

وعرفوا فساد تلك الحضارة التي يركضون خلفها لعلموا أنهم على خطأ ، وأنهم تركوا ما هو كمال وحق إلى ما هو نقص وفساد

 

 

وإذا قيل " تَشَبُّهٌ بالكفار " فلا يعني ذلك أن لا نستعمل شيئاً من صنائعهم :

فإن ذلك لا يقوله أحد ، وقد كان الناس في عهد النبي صلي الله عليه وسلم وبعده يلبسون ما يصنعه الكفار من اللباس ، ويستعملون ما يصنعونه من الأواني .

والتشبه بالكفار : هو التشبه بلباسهم ، وحلاهم ، وعاداتهم الخاصة ،

وليس معناه أن لا نركب ما يركبون ، أو لا نلبس ما يلبسون ،

لكن إذا كانوا يركبون على صفة معينة خاصة بهم فلا نركب على هذه الصفة ،

وإذا كانوا يفصلون الثياب على صفة معينة خاصة بهم فلا نفصل على هذا التفصيل ،

وإن كنا نركب مثل السيارة التي يركبونها ، ونفصل من نوع النسيج الذي يفصلون منه .

اخواني المسلميين الى متى و نحن بهذا الضياع ؟ ؟ ؟ الى متى

الى متى هذا التقليد الاعمى اللذي سوف يودي بنا الى الهاويه

الهاويه : الهاويه هي قعر جهنم

اللهم احفظنا يا رب اللهم سلم اللهم سلم

 

 

تقبل احترامي وتقدير اخي الغالي المصري

شارك هذه المشاركه


رابط المشاركه
شار ك علي موقع اخر

شكراً أخوتى على ردودكم واضافتكم الجميلة

شارك هذه المشاركه


رابط المشاركه
شار ك علي موقع اخر

العفو اخي الغالي و ياريت تمتعنا بالمزيدمنالمواضيع الجزاااااااااااااابه

شارك هذه المشاركه


رابط المشاركه
شار ك علي موقع اخر

هو موضوع حلو والله وفى هدف منه مع انى مبحبش الولاد السبايسى اللى شعرهم واقف من الخضة

بس كلامك صح هتمشى ورا السياسة هتحصل حبيبى الدكتور ايمن نور

شارك هذه المشاركه


رابط المشاركه
شار ك علي موقع اخر

للاسف احنا مناخد الحضاره م ناسؤا ابوابها

و ما منستفيد من جمالها

شارك هذه المشاركه


رابط المشاركه
شار ك علي موقع اخر

حسبنا الله ونعم الوكيل فى كل من يفسد الشباب المسلم

 

اياكوا يا شباب تفتكروا ان هذة هى السعادة

 

والله السعادة الحقيقية فى القرب من الله وطاعته سبحانه

 

 

اسال اله الهداية لجميع الشباب انه ولى ذلك والقادر عليه....اميين

شارك هذه المشاركه


رابط المشاركه
شار ك علي موقع اخر

:hhhh: :hhhh:

 

جميييييييييييييل الموضوع وللأسف حقيقي

اللهم اصلح شبابنا وفتياتنا واهدهم الى طريقك المستقيم

جزاكم الله خيرااااااااااا

شارك هذه المشاركه


رابط المشاركه
شار ك علي موقع اخر

اصبت الواقع و احسنت الطرح

بارك الله فيك

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..