اذهب الي المحتوي
منتديات ياللا يا شباب
صناع الحياه

رحلة محمود وهنادي

Recommended Posts

الزمان السادسه مساءا

المكان قريه تدعي جراجوس تابعه لمركز قوص

الحدث مقتل القبليه والتعصب

الابطال بنت جميله اسمها هنادي لا تتعدي العشرين وشاب فارع الطول مفتول

العضلات اسمه محمود

نزلنا نترقب من بعيد مايحدث

نستمع الي همس كلاهما تحت شجرة التوت والاف العصافير تظللهم

هنادي مش لازم تستسلم يا محمود روح لابوي واطلب ايدي منه تاني

محمود انا خايف ليطردني مره تانيه زائد ان ابوي زعلان من طرد ابوكي

لينا اخر مره

هنادي خلاص لازم نهرب مع بعض

محمود مينفعش انتي من الشواهين ولو بنت من الشواهين طلعت بره البيت

بتنضرب بالنارفما بالك لو هربت مع واحد من

من السليمات اكيد هيكون الدم للركب بين البيتين

هنادي كل ده عشان الحيازه متتفككش ملعون ابو الارض اللي تتسبب في

فراقنا

محمود اكيد في حل الصبر جميل يا هنادي

هنادي انا خلاص قربت اياس

دعونا نبحث عن حل لهنادي والاف امن امثالها

دعونا نقف بجانب محمود وننصحه فتري ما سوف نقول له؟

تم تعديل بواسطه عاشق الصداقه
تم إعادة الموضوع بعد حذفه

شارك هذه المشاركه


رابط المشاركه
شار ك علي موقع اخر

غَير هنادى واستخدم روابى

وريح دماغك

شارك هذه المشاركه


رابط المشاركه
شار ك علي موقع اخر

ان تغير قناعات شخص ما ، هذاأمر قد يكون يسيرا .

أما ان تحاول تغيير قناعات مجتمع فهذا امر بالغ الصعوبة يحتاج الى وقت طويل

ويستلزم وجود ايمان داخلي لدي افراد هذا المجتمع بضرورة وحتمية هذا التغيير بجانب وجود

عقول متفتحة تكون بمثابة ضمير لهذا المجتمع وتكون كشرارة تشعل نار التحول وينير ضوؤها

الطريق الصحيح.

و أقول لمحمود وهنادى أبطال هذه الرحلة التى ربما تتكرر قصتها كثيرا

في صعيد بلادنا ، اقول لهما: لا يأس مع الحياة ،

والتغيير يبدأ بشخص لديه الشجاعة ليقول لا

ولديه الصبر ليكمل الطريق بلا تراجع.

~~~~~~~~~~~~~~~~~~~~~~~~~~~~~~~~~~~~~~~~~~~

.Minds are like Parachutes, they work when they are Open

 

 

 

**ملحوظة هامة لاخى ابو تسنيم:

زيت الدرة افضل بكتير من روابي... احنا مش ناقصين كولستيرول :unsure:

شارك هذه المشاركه


رابط المشاركه
شار ك علي موقع اخر

نتكلم جد شوية

انا اقول لمحمود وهنادى كلمة قالها استاذى ومعلمى فضيلة الاستاذ عمرو خالد

مفيش حد بيحط فكرة فى دماغه ويعيش علشانها ويبذل الجهد علشان يحققها الا وربنا بيحققهاله قبل ما يموت

فمتقلقش ياحودة ... استمر وان شاء الله ربنا هيكرمك

وتذكر قول الله فى الحديث القدسى

انا عند حسن ظن عبدى بى .... فليظن عبدى ما شاء ( او كما قال )

فكن حسن الظن بالله وكن على يقين من انه سيوفقك الى ما فيه مرضاته

بس اوعى تنسى تعزمنا على الفرح

شارك هذه المشاركه


رابط المشاركه
شار ك علي موقع اخر

أضم صوتى لصوت أخى أبو تسنيم وأختى نجمة الكتب.. فحقاً لاأجد شيئاً لأكتبه بعد ما قيل

اصبر يا أخ محمود وربنا حيكرمك بإذن الله .. وشجعيه يا هنادى مش تيأسى بسرعه كده

لكن فى ملحوظه صغيره بخصوص اسم البلد بتاعت ابطال القصه :

انا شاكك فى محمود "وأظن حكاية مفتول العضلات دى تمويه " .. لكن ما اعرفش مين هنادى !!!

فياريت تبقى تقوللى يا ... محمود !!!؟

شارك هذه المشاركه


رابط المشاركه
شار ك علي موقع اخر

بسم الله الرحمن الرحيم

احب اقول لمحمود ميخافش البنت لما بتحب بجد مهما كانت الظروف لا يمكن تتخلى عن حبيبها بس على الله هو اللى مش يتخلى عنها لان الرجال انداااااااااااااال غالبا

post-54-1160657635_thumb.jpg

شارك هذه المشاركه


رابط المشاركه
شار ك علي موقع اخر

الف شكر ياأخت الملاك البرىء على الوصف اللذيذ

بس صدقينى مش كل الرجالة اندال " غالبا "

بس الموضوع ان الرجالة عقلانيين ، والستات بيكونوا دايما عاطفيين

الراجل بيفكر بعقله قبل قلبه ، والست غالبا ما بتفكر بقلبها الاول " الا من رحم ربى "

والعكس صحيح ،،،،

بس ده هو اللى منتشر

شارك هذه المشاركه


رابط المشاركه
شار ك علي موقع اخر
بسم الله الرحمن الرحيم

احب اقول لمحمود ميخافش البنت لما بتحب بجد مهما كانت الظروف لا يمكن تتخلى عن حبيبها بس على الله هو اللى مش يتخلى عنها لان الرجال انداااااااااااااال غالبا

 

 

واضح إن أختى الملاك البرىء واخده موقف من الرجاله .. لكن زى ما قال كده أبو تسنيم .. مش كل الرجاله ..

 

بالعكس اغلب قصص الخيانه بين المحبين بتكون من الستات .. بس يمكن انتى اللى شفتيه العكس ..

 

وكلنا لأسف بنتكلم على اللى شفناه وبس مش على اللى بيحصل بوجه عام .. كلٌ يبكى على هواه؟؟

 

دورى فى القصص الواقعيه اللى ماليه الدنيا وماليه البيوت .. حتلاقى ان الطرفين كده .. بس مش الكل ..

 

الى من رحم ربى - زى ما قال اخى ابو تسنيم .. ومسيرك ربنا حيكرمك بالندل اللى حيخليكى تغيرى فكرتك دى ..؟؟ .. تقبلى تحياتى وإحترامى .. !!

 

krinkel%20(104).gifkrinkel%20(85).gifkrinkel%20(104).gif

شارك هذه المشاركه


رابط المشاركه
شار ك علي موقع اخر

بسيطة

 

يبطلوا يوقفوا تحت شجرة التوت :D:D

 

او لو هنتلكم بجد فعلا

 

يبقى الأولى محمود ينظر لنفسه

 

يشوف امكانياته واسباب رفض اهل هنادى ليه ...يحاول يوفر كل شروط اللى اهله طلبينها

 

واثناء ده يخاف عليها ويحافظ على سمعتها...مش لازم يعنى شجرة التوت :unsure:

 

هيبذلوا جميع المحاولات لاقناعهم ...يستعيبنوا باقرب الناس للأب عشان يقنعه

 

ولازم هنادى تفهم والدها انها عمرها ما هتعصاه ولا تخرج عن طوعه لأى سبب من الاسباب وانها بتحب محمود لكنها بتحبه وبتحب ربنا اكتر

 

وتستخدم برها وسيلة لاقناعه

 

سنبذل كل مجهود ونتوكل عليه سبحانه وتعالى ...الأرحم بنا من امهاتنا...والاعلم بالخير منا

 

ونيقين ان كل ما حدث ويحدث وسيحدث لنا هو الخير فى كل الاحوال

 

حتى وان لم نراه خيرا حينها

 

ولكنه الله

 

الحكيم اللطيف بعباده

 

يبقى هناخد بالاسباب ونتوكل على الله والاهم...لنرضى بما قسمه الله لنا

شارك هذه المشاركه


رابط المشاركه
شار ك علي موقع اخر

تنوييه هام جدا

اخواني واخواتي زوار منتدانا الكرام

احب ان اوضح لكم

ان في هذه القصة التي هي من نسيج خيالي

اردت ان الفت انتباهكم لبعض المشاكل التي يعاني منها شباب هذا البلد

فمحمود وهنادي ليسوا الا مثالا لشابين يريدان ان يرتبطا ولكن

القبليه والحفاظ علي الارث تمنعهم في الصعيد الطاهر

الماده والمسكن تمنعهم في القاهره الصاخبه

البطاله تمنعهم في الدلتا

صعوبه الحياه والتقاليد والارث الثقافي البالي تمنعهم في الصحاري وسيناء

وهكذا

فهم وجه واحد لالاف الوجوه

فتري ماذا سنفعل في هذه المشكله الكبيره

شباب متعب ومنهك ولا يجد فرصة لاثبات ذاته وفتيات كثيرات " علي قفي مين يشيل" :unsure: لايجد من يطرق الباب ولا يدخل من الشباك

قبل ان اختم ردي

في قريه صغيره تدعي الشراونه في صعيد مصر الطاهر

لها تجربه جميله في التصدي لهذا الموضوع

لقد اجتمع مشايخ البلد وقرروا ان مهر البنت لا يتعدي خمسمائه جنيه

حتي لو كانت بنت عمده او شيخ غفر

فلماذا لانعمم هذه التجربه الناجحه علي جميع بلادنا

مع تحياتي ولا عزاء للفقراء

شارك هذه المشاركه


رابط المشاركه
شار ك علي موقع اخر

موضوع جميل جدا حقا

فياريت لو نناقش حل مثل هذه المشاكل

واكيد هنوصل لحلول مش حل واحد

 

ــــــــــــــــــــــــــــــــــــــــــــــــــــــــ

 

خالص شكرى وتقديرى لاهالى الشراونة بصعيد مصر

شارك هذه المشاركه


رابط المشاركه
شار ك علي موقع اخر

بصراحه .. يسلم صعيد مصر .. ويسلم أهالى الشراونة ..

 

ويسلم شباب منتدانا الغالى للإهتمام بمثل هذه القضايا والمشاركه بالآراء .. التى ستصل لحلول بإذن الله ...

 

وأتمنى أن تصبح مصر كلها شراونة لو كان ده الحل !!

شارك هذه المشاركه


رابط المشاركه
شار ك علي موقع اخر

السلام عليكم انا محمود شراونهمن عائلة الشراونه بالاراضي المحتلة من القدس الشريف

اسالهل هناك فعلا قريه للشراونه او اسم فقط ولماذا اذن سميت بذلك

شارك هذه المشاركه


رابط المشاركه
شار ك علي موقع اخر

فعلا هناك قريه للشراونه بمصر

في محافظة أسوان مركز ادفو في صعيد مصر

اما سبب التسمية فلا أعلم

ومرحبا بك

شارك هذه المشاركه


رابط المشاركه
شار ك علي موقع اخر
فعلا هناك قريه للشراونه بمصر

في محافظة أسوان مركز ادفو في صعيد مصر

سبقنى اخى احمد سيف ..

واهلا بك عزيزى فى المنتدى .. اشرقت الانوار .. وننتظر مشاركاتك :smile:

شارك هذه المشاركه


رابط المشاركه
شار ك علي موقع اخر

رحلة مهمة جداً يا عرابى..

 

المشكلة فى عادات وتقاليد لابد من تغيرها..

 

ولابد كما قالت أختى الكريمة نجمة الكتب..أن تبدأ بشخص يقول لا..

 

الله وكيل هذا الشخص..

 

شكراً عرابى..

شارك هذه المشاركه


رابط المشاركه
شار ك علي موقع اخر

شكرا لمروركم اخواني واحب الفت انتباهكم كمان لقريه اسمها " فارس" بمركز كومومبو باسوان

القريه دي بتتميز بمراسم زواج في منتهي التيسير علي العروسين

العريس بيجوز في اوضه عند اهل العروسه والمهر بيكون حاجه شكليه يعني اي مبلغ صغير

ويستمر علي الوضع ده لحد ميكرمه ربنا ويقدر ياخدلها بيت وينفصل عن اهلها

 

شوفتوا ازاي التيسير في الزواج

 

ربنا يعف كل شباب المسلمين يارب

شارك هذه المشاركه


رابط المشاركه
شار ك علي موقع اخر

بســم الله الـرحمــن الرحيــم ممكن أسأل سوال مهم جدا

<ياتري سكن الحب في السماء أم في اللأرض>

<هل الحب من السماء أم من النفس>؟؟

أرجوا الأجابه

شارك هذه المشاركه


رابط المشاركه
شار ك علي موقع اخر

الحب شئ سماوي لان لو جردنا الانسان من الحب اصبح ماده طينيه ارضيه تمشي علي قدمين

اما عن سكن الحب فهو القلب والقلب كما قيل " لطيفة خفيه لا يعلمها الا خالقها"

" لم تسعني ارضي ولا سمائي ولكن وسعني قلب عبدي المؤمن"

شارك هذه المشاركه


رابط المشاركه
شار ك علي موقع اخر

تم حذف الرد من قبل الادارة

 

لانه مخالف

تم تعديل بواسطه ABOTASNEEM
رد مخالف ولا يمت بصلة للموضوع

شارك هذه المشاركه


رابط المشاركه
شار ك علي موقع اخر

 

الصراحة بالرغم من ان الموضوع قديم شوية او من بدرى شوية الا انى اول مرة اشوفة دلوقتى

 

وكمان عجبتنى جدا جدا الردود اللى فى الموضوع هنا وان كنت الوم على شوية منها

 

 

اول شئ سمى القلب من التقلب اى لانة غير مستقر ويتقلب على كيفه وهواة لذا فقد كان الحبيب المصطفى صلى الله علية وسلم يدعو يا مقلب القلوب ثبت قلوبنا على طاعتك

 

ومستقر الحب فى القلب واذا صلح هذا الحب الذى فى القلب باركته جميع الجوانح لانه مضغة اذا صلحت صلح الجسد كلة واذا فسدت فسد الجسد كله

 

 

موضوع محمود وهنادى هيستمر ابد الدهر وان كان الخلاف الان على شئ فمستقبلا هيكون على شئ اخر

 

بشس المشكلة اللى صح بنواجهها دلوقتى فى الارتباط هى المهور والشبكات

 

يعنى البنات بقت تقاس بالمؤهل والجمال

 

يعنى لو تربية مش هتكون زى علوم

 

وكمان لو معاها قريبتها ولا بنت خالتها دبلوم مثلا شبكتها ب سبعة الاف جنية وانتة عاوز تجيب شبكة بخمسة

 

يقولك انتة عاوز الناس تاكل وشنا دة بنت خالتها الدبلوم جايبينلها شبكة بسبعة وانتة واخدة دكتورة او مهندسة مثلا

 

وبعدين تيجى بقى على النقطة المهمة قوى

 

الناس .........عاوز الناس تأكل وشنا ؟!!!!

معلش هما مالهم الناس

 

وبعدين اصلا مين الناس دول

 

ماهو الناس دول انا وانتة وهى وهو وكدة

 

يبقى لية دايما نحب المظاهر

 

وبعدين اية اللى هيعرف الناس انى جبت مثلا شبكة بالرقم دة

 

ما نقول جبت بعشرة ولا بخمستاشر هوة فى حد هيعرف

 

والله يا اخى بقينا نبص لحاجات غريبة

 

زمان مكانش فى حكاية اسمها الناس تاكل وشنا ولا مؤهلها اية ولا بتاكل اية حتى

 

 

هى دى بقت بجد اول اصطدام بالواقع

 

يعنى مين من الشباب مش عاوز يخطب وبيكون مؤهلة حلو ومرتبة يكفية انه يعيش

 

واول ما يتخذ القرار ويصطدم بالواقع المرير الصراحة بحصلة عجز

 

 

وبعدين برضة بنلاحظ ان البنات بقت ميولهم مادية

 

يعنى انا حضرت كام قصة عاطفية ملتهبة

 

 

كلهم خلصو ان النبت اتجوزت قريبها اللى شغال برة مثلا او ابن خالتها اللى معاه عربية كذا وشقة فى منطقة كذا

 

 

يبقى احنا بنلف وندور على نفس الحلقة

 

انا اسفان كنت طولت

 

بس الموضوع دة بجد خلانى اتفتح ما اتسد لانة مدايئنى شوية

 

نعيب زماننا والعيب فينا وما لزماننا عيب سوانا

 

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..