بتعمل ايه لما تكون مدايق؟؟؟؟؟

[تقوى القلوب 12]

اكيد كل واحد لما بيكون مدايق بيعمل حاجة مختلفة عن التانى بتريحه

ناس بتهرب من الناس وتحبس نفسها

ناس بتفضل انها تعيش وسط الناس عشان تغير المود بتاعها

حاجات كتييييييييييييييييييييييييييييييييييييييير اوى بتتعمل عشان اى حد يخرب من مود المدايقة دى

 

انا عن نفسى بعمل حاجتين

 

اما انى انام وطبعا بقوم الحمد لله ناسية كل حاجة حصلت قبل ما انام مبفتكرش حتى ايه اللى كان مدايقنى والخوف انى لما اتجوز انسى اللى اتجوزته لما اصحى

 

الحاجاة التانية لما تكون المشكلة كبيرة ومطيرة النوم من عينى

الوقت ده بس بدخل اوضتى اقفلها وممنوع دخول اى كائن غير اتنين بس ورقة وقلم رصاص برسم لنفسى حياة غير اللى عايشاها على مزاجى انا انا اللى بختار الاشخاص اللى عايزة انهم يكون معايا فيها دنيا جديدة اوى انا اللى بعملها بنفسى بعيش فيها من غير مشاكل

 

 

يا ترى بقى انتو بتعملو ايه؟؟؟؟؟؟؟؟؟؟؟؟؟؟؟؟؟

[BLACKDREAM 5]

بصراحه ممكن تئولو عني دماغي فيها حاجه

 

 

1- بحب اخش اوضتي و افتح صوت اغاني صاحبه جدا

انا مش بسمع الروك اندرول لا انا بسمع التيكنو ميوزيك

يعني بس موسيقا بي ايه صاخبه جدا و دا بيهديني

 

 

2- اني اهرب من الواقع و غالبا دا بيكون هو الحل

اخش نت و اعد طول اليوم ادور و اكتب او اعمل اي حاجه

 

 

 

3- اكسر اي حاجه عشان انا بكده حرتاح جدا

[تقوى القلوب 12]

يا ساتر يا رب الله يجازى اللى يزعلك ولا على ايه هو الجانى على نفسه

[BLACKDREAM 5]

ههههههههههههههههههه

طيب يا اختي ماشي

حنعديها المره دي

[سبرتو 2]

انابقى هقولكم على حل حلو قوى قوى قوى انا بقى مسمينى سبرتو يعنى معروف انى بطير بعمل اية اصلى امى اول ما ولدتنى حطتنى فى زجاجة وقفلت عليا عشان ما اطيرش اققوم انا بقى افتح القزازة واهرب بعيييييييييييييد لغاية لما ارتاح وارجع تانى اجمع نفسى وبكدة اكونن ارتحت من اللى كنت فية

 

 

 

 

هاهاهاهاهاهاهااها لا بهزر معاكم دة بس للتفريح فقط انا لما بكون مخنوق خااااالص خااااالص مش بعمل غير حاجة واحدة بس بقفل الموبايل وبروح اخدم فى المسجد لغاية لما احس بانفراج الازمة

[einour 3]

انا بقى تقريبا قريبه ليكي اختي تقوى القلوب

باخد ورقه وقلم وبكتب المشكله والحادثه اللي زعجتني بالاول وبعدين ابدا اكتب وابوح بمشاعري وبالجةايا طبعا كل هاد بيصير وانا عم ابكي

يعني ببكي وبكتب وبعديها برتااااااااااااااااااااااااااااااح

[AMR DAWAM 7]

موضوعك جميل اختى تقوى القلوب

 

بالنسبالى انا

لما بكون متضايق ودا كتيييييييير بيحصل يعنى عادى بتضايق من اقل حاجة

 

بعمل حاجة واحدة

بقعد مع نفسى والملم قواى مرة اخرى حتى استطيع التفكير بعقلانية

بس لازم احل المشكلة عمرى ما احب انى اهرب منها او ابعد عنها

 

 

وحالة تانية ممكن اعملها

انى ادور على حد قريب منى جدا جدا واحكيله همى بس بحس ساعتها انى مستريح كتيييييييير

والحمد لله حبايبى كتير اللى بيحاولوا يخففوا عنى بس مش بحب احكى كل حاجة لان مش كل حد هيقدر يساعدنى ولو بفكرة

فبعتقد ان كلامى مش مفيد

 

 

مشكورة كتير اختنا العزيزة

***********************

[تقوى القلوب 12]

والله حلول حلوة لاى حد مضايق

 

انا نفسى اختى كانت بتنزل تحت السرير وتقعد لحد ما تهدا

[BLACKDREAM 5]

في حديث بيقول اني الواحد لما يعصب لازم يستحمى

عشان العصب هو نوع من الجنون و النار

 

و الماء هو اللي بيطفي النار

[تقوى القلوب 12]

ربنا يفتح عليك والله

[BLACKDREAM 5]

اهلا بيكي اختي الغاليه

[تقوى القلوب 12]

فى حد بيعمل حاجة مختلفة تانى لما بيبقى مدايق؟

[BLACKDREAM 5]

انا بعرف واحد صاحبي جدا عارفه بيعمل ايه ؟

بينزل و بيركض بسرعه من غير ما يتكلم اي كلمه

و هو بيركض بيبكي اه بيبكي بيالي الدموع بتريح اوي

 

 

سبحان الله كل شخص وليه طريقته

[تقوى القلوب 12]

سبحان الله

[مريم بنت عمران 0]

برفع ايدى لفوق

 

لفوق اوى...

 

واشكى واتكلم

 

 

ساعات مبتكلمش

 

ماهو عارف اللى قلبى

 

 

عرفتوا هو مين؟؟

 

 

 

 

 

 

 

 

 

 

الا بذكر الله تطمئن القلوب

[تقوى القلوب 12]

لا اله الا الله

 

والله انت انسانة جميلة يا مريم ربنا يباركلك

[BLACKDREAM 5]

الله يا مريم

بجد الله عليكي انتي ايه يا بنتي

بصي الله هواحسن من الكل و عارف و شايف

و هو اكيد احسن من اي حاجه بنعملها مش عارف ائول ايه

[طائر السكون 2]

انا عن نفسى فى أسكندريه يعنى البحر عندى على طول

لو متضايق آخد شاور و أنزل بعد ما أغير هدومى على البحر

بس لو قعدت على النيل بتضايق أكتر

زى ما الناس بتقول

 

 

البحر تكلمه يرد عليك و النيل تكلمه يكتم سرك عن اللى حواليك

[BLACKDREAM 5]

الله يا طائر ايه الاحساس المرهف دا

بجد يسلم تمك البحر بيكلمك دايما

[Elmasry 5]

أنا بقى اللى يضايقنى بكبر دماغى عنه وأنا ليه افكر فى حاجة تضايقنى أو فى حد متضايقنى ماهو اساساً مايستحقش انى افكر فيه

تانى حاجة وأمشى بعيد عنه و بشغل نفسى بحاجة تانية أروح يعنى ممكن أروح ألعب كورة ولو أفتكرت اللى متضايقنى اشوط الكورة جامد بس طبعاً فى الجون ولا أروح اتفرج على فيلم كارتون ولو كنا ساعة صلاة مغرب او عشة بروح أحضر درس فى المسجد ودى أكتر حاجة بتريحنى

ودايماً بحاول انى أخزن غضبى لوقت أكون محتاجه فيه

وساعات أحول الغضب ده لقصة أو لبيت شعر

ودايماً بحاول انى ماقولشى لحد حاجة عن اللى متضايقنى علشان مايجييش هو يوم ويتضايقنى او يزعلنى منه وعلشان الأمام الشافعى قال

إذا المرء أفشى سره بلسانه ولام عليه غيره فهو احمق

إذا ضاق صدر المرء عن سر نفسه فصدر الذى يستودع السر أضيق

وساعات باخد نفس طويل فى نفسى وأروح اتوضى واصلى ركعتين ودى احسن حاجة أى واحد فينا ممكن يعملها

ودايماً لازم ناخد بأحاديث الرسول (ص) :ليس القوى بالصرعة (أى بالغلبة وبالعضلات)أنما القوى من أستطاع الغضب ولم يغضب

أو نفتكر الموقف اللى حصل مع معاوية أبن ابى سفيان

أنه وهو بيخطب قام واحد من وسط المصلين وقال له اعطنا من بيت المال اهو بيت مال ابيك

وقد كان معاوية سريع الغضب فانتفخ وجهه واحمر حتى قال الحضور ان هذا الرجل قضى عليه

فنزل معاوية من المنبر وذهب فتوضئ وصلى ركعتين

ثم طلع على المنبر وامر باعطاء الجل المال الذى يلزمه

وسالوه لما فعلت هذا....؟؟

فقال : تذكرت رسول الله عندما قال الغضب من نار فأذا غضبت فأذهب وتوضئ فأن الماء يذهب النار

[تقوى القلوب 12]

وساعات أحول الغضب ده لقصة أو لبيت شعر

 

يا سلام على الجمال والله يا ريت الناس تعمل زيك كدا يا مصرى

[BLACKDREAM 5]

اه بجد بس احيانا الغضب بيكون مش كويس و بيخلي بيت الشعر ملخبط

اما الحزن فبيخلي الانسان طاير في عالم الاوهام و حيكتب اجمل بيت شعر

[تقوى القلوب 12]

بس الحزن مش كل حاجة فى الدنيا

الحزن مجرد احساس هتلاقى الحزن بيقابله فرح بيساوى نفس مساحته ونفس اهميته

والاتنين بيعبر عنهم الشعراء بطريقة كويسة اوى

[المتحدية 1]

أنا بقة لما باتضايق باكل لب او لبان ... ولو مافيش بافضل ساكتة كتير و ما احبش اتكلم كتير لاني باحس ان الديق ده بعدين بيتبخر كدة طالما انا ساكتة .......... ولو كنت مدايقة اكتر من كدة باتصل بحد باحبه واكلمه شوية ....... و احيانا باقعد ارسم في الرسوم المطلوبة مني في الكلية

[BLACKDREAM 5]

اه كويس تاعدي تازازي في اللب مش كده طيب و انا كمان بحب اازاز