سبب التعاسه وسر السعاده

[حياتى من اجل ربى 22]

احبائى

 

 

 

احببت اليوم ان اناقش معكم موضوع اعتقد انه مهم جدااا فى عالمنا

على المستوى العام وعلى المستوى الشخصى

اوحى لى هذا الموضوع شخص عزيز جدااا على

كان يتحدث معى وقال

((اصلا الشعب المصرى ده مش وراه حاجه غير الاعتراض

لازم يعترض على كل حاجه سواء ليه فيها او مالوش))

اسوقفتنى هذه الكلمه كثيييييرا

فكرت فيها وقولت صحيح ده مافيش اى حد راضى بحالو خااالص سواء كان مصرى او غيره ((بس احنا مزودينها حبيتين ))

مهما كان الانسان عندو كل حاجه برضو لازم يعترض

لان الانسان اصلا بطبيعته يحب الزياده فى كل شئ

ولكن هل هذه الطبيعه لايمكن ان تقاوم

اعتقد ان الاجابه

لا بل يمكن ان تقاوم والا لما خلق الله الرضا

الرضا الذى نفتقده كثيييرا فى انفسنا وهو سر سعاده السعداء وفقدانه سر التعاسه

نعم هذا ما توصلت اليه فى النهايه لانهاء اعتراضنا على كل شئ

نحن نعترض على القليل والكثييير وهذا كله بسبب عدم الرضا

وصدق من قال

 

النفس تجزع أن تكون فقيرة -- والفقر خير من غنـاً يطغيها

وغنى النفوس هو الكفاف فإن أبت -- فجميع ما فى الأرض لا يكفيها

هى القناعـة فالزمها تكن -- ملكا لو لم تكن لك إلا راحة البدن

وانظر لمن ملك الدنيا بأجمعها -- هل راح منها بغير الطيب والكفن

 

 

ممكن مثلا تلاقى شخص عندو كل حاجه والدنيا ماشيه معاه تمام ويقولك انا

مش عايز اعيش

طيب ليه

قرفان من الدنيا مافيهاش حاجه حلوه يا اخى

سبحان الله

 

وعلى صعيد اخر

ممكن تلاقى واحد مش لاقى ياكل اصلا

والله وغلبان اووى

ويوقلك الحمد لله فى نعمه احسن من غيرنا كتييير

 

 

ما الفرق

 

 

الفرق هو ان ده راضى والتانى عمرو ما هيرضى اصلا

 

يااااااااااااااااااااااااااااارب ارزقنا الرضا

اتمنى ان يضيف كل من عنده الجديد الى موضوعى لانى من كثره ما اريد ان اقوله عن هذا الموضوع ضاع منى معظمه

 

 

احبكم

[بنت مصرية 66]

الله عليكي ياحياتي

بجد موضوع من مواضيعك الجامدة كالعادة

فعلا انا معاكي في كل الي بتقوليه

سر الساعدة هو اخراج الدنيا من قلوبنا

ان نتصالح مع انفسنا

ونرضي

نعم الرضا بكل شيء

الرضا اللذي سيكون طريق لإعداد بيتنا في الآخرة

 

وكما قال تعالي ((( لئن شكرتم لازيدنكم )))

بجد الرضا ده ليه احساس جميل ومتلف عن اي شعور تاني

 

لانى من كثره ما اريد ان اقوله عن هذا الموضوع ضاع منى معظمه

 

الجملة دي عجبتني جدا

وتصدقي انا كمان حصلي كدا

 

احلي حاجة بجد اني انا كمان كنت لسه بفكر في الكلام ده ليا فترة

فكرة ان الناس فعلا بتعترض علي كل حاجة حلوة وحشة فعلا العيب فينا احنا...

 

تقبلي مروري وحبي

عاشقة مواضيع حياتي من اجل ربي

تم تعديل April 25, 2009 بواسطه Dr Abcarino

[الرّام 173]

هو صحيح يا "غالية" ان القناعة اما تكون سبب التعاسة بفقدانها او سبب السعادة بوجودها

 

 

و الرضى امر لازم

 

لكن الكثير منا لا يتمتع بهذه الصفة

 

رغم اني اعتقد ان "الاعتراض" ايضا ليس سلبي بقدر ما هو ايجابي

 

يعني الانسان صحيح لازم يرضى بما قدره الله له و لازم يقنع و يحمد و يشكر

 

و لازم يحاول دائما و يسعى انه يكون راضي و قانع

 

لكن ايضا احيانا يجب عليه السعي اكثر لتحسين امره

 

يعني لازم يعترض

 

و لازم يسعى للافضل

 

موش لازم يبقى كما يقال "محلك سر"

 

لكن انا عندما اقول بان الاعتراض امر لازم

 

فاولا انا لا اقصد الاعتراض على مشيئة الله و عدم القبول بما كتبه الله و قدره

 

لا معاذ الله ان اقول هذا

 

و لكن اقصد الرضى +القناعة+مواصلة الطموح

 

"الله لا يغير ما بقوم حتى يغيروا ما بانفسهم"

 

"اسعى يا عبدي"

 

و نحن لدينا مقولة شعبية منتشرة

 

تقول .. * توكل على الله و المكتوب لك تلقاه *

 

يعني (من غير ما نطول عليكم) انا رائي ان لازم الواحد ياخذ من كل شيء نصيب

 

فلا يطمح و يسعى و يعترض الى ان يبتعد كل البعد عن القناعة و الرضى بما قسمه الله عز و جل فيكون كافر ناقم متعصب

 

و لا يقنع الى ان ينسى ماهو الطموح و ماهو التغيير للافضل فيكون كسول خامل متراخي

 

 

****

 

شكرا يا غالية على الموضوع المتميز

 

و شكرا "بنت مصرية" على ردك الي اضاف للموضوع

[NADA 34]

الرضا

طبيعي مش هقول حاجة بعد دي

 

الحمد لله على كل شئ

 

راااائعة حياتي دائماً

[رجل من الصحراء 36]

معك حق اختي الصغيرة

الاغلبية يرفع شعار خلقت لاعترض طيب على ايه مش عارف بس بعترض وخلاص

ربنا يصلح حالنا جميعا ويرضى عنا ويرزقنا الرضا ان شاء الله

تحيتي وتقديري لك اختي الصغيرة على تميزك الدائم

رائعة بجد ربنا يحميكي ويحافظ عليكي ويبارك فيكي ويجزيكي كل خير

[حياتى من اجل ربى 22]

بنت مصريه ---راما ---ندى---رجل من الصحراء

 

 

جزاكم الله خيرا زاد موضوعى شرفا ردكم عليه

اسال الله ان يرزقكم السعاده وان يهديكم الى كل خير

وان يحقق لكم كل ما تتتمنوا

[najwa 0]

السلام عليكم ورحمة الله وبركاته،،

 

اسعدني جداا ان اكون هنا بين سطورك اختي

 

اسعد الله عالمكي ودنيتكي التي هيا معاشكي واخرتكي التي هيا معادكي ومعادنا اجما عين

 

اخوتي الافاضل علقوا بمكانى يجول بخاطري ...

 

موضع بجد مهم ويستحق اعادة نظر ووقفت تامل

 

تقبلي مروري اختي وجازاكي الله كل خير

[ABOTASNEEM 116]

الرضا

 

فلنعلم جميعاً أن

 

النفس كالطفل .. إن لم تفطمه يشب على حب الرضاعة

وإن تفطمه ....... ينفطم

 

فلابد لنا من تعويد أنفسنا على الرضا

 

ولكن .. حيث أن الإسلام دين الوسطية

 

فإنى دائما أنادى برفع شعار

 

"وكذلك جعلناكم أمةً وسطاً"

 

لذا وجب على أمة الوسطية ... القصد والاعتدال فى كل شىء

 

فالرضا مطلوب بدون أدنى شك .. ولكن ليس الرضا الذى يوصل إلى حد التواكل

 

والسعى الدائم مطلوب .. ولكن ليس إلى الحد الذى يؤدى إلى الاعتراض على قدر الله

 

هذا ما وودت أن أضيفه فى هذا الموضوع الرائع

 

للشخصية الأكثر من رائعة .. اختنا حياتى من أجل ربى

[مصطفى بهجت 2]

مليون الله عليكي يا أختي حياتي من أجل ربي ..

موضوعاتك أكثر من رائعة ودي عادتك طبعا شئ مش جديد على أختنا ..

 

(( الرضا )) أنا عاوز أبدأ معاكي من نقطة إن الفقير راضي بحياته أكتر و أحسن من الغني ..

دي حاجة شوفتها بعيني كتييييييييييييير .. في سنة من السنين كنت متطوع في هيئة دولية للإغاثة ..

وكانوا في السنة دي كل همهم الفقراء .. والله شفت حالات فقراء عايشين تحت الصفر تحت الصفر ..

لكن سبحان الله على الابتسامة الجميلة اللي في عيونهم و تخيلي إنهم بيحمدوا على حالتهم ..

 

لكن أخطر حاجة لفتت نظري ..

 

إن الفقراء دول عايشين جنب أغنياء كتيييير ..

لكن للأسف الإغنياء لا حياة لمن تنادي .. وعاملين نفسهم مش شايفين الفقراء ..

وهوه ده السبب الرئيسي إن الإغنياء مش حاسين بالرضا ..

لأنهم لو بيعطفوا على الفقراء .. كانوا حسوا بقيمة الخير اللي عنديهم ..

وطبعا كانوا حمدوا ربنا وبقى عنديهم رضا كتييييييييير ..

 

جزاكي الله خيرا .. ويارب أشوفك في أحسن حال .. و اشوفك راضية على طوووووووووول ..

[الجندى المجهول 37]

اولا الموضوع طبعا فى ميزان حسناتك دى شى اسااسى ان شاء الله

النهارده انا وماشى راج البيت كنت بفكر انى اشوف كل حاجه فى الشارع وف البلد بعين تانى

ازاى

كل يوم بعدى اشوف المناظر هى هى بس فى حاجه عجيبه بالحظه اليومين دول انىفى ناس كتيره بتتصور فى البلد جنب نفوره او حديقه او حتى صور فيله قديمه

فقررت انى اشوف البلد بعين الناس دى وفعلا لقيت انى البلد شكلها حلو جدا واكنى فى حته من البالد الى بتجبلنا صوره اختى ندى

فتخيلوا معايا انى كل حد فينا غير عينوا ولبس النضاره الى تخليه يشوف الدنيا بشكل جديد نشوف الحلو بس وما نخدش بالنا من الوحش او نعمل مش وخدين بالانا منه

وعندى نقطه تانيه ليه ربطين حب الحياه بالرضا بس ليه منخدش نيه الصبر

وزى مقال ربنا وبشر الصابرين

اسف على الاطاله

شكراعلى الموضوع اختى حياتى من اجل ربى

تم تعديل April 25, 2009 بواسطه الجندى المجهول

[محب الحبيب 0]

اولا السلام عليكم

الموضوع اكتر من رائع

بس كنت عايز اوضح ان مع الرضا لازم الانسان يكون طموح انه يحسن من وضعه ايا كان لان الرضا في اوقات كتير اوي بيقتل الطموح وهنا بيبقي للرضا اثر سلبي علي الانسان والله اعلي واعلم وميرسي علي موضوعك ومستنين روجعك للمنتدي بسرعه

[حياتى من اجل ربى 22]

تمام