ياللا ياشباب على صفحات الجرائد

[El-Saher Fantasy 21]

بســم الله الـرحمــن الرحيــم

الاخوة الاعضاء والزوار الكرام

السلام عليكــم ورحمـة الله وبركاتــة ،،

 

شكلي هاتعود اكتب اخبار حلوة في المنتدى

بس المهم

اني النهاردة جايبلكم خبر مش هاكتبه

هانزله بالصور

وأخيراً

شكرا مصطفى بهجت

[طائعة لله 1]

الله الله عليك ياساهر وعلي الاخبار الحلوة

بجد حاجة تفرح ويارب دايما من تقدم الي تقدم ومن نجاح الي نجاح

 

ميرسي ليك ياساهر وان شاء الله تنجح السنة دي

وميرسي كتير يامصطفي وربنا يوفقك ياااااااااااااارب وتحقق كل ماتتمناه

 

تقبلوا فائق احترامي ةتقديري

[نودي 41]

الله عليك ياابو علي ياحبيب والديك وعلي اخبارك اللي تفرح

والله لساني عاجز عن الكلام

بجد ربنا يوفقك يامحمد وتنجح السنة دي وتعدي

 

ميرسي كتير ليك يامصطفي وبجد مهما كتبنا مش هنوافيك حقك ربنا يكرمك ويوفقك في حياتك

 

والف الف مبرووووووووووك ليك يااحمد - ابو تسنيم - وكل الاعضاء والمشرفين والفريق الاداري

 

من نجاح الي نجاح ومن تقدم الي تقدم باذن الله

 

 

تقبلوا فائق احترامي وتقديري

[eng_alaa 114]

ألف مبروك يا شباب المنتدي ...

بجد بجد أنا في غاية السعادة من الخبر الجميل ده ...

ومش عارف أقولك مدي سعادتي وفخري بانتمائي لهذا المنتدي الجميل قد ايه ...

والآن فقط شعرت أننا إستطعنا تحقيق جزء بسيط من حلمنا الكبير ..

الحلم الذي تواعدنا عليه جميعاً بأن يصبح ياللا يا شباب أكبر موقع عربي ومرجع لكل الأقسام الهامه للشباب العربي ...

وتحقيق هدفنا " من أجل شباب عربي أفضل " هو مانطمح إليه دائماً ..

 

 

ولا يجب أن نغفل دور الأخ الجميل مصطفي بهجت في كتابة الموضوع بالجريدة ..

والساهر علي إعلانه للخبر الرائع ده ..

تم تعديل May 5, 2009 بواسطه eng_alaa

[El-Saher Fantasy 21]

اي خدمة يا جماعة

وبالمناسبة لأني نسيت

الخبر ده بتاريخ النهاردة

5 / 5 / 2009

العدد 141

جريدة أخبار قـنا

[NADA 34]

مش عارفة بجد ممكن أقول أيه

 

غير إني مبسوطة جداً و زعلانة بردو جداً

 

بس أكيد يعني مبسوطة أكتر ,, خبر جميل و كلام أحلى و الأهم إنه حقيقي فعلاً

 

شكراً لك أحمد و عمر وكل الناس اللى أسست المنتدى و طبعاً كل الأعضاء لأن أكيد كل شخص كان له لمسته

 

و طبعاً شكراً مصطفى لأنك إنت اللى عملت الفكرة الرائعة دى و ربنا يوفقك ويكرمك ف حياتك دايماً يارب

 

شكراً لك الساهر عالخبر الجميل ,,,,,

 

طبيعي نفسي ف عدد من الجريدة ** حد بقى يجبلي واحد و لما ينزل القاهرة ياريت يجيبه ليا و هنتحاسب مش مشكلة**

 

لا بجد بجد أحلى موضوع شكراً ليكم كلكم وربنا يوفقكم يارب

[El-Saher Fantasy 21]

العدد معايا

ان شاء الله لو عايزة ابعتهولك بريد

ونتحاسب بردو

نورتي الموضوع ندى

[الرّام 173]

اووووووووووووووووووووووه

 

 

احسن موضوع قريته لتوا

 

 

و الله .... براااااااافووووووووو عليك خويا "الساهر"

 

 

بارك الله فيك على هالخبر المزيان

 

 

 

 

تعرف ماعادش عارفة حتى شنوة نقول و الا شنوة نكتب ... بالحق بارك الله فيه "مصطفى بهجت"

 

 

 

...

 

ان شاء الله من حسن الى احسن و ان شاء الله على طول تبقى يللا يا شباب "لمة" شباب عربي مسلم

 

...

 

بارك الله فيكم الكل

 

و ان شاء الله الخير في الثنية

[El-Saher Fantasy 21]

و ان شاء الله على طول تبقى يللا يا شباب "لمة" شباب عربي مسلم

ان شاء الله يا الرام

بس ماتقوليش كده كتير علشان العين ماتبقاش علينا

 

نورتي

[الرّام 173]

لااااااااااا ماتخافش خويا الغالي

 

 

محصنين مضمنين .. ان شاء الله

 

 

ربي معانا

[تمر الجنة 0]

السلام عليكــم ورحمـة الله وبركاتــة ،،

مبرررررررررررررررررررررروك

والله خير

أصل أحنا شباب ......... عربي............. مسلم..............

 

يا ربنا كريم جميل

يا شباب

شويت صبر

+

شويت نيه خالصه

+

شويت عمل

+

اسلام. <a href="http://yallagroup.net">شباب</a>

=

نجاح

نجاح

ورحمه وريحان ورب راضي غير غضبان

[El-Saher Fantasy 21]

ربنا يكرمك

ويجعل معادلاتك في ميزان حسناتك

[تمر الجنة 0]

أخي الساهر

يارب يجعلك دائما مبشر ومبشر ا بالخير

تم تعديل May 5, 2009 بواسطه تمر الجنة

[بنت مصرية 66]

خبر جميل جدا

شكرا لك ياساهر علي انك جبت الموضوع

وشكر خاص جدا للصحفي الكبير مصطفي بهجت

علي الخبر الجميل ده

لولا انه بيحب المنتدي جدا وعارف بجد معني المنتدي ايه

ماكنش كتب عنه في الجرنال

وعقبال مايكون ياللا شباب في اخبار جرايد وتلفزيونات كتير ياذن الله

اول حاجة اما سمعت الخبر ماكنتش عارفة امسك نفسي من الفرحة

هقلكم علي الرسالة اللي بعتها لناس كتير اول ماعرفت

ولسه...القادم أفضل

 

بارك الله فيكما الساهر ومصطفي بهجت

لاتكفي كلامتي ولاتستطيع التعبير

[El-Saher Fantasy 21]

ازاي لا تكفي كلماتك بس يا بنت مصرية؟

انتي قولتي الكلمتين التمام

 

ولسه...القادم أفضل

[ali desoky 391]

يوما بعد يوم ازداد فخرا بانتمائي لهذا المنتدي الرائع

الذي يضم مجموعه من خير الشباب

بارك الله فيكم جميعا

ومن تقدم الي تقدم دائما

[El-Saher Fantasy 21]

ويوما بعد يوم نزداد فخرا انك معنا

دمت لنا اخا

[عاشق الصداقه 525]

السلام عليكم ورحمة الله وبركاته

لن أتحدث كثيراً . فقد تحدثت عن الأمر فى مدونتى : ياللا يا شباب فى جريدة أخبار قنا

وهذا عندما سبقنى اخى الحبيب الساهر بزف هذا الخبر اليكم

وما اخرنى عن الرد - هو كتابة تدوينتى - وأيضاً تاخرت لتصميم الاعلان الموجود على يسار المنتدى حتى يعلم الجميع بالخبر السعيد

كل الشكر حبيبى الساهر لزف هذا الخبر - وكل الشكر لاخى الغالى مصطفى بهجت (صحفى ياللا يا شباب) ، وكل الشكر لكل من يقدم افادة لإخوانه فى منتدانا الحبيب

والقادم أفضل ان شاء الله

لكم ما كتبت فى هذا الخبر إقتباساً من مدونتى ...

 

بسم الله الرحمن الرحيم

 

كنت اليوم ومنذ ساعات قليله فى منطقة (حوض 10) بمحافظة قنا وقمت بزيارة صديق عمرى (عمر المغربى) والمعروف بـ (أبو تسنيم) فى مكتبة

 

وأنا على باب المكتب كان جرس الهاتف يدق - فأخبرت إحدى الزميلات اخى عمر ان لديه ضيف وتليفون ..

 

دخلت وعانقت حبيبى عمر - وأخى الحبيب المهندس محمد ابو الحسن (رجل من الصحراء) وتركنا عمر ليقوم بالرد على الهاتف

 

وجلست أتحاكى مع أخى (رجل من الصحراء) - واذا باخى عمر يعود ويخبرنا بهذا الخبر السعيد والذى علمه من الإتصال الهاتفى الذى تزامن مع لحظة دخول المكتب

 

لقد إتصل أخى وحبيبى مصطفى بهجت - الصحفى اللامع فى محافظة قنا - بصديقى عمر وأخبره بأن خبر ما فى صحيفة أخبار قنا قد تم نشره

 

هذا الخبر يخص إبنى وحبيبى وحبيب الكثيرين (ياللا يا شباب) ،،

 

 

 

 

كان أخى الحبيب / مصطفى بهجت قد اجرى معى حوار صحفى سريع منذ أيام مضت - كان يستفسر فيه عن موقع (مجموعة ياللا يا شباب)

 

كيف كانت نشأته وما أهدافه وما هى طبيعته و،،،،،

 

وقد اجرى حوار آخر مع أخى وصديق عمرى (عمر المغربى) - صديقى الذى أسس معى قواعد مشروع ياللا يا شباب

 

بعد سماعى لنزول الخبر الجميل من صديقى عمر اجرينا إتصال سريع بصدقنا الغالى وكاتب المنتدى المتميز عبد الله عرابى(صناع الحياة) ليذهب ويشترى نسخه من الجريدة ربما تنفذ سريعاً .. وبعدها أخبرت صديقى أبو تسنيم أننى سأذهب وأحضر أكثر من نسخه لأنه وبالتأكيد هناك الكثيرون جداً من سيحزنون كثيراً لو لم يحصلوا على نسخه من الجريده التى تتحدث عن الخبر

 

وبالفعل - تركت مكتب أصدقائى عمر ومحمد - متجهاً الى بائع الجرائد .. ووقفت أسأله إن كانت هناك نسخ من جريدة أخبار قنا وأخبرنى أنها موجوده ، وقام بتناول إحداها وأعطانى إياها - فوقفت أتصفح الجريده باحثاً عن الخبر ،

 

فظن البائع أننى ممن يقفون عن بائعى الجرائد ليقرأوا ما يحلوا لهم ثم يذهبوا بدون شراء ، فوجدته يقول لى (هتشتريه يا بيه) !!!

 

فقمت بالرد عليه حتى أسعده : هناك خبر لو وجدته سأشترى كل النسخ الموجوده لديك

 

وبالفعل وجدت الخبر ، وقمت بعد جميع النسخ الموجوده لديه وكانت 10 نسخ فقط .. فقمت بشراؤها وذهبت

 

وقلت فى نفسى - لن يستطيع أحد الحصول على نسخه من الجريده لأنها قد نفذت - الا ان كانت توجد نسخ أخرى عن البائع الآخر الموجود على بعد امتار قليله من الذى قمت بالشراء منه

 

وبالفعل - ما ان استقللت السياره متجهاً الى شركتى لاكتب لكم هذا الخبر ، رأيت وانا استقل السيارة أخى الحبيب (الساهر) ، بصحبة أخى الغالى (الجندى المجهول) ، وهم من أكثر عشاق المنتدى - وقد إشتروا نسختهم من البائع الآخر - فضحكت لهذا .. وقلت فى نفسى سأذهب لأكون اول ما يزف الخبر لاعضاء المنتدى الحبيب ..

 

وكما توقعت - ما إن وصلت حتى وجدت الخبر قد نزل من قبل أخى (الساهر) وبالصور وعلق عليه العشرات

 

هذا رابط الموضوع بالمنتدى :

ياللا ياشباب على صفحات الجرائد

 

وكان الخبر الذى كتب فى عدد اليوم (5 - 5 - 2009) من جريدة أخبار قنا .. بعنوان :

 

ياللا يا شباب .. فكرة قنائية تضم أكثر من 15 الف شاب عربى

 

ياللا يا شباب على صفحات الجرائد

 

كتبه .. صحفى ياللا يا شباب ، وابن المنتدى البار وأخى وصديقى الحبيب / مصطفى بهجت

 

الشخص الذى لن أوفيه حقه مهما ذكرت فيه .. فقد لمحت فيه حب ياللا يا شباب وإصراره على نشر هذا المشروع والقاء الضوء عليه لينال حقه كما ينبغى له ، كما لمست فيه الصحفى الناجح .. فقد تحدثت معه بخصوص عمله وحياته وهدفه .. ووجدت فيه شخصيةً أتوقع لها نجاحاً بارزاً فى مجاله ان شاء الله ، فهو محب لعمله كثيراً .. حتى ان لم يرتبط عمله الصحفى بأى مقابل مادى .. وحب العمل ما دفع الكثيرين للنجاح .. كما أتمناه له إن شاء الله ولكل الشباب العربى والمسلم

 

يتحتم ذكر المقصود من (فكرة قنائية) كما ذكرها أخى مصطفى .. فلقد نشأت الفكرة من محادثه بينى وبين أخى عمر المغربى .. وكلانا من محافظة قنا .. ومن عادة محافظة قنا الجميله والتى افخر أننى أحد أبنائها .. انها دوماً تفخر بأبنائها أيضاً ..

 

لكن بهذا ينبغى علينا أن نذكر أن ياللا يا شباب موقع عام - لكل الشباب العربى فى كل مكان على وجه الأرض ، ولا يختص بشباب بلد معينة او حتى دولة بعينها .. كما أن القائمون على (صرح ياللا يا شباب) مجموعة شباب من بلاد مختلفه ودول مختلفه - لهم جميعاً كل الحب والتقدي والاحترام .. فهدفنا جميعاً الافادة أينما كانت .. ونسير جميعاً نحو تحقيق هدف نبيل .. تقودنا عبارتنا الشهيره (معاً .. من اجل شباب عربى أفضل)

 

شكراً مصطفى بهجت - وشكراً أصدقائى القائمون على إنجاح هذا الصرح العملاق - وشكراً فريق عمل ياللا يا شباب ، والفريق الادارى للموقع ، وشكراً صناع ياللا يا شباب (مؤسسى الموقع) - وشكراً لكل من أفاد بحرف فى المنتدى ، وجعله الله فى ميزان حسناتكم ، وشكراً قرائى الأحباء على سعة صدوركم فى قراءة تدوينتى الطويله

 

أصدقائى .. لقد كتبت الحدث تفصيلاً .. وقد ازعجتكم بذلك - لكن هذا من باب التأصيل .. فربما كلماتى تلك ستكون مرجعاً يوماً ما لهذا الحدث .. تأكيداً على أحداث آخرى ستحدث مستقبلاً إن شاء الله

 

تحيتى وحبى لكم وإعتزازى الشديد بكم ، ولنبقى جميعاً .. معاً من أجل شباب عربى أفضل

 

[El-Saher Fantasy 21]

ياخي حتى لما اسبقك بحاجة ترد وتسرق مني فرحة السبق

سامحك الله اخير الحبيب

وجعل دعاء عشاق ياللا يا شباب من نصيبك

واعانك على ما قبلت تحمله

 

أصدقائى .. لقد كتبت الحدث تفصيلاً .. وقد ازعجتكم بذلك - لكن هذا من باب التأصيل .. فربما كلماتى تلك ستكون مرجعاً يوماً ما لهذا الحدث .. تأكيداً على أحداث آخرى ستحدث مستقبلاً إن شاء الله

 

ياااااااااه.. تخيلوا معايا بعد عشرين سنة

وكل شباب ياللا يا شباب متغطين من البرد في عز الصيف

ولسه فاكرين ياللا ياشياب

وحوال 15 مليون شاب حول العالم بيحبوا المنتدى ده وبيدعوا لبعض

يابن الايه يا عاشق الصداقة

كل ده ثواب

بارك الله فيكم

وجمعنا على طاعته

 

.......... أرجو تثبيت الموضوع ..........

[lovelife 2]

 

والله لساني عاجز عن الكلام

بجد ربنا يوفقك يامحمد وتنجح السنة دي وتعدي

 

 

 

 

اوووووووووووووووووووووووعة  

والله وعملوها الرجالة ورفعوا اسم المندي عالى  يلا شباب 

 

اسمع السلام باحترام 

 

وبالنسبة ليك بقي يا محمد يا رب تنجح بردة علشان اخلص منك ومن الاحتلال اللى عندى 

 

انت والجندى المجهول والطووويل 

[Shetos 2]

لالالالالالالالا...

 

إحنا كده عدينا...

 

الف مبروك لنا وعلينا..

 

وإن شاء الله تكون فاتحة خير علينا..

 

إلى الأمام دائماً..

 

شكراً الساهر..

[«۞۩ أبو سليمان ۩۞» 179]

الف مليون مبروك لينا

 

الف مبروك للعالم العربي كله لأنه المستفيد الاول من انطلاقة الحلم

 

من اجل شباب عربي افضل

 

شكرا ليك الساهر على نقلك للاخبار الجميلة لينا ,,,

شكرا جدا مصطفى بهجت .. صحفي المنتدى المميز

اسلوب رائع في الصياغة ما شاء الله

 

الف مليون مبروك

 

بجد فرحت جدا

 

جزاكم الله خيرا

[رجل من الصحراء 36]

منتداي الحبيب انت تستحق اكثر من ذلك فهدفك سامي وعظيم واسال الله ان يعينننا على تحقيقه

حبيبي عاشق الصداقة ابنك كبر وشرفك يااحمد وده لانك بفضل الله عرفت تربيه كويس ربنا يعيننا ويعينك ونكبره اكتر اواكتر

اخي ابوتسنيم وحبيبي عمر الحلم بيكبر وبيتحقق وياللا نجاح هيكبر كمان وهيتحقق وهشوفك من الرواد المتميزين في التنمية البشرية في العالم كله ان شاء الله.

حبيبي مصطفى ابوالبهاجيت كبير الصحفيين قبلي وبحري دايما مشرفنا في كل حاجة بتعملها يارب اشوفك من اكبر الصحفيين اللامعين عالميا ان شاء الله وده مش بعيد هلى انسان متميز مثلك.

حبايبي اعضاء منتدايا الحبيب الف مبروك علينا فرحان وسعيد جدا ان المنتدى بيكبر والهدف بيتحقق وان شاء الله مع بعض دايما هنقدر نطور ونرتقي للافضل

كل التحية والتقدير والمحبة والاحترام لكل اعضاء وزوار واداريي المنتدى

:wassat: :keda: :wassat:

[MidooDj 11]

السلام عليكم ورحمة الله وبركاته

الف الف مبروك لكل اعضاء المنتدى

وفعلا المنتدى من وجهة نظرى

بما يحتويه من شباب وشبات

شىء مشرف والله

بالتوفيق دائما

[مصطفى بهجت 2]

بتحرجوني بذوقكم العاااااااااااااااااالي ..

 

إخواني .. حبايبي .. أعضاء منتدنا الغالي .. شباب و شابات ..

 

الساهر

أشكرك على إهتمامك بإضافة الموضوع بهذا الشكل الجمييييييييل ..

فنااااااااااااااااااان كعادتك ..

شي مش جديد عليك ..

 

 

أختي .. طائعة لله .

جزاكي الله خيرا .. ووفقك إلى طيق النجاااااااااااح .

 

 

أختي نودي ..

دعواتي معاكي ربنا يوفق أخونا محمد في دراسته ..

إزاي تقولي مش حتوفيني حقي .. دي إنتي قولتي في حقي كتييييييييييير .

 

 

أخي علاااااااء ..

والله إنت اللي أجمل .. ويارب أشوفك سعيد على طول ..

 

 

أختى ندى ..

يا سلاااااااااااااام .. غالي والطلب رخيص ..

أبعتلك عدد ونص كمااااااااااااااااان ..

 

 

أختي الرام .

كفاية عليا كلامك الجميييييييييييل ده ..

 

 

أختي تمر الجنة ..

اشوفك من نجاح إلى نجاح ..

 

 

أختي بنت مصرية ..

بتقوليلي صحفي كبير مرة واحدة ..

ده كلام كبير عليا قوي قوي قوي ..

معاكي حق أنا فعلا بحب المنتدى ومقتنع بكل كلمة فيه وبكل عضو وبكل فكرة ..

ويارب يكون القادم أفضل ..

 

 

أخي lovelife

جزاك الله خييييييييييير ..

 

أخي علي الدسوقي ..

حقا أنت و أمثالك فخر للمنتدى ..

 

 

 

تعالااااااااااااااااااالي بقى يا بطل ..

 

حبيبي و أخويا الصغييييييييييير .. أبو حميد ( عاشق الصداقة )

شوف بقى إزاي سبحان الله زيارتك لحبينا عمر في مكتبه جات في نفس توقيت اتصالي تليفونيا ..

رب صدفة خير من ألف ميعاد ..

أنا قاعد بقرأ في كلامك ده ومبسوووووووووط وفرحان فرحة غير عادية ..

لكن اشتريت عشر أعداد يا مفتري .. ليه المصاريف دي ؟؟

الله الله الله عليك يا صديقي .. بشكرك على كل كلمة حلوة قولتها في حقي .. الحمد لله إنك استطعت أن تقرأني جيدا .. ولعلمك بقى أنت و آخرون من شباب المنتدى من الأسباب الرئيسية اللي خليتني أتمسك بطموحاتي و أحلامي ..

أنا مش عاوز أطول كتير في الكلام .. لحسن يقولوا الجماعة دول بيبكشوا على بعضيهم ..

جزاك الله خير .. و أشوفك في أعلى المناصب ..