جوزيه يتزوج مصرية ويهجرها في امتحان كلية حقوق بني سويف

[ديدو 3]

جوزيه يتزوج مصرية ويهجرها في امتحان كلية حقوق بني سويف

 

جاء في امتحان لمادة تنازع القوانين للفرقة الرابعة بكلية الحقوق جامعة بني سويف سؤالاً إجبارياً يبدو طريفاً، ذكر فيه ان البرتغالي مانويل جوزيه المدير الفني السابق للأهلي تزوج من مصرية وهجرها لتدريب المنتخب الأنجولي.

 

وذكر السؤال أيضاً أن بعد فترة من زواج جوزيه بالمصرية أنجب منها ولدين هما فلافيو وأبوتريكة!

 

وأوضح أيضا ان جوزيه رحل عن الأهلي بسبب "خلافات زوجية"، ادت به للتنازل عن الجنسية البرتغالي وتجنس بالجنسية الأنجولية حتى لا تعرف له الزوجة موطناً معلوماً.

 

وفيما يلي نص السؤال كاملاً:

 

تزوج "مانويل جوزيه" برتغالي الجنسية من مصرية الجنسية وأقام الزوجان في مصر نتيجة لارتباط الزوج بعمله كمدير فني بالأهلي، وبعد فترة من الزواج رزقهما الله بولدين "فلافيو وأبوتريكة" ونظراً لحدوث بعض الخلافات الزوجية، قام الزوج بإنهاء عقده مع النادي الأهلي وهجر زوجته وسافر إلى أنجولا وتجنس بالجنسية الأنجولية وفقد الجنسية البرتغالية ولا تعرف الزوجة له موطناً معلوماً.

 

لجأت إليك الزوجة لاستشارتك في المسائل التالية:

 

-هل تختص المحاكم المصرية بدعوى التطليق للهجر التي تنوي رفعها، وما هو القانون واجب التطبيق، وهل يتغير الحال لو أن الزوجة كانت تحمل الجنسية السعودية وقت انعقاد الزواج.

 

-إذا أرادت الزوجة الحصول على نفقة الزوجية، فهل تختص المحاكم المصرية بدعوى النفقة، وما هو القانون الواجب التطبيق.

 

-إذا أرادت الحصول على نفقة لولديها فلافيو وأبوتريكة، فهل تختص المحاكم المصرية بهذه النفقة، وما هو القانون واجب التطبيق.

 

 

الدكتور دة كانت دماغة عالية اوى ههههههههههههههه

[eng_alaa 114]

الدكتور دة كانت دماغة عالية اوى

 

لأ بجد دا كانت دماغه عاليه فعلاً ...

كتر خير الطلبه عليه والله ...

[شيرين النحاس 1]

ده أكيد كان متأثر برحيل جوزيه

[ديدو 3]

هههههههههههههههههههه

هى مع ان الفكرة غريبة بس تصدقوا انه بجد امتحان مفيد لانة ربط السؤال بالواقع ودة يعطى فرصة اكبر للطلاب فى التفكير احسن من الجانب النظرى فقط

بس برضوا دكتور دماغة عليا

هههههههههههههههههههه

 

شكرا حبيبى البشمهندس علاء ووحشنى بجد

شكرا شيرين النحاس ومنورا المنتدى الرياضى كلة

[نودي 41]

طب والله سؤال حلو وفي الجون كمان ياسلام لو امتحاننا يبقي كده

ميرسي ياديدو خالص ع التوبيك الحلو ده

تم تعديل June 6, 2009 بواسطه نودي

[ديدو 3]

ردك يانودى نور الموضوع بجد ياعضوتنا النشيطة

شكرا نودى

 

 

ليا سؤال بسيط لاخى اللى نقل الموضوع من القسم الرياضى الى منتدى الفكاهة

لية الموضوع راح قسم الفكاهة وهو خاص بالرياضة

وكنت تكتب اية سبب النقل او اسم اللى نقلة طالما انت شايف انة كدة صح

شكرا اخى او اختى الذى قاما بنقل الموضوع

[ديدو 3]

اخى اللى نقل الموضوع مردش عليا مع انى كنت عايز اعرف اية سبب النقل او اية المبرر

على العموم مستنى ردك ونتنقاش فى سبب النقل ولا مليش حق فى النقاش ؟؟؟؟

شكرا اخى

[«۞۩ أبو سليمان ۩۞» 179]

السلام عليكم و رحمة الله و بركاته

 

ايه اخبارك ديدو ,,, عامل ايه و ايه اخبار الماتشات و البوكس وكده

 

ايه اخبار اللاعب اياه ,,, دغدغته و لا لسه ؟؟؟

 

بالنسبة لموضوع النقل قد تناقش اعضاء الفريق الاداري في انسب مكان للموضوع ده و وجدنا ان انسب مكان للموضوع ده هو منتدى الفكاهة لأنه بجد فكاهي اكتر منه رياضي ,,,

 

و قد قام احد اعضاء الفريق الاداري بنقله نتيجة للإتفاق ,,, بس للأسف نسي يكتب سبب النقل

 

معلش خليها علينا المرّة دي ,,, و عموما سواء الموضوع في المنتدى الرياضي او منتدى الفكاهة فهو برضوا لسه في ياللاياشباب و هيستفاد بيه رواد ياللاياشباب و برضوا تحت اسمك

 

يعني الفايدة هتعم برضوا على اعضاء ياللاياشباب

 

 

معلش ديدو آسف مرّة تاني على الخطأ في عدم كتابة سبب النقل من عضو الفريق الاداري اللي نقله

 

سيبك من الكلام ده ,,,

 

هو الدكتور ده اهلاوي و لا زملكاوي :smile:

 

تحيتي و تقديري اخي الحبيب

[eng_alaa 114]

سبقتني بالخير والله يا عبقرينو ..

ربنا يعلم أنا لسه كنت داخل أكتب لأخي وحبيبي ديدو نفس الكلام ..

ويمكن أنا كتبت الموضوع ده في المنتدي الإداري لحبي وتقديري له ..

ومعلش مرة تانيه ياديدو .. أنا عارف إنك هتتقبل العذر ..

 

هو الدكتور ده اهلاوي و لا زملكاوي

 

طبعاً زملكاوي مش شايفه شمتان قوي وبيقول المرحوم و عاوزك تقسم التركه وكده ..

عامة أنا كده بجر شكلكم عشان انا عارفكم انتوا الاتنين زملكاويه .. ولا ايه رأيك ياديدو ...

[رجل من الصحراء 36]

منور ياعم ديدو ياكبير الكباتن العرب

المهم

 

ليا سؤال بسيط لاخى اللى نقل الموضوع من القسم الرياضى الى منتدى الفكاهة

لية الموضوع راح قسم الفكاهة وهو خاص بالرياضة

وكنت تكتب اية سبب النقل او اسم اللى نقلة طالما انت شايف انة كدة صح

شكرا اخى او اختى الذى قاما بنقل الموضوع

 

اخى اللى نقل الموضوع مردش عليا مع انى كنت عايز اعرف اية سبب النقل او اية المبرر

على العموم مستنى ردك ونتنقاش فى سبب النقل ولا مليش حق فى النقاش ؟؟؟؟

شكرا اخى

 

اولا المنتدى الرياضي خاص بالمواضيع الرياضية البحتة كما تعلم

وهذا الموضوع فكاهي من الدرجة الاولى اه هو فيه اسماء ناس رياضيين بس ده مش رياضي

وبالتالي فقد تم نقله لمنتدى الفكاهة.

 

ثانيا وده الاهم اللي نقل الموضوع هو الفريق الاداري الذي يعمل على تنظيم وادارة المنتدى

ومسموح له ذلك طبقا لقوانين المنتدى دون اي سابق انذار او استئذان

واليك البند الثالث من القوانين

3- على الأعضاء أن يلتزموا بنشر مواضيعهم حسب التخصص المنصوص عليه في عناوين الأقسام ، ولمشرفي منتديات ياللا يا شباب نقل المواضيع إلى أماكنها المفترضة دون ما حاجة إلى استئذان الكتّاب وفق ما تمليه المصلحة العامة.

 

ده غير القوانين الاخرى التي تسري على الاعضاء

http://forums.yallagroup.net/index.php?act=boardrules

 

ولا تنسى اخي ديدو انك احداعضاء فريق العمل وليس عضوا عاديا

ومن المفترض انك مطلع على القوانين جيدا واذا كانت هناك شكوى او تضرر من اي قرار يجب وضعها في فريق العمل وليس علنا في الموضوع.

 

شكرا لك وواثق من رحابة صدرك وتفهمك للموقف

[

[ديدو 3]

بســم الله الـرحمــن الرحيــم

 

اولا : احب اعتذر لكم اخوانى عن طريقة الرد فى هذا الموضوع

ثانيا : بجد انا بحبكم وبحب المنتدى وربنا يعلم مقدار الحب دة

بس انا لما لقيت الموضوع انتقل من غير ماالاقى سبب اوتفسير للنقل بسوء فهم منى اضيقت

فياريت تتقبلوا اعتذارى لانى للمرة المليون بحبكم بجد

أحبائى عبقرينو , بشمهندس علاء , رجل من الصحراء أحبكم فى الله وأتمنى لقائكم

 

اما من ناحية الدكتور دة ياعم عبقرينو فهو اكيد اهلاوى ودة باين من الامتحان بتاعة وتأثرة بالاهلى وبالمدرب واللعيبة ياعنى الاهلى واخد كل تفكيرة

هههههههههههههههه

 

شكرا لكم ش

[zeezee 0]

على فكرة القضية دى سهلة وجميلة واكتر مافيها انها تعتبر مرتبطة بالواقع وانا بقول كده مش من فراغ انا كنت فى رابعه حقوق بنى سويف والامتحان كان سهل بجد ودكتور عادل دكتور عسل وسكر خالص ادعولى بقى انى انجح لان النتيجة خلاص قربت تطلع

باى