الجندى المجهول 37 قام بنشر June 11, 2009 تخاريف حلمت ف يوم بنور الشمس بيكسَّر ظلام الليل / صفوف عسكر وبتحارب فى حزن الليل وحزن الليل بيتوجَّع فيتفتت ويتكسَّر وبيودَّع ... قلوب الناس قلوب ملِّت سواد اللون ونبض حزين بدون إحساس يموت الحزن يتبخَّر ونور دافىْ بيملى الكون ما بين الموج بيتمختر فى نفس الحلم ... لاقيت كل الحدود تنهار قلوب تصرخ بكلمة لأ يموت الظلم والظالم نعيش أحرار قلوب تعشق معانى الحق وتُبدُر أرضها أحلام وتستنَّى سحابة فرْح سحابة حب بتمطَّر فتروى الأرض بالبسمة وتبقى حياتنا هى الطرْح يموت الظلم يتبخَّر ونور دافىْ يداوى الجرح ما بين الموج بيتمختر وفجأة الحلم ما بيكمل دموع العين تصحينى أقوم من النوم وأتحسَّر فأسمع صوت فِ تكوينى يواسينى عجيب حلمك ما يتفسَّر بتبنى النور من الأوهام بتروى الحلم بالأوهام وتستنَّى ... شجر يطرح فِ وقت خريف ولو دققنا فى المعنى نلاقى الحلم دا تخريف فـَ ليه تحلم وتتمنَّى ...!! عُرُوق الحزن يا خِلِّى دى ممدودة لسابع جِد جدور الظلم منحوته فى قلب الأرض دَ شىء مكتوب ومتقَّدر بقولك إيه ... كفانا كلام بلاش تحلم وتتمنَّى وإيه نابك من الأحلام ؟ اقتباس شارك هذه المشاركه رابط المشاركه شار ك علي موقع اخر
«۞۩ أبو سليمان ۩۞» 179 قام بنشر June 12, 2009 كنت عايز اقتبس منها بس لقيتني بقتبسها كلها جميلة جدا القصيدة دي شكرا يا جندي الشعر و الادب اقتباس شارك هذه المشاركه رابط المشاركه شار ك علي موقع اخر
الجندى المجهول 37 قام بنشر June 13, 2009 ربنا يكرمك حبيبى د\عبقرينو اقتباس شارك هذه المشاركه رابط المشاركه شار ك علي موقع اخر
الرّام 173 قام بنشر June 13, 2009 رائعة يعطيك الصحة و الهناء ان شاء الله اقتباس شارك هذه المشاركه رابط المشاركه شار ك علي موقع اخر
Blue_Flower 0 قام بنشر June 13, 2009 ما شاء الله أرووووووووووع من رائعة وكفرتها جميلة جدا كفايا أحلام وكفاية كلام على رأى مصطفى محمود مغنى دينى : محدش يحكى عن احلام ولا يرفع شعار اوهام لحد ما تثبت الايام ان احنا هنتغير بجد القصيدة جميلة جدا جزاك الله خيرا اقتباس شارك هذه المشاركه رابط المشاركه شار ك علي موقع اخر
الجندى المجهول 37 قام بنشر June 21, 2009 جزيتم خيرا اقتباس شارك هذه المشاركه رابط المشاركه شار ك علي موقع اخر
El-Saher Fantasy 21 قام بنشر June 21, 2009 بلاش تحلم وتتمنَّىوإيه نابك من الأحلام ؟ يكفي انه حلم احسن من كتير بيعيشوا من غير حلم بطل تخاريف بقى جزيت خيرا اقتباس شارك هذه المشاركه رابط المشاركه شار ك علي موقع اخر
