عجز لساني عن الكلام ... !!!

[مصطفى بهجت 2]

بســم الله الـرحمــن الرحيــم

 

السلام عليكــم ورحمـة الله وبركاتــة ،،

 

الحمد لله والصلاة والسلام على رسول الله وعلى آله وصحبه أجمعين .

 

أهلاً ومرحباً بمن أتانا بتحية وسلام يريد الترحيب بأحلى الكلام .. يريد أن نعلن له الانضمام .. إلى كوكبة أعضائنـا الكرام ،،

 

أصدقائي .. أعضاء يا للا يا شباب ..

 

أنا بكتب الموضوع ده وكلي حزن على ما أسمعه من تعليقات و ألفاظ وكلمات عجيبة من الناس في هذا الزمان العجيب !!

 

طبعا حتقولوا إيه الكلام الغريب ده ؟؟ و إيه العنوان اللي مش مفهوم ده .. ؟!

 

بعضكم حيقول : هوه الولد ده حيتفلسف علينا ولا إيه ..

 

والباقي حيقول : يا ترى إيه حكاية الكلمة المحرجة دي ؟

 

أقولكم الحكاية والرواية ..

 

ليه الناس اليومين دول مش بيراعوا مشاعر بعضيهم ؟

 

واحد يرمي الكلمة ذي الصاعقة بدون ما يحس بنفسه ..

 

واحد يشتم .. وواحد يطلع لقب .. وواحد يتريق .. وواحد يستهزأ .. وواحد يحرج .. وواحد يلعن ويسب ..

 

وكله من اللسان اللي عاوز قطعه ..

 

الله يرحم أيام الذوق ..

 

تعالوا نتفرج سوا على بعض المشاهد المأساوية ..

 

المشهد الأول : الشتيمة .. لو جلست وسط مجموعة رجالة على قهوة مثلا أو أي تجمع تلقى الشتايم والكلمات الخبيثة نازلة بترف من كل ناحية ، وللأسف بيعتبروا الشتيمة هزار من غير ما يشعروا بعواقبها وخطورتها .. !!!

 

المشهد الثاني : تأليف الألقاب .. هي إحدى الظواهر الغريبة فنجد ناس كتير بيطلعوا ألقاب على بعضيهم ، وعلى الرغم إن الله عز وجل قال في كتابه العزيز ( ولا تنابزوا بالألقاب بئس الاسم الفسوق بعد الإيمان .... ) إلا أنه لا حياة لمن تنادي !!!

 

المشهد الثالث : واحد أكبر منك سنا قالك كلمة على الملأ زعلتك و أحرجتك و شبهك بصفة مش موجودة عندك .. بس للأسف هوه ما حسش بغلطته .. !!

 

وغيره وغيره وغيره كتييييييير من المشاهد ..

 

إحنا المفروض يكون عندينا مدارس تعلم الذوق والأخلاق للناس ..

 

ومن كتاب ( أمراض الأمة ) أنقل لكم تلك الكلمات الهامة :-

 

ما أخطر اللسان ، فاللسان تلك الجارحة الصغيرة ..

 

هل تتصور أخي المسلم .. أختي المسلمة أن بهذه الجارحة قد تدخل الجنة ، أو قد تدخل النار بجارحة اللسان فحسب ..

 

فإما أن يدخلك لسانك الجنة ، و إما أن يدخلك لسانك النار ، ولم لا ؟ وبكلمة واحدة يرددها اللسان تنال الرضوان ..

 

وبكلمة واحدة يرددها اللسان تدخل بيت الكفر من أوسع أبوابه ، وتخرج من بيت الإسلام من أوسع أبوابه ..

 

فكلمة التوحيد يرددها اللسان ، وكلمة الكفر يرددها اللسان ..

 

وبكلمة يمزق شمل وتتشتت أسرة ، وترمي بريئة عفيفة ، وتقذف محصنة ، ويتهم برئ ، وتشتم مسلم موحد بالله ..

 

وإن ترك الألسنة تلقى التهم جزافا دون بينة أو تثبت أو دليل يترك المجال فسيحا لكل من شاء أن يقول ما شاء في أي وقت شاء ، ثم يمضي آمنا مطمئنا ، فتصبح الجماعة وتمسى و إذا أعراضها مجرحة وسمعتها ملوثة ، و إذا كل فرد فيها متهم ، أو مهدد بالاتهام ، وهذه الحالة من القلق والشك والريبة لا تطاق بحال من الأحوال ..

 

إن الإنسان مخبوء تحت لسانه ...

 

قد تجلس أمام رجل ذي هيبة وذي هيئة فإن تكلم عرفت عقله ، وعرفت حجمه ، وعرفت قدره ..

 

أخي .. أختي

 

يحكي شيخنا الجليل محمد حسان عن خطر اللسان ويقول تخيلوا معي :

 

أنه قد نبه على كل مسئول في محافظته أن يركب لكل مسلم ولكل مسلمة جهاز تسجيل بطريقة معينة .. بحيث لا يستطيع اللسان أن يستخرج شريط الكاسيت إلا عن طريق المسئول في مكتب المسئولين ، وهذا المسئول سيقول لك : علق هذا التسجيل على كتفك الأيمن ، وكل كلمة تتلفظ بها مسجلة عليك ، والدولة قررت أو الحكومة قررت بأن كل كلمة تسبيح ستعطيك عنها جنيه ، وبأن كل كلمة غيبة أو نميمة أو سب أو قذف أو شتمة أو إساءة ستضرب عليها جلدة ..

 

كل كلمة تسبيح أو ذكر أو تكبير أو تهليل ستأخذ جنيه – التسجيل معاك – انتبه – أول ما تصبح الصبح سيفتح التسجيل ..

 

لا تستطيع استخدامه أو استعماله أو تستخرج الشريط إلا عن طريق هذا المسئول ، وكل يوم آخر النهار تذهب فيحصوا لك عدد التسبيحات تقبض فلوس ، وعدد الإساءات تضرب بعددها كل إساءة جلدة ..

 

بالله عليك هل سنغفل عن التسبيح ؟؟

 

هل سيقع منا واحد في الإساءة ؟؟

 

مستحيييييييييييييل

 

إيه المانع إن الواحد فينا يراجع نفسه في كل كلمة قبل ما يقولها ..

 

وأخيرا وليس آخرا ..

 

لي عندكم طلب صغير ..

 

كل واحد يقرأ الموضوع المتواضع ده يكتب موقف إساءة تعرض له ، و كان رده عليه إيه ؟؟

[eng_alaa 114]

هل تتصور أخي المسلم .. أختي المسلمة أن بهذه الجارحة قد تدخل الجنة ، أو قد تدخل النار بجارحة اللسان فحسب ..

 

فإما أن يدخلك لسانك الجنة ، و إما أن يدخلك لسانك النار ، ولم لا ؟ وبكلمة واحدة يرددها اللسان تنال الرضوان ..

 

وبكلمة واحدة يرددها اللسان تدخل بيت الكفر من أوسع أبوابه ، وتخرج من بيت الإسلام من أوسع أبوابه ..

 

معاك حق في كل اللى قلته والله يا مصطفي ...

فأحوالنا ساءت جداً وألفاظنا أصبحت لا تطاق ..

وأصبحنا نخشي من خروج أبنائنا من منازلهم مخافة أن يستمعوا إليها ..

 

ونسي الناس أحاديث رسول الله التي تقول :- .....

قال صلى الله عليه وسلم: (وهل يكب الناس في النار على مناخرهم أو على وجوههم إلا حصائد ألسنتهم) .

وقال أيضاً صلى الله عليه وسلم : (المسلم من سلم المسلمون من لسانه ويده) .

 

ربنا يغفر لنا ويرحمنا ويهدينا إلي طيب الكلم وإلي ما يحبه ويرضاه .. إنه ولي ذلك والقادر عليه ...

[الرّام 173]

شفت يا أخي المشااااااااااااااااااكل الي دايرة بينا و مالية حياتنا و عيشتنا

 

 

لا حول و لا قوة الا بالله

 

 

طبعا كل كلمة من الكلام صحيحة

 

و هي (اقصد الكلمات السيئة بكل انواعها يعني) الي اصبحت "عنوان" العيشة

 

 

 

ربي يهدي عباده ان شاء الله

 

 

 

 

 

 

و على فكرة المثال الي انت قلته (متاع الشيخ الجليل محمد حسان) صحيح مئة بالمئة

 

 

لانه اذا تعلق الامر بال"فلوس" فاكييييييييييد تلقى كل الناس تجري عليه

 

 

 

 

ربي يهدي ... ربي يهدي

 

 

 

 

 

.....

 

و اما عن الموقف ( انت طلبت كل واحد يعلق يكتب موقف من المواقف الي تعرض ليها)

 

بصراحة شديدة .. انا من كثر المواقف الي تعرضتلها من النوع هذا ... نسيتها كلها

 

 

 

و بصراحة اكبر ... الحمد لله اني نسيتها

 

 

....

 

 

خويا .. ربي يبارك فيك و يباركلك في حياتك ان شاء الله

 

و ربي يسترها معاك دنيا و آخرة

[حيرانة 0]

أولا احييك على اسلوبك الجميل السهل , تانيا الموضوع جميلة فكرته و كلامك كله صح و بيحصل مع ناس كتير و زى م بتقول الناس بتعتبره هزار , بس هذا لايمنع أن الواحد يمسك لسانه برضه أمال الذوق راح فين , الذوقيات بقت قليلة اليومين دول , الناس لازم تعامل بعضها بذوق و إحترام و اللى له تعقيب على حد يأخده على جنب و يقوله مش كل الناس ممكن تتقبل هزار تقيل لأنه بيضايق و فيه ناس مش بيهمها اللى بيتقال , أقصد أن مش كل الناس زى بعضها و الواحد يراعى ده أنت أو انتى مش ضامنين اللى قدامك بيتقبل هزار تقيل ولا لأ,,,لو تعاملنا كلنا مع بعض بذوق إحترام و تقدير ياسلاااااااااااااااااام يبقى شئ ممتع , جزاك الله كل الخير اخى مصطفى بهجت

[مصطفى بهجت 2]

أخوتي الأفاضل ..

 

eng_alaa .. الرام .. حيرانة

 

كل كلمة في تعليقاتكم أفادتني كتيييير ..

 

ربنا يحميكم و يحمي ألسنتة الجميييييييع ..

[على المرابط 13]

اخى وحبيبى مصطفى احسنت هده الزاويه وهدا الموضوع ارى انه بات يحتاج الى حمله منظمه كحمله مناهظة التدخين نعم اخى الفاضل ما بالنا اليوم بتنا اقرب للعنف منا للسلم والله انه لشئى محزن جدا افكر احيانا واقول من المفروض ان يكون هناك يوم الابتسامه العالمى او يوم الكلمه الطيبه مع ان الدين الاسلامى هو دين الابتسامه فى وجه الاخ صدقه والكلمه الطيبه بحسنه ولكن للاسف صار حالنا كا الدى قلت واكثر مع ان اول المتضررين من رد الفعل العصبى والمتشنج هو صاحبه لانه سيقول ما لايرضى ربنا وهو غاضب وستحسب وتسجل عليه ثم من الناحيه الصحيه اول من يتضرر من هده العصبيه الزائده وهده الالفاظ هو قائلها لانها يوما بعد يوم ستقتل الحياء فيه ومن مات حيائه كثرة سفهاته وسيصير يوما ما سفيها يقف على ناصيت الشوارع لا يلقى احدا له بال

احسنت اعجبنى موضوعك جدا يمس حياتنا اليوميه واتمنى ان يستمر النقاش فيه ومحاولة اقتراح الحد الدى يستطيع اى احد فعله من الحلول لان ما دكرت فعلا صار ظاهرة وفى مجتمعات من المفروض انها اسلاميه مع ان هده الامور مرفوضه فى جميع الديانات

اتمنى يوما ان ارى كتيبات صغيرة كا التى نراها فيها ادعيه واذكار ارى فيها مثلا

ابتسم لاخيك

او عاهد ربك اليوم الا تقول الا خيرا

فعلا هده الامور باتت محتاجه حملة توعيه واراك سباق لفعل الخير اعانك الله ووفقك وسدد خطاك

معدرة ان اطلت ولكن موضوع يحتاج الكثير من النقاش وخاصة من ناحية اقتراح حلول عمليه ولن اترك موضوعك هدا يغوص فى بحر المواضيع بسهوله سابدل ما بجهدى لتتبنى ادارة المنتدى هدا الموضوع والنظر له بعين العمل واخد خطوات جاده تجاه

احسنت اخى الفاضل احسنت

لك منى كل الحب والاحترام

تم تعديل June 13, 2009 بواسطه على المرابط

[مصطفى بهجت 2]

أخي الغالي : علي المرابط ..

الله يفتح عليك .. جميل جدا جدا جدا ردك الرائع على موضوعي ..

أعجبت كثيرا بفكرة إننا نعمل حملة باسم ( يوم الابتسامة العالمي ) أو ( يوم الكلمة الطيبة ) ..

تصدق و تآمن بالله :: ملامح الفكرة دي في ذهني من زمان لكن إنت بكده عرفت تطلعها صح الصح ..

أنا يا أخي مصاب بالحزن الشديد من الناس اللي بتتعامل بتكبر و تكشير وعبوث في الوجه وكلام غير طيب ..

أما بالنسبة للحياء .. ده من الصفات الجميلة اللي بدأت تختفي من حياتنا .. وربنا يستر ..

و إن شاء الله نشوف كتيب يرى النور باسم ( ابتسم لأخيك ) المؤلف : علي المرابط

جزاك الله خير وربنا يكثر من أمثالك ..

[ali desoky 391]

أخي الغالي مصطفي بهجت

موضوعك رائع وبالفعل يستحق الكثير من التفكير

.............

لقد اصبحنا لا نستطيع ان نمشي في الشارع بصحبةاطفالنا او نساؤنا

خوفا من ان تجرح مسامعهم بكلمه خارجه

او تسيء الي حياؤهم وادبهم

.............

اصبح الكلام الجارح موضة هذه الايام

وللأسف.. فان الاسره هي السبب الاول لانتشار هذه الظاهره!!!

 

نجد الام تفرح كثيرا عندما ينطق طفلها الصغير بأول كلماته

حتي لو كانت هذه الكلمات هي شتيمة والده او اقاربه

بل اننا نجد الاب والام يشجعان طفلهم ويحثانه علي شتيمة الناس

وهم لا يدرون ان هذه هي البذره الاولي التي ينبت منها لسان طفلهم

الذي لا ينطق بعد ذلك الا سوءا ...

 

لذا وجب علي وحدة البناء الاولي الا وهي (الاسره) الاهتمام بتهذيب لسان طفلهم ..

حتي يشب رجلا صاحب لسان نظيف

لا ينطق سوءا او ضررا

 

أخي لك مني كل التحية

[مصطفى بهجت 2]

صديقي المحترم .. علي دسوقي

موضوعي اتشرف بوجودك ..

ما شاء الله عليك .. كلامك أضاف لي الكثييييييير ..

ربنا يكتر من أمثالك ..

[battot 19]

اشكرك اخى العزيز مصطفى بهجت على هذا الموضوع لاهميته

 

 

وضرورة مناقشته وايجاد بعض الحلول له

 

 

لانه موضوع منتشر جدا بل اصبح وباء

 

 

ويجب على الاسرة ان تبدا ببناء صحيح قبل خروج ابنها الى المجتمع وان تحصنه جيدا

 

 

ولابد ان يحترم كل انسان ذاته

 

 

موضوع مهم

 

 

اشكرك اخى عليه

 

 

جزاك الله خيرا

 

 

وال التميز دائما ان شاء الله

 

 

وجعله الله فى ميزان حسناتك

[مصطفى بهجت 2]

كل الشكر و التقدير لكي أختي بطوط ..

ربنا يجعل كل الناس محترمة ..

علشان الدنيا تبقى أجمل من كده ..

بارك الله فيكي ..

إلى مزيد من التميز ..

[على المرابط 13]

اخي الحبيب مصطفى ان اردت ان نتعاون انا وانت فى فكرة الكتيب فانا ليس لديا اى مانع لنت فقط اطرح الفكره وانا معك الى النهايه واعتقد ان كل الاعضاء لن يدخروا جهدا ما رأيك اننا نقوم بتطبيق الفكره وتحويلها الى فعل ارى انها تستحق الدراسه لك كل الحب والاحترام

[مصطفى بهجت 2]

أخي الغالي :: علي المرابط ..

جزاك الله خييير .. أنا مبسوط جدا جدا جدا إنك مقتنع بكلامي وموضوعي ده ..

شئ يشرفني إني أكون شريك ليك في كتيب .. حاجة أكثر من رائعة ..

أنا مواااااااااااااااافق ..

عاوزين نتفق حنعمل الموضوع ده رغم بعد المسافات اللي بينا إنت دولة و أنا دولة ..

في انتظار ردك في رسالة يا بطل ..

[شيرين النحاس 1]

السلام عليكــم ورحمـة الله وبركاتــة ،،

موضوع جميـــــــــــــــــــــــــــــــــــــــــــــــــــــل جدا بارك اللهفيك يارئيس التحرير بصراحة انا لما باكون ماشية فالطريق باسمع الالفاظ دي باخجل جدا واشعر بالحرج وخصوصا لو كان المتحدث رجل كبير او طفل وكثيرا ماينتابني الالم حينما اسمعها من شخصية ذو مكانة فالمجتمع وكثرت كلمات ابن كذا وبنت كذا حمانا الله وحفظنا من كل هذا فهناك اشخاص يستخدمون بعض الشتائم ككلمات معبرة يتفاخرون بها وحينما تعلق او تعترض يقول لك يووووووووووووو دي شتيمة دي دي كلام عادي وللاسف الاطفال اكثر من يلتقط هذه الكلمات ولايدري معناها والعقل يخزن وتستقر معه حتي يكبر

فعلا نحن بحاجة لحملة ضد الشتائم والالفاظ البذيئة

لو محتاجين مساعدة فالكتيب انا فالخدمة

[مصطفى بهجت 2]

شكرا لكِ أيتها الصحفية اللامعة ( شيرين النحاس )

معاكي حق ف كل كلمة قولتيها .. المجتمع حاليا اصبح مرتع لأبشع الكلمات والألفاظ ..

ندعو الله أن يعافينا و يعافي كل المسلمين ..

ولعلمك أنا فعلا بفكر ف موضوع الحملة ده بس أول أجهزه حعلن عنه بإذن الله ..

جزاااااااااااااااكي الله خير ..

[مهندسة المنصورة 0]

 

السلام عليكم ورحمة الله وبركاته

 

ماشاء الله موضوع ممتاز جزاكم الله خيرا

 

بالنبسة للسان ده حضرتك زي مابيقولوا جيت ع الجرح للاسف فعلا ما اكتر الكلمات السخيفة اللي بنسمعها يوميا

 

وللاسف دلوقتي الالفاظ دي بيفكروا ان هي دي الروشنة والاجمل من كده بتوصل انهم بيهزروا بسب والد يهم عادي

 

إن العبد ليتكلم بالكلمه من رضوان الله لا يلقى لها بالاً يرفعه الله بها درجات وإن العبد تكلم بكلمة من سخط الله لا يلقى لها بالاً فيهوى بها في النار

 

سبحان الله اللسان ده سلاح ذو حدين فعلا اما اننا نستخدمه فعلا في نشر دعوه / كلمة طيبه في حق انسان / اي شيء يرضي ربنا ويفرحه بينا

 

او نستخدمه بقي في وضع تاني خالص زي ما حضرتك ذكرت

 

غير كده مفيش حيااااااااااااااااااااااااء من ربنا للدرجة دي اننا ننطق الفاظ بالشكل ده

 

الشيء المبكي ان انسان يقبل علي نفسه سب والدته والده وده من باب الاتيكيت اليومين دول وللاسف البنات دلوقتي بسمعهم ينطقوا الكلام ده

 

 

احنا عايزين يكون في اخلاق يعني الحملة تكون عن الاخلاق لان الانسان لو خلقه استقام كل شيء هيستقيم فيه

 

لان معلش مفيش مثلا انسان مش ملتزم هاجي اقوله في حملة كذا وهيقتنع بالكلام لان لازم يكون مؤهل روحانيا انه يسمع الكلام ده

 

لان تقريبا الاشخاص دول بيكون ايمانهم ضعيف محتاجين اللي يشدهم ويعلي همتهم

 

يبقي من باب اولي اننا نركز علي الاخلاق بكل جوانبها ( صدق / وفاء/ حياء/.......)

 

بجد الانسان مننا فعلا لو وضع امام عينه ميزان بجد يزن بيه الكلام مع وضع صورة قدامه ياتري الكلمة دي ترضي ربنا ولا ااااااا لااااااااا لو ده المقياس بجد هتفرق كتير نحاسب نفسنا

 

لان كتير جدا ان الانسان ينطق بكلام ويندم عليه بعدين

 

زنوا اعمالكم قبل ان توزن عليكم

 

يبقي حاسب نفسك قبل ان تحاسب

 

اذا اردت ان تحيا سليما من الردي ** ودينك موفور وعرضك صين

 

فلا ينطقن منك اللسان بسوأة ** فكلك سوءات وللناس السن

 

 

يعني سبحان الله اذا اصبح ابن ادم الاعضاء كلها تكفر اللسان وتقوله اتق الله فينا فانما نحن بك فان استقمت استقمنا وان اعوججت اعوججنا

 

انا متاسفه علي الاطالة جدااااااااا بس كل اللي عايزة اوصله لحضرتك ان تكون حملة علي نطاق واسع بنظرة اشمل من اللي حضراتكم ذكرتوه لان الاخلاق طبعا مش مرتبطة بديانة محدده واروع الامثلة طبعا في اليابان قمة الاخلاق علي الرغم من انهم غير مسلمين

 

يبقي مفروض امة محمد صلي الله عليه وسلم هم الاولي بذلك خير امة اخرجت للناس

 

مش عارفه وجهة نظري وصلت ولا ايه؟

 

اتمني تكون الفكرة واضحه

 

 

 

 

[مصطفى بهجت 2]

شكرا (( مهندسة المنصورة )) على تعليقك المهم جدا والذي أضاف لي الكثير ..

بداية أشكرك على الإشادة بموضوعي ..

فعلا وللأسف زي ما بتقولي الشباب أصبح يتباهي بهذه الألفاظ البذئية ..

وربما البعض منهم يرفض النصيحة نهائياً .. وفعلا زي ما قولتي دول إيمانهم ضعيف ..

 

أما بالنسبة لكلامك عن اليابانيين .. أنا اتعاملت مع بعضهم عن قرب قوي ..

شعب محترم قوي على الرغم من إنهم لا يحكمهم دين بل تحكم الأغلبية عادات وتقاليد ..

فأين أخلاقنا الآن من أخلاق الإسلام !!!

 

الحمد لله .. اطمني أنا فهمت قصدك و حنركز على الأخلاق كلها بإذن الله ..

بس ياريت تكتبيلي الأخلاق اللي تفضلي إننا نتكلم عنها ف الحملة المكثفة دي بإذن الله ..

وكمان محتاج أي اقتراااااح عندك بخصوص الحملة ..

 

كل الشكر والتقدير لمجهوداتك و موضوعاتك ف المنتدى ..

[مهندسة المنصورة 0]

طبعـــــــــــــــا علي الرحب والسعة

باذن الله حضرتك انتظر مشاركة مني في اقرب وقت

لان عندي كلام كتير

وبجد الف شكر لحضرتك وبداية موفقة يارب

وربنا يجعلها في ميزان حسنات حضرتك يارب

اللهم رد شباب المسلمين اليك مردا جميــــــــــــــــــــــــلا

اسال الله العظيم رب العرش الكريم ان يجعلك ممن سبقت لهم الحسني وزيادة

وان يجعلك ذخرا للاسلام والمسلمين

وان يكثر من امثال حضرتك بجد حاجة تفرح القلب والله

ان الانسان مهما كانت مكانته ده ميمنعش انه يكون من الدعاة لدين الله

جزاكم الله خيرا ونفع الله بكم وزادكم نورا وعلما

 

 

 

 

 

 

[مصطفى بهجت 2]

باااااارك الله فيكي .. وشكرا لكي على كل هذا الاهتمام ..

 

أكثر الله من أمثاااااااااالك ..

 

إن شاء الله حنسق مع الفريق الإداري للمنتدى ونبدأ نحدد شكل الحملة حيكون إزاااااااي ..

 

ونحن جميعا ف انتظاااااااار آرااائك و مقترحاتك ..

[لميس المهدى11111 2]

مشاء الله ربنا يكرم يأستاذ مصطفى هو فعلا موضوع فى منتها الاهمية وعلى فكرة الاسرة عليها عامل كبير جدا لأن النشئة غير صحيحية ويارب يهدى أمهات المسلمين وأبهتهم إلى الخير والصواب جزاك الله خيرا

[مصطفى بهجت 2]

السلام عليكم (( لميس المهدي ))

 

بارك الله فيكي وربنا يكرمنا جميعاً ..

 

أنا موافقك في الرأي طبعا إن الأسرة عليها عامل ودور مهم جدا جدا ..

 

وتصحيحاً للغة العربية .. اسمحي لي أن أصحح لكِ بعض الكلمات

منتها ... منهتى *** النشئة ... التنشئة *** أبهتهم ... آبائهم

 

كل الشكر والتقدير لنشاطك الملحوظ على المنتدى ..

[dreaming journalist 0]

اولا احب اهنيك على موضوعك الحى الجميل ده فعلآ احنا فى آ خر زمن

....

أما على المواقف السيئة فمتعدش العدد فى الليمون.....

.... بس بصراحة أكتر موقف وجعنى وقتلنى

انى فى واحدة كنت فاكراها صحبتى..........

مرة كنا زعلنا مع بعض جيت ووقفت قدمها ومديت ايدى علشان اسلم عليها جريت وسبتنى.........

صدقنى الدنيا دى خلاص والله ربنا يستر الناس مش عارفة ليه استوحشوا كدا.....

 

[رحمتك رجائي 1]

جزاك الله خيرا

يقول الإمام أحمد بن حنبل رحمه الله: كنت أسير في طريقي فإذا بقاطع طريق يسرق الناس، ورأيت نفس الشخص 'اللص' يصلي في المسجد،فذهبت إليه وقلت: هذه المعاملة لا تليق بالمولى تبارك وتعالى، ولن يقبل الله منك هذه الصلاة وتلك أعمالك... فقال السارق: يا إمام، بيني وبين الله أبواب كثيرة مغلقة، فأحببت أن أترك بابا واحدا مفتوحا.

[مصطفى بهجت 2]

(( dreaming journal )) أشكرك جدا على تعليقك .. معاملات الناس أصبحت سيئة .. أما بالنسبة لموقفك مع صديقتك .. أنا مش عاوزك تزعلي من تصرفي .. إنتي برافو عليكي كده إنك حاولتي تسلمي عليها وبكده هيه اللي أخدت ذنب .. ربنا يصلح الأحوال ..

 

 

(( ريحانة الجنة )) ربنا يزيدك بجد .. قصة جميلة اللي قولتيها دي .. سبحان الله .. جزاكي الله عنا خير الجزااااااااااء ..