مشكله عااااااااشره

[حياتى من اجل ربى 22]

 

 

انا بس مش عارفه يعنى هو مافيش مواضيع يعنى يا حياتى من اجل ربى تتكلمى عنها غير المشاااكل دى

 

والله العظيييييم انا نفسى اتخنقت من المواضيع اللى تتتعب القلب دى

واللى فعلا قربت يكون مالهاش حل

رغم ايمانى انه مافيش مشكله مالهاش حل

المشكله انهارده بقى واجعه قلبى اوووووووووى

 

 

((الفــــــــقر))

 

 

 

 

بجد مشكله اصبحت غير قابله للتغافل عنها وخصوصا مع ارتفاع الاسعار فى كل شئ ((حتى فى الجواز))

واعتقد ان مشكله الفقر هى سبب من اسباب انتشاااار معظم الجرائم كما اشار الى ذلك اخى ((غريبه الناس))

فى موضوع سابق لى

بجد المشكله اصبحت ملحوووظه بشكل غير طبيعى على الاطلاق

ممكن وانت واقف لثوانى فى مكان يعدى عليك حوالى عشره من المتسولين الذين اجبرتهم الحاجه على هذا التصرف

ومنهم حتى شباب والله

مع اعتراضى على هذا وان مش ممكن مافيش شغل حتى يمنعك من اراقه ماء وجهك

الا اننى اشعر بكثييير من الشفقه

حتى اننا اختلطت معنا ملامح الفقير المحتاج بالفعل مع ملامح((النصاااب))

او ((النشاال))

مش بقينا عارفين نفرق اصلا

حتى بين ملامح البراءه للاطفال الذين اختلطت معها ملامح التشرد والحرمان

انا بكتب وانا قلبى بيتقطع

 

 

واخييييرا

هل من حل لتلك المشكله ؟؟؟؟؟؟؟؟؟؟؟؟؟

ولا كل واحد احسنله يفكر فى نفسه ومالوش دعوه بحد

 

 

جزاكم الله خيرا

لاانساكم ابدااااا من دعاااائى احبائى

شااااركونى باااراكم فكما تعلمون اعتز بها

 

 

 

تم تعديل July 5, 2009 بواسطه حياتى من اجل ربى

[الجندى المجهول 37]

ربنا لا تحملنا ما لا لنا طاقه به واعفو عنا واغفر لنا وارحمنا

اللهم لا تسلط علينا من لا يخافك ولا يرحمنا يارب العالمين

[بنت مصرية 66]

بصي ياحياتي انتي اصلا لو مااتكلمتيش في مواضيع زي دي

هنطردك من المنتدي لانك اساسا من اساسيات فتح النقاش الهادف في المنتدي

ثانيا الفقر ده مشكلة كبيرة جدا جدا موجودة منذ الأزل

الفقر ده الي هو يكاد يكون فقرا والعياذ بالله والذي تعوذ منه رسولنا الكريم عليه افضل الصلوات

انه ابتلاء من الله سبحانه وتعالي شديد

انا هقلك علي حاجة مهمة جدا

الفقر لايمكن ان ينتهي

بس ممكن يقل ..

وزي مابقول المثل العربي

مصائب قوم عند قوم فوائد

الفقر ده ليه كذا حل

الناس اللي عندهوم فلوس المفروض يساعدوا الفقراء علشان الحسنات ورضا ربنا سبحانه وتعالي

وغيرها كتير بس اهم حاجة علمني الصيد ولا تعطيني سمكة

بس برضوا هرجع اقلك حاجة مهمة جدا انا اخذت فترة بشتغل في جمعية رسالة للأعمال الخيرية

ومش عارفة اوصفلك كمية الأسر الي كنا بنعمل معاها بحث ميداني علشان نعرف مدي احتياجاتها

زي ماقلتي بقا حاجة صعبة

الواحد يبقي مش محتاج ويجي يقول انه فقير

والي بجد محتاج تحسبهم اغنياء من التعفف

المشكلة مابقتش في الفلوس ك100% لا الفلوس والناحية الإقتصادية دي جزء من الصورة

لكن علشان تكمل نبص علي العقل وطريقة الفكر

لو عزمنا نقلل من مشكلة الفقر يبقي لازم نعرف نغير في العقول وده صعب بس مش مستحيل

لان بجد الناس لو مش عايزة تتغير او تبقي احسن من جواها مهما عملنا مش هياثر

وده عن ثقة لان المساعدات والجميعات انتشرت

وتلاقي حاجة من ها حاجة من هناك واهي بتتقضي

انا لايمكن انسي الحلقة اللي اتعملت مع ست عجوزة جدا وكبيرة في السن في برنامج واحد من الناس

الست عايشة لوحدها وكل مالمذيع يسالها عن حاجة تقولوا الحمد لله الشكر لله الفضل لله

بقت محسساني ان ال60 جنيه دول كنز كبير جدا

هي قناعة وطريقة تفكير هداية من الله سبحانه وتعالي..

جزاكي اله كل خير ياحياتي من اجل ربي

ومعلش ردي طويل

بس ربنا يبارك فيك يارب

تقبلي مروري

[على المرابط 13]

اختنا الفاضله احسنتي وانا اضم صوتي لاختنا بنت مصريه فى حل هده المعضله ارى ان الوعي والتوعيه لها دور كبير وكبير جدا يجب ان نصل بالعقل المسلم الى درجه من الرقي او دعينا نقول الايمان افضل درجه من الايمان يصير الغني فيها يبحت عن الفقير لكي يعطيه شئيا وهو يعلم ان هو من اخد وليس الفقي اى بمعنى دهبت كلها وبقي الكتف فأن نحن وضعنا هدا الهدف هو الغايه ووصلنا حتى الى اقل منه اظن اننا ان لم نقضي على هده الظاهره فسوف نقلل منها واعوذ بالله من الفقر والكفر ومن غلبت الذين وقهر الرجال

لكي كل الاحترام واحسنتم جميعا

[«۞۩ أبو سليمان ۩۞» 179]

اختي حياتي من اجل ربي ,,,, موضوع الفقر ده موضوع مهم جدا

 

بس قبل ما نتكلم في الموضوع ده

 

هنسأل سؤال واحد بس ... ايه مقاييسنا للفقر

 

كلنا عارفين حديث الرسول صلى الله عليه و سلم

 

يقول المصطفى صلى الله عليه وسلم في الحديث الصحيح: {من أصبح آمناً في سربه، معافىً في جسده، عنده قوت يومه، فكأنما حيزت له الدنيا بحذافيرها } رواه الترمذي و ابن ماجة و البخاري في الأدب المفرد .

 

طبعا نحن نعتبر في زماننا هذا ان اللي يملك قوت يومه فقط يعتبر فقير ,,

 

حاجه تاني

 

الحديث ده بيحثنا على القناعة اللي كتير من الناس مفتقداها

 

من رأيي ان 60 في الميه من الناس اللي بنعتبرهم فقراء ,,, هما في الاصل معنديهومش فقر في المال لأ دول عنديهم فقر في القناعة ,,, يعني محتاجين بس شوية قناعة و هيبقوا اغنياء

 

و الــ 40 في الميه الباقيين اللي هم فقراء في الحقيقة

 

دول ليهم حل كفله ليهم الاسلام من وقت بعث النبي بالرسالة ,,, اللي هو الذكاة و الصدقة ,, و دي هي الحل الامثل لكفالة الفقراء دول

 

طب ايه سبب الفقر عموما

 

طبعا الفقر إبتلاء من الله لعباده المؤمنين لقياس مدى صبرهم و تحملهم

 

و ده واضح جدا في قول الله تعالى

 

(وَلَنَبْلُوَنّكُمْ بِشَيْءٍ مّنَ الْخَوفْ وَالْجُوعِ وَنَقْصٍ مّنَ الأمَوَالِ وَالأنفُسِ وَالثّمَرَاتِ وَبَشّرِ الصّابِرِينَ) [سورة: البقرة - الأية: 155]

 

فلوا صبرنا فإن الله سيجازينا خير الجزاء

 

اهم سبب للفقر في زماننا هو

 

الربــــــــــــــــــــــــــــــــــــــــــا

 

و اللي هي منتشرة جدا في البنوك الربوية و الكثير من تعاملات البورصات و حتى التعامل بين الناس

 

لأن الربا تزيد الغني غنى و تزيد الفقير فقر

 

معلش آسف جدا على الاطالة و لكن مقدرش اسيب موضوع نقاشي جاد ذي ده و مقولش رأيي فيه

 

ربنا يكرمك اختي و يجازيكي خير الجزاء

 

بارك الله فيكي و اعزّك

 

تحيتي و تقديري

[بنت مصرية 66]

الموضوع ده جميل جدا ياحياتي

وانا من كتر الكلام اللي كنت عايزة اقول عليه

فعلا ماعرفتش ارتب افكاري

وكنت ناوية ارد بحاجة شبه كلام دكتور عبقرينو لان رده فكرني بيها

وهي موضوع انواع الفقر طبعا

الفقر انواعه كتيرة جدا جدا

وحتي لو كنا بنتكلم عن نوع واحد منها وهو الفقر الإقتصادي

الا انه برضوا في الأول وفي الآخر مشكلة قناعة

حتي الناس اللي بحتاجو المساعدة المالية برضوا

لازم يوصلوا لمرحلة الإيمان

وكل ده مجاهدة للنفس وصبر

وفعلا يابخت من صبر

انا عن نفسي بشوف حجات وبسمع عن ناس بعد من كتر مانا بفكر ازاي ناس زيهم ممكن يعيشوا في الدنيا

ممكن ابكي علي حالهم الا ان الواحد في الآخر بيلقي ان ربنا بيحلها واللي بيذكر الله وبيصبر علي البلاء

ربنا بيرزقه من حيث لايحتسب

ربنا يخليكي للمنتدي ويكرمك ويعطيكي من فضله

احبك في الله

سلمت يمينك

[محب الحبيب 0]

مشكله المشكلات وازمه الازمات

مين السبب ومين ليه مصلحه ان شبابنا يشحت وبناتنا تتسول في وسائل المواصلات

 

مشاهد ومناظر تقطع القلب وحياه ربنا

 

مين هيسأل عن الناس دول ادام ربنا

 

في برنامج وكان الضيف استاذ عماد الدين اديب المحاور بيساله نفسك تمسك وزاره ايه؟

 

قاله محبش امسك اي وزاره لاني بحلم تقوم وزاره في مصر علي اساس الاعمال الخيره ومساعده الناس المحتاجه بجد

 

اللي بيقولوا عليهم تحت خط الفقر

 

ومن هذا المنطلق وعلي خطي هذا الحلم نفسي زي ما بيجيبوا (امين شرطه يقعد يلف علي الحراميه) لا يجيبوا ناس مختصه يبحثوا ونحاول بقدر الامكان نعالج مشكله الفقر ديه والبلد ديه فيها خير وقادره تضمن لولادها عيشه كريمه

 

واكيد الحكومه مش هتعمل كل حاجه لوحدها

 

فين الناس الخيره اللي تقدر تقدم مساعده للناس دول

 

ومحدش يقولي مفييش لا فيه زي الناس اللي بيقدموا مساعدات في البيت بيتك مش ديه ناس بردوا ورجال اعمال ليه ميبقاش فيه فكر جماعي من رجال الاعمال ويحاولوا يساعدوا الناس ديه وفي نفس الوقت يشيلوا من علي البلد حمل الناس الفقرا دول ونحاول نرتقي بالبلد ديه

 

ولا مبقاش فيه حد بيحب البلد ديه تكون علي قدر من الرقي وعلو الشأن

 

واخر حاجه ممكن اتكلم عنها الشباب اللي بيتسول ويكون في قمه قدرته علي العطاء ويتدعي الكسل والمرض

 

مفيش حد عايز يتعب شويه خلاص من كتر البعد عن ربنا بقي يهون علينا نشحت ونتسول وفينا صحه

 

اللهم ارفع مقتك وغضبك عنا ولا تسلط علينا بذنوبنا من لا يخافك ولا يرحمنا يا رب العالمين

 

اللهم انك عفوا كريم حليم عظيم تحب العفو فاعفو عنا

[حياتى من اجل ربى 22]

الجندى المجهول

 

 

جزاك الله خيرا اخى العزيز

واسال الله ان يرضى عنك وان يهديك الى كل مايحبه ويرضاه

ويفرج همك ويرزقك من حيث لاتحتسب

ويحقق لك كل ما تتمنى

 

بنت مصريه

 

رايك فى منتاها الروعه حبيبتى

يدل على عقل وحكمه

ودى حقيقه انا شخصيا عرفتها فى بنت مصريه

اشكرك حبيبتى واتمنى ان اراك قريبا

احبك فى الله

 

 

على المرابط

رايك فى منتهى الروعه

جزاك الله خيرا اخى

هذا ليس جديدا على ((المرابط))

اسال الله ان يرزقك اخى الخير كله وان يهديك الى ما يحبه ويرضااااه

 

 

دكتور المنتدى

 

 

انا بصراحه مش عارفه اعمل ايه قدام ردودك اللى مالهاش حل دى

رد فى منتهى الوضوح والشمول

جزاك الله خيرا وجعله فى ميزان حسناتك وييسر لك الخير

ويحقق لك كل ما تتمنى

 

 

غريبه الناس

 

 

ردك اوحى لى بموضوع جديد

جزاك الله خيرا اخى على الردود العاقله

اسال الله ان يحقق لك كل ما تتمنى

وان يهديك الى كل ما يحبه ويرضاه

[ali desoky 391]

أختي العزيزه موضوعك هادف للغايه وموضوع يستحق النقاش

 

يرتبط مفهوم الفقر بالتنمية ومدى نجاحها أو إخفاقها في تحقيق أهدافها ولقد دأبت أدبيات التنمية الاقتصادية على دراسة الفقر وتعريفاته المختلفة وطرق قياسه كما يعلمنا علم الاقتصاد منذ عدة عقود بوجود مقاييس متعارف عليها لتوزيعات الدخل بين السكان . كما أن هناك عدة أساليب لقياس الفقر وعدالة توزيع الدخول ، ومنذ مطلع التسعينات ومع انتشار تطبيق وصفات منظمات التمويل الرأسمالية الدولية خاصة البنك الدولي وصندوق النقد الدولي حدثت انعكاسات كبيرة على اقتصاديات معظم الدول التي نفذت هذه الروشته والتي تزايدت مديونيتها الخارجية واتسعت الفروق بين دخول مواطنيها وحدث اختلال كبير في توزيع الدخل وعجزت الملايين عن تدبير احتياجاتها الأساسية وحدث حراك طبقي وانحدار في مستوى معيشة بعض الطبقات وتفاوت صارخ بين طبقة النصف في المائة التي تحدث عنها الرئيس عبد الناصر وجموع المواطنين المحرومين والمهمشين.

 

وهناك دراسه عن الفقر في مصر تؤكد علي الاتي:

 

حدث نمو في مناطق الإسكان العشوائي في جميع أنحاء مصر وبمقارنة نتائج تعداد السكان في 1986 و1996 نجد أن مدينة القاهرة وحدها يعيش بها حوالي أثنين مليون نسمة في مناطق عشوائية ( فقراء طبعا) ، وتضم المراكز الحضرية الكبرى في مصر والتي تضم محافظات القاهرة والجيزة والإسكندرية نحو 4.5 مليون نسمة يمثلون 17.6 % من إجمال سكان المناطق الحضرية في مصر وهم يعيشون ضمن مناطق المهمشين ، كما يوجد أكثر من نصف مليون نسمة يعيشون في مناطق عشوائية بمحافظات الفيوم والمنيا وقنا في صعيد مصر وهى التي كانت ولا تزال مناطق تفريخ العنف والانحراف والجريمة . ولو أضفنا إلى ذلك وجود العديد من المدن والقرى المحرومة من شبكة المياه العامة و الصرف الصحي لاتضحت أبعاد أخري لقضية الفقر وسوء توزيع الخدمات .

 

توجد بعض الدراسات التي تقدر عدد العاطلين في مصر بحوالى 2 مليون شخص ( وفق البيانات الحكومية المعلنة) وتقدرهم دراسات أخري بحوالى 6 مليون ألا نعتبر هؤلاء العاطلين ضمن الفقراء؟!!.

 

ـ يوجد 7.6 مليون يعملون بالقطاع غير المنظم ألا يعتبروا هؤلاء فقراء ؟!!.

 

ـ يوجد في مصر 7.1 مليون من أصحاب المعاشات الخاضعين لمختلف الأنظمة التأمينية وهم جميعاً ضحايا التضخم وتدهور الخدمات التعليمية والصحية أليس قطاع كبير منهم يعتبروا فقراء؟!!.

 

إن تدهور مستوى الخدمات المجانية في التعليم والصحة هو نوع من المساهمة في تدهور القوى البشرية وزيادة وانتشار الفقر الذي يقول وزير التخطيط انه بحدود 400 ألف فقط.

 

 

وأخيرا ... تحضرني نكته مصرية قديمة حين أعلن اللواء أحمد رشدي حين كان وزيراً للداخلية أمام مجلس الشعب انه خلال سنة سيقضى على تجارة المخدرات وإذا ضبطت اى مخدرات بعد ذلك يكون هو المسئول عن دخولها وهنا أعلن الرئيس انه خلال سنة إذا وجد مواطن مصري يملك جنيه واحد سيكون هو الذي أعطاه له!!!!.

 

 

عذرا علي الاطاله

[حياتى من اجل ربى 22]

معلومات رااااااااااااائعه ودراسه شامله جدااا

جزاك الله خيرا اخى

ردك افادنى كثيييييييييييييرا

اسال الله ان يجعله فى ميزان حسناتك وان يهديك الى كل خير

وان يرزقك من حيث لاتحتسب ويفرج همك

ويحقق لك كل ما تتمنى

[غريق مش لاقى قشه 1]

ابويا كان بيقولى وانا صغير يا ابنى الفقر حشمه

[حياتى من اجل ربى 22]

جزاك الله خيرا اخى الكريم

ربنا يرزقنا من حلال وانفاقه فى حلال