بعد ما شاب ودوه الكتاب

[ali desoky 391]

بعد ما شاب ودوه الكتاب

 

اكيد فى حد نعرفه جاهل

 

يعنى لو اجدادنا او قرايبنا او جيرانا

فيهم حد

جاهل

يعنى ميعرفش القرايه والكتابه ومكملش تعليمه

 

ولو لاقينا حد كبير ف السن يعنى بيسعى انه يتعلم

 

بنقول عليه المثل دة ع طول

بعد ما شاب ودوه الكتاب

 

انتوا بقي ايه رأيكم فى التعليم على كبر ولو مثلا جدك

 

مش متعلم وقرر انه حيتعلم

 

انت حتبصله ازاى ؟؟؟

 

طب تخيل كدة مثلا ان انت مش متعلم خالص

 

وكبرت وبقي عندك 50 سنه وطقت ف دماغك تتعلم !!!!

 

هل حتعملها و لا لا ؟؟؟ و ايه السبب...؟ !!

 

وهتشوف انها حاجة مش لذيذه؟؟؟

 

و هيقولوا المثل دة عليك

 

بالمناسبه فى قصه كدة مش ناسيها

 

راح واحد عجوز عنده 70 سنه لدكتور في الجامعه وقاله

 

انا عاوز اعمل الدكتوراه بس انا عندى 70 سنه وسني كبير

 

راح قاله: هى الدكتوراه بتاخد كام سنه؟

 

قاله 4

قاله لو عملتها حيكون عندك وقتها كام سنه؟

قاله 74

 

قاله طب لو معملتهاش حيكون وقتها عندك كام سنه؟

 

قاله 74 بردوا

 

قاله يعنى مش حتخسر حاجة

 

وفعلا عمل الدكتوراه

 

 

ليه فكره اليأس مسيطره؟؟؟

وييجى الشاب يقولك انا لو معملتش

 

حاجة ف شبابى مش حقدر اعمل حاجة بعدين

 

 

طب ما تعمل ف شبابك وتعمل بعدين ايه المشكله ؟؟؟

تم تعديل August 1, 2009 بواسطه alidesoky

[رجل من الصحراء 36]

احترم كثيرا الانسان الذي يسعى لتطوير نفسه

السن ليس عائق ابدا اهم شيء الارادة

كان عمي الاكبر غير متعلم حتى سن 27 سنة وكان متحمل مسؤولية بيت كامل

وحاليا هو استاذ جامعي

السر في التصميم والارادة والايمان بالقضية

شكرا لك على مواضيعك متميزة جدا

تحيتي وتقديري

[حياتى من اجل ربى 22]

موضوع جميييييييييييييييييييل كالعاده اخى

فعلا نقاش راااااائع

اصلا كل انسان منا جاهل

مافيش حد عارف كل حاجه

والتعليم فى سن متاخر ده مش عيب على الاطلاق

بالعكس ده ميزه الامه الاسلاميه انها دائما تتعلم

والانسان عايش اساسا علشان يتعلم

 

 

جزاك الله خيرا

اسال الله ان يجعل كل ماتكتب فى ميزان حسناتك

وان يهديك الى مايحبه ويرضاه

ويرزقك من حيث لاتحتسب

يبلغك رمضان وهو راض عنك

يرزقك فيه كل خير ويتقبل منك ياااااااااارب

[ali desoky 391]

احترم كثيرا الانسان الذي يسعى لتطوير نفسه

السن ليس عائق ابدا اهم شيء الارادة

كان عمي الاكبر غير متعلم حتى سن 27 سنة وكان متحمل مسؤولية بيت كامل

وحاليا هو استاذ جامعي

السر في التصميم والارادة والايمان بالقضية

شكرا لك على مواضيعك متميزة جدا

تحيتي وتقديري

 

 

اشكرك كثيرا اخي العزيز

 

لردك علي الموضوع والذي زاده نورا

 

جزاك الله خيرا

ان شاء الله

 

وضوع جميييييييييييييييييييل كالعاده اخى

فعلا نقاش راااااائع

اصلا كل انسان منا جاهل

مافيش حد عارف كل حاجه

والتعليم فى سن متاخر ده مش عيب على الاطلاق

بالعكس ده ميزه الامه الاسلاميه انها دائما تتعلم

والانسان عايش اساسا علشان يتعلم

 

 

يموت المعلم ولا يتعلم

ولا ايه؟؟؟

 

اختي الغاليه

شكرا لردك الجميل ودعاؤك الاجمل

 

جزاك الله خيرا

ووفقك واعطاك كل ما تتمنينه

ان شاء الله

تم تعديل August 4, 2009 بواسطه بنت مصرية

[بنت مصرية 66]

انا كمان ماعنديش مشكلة في الموضوع ده

لانه مش عيب ولا حاجة ولا كمان حاجة غريبة

ده الانسان كلما زاد في طلب العلم ربنا بيرفعه درجات وخوصا لما يكون علم في محله

اعطي الشخص خلق وتواضع وزيادة في الإيمان بالله والإمتثال لاموامره جلَ علاه

انا عن نفسي ماعرفش حد جاهل بمعني

انا عن نفسي والدتي برغم اني هي خريجة جامعة ويعتبر تعليمها عالي

الا ان هي دلوقت بتحضر ماجستير ووالدي مقدم علي معهد دعاة زعايزة يكمل فيه برغم انه مش هيحاتجة في الشغل ودي الثقافة السيادة دلوقت

انا فخورة بيهم ومش بحس ان دي مشكلة بالعكس لما حد بيعرف اني والدتي بتحضر الماجستير بتاعها

بيبصولها باستغراب وبينتقدوها

لكن انا ببقي بضحك عليهم من جوايا وبقول مساكين مش فاهمين حاجة...

حتي لما يكون واحد عمه ماتعلم خالص زي عم رجل من الصحراء كدا وحب يتعلم

ووصل للي هو فيه دلوقت دي من اكبر الإنجازات واكبر دليل علي الإرادة وتوفيق الله

موضوع رائع ولكن كالعادة ردي متاخر

جزيت كل خير يامستر علي

[ABOTASNEEM 117]

طبعاً .. مفيش اى مشكلة انو الشخص يروح ويتعلم

 

حتى لو وصل سنه 1250 سنه

 

بس هى المشكلة فى ثقافة الناس

 

يعنى احنا بنتكلم كده علشان .. الحمد لله احنا ثقافتنا كويسة الى حد ما -انا بتكلم عن نفسى هنا- ولكن ..

 

لما تيجى تبص للراجل اللى بيقول المثل ده هتلاقى هو اتربى على كده وثقافة انو العلام عيب على كبر

 

علشان كده مش المشكلة فى رأينا احنا ايه ..!!

 

بس المشكلة الحقيقية اللى احنا نقدر نساهم فى حلها

 

هو تغيير فكر وثقافة "بعد ما شاب ودوه الكتاب"

 

الحمد لله كما ينبغى لجلال وجهه وعظيم سلطانه ..على أن جعلنا من ذوى مثل تلك العقول التى لا ترفض التعليم فى أى مرحلة عمرية .. وأسأل الله أن يديدم علينا تلك النعمة .. ويجعلنا من الذين يساهموا فى نشر تلك الثقافة بين من حولنا

وأن يستخدمنا ولا يستبدلنا

 

------------------------

 

ملحوظة

 

أنا مبسوط جداً بتلك الروح من المناقشة فى مثل تلك المواضيع القوية

 

فائق احترامى وتقديرى لكاتب الموضوع .. ولكل من رد بالموصوع

[الجندى المجهول 37]

انا مع ابو تسنيم فى رايه انى المشكله مش عندنا

احنا والحمد لله عارفين اننا حنتعلم لاحد من موت بس المشكله فى الناس اللى لسه بتفكر بالمثل ده

علشان كده لازم نعرف احنا ممكن نساهم فى حل المشكله دى ازاى

انا راى اننا لازم نلعب على حته مزايا التعليم

والنماذج اللى اتعلمت بقى شكلها ازاى فى المجتمع ونحاول نوصل الصوره دى للناس اللى لسه بتفكر بالطريقه دى

[ali desoky 391]

اختي بنت مصريه

دائما تزيدين مواضيعي نورا

بردودك الجميله والمفيده

جزاك الله خيرا

ان شاء الله

 

 

 

أخي وحبيبي ابو تسنيم

شكرا لردك الذي اضاف الكثير للموضوع

وخلاص ياعم هاعملك مواضيع كتير زي دي

عشان المناقشه تزيد

 

 

اخي الجندي المجهول

شكرا لمرورك وردك الجميل

بارك الله فيك

[ali desoky 391]

 

بعد ما شاب ودوه الكتاب

[دعوه للجنه 457]

موضوع جميل جدا يا مستر ويفتح مجال للمناقشه جزاك الله خيرا