هل الانسان اكثر غدرا من البحر؟

[سحر العيون 3]

الانسان اكثر غدرا من البحر؟

 

 

************

 

 

كثيرمن الناس يظنون بأن البحر غدار

ولا يوجد من هو أشد غدرا من البحر ..

 

ولكنني أخالفهم الرأي فالإنسان بحد ذاته

أكثر خطرا وفتكا على نفسه من البحر ..

 

فالبحر مهما أخفى من أسرار وأخبار

فلابد في يوم تخرج أسراره على,,

سطحه أو على شواطئه...

 

اما الإنسان فهو بحر عميق جدآ بلا شواطئ ولا

أمواج يشبه تماما

 

مثلث برمودا

 

الموصوف بالخطر لكل من يحاول الاقتراب

 

فالبحر إذا غدر بنا فإن غدره يكون مفاجئا

ويأخذ ما يريد دون رجعه ودون تعذيب دائم ..

 

فنحن نعلم أن البحر إذا غدر

فغدره يؤدي إلي الموت المباشر دون أن يمنح,

لضحيته الفرصة لتقبل الآلام بينما

الإنســـان إذا غدر فإنه يحدث

جرحا عميقا جدا بضحيته ..

يظل ينزف حتى يفارق الحياة...

 

أي أنه يُرى الجميع أنواع الألم وهناك من

يمـــوت من شدة العذاب

وهناك من يرفض موته حتى يذيقه المزيد من

الأسى والألم... بل أنه ربما يطلب

الموت على أن يستمر في تجرعه لهذا

الألم وكأن الموت أصبح رحمة له...

.. بعكس ما يظنه الكثيرون ..

 

والآن ..

 

هل توافقوني الرأي بأن الإنسان

أشد غدرا على بني جنسه من

البحر ؟؟ ..

 

وهل هناك من يستحق هذا اللقب الذميم أكثر من البحر ..؟؟

[ABOTASNEEM 116]

انا اوفقك

 

على هذا الراى .

 

ولكن من المؤكد ان هذا الصنف من البشر ، لا يمثل كل البشر

[سحر العيون 3]

اكيد مش ك البشر زى بعض فى الكويس وفى الوحش

 

شكرا على مرورك

[ABOTASNEEM 116]

مشكورة عالموضوع

 

وعلى كل مواضيعك المتميزة

 

وفقنا الله واياكى .. وسدد خطانا وخطاكى

[فراس فراس 0]

لـــــيه نقول على البحـــــر كدة.......؟؟؟

 

أنا بقى من عشاق البحر لأنه كان ساعات هو رفيقى ألى لما أبص ليه

 

يريحنى ويضيع همومى ويقول لى لما أتابع أمواجه :مهما كانت المشكلة صعبة ومهما كانت الموجة عالية مسيرها بتتحل ومسيرالموجة تصغر وتصغر لحد مابيبقى مفيش موج

ولا لما أقعد قدامه وهواه يلامس وشى ونسيمه يحيط من حولى ويقول لى أصحى ..فوق ..من اللى أنت فيه ...مافيش حاجة بتبقى ..ومافيش حاجة تستاهل نزعل عليها.

 

وكنت بلاقى فى الآخر انى بقول الحمد لله أنه رزقنا بالبحر ونسيمه

 

بس أحنا ليه بنقول ان البحر غدار...؟؟؟

لأن ساعات والواحد ماشى بمركبته فى البحر يلاقى الدنيا هادية ذيادة عن اللزوم ومفيش حس لأى مخلوق وبعدين فجأة يلاقى عاصفة شيلاه وشيلة السفينة بتاعته باللى عليها

ولا ساعات وانت تكون فى البحر تلاقى موجة كدة بتتسحب من وراك وفجأة تسحبك معاها

بس بارده الذنب مش ذنب البحر اللى مسؤل عن الامواج والعواصف هى الرياح وبارده الرياح ملهاش ذنب لأن ربنا هو المسؤل عن كل شئ وبيختبرنا بالرياح والبحر

علشان نقول فى الآخر سبحان الله

 

يعنى النتيجة أساساً أن البحر مش غدار علشان نقارنه بغدر الانسان

 

وعليكم السلام ورحمة الله وبركاته

[سحر العيون 3]

شكرا يافراس على رايك وردك الجميل

انا كمان بعشق البحر

بس دى صفت البحر لاانا ولا انت اللى قلنا عليها كدا

لان البحر بيبقى كويس وهادى وفجاه تقلب

وتهيج الامواج

بس دا مش كره فى البحر بس تشبيه علشان نشوف الانسا قد ايه خاين

[NADA 34]

احب ارحب بيكى يا سحر العيون ف منتداك وبيتك الثانى

بجد انت منوره المنتدى وواضح انك انسانه متميزه حتى

ف اختيارك لمواضيعك بجد عجبانى جدا

وبالنسبه للغدر فغدر الانسان اشد بكثير من غدر البحر

ولاننا عادة ما بنعتبر الغدر من اقرب الناس لينا

لان لو انسان عادى وعمل معانا حاجه او غدر بينا زى مابنقول

مش بنعتبره غدر بنعتبره انسان سخيف وعمل موقف مش كويس وخلاص

وبالنسبه لصفة الغدر والخيانه لما تتوفر ف حد

فمش يستاهل انه يطلق عليه لفظة انسان

لانه عدم الاحساس وحب الاخرين من اقرب الناس اليه

فكيف يعامل الابعد او الغريب

 

واشكرك جدا يا سحر العيون عالموضوع الجميل ده

واتمنى دلالة الكلمات تكون وصلت

[سحر العيون 3]

شكرا ياندى على ترحيبك بيا ومن غير ماتقولى

بجد انا حاسه انى فى وسط اخواتى وفى بيتى الثالت مش التانى هههههه

معلش بقا بيت بابا الاول

بيت جوزى التانى

والمنتدى الثالت

ربنا يديم المحبه

وبعدين انا بختار المواضيع اللى تناسب عقليه الناس اللى بتكلم معاهم

وبسم الله ماشاء الله انتو من اجمل العقليات اللى اتعاملت معاها

علم وادب واخلاق واحترام بجد ربنا يحميكم

 

وكلماتك جميله

وشكرا على مرورك نورتى الموضوع

[طائر السكون 2]

برحب بيكى فى بيتك الثالث بعد ترحيب أخى الاكبر أبو تسنيم و ترحيب الاخت ندى

و بعد التحيه على المجهود النشيط

بس انا ليا تعليق

فالبحر مهما أخفى من أسرار وأخبار

فلابد في يوم تخرج أسراره على,,

سطحه أو على شواطئه...

لسه فى اسرار كتيرة اوى فى البحر ماحدش يعرف عنها حاجه و منها مثلث برمودا و بحر سارجاسو و طحلب سارجاسم

و حاجات تانيه كتير

فالبحر إذا غدر بنا فإن غدره يكون مفاجئا

ويأخذ ما يريد دون رجعه ودون تعذيب دائم ..

 

فنحن نعلم أن البحر إذا غدر

فغدره يؤدي إلي الموت المباشر دون أن يمنح,

لضحيته الفرصة لتقبل الآلام بينما

الإنســـان إذا غدر فإنه يحدث

جرحا عميقا جدا بضحيته ..

يظل ينزف حتى يفارق الحياة...

البحر ممكن يغدر بيك علشان يوصلك بر الامان

يعنى مثلا و ده حادثه حصلت مع واحد اعرفه كان رايح يتفسح و أصحابه على البحر و دخلم عند حاجه فى البحر أسمها الشمندورة

المهم دى بتبقى زى حديد و مجوف من الداخل و مربوط فى القاع بجنزير

اللى حصل انه موجه ضربته فوقع فى الميه اما اصحابنا

الشمندورة سحبت بيهم و محدش منهم رجع

و البحر ممكن يكون غدار بس انكرى انك فى يوم كا كتنيش مخنوقه و طلعتى اقعدتى على البحر شويه فاستريحت

ولا ايه

البحر مش وحش اوى للدرجه دى

ة الانسان برده هو اللى بيجرح نفسه

لما يسلم رقبته لحد ما يستهلش

ولا ايه رأيكم يا جماعه

[سحر العيون 3]

كلامك مظبوط ياطائر السكون

 

بس ممكن سؤال انت صاحب عاشق الصداقه اللى كتبلك قصيده

 

انا احساسى بيقلى ان انت

ياريت حد يرد عليا بس علشان الفضول هيموتنى

ههههه

شكرا على ترحيبك بيااااااااااااااااااا

وشكرا على كلماتك الرائعه ومرورك الاروووووع

[طائر السكون 2]

قصيده ايه اللى بتتكلمى عنها

انت بتكتبلى قصايد من ورايا يا أحمد

أوعى تكون على أخر مرة إتقابلنا فى قنا فيها

بلاش سياااااااااااااااح

[سحر العيون 3]

القصيده دى؟؟؟؟؟؟؟

 

http://forums.yallagroup.net/index.php?showtopic=1138

[سحر العيون 3]

لا خلاص معلش ياعاشق السكون سورى انا عرفت هو مييييييييين

خلالالالالالالالالالالالالالاص

[طائر السكون 2]

لا يا سحر العيون مش انا المقصود بس المقصود كان شريكى فى السكن مده اكتر من ترم

و واحد من الرجاله اللى قابلتهم فى قنا

و اتمنى انى اقدر اجمعه هنا فى اسكندريه

[سحر العيون 3]

بازن الله

تقدر تجمعه فى اسكندريه

[سبرتو 2]

طبعا انا مش هرحب بيكى خااااااااااالص ارحب بيكى ازاى انتى بتفكرينى بواحد من الاعضاء غايب عن المنتدى الفترة دى لانى انتى بسم الله ما شاء الله مواضيع طحن طحن وردود اية شديدة قوى قوى فهرحب بيكى ازاى خلاص انتى عرفتى تاخدى ليك مكان هنا بوضع اليد خلاص بقى

[سحر العيون 3]

هههههههههههه

 

اه شفت انا ما اخدتش مكان بوضع اليد

 

انا اخدت مكان محفور فى القلب

 

وشكلك كدا متغاظ منى ولا حاجه لسمح الله

 

وبطل حسد

دول كلهم 5 مواضيع واخدد بالك انت من 555555555555555

دى

هههههههههه

 

شكرا على كلامك بس فين ردك على الموضوووووووووع

[الرحال 1]

كلمات رقيقة ومعبرة بس للاسف

 

سحر العيون ان فعلا فى ناس غدارة جدااا

 

يعنى لو قلنا ان البحر غدار فهو بالنسبة ليهم

 

ملاك و طيب جدااااا و اصعب شئ فى الغربة اسئلينى انا

 

يكون الواحد قاعد على الاكل مع صحبة و هو بيشرب الشاى

 

يعرف ان صحبة اللى كان معاة على الاكل بيتكلم علية و بيغدر بية

 

لا حول ولا قوة الا بالله

 

و اخيرا احب اهنيكى على كلاماتك الجميلة المعبرة المتميزة

تم تعديل September 19, 2007 بواسطه الرحال

[سحر العيون 3]

شكر ليك على اسلوبك الجميل ووكلماتك الرقيقه

 

وشكرا على رايك

[طائر السكون 2]

اسمحلى رحال انت اسلوبك رقيق قوى و جميل و اسلوب واحد اتجرح و مش قادر يفوق

بس انت لازم تقف على رجليك علشان تعيش

العشب وقت العاصفه بينحنى و يطاطى علشان ما ينكسرش

بس بعد العاصفه بيقف و يشد عوده تانى

يا ريت الرساله تكون وصلت

[سحر العيون 3]

يا طائر السكون رحال فى غربه والغربه لوحدها كفيله انها تعلم الانسان

ويبقى ليه نظره فى الناس اللى قدامه

ولازم يتعامل مع الناس بحزر دا الاخ فى الغربه بيبع اخوه

وهو قاعد مع ناس هو مجبر يقعد معاهم بحكم عمله

بس ربنا يحفظه منهم يارب

ويرجع مصر بالسلامه

 

ايه اخبارك يا طائر السكووون

[فتى الاحلام 5]

اولا البحر غدار مقلناش حاجه

 

بس بنستمتع بيه وبنقضى فيه وقت رومانسى وجميل

 

انما الانسان غدار اوك بس الغدر دى صفه مكتسبه

 

يعنى لازم نرجع ليه الانسان بيغدر اكيد لاسباب عده

 

انا مبحبش احكم على حد الا لما اعرف ليه عمل كدا

 

ليه غدر

 

واولا واخيرا انا اللى بحط نفسى تحت رحمت انسان يغدر بيااااا

 

يبقى لا الومن الا نفسى

 

انا بحب البحر مش بحس بغدره

 

بس فى زمايل فى العمل وفى كل مكان اكيد هيغدرو بيك

 

بس انت بدال ما نزلت الساحه والميدان

 

يبقى لازم تكون متوقع اى شىء وتكون مرتب انت مكن تعمل اي لو

 

حصل كذا علشان تتلاشى الاخطاء بسرعه

 

موضوع رائع ياسحر العيون

[Elmasry 5]

رائع ياحلمى

[فراس فراس 0]

فكرتنى ياحلمى باللى قاله الامام الشافعى

 

واسمح لى انى اقلك حلمى لانها لايقة عليك ألا بقى لو نت مش عايزنى اناديك كدة

 

قال الامام الشافعى

إذا المرء أفشى سره بلسانه@@@@@ولام عليه غيره فهو احمق

 

إذا ضاق صدر المرء عن سر نفسه@@@فصدر الذى يستودع السر اضيق

 

وقال تانى

إذا لم اجد خلاً تقياً فوحدتى @@@@ألذ وأشهى من غوى اعاشره

 

واجلس وحدى للعبادة آمناً @@@@@أقر لعينى من جليس أحاذره

 

فعلاً الواحد هو اللى بيحط نفسه تحت رحمة انسان يغدر بيه

[طائر السكون 2]

ردك جميل جدا يا حلمى عامل ايه ازى صحتك سائل عليك و الله كتير

و ردك مقنع جدا و كمان رد فراس برافو يا عز ردود موضوعيه جدا

 

 

و شكرا للسؤال سحر العيون

و اتمنى الخير لكل ابن ادم