غريق مش لاقى قشه 1 قام بنشر August 14, 2009 (تعديل) طبعا كما هو واضح من عنوان الموضوع هو بيتكلم عن النقاب والنقاب اللي بتكلم عنه هنا هو النقاب الذى يغطى جسد المرأه كاملا وبعيدا بقى عن موضوع النقاب فرض ولا سنه ولا مستحب ولا بدعه انا عايز انهارده اتكلم عن النقاب من منظور تانى خالص من منظور الرجل يعنى عايز احكى شعورى انا كرجل لما بشوف وحده منقبه (منتقبه) انا عارف ان ممكن ناس كتير تختلف معى فى كلامى ده بس طبعا الاختلاف فى الراى لا يفسد للود قضيه انا لما بشوف واحده منتقبه ماشيه فى الشارع الساعه 2 الظهر فى عز الحر ولبسها كله اسود(يعنى بيمتص الشمس) اسئل نفسى ساعتها واقول لو النبى عليه الصلاه والسلام شافها اكيد هيبقى فرحان بيها وهى مستحمله الشمس والحر عشان سنة النبى ولما القى بنت منتقبه وماشيه مع بنت من غير حجاب وحاطه ميكاب اقول لنفسى ياترى هى مش حاسه بغيره من صحبتها ان الشباب بيبصولها ومحدش بيبص عليها انا عارف ان الرجاله مش هيفهمو اوى يعنى ايه البنت تغطى وجهها بس فعلا ساعات بحس ان البنات دول هما بتوع الجنه انا عارف ان فى ناس هتدخل تقولى بس فيهم بنات بتعمل كذا وكذا والاسطاونات بتاعت التليفزيون اللي بيضحكو علينا بيها يعنى واحد بدقن يبقى ارهابى وواحده بنقاب تبقى هربانه ومتخفيه عشان تعمل مصيبه شاب ملتزم فى الجامعه يبقى اخوان مسلمين بجد بقت اسطوانات فاشله احنا زهقنا منها ارجع لموضوع النقاب وكلامى دلوقتى موجه للبنات كتير من البنات للاسف بيمنعهم من لبس النقاب موضوع الجواز تقولك لما اتجوز مع العلم ان اعلى نسبه جواز بين البنات هما المنتقبات واقلها هما الغير محجبات انا كشاب بقعد ما اصحابى اغلبنا يحلم انه يتجوز وحده منتقبه (وانا اولهم) انا عارف ان فى ناس دلوقتى بتقول انى بعمل دعوه للبس النقاب انا فعلا بعمل دعوه للنقاب انا شفت البنات اللى خارجه انهارده من المسجد بسم الله ما شاء الله ملاحظه يا جماعه ياريت محدش يدخلنا فى متاهت النقاب فرض ولا سنه وياريت محدش يدخل يتكلم عن النماذج اللى مش كويسة الموضوع ده للنماذح الكويسه بس منتداكم محترم وانا بحترم قوانينه والموضوع ده مش مخالف بل سيفتح الباب لنقاش هادف تم تعديل August 16, 2009 بواسطه NADA شارك هذه المشاركه رابط المشاركه شار ك علي موقع اخر
YouTh~TiGeR 4 قام بنشر August 15, 2009 أنا بعد ما عملت الرد وكان طويل الكبيوتر طفى***كمبيوتر غبى*** بس هحاول أفتكر ده أول رد ليا النهاردة فيومى ولسه صاحى وما فطرت يعنى لو نمت فى نص الطريق أعذرنى ومش عارف مخدتش بالى من االموضوع قبل كده إزاى المهم حضرتك عرضت كذا نقطة للنقاش: بالنسبة للشباب... فعن نفسى فأمنية حياتى المرأة الصالحة ف"خير متاع الدنيا المرأة الصالحة" وكلما أرى منقبة فالشارع أدعو من داخلى أن تكون زوجتى المستقبلية منقبة-لسه بدرى على فكرة- وسألت قبل كده ناس مش هأقول إنهم مضلين-لأن الحكم مش بإيدى- بل لم ترى الهداية طريقا لهم بعد:"أنت نفسك تكون مراتك منقبة؟!" يجاوب:"منقبة إيه؟!أنا عايز واحدة وأنا ماشى فالشارع ترفع راسى.."!! ترفع رأسك...؟ يا ترى هى دى اللى هتحفظ ولادك القرآن والأحدايث النبوية؟ يا ترى هى دى اللى هتحافظ على ولادك من فتن العصر..؟ يا ترى هى دى اللى هتحافظ على عرضك وشرفك فى غيابك..؟ فعلا..."ما جمع إلا ما وفق" فالمستقيم لا يسير فى طريق إلا ومع من يساعده على الإستقامة ولا يكون ذلك إلا بشخص مستقيم أيضا وبالنسبة لإنها ممكن تغير من صاحبتها إلا الناس بيبصوا عليها فأنا هأضرب مثلين بساط جدا متنقبة=تفاحة سليمة متبرجة او متحجبة حجاب عادة وليس عبادة= تفاحة مقطومة فمع الوقت تلك تزداد لمعانا ورونقا بينما الأخرة تزداد سوادا وعبثا من نظرات البشر ومثال أخر المنقبة= الحلوى المغطاة بكيسها متبرجة او متحجبة حجاب عادة وليس عبادة= حلوى مكشوف غطائها فتلك مع الوقت تحافظ على جوهرها وتلك مع الوقت يزداد عدد زوارها من الذباب والحشرات الطائرة ولى عودة وأشكرك على ذلك الطرح المثمر المفيد ما شاء الله عليك أحبك فى الله أخى غريق-أبعتلك طوق ما دام مش لاقى قشة؟؟- شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر August 16, 2009 الله بجد موضوع راااااااااااائع جزاك الله خيرا اخى غريق وردك اخى YouTh~TiGeR اكثر من راااااااااااائع بصراحه انا مش عارفه اقول ايه ؟؟ علشان حاسه انك حاطط الموضوع ده(( للشباب فقط)) ربنا يكرمك واسال الله ان يهديك الى كل ما يحبه وان يرضى عنك وان يبلغك رمضان وهو راض عنك جزاك الله خيرا واكل الاحترام والتقدير لكلماتك الرائعه شارك هذه المشاركه رابط المشاركه شار ك علي موقع اخر
ABOTASNEEM 117 قام بنشر August 16, 2009 أخى غريق مش لاقى قشة بص مش هنرغى كتير فى موضوع خلصان الزمن اللى احنا فيه ده زمن فتنة كبيرة قوى والبنات ولبسهم وطريقة كلامهم ومشيتهم من أكتر الفتن اللى موجودة فى زمانا ده وبصراحة انا شايف انو الوحدة اللى لابسة نقاب بتبعدنا خالص -احنا الشباب- عن التفكير فى حاجات كتير غلط وكمان أنا دايما لما بكون ماشى واشوف واحدة منتقبة .. بفرح جداً .. وبقول بسم الله ما شاء الله وكمان بدعيلها .. وده بيحصل كمان لما بشوف شاب ملتحى ومقصر (ملتزم يعنى) لدرجة إنى لما بكون ماشى مع أم تسنيم بنعد عدد المنتقبات اللى ماشين فى الشارع وأحب كمان أبشركم أنو عدد المنتقبات بسم الله ما شاء الله فى ازدياد وكمان عدد الشباب الملتزم اخوانى الكرام يمكن أكون مش كويس .. لا أنا أكيد مش كويس ومقصر فى حق ربنا سبحانه وتعالى وفى حق المصطفى صلى الله عليه وسلم بس بالرغم من كده بحب جداً الملتزمين وبحترم جداً الملتزمات وبدعوا ربنا سبحانه وتعالى أن يوفقنى أنا وأم تسنيم أن نكون منهم .. والحالة دى لخصها الإمام الشافعى فى أبيات شعر قمة فى الروعة أحب الصالحين ولست منهم **** لعلى أن أنال بهم شفاعه وأكره من تجارته المعاصى **** ولو كنا سواء في البضاعه أنا بذكر ده علشان الشباب اللى هما بيتكلموا على الملتزمين والملتزمات بإسلوب مش كويس "يا سيدى/وياستى .. لو مكنتش/مكنتيش قادر إنك تلتزم ودتبقى كويس زيهم .. يبقى على الأقل لا تؤذيهم بكلامك" أخى فى الله غريق مش لاقى قشة تسلم إيدك على هذا الطرح النافع .. وأسأل الله أن يجعله فى ميزان حسناتك وسبب فى هدايتك وهداية الكثير من المسلمين وأن يبلغك رمضان وهو عنك راض .. وأن يتعتق رقابنا جميعاً من النار إنه ولى ذلك والقادر عليه تحيتى شارك هذه المشاركه رابط المشاركه شار ك علي موقع اخر
Dr.A7MD 130 قام بنشر August 16, 2009 (تعديل) السلام عليكم موضوع يستحق النقاش وإيضاح بعض النقاط مع احترامى الشديد لكاتب الموضوع .... واحترامى الأشد للأخوة الكرام اللى ردوا على الموضوع برده الأخ الكريم بيقول خلينا نتكلم عن النماذج الكويسة وبلاش نتكلم عن النماذج الوحشة عشان يبقى النقاش صحيح أخى الكريم ... يبقى لازم يشمل كل حاجة حضرتك فى موضوعك بتقول " بشوف بشوف بشوف " احنا بنشوف الظاهر بس اللى قدامنا أخى الكريم محدش قال ندخل فى سوء الظن ... لا طبعا ... حسن الظن واجب طبعا بس منقدرش نحكم على الأشخاص من واقع النظر أو " الشوف " بس وانت حضرتك اعطتنا مثل للمنتقبة والمتبرجة ...... طيب فين الصنف التالت يا أخى الكريم واحدة لابسه خمار طويل أو طرحة طويلة ...... فين دول من الحسبة أخينا الكريم أبو تسنينم قال انه بيعد عدد المنقبات فى الشارع طيب كام منهم ملتزم فعلا يا أبو تسنيم ؟؟؟؟؟ محدش يعرف سرائر وخبايا النفوس الا ربنا عز وجل الرسول صلى الله عليه وسلم قال " أرايت الشمس !!!! .. فعلى مثلها فاشهد " وربنا عز وجل قال فى القران الكريم " وليضربن بخمرهن على جيوبهن " ياترى ايه معنى الجيب هنا فى تفسير معظم الفقهاء ؟؟؟؟؟ والسيدة أسماء عندما أقبلت على رسول الله صلى الله عليه وسلم وكانت صغيرة السن وحديثة البلوغ وكانت مرتدية ثياب رقاق على حسب نص الحديث وياريت لو غلط حد يصححلى يا جماعة فأعرض عنها الرسول الكريم وقال لها فيما معناه " إذا بلغت المرأة الحلم لا يظهر منها إلا هذا وهذا " وأشار إلى الوجه والكفين أنا مش معترض على النقاب يا جماعة ...... أنا معترض على الحكم على الناس بمجرد النظر النقاب دلوقتى بقى موضة ....... وصلت لدرجة أن واحدة مثلا تنتقب عشان تتجوز أو عشان يتقال عنها ان دى ملتزمة أو سعات فى بعض الاحيان يكون النقاب وسيلة لإخفاء الوجه عند بعض البنات اللى ترى نفسها ليست جميلة ياريت نفكر كويس يا جماعة قبل ما نحكم على أى حاجة وارجع واقول فعلا هناك فارق بين لحم رخيص ولحم غالى لى اعتراض شخصى على هذه الجملة ....... كانت ممكن تقال بطريقة أفضل من كدا تحياتى للجميع تم تعديل August 16, 2009 بواسطه Dr.A7md شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر August 16, 2009 "يا سيدى/وياستى .. لو مكنتش/مكنتيش قادر إنك تلتزم ودتبقى كويس زيهم .. يبقى على الأقل لا تؤذيهم بكلامك" جزاك الله خيرا ابو تسنيم رااااااااااااااائع شارك هذه المشاركه رابط المشاركه شار ك علي موقع اخر
ABOTASNEEM 117 قام بنشر August 16, 2009 أخى الكريم د. أحمد لا أدرى لماذا يتسم ردك بالتناقض الغريب جداً فلقد ذكرت شيئين متناقضين تماماً .. وهذا ينم عن شىء غريب جداً وهو أنك تناقض نفسك وتدحض ما تحتج به .. فلقد ذكرت تلك الجملتين التاليتن فى ردك محدش قال ندخل فى سوء الظن ... لا طبعا ... حسن الظن واجب طبعا أخينا الكريم أبو تسنينم قال انه بيعد عدد المنقبات فى الشارع طيب كام منهم ملتزم فعلا يا أبو تسنيم ؟؟؟؟؟ لذا فلن أعلق على ردك حيث أنك قد رددت على نفسك !! ولكـــــــــــــــــــــــــــن أخى الكريم فى الله د. أحمد لا تدفعنا حميتنا أن نجادل فى أشياء قد تحدث فيها من هم أعلم منا جميعاً فلقد تحدث العديد من علماء الأمة ومشايخها الأجلاء فى تلك القضية وهم وبلا شك أعلم منى ومنك ومن كثير .. لأنهم أهل لأن يتكلموا فى مثل تلك القضية ويذكروا فيها الردود القاطعة من القرآن والسنة وهذه محاضرة قيمة جداً للشيخ مسعد أنور ناقش فيها قضية النقاب حكمه ووجوبه وهل هو فرض أم سنة ولماذا ينادى به كثيراً فى تلك الأيام التى نحياها فى ظل تلك الفتن العارمة ورد أيضاً فيها على الملابسات التى ذكرها الجهلاء من القوم فى تلك القضية http://forums.yallagroup.net/16185 تحيتى لك أخى د. أحمد --------------------------------- جزاك الله خيرا ابو تسنيم رااااااااااااااائع وكذلك جزيتى خيراً كثيراً أختى الكريمة حياتى من أجل ربى روح نقاش منتديات ياللاياشبا شارك هذه المشاركه رابط المشاركه شار ك علي موقع اخر
Dr.A7MD 130 قام بنشر August 16, 2009 (تعديل) سبحان الله يا أخى ...... تناقض ايه !!!!!!! حضرتك مقتبس جملتين فى كلام بينهم أنت تغاضيت عنه محدش قال ندخل فى سوء الظن ... لا طبعا ... حسن الظن واجب طبعا بس منقدرش نحكم على الأشخاص من واقع النظر أو " الشوف " بس وانت حضرتك اعطتنا مثل للمنتقبة والمتبرجة ...... طيب فين الصنف التالت يا أخى الكريم واحدة لابسه خمار طويل أو طرحة طويلة ...... فين دول من الحسبة أخينا الكريم أبو تسنينم قال انه بيعد عدد المنقبات فى الشارع طيب كام منهم ملتزم فعلا يا أبو تسنيم ؟؟؟؟؟ محدش يعرف سرائر وخبايا النفوس الا ربنا عز وجل الرسول صلى الله عليه وسلم قال " أرايت الشمس !!!! .. فعلى مثلها فاشهد " غريب ايه وتناقض ايه حضرتك فى فرق حضرتك بين حسن الظن والحكم على الشخص لما اجى اتكلم عن شخص حضرتك بقول أحسبه على خير لكن لا أقطع بالدليل القاطع أنه زى الفل وميه ميه فين التناقض حضرتك بالظبط ؟؟؟؟؟ فى فرق بين الظن والحكم يا أخ أبو تسنيم ..... وده مش كلامى .... ده كلام العلماء برضه وبعدين الحديث اللى ذكرته حضرتك والأية اللى استشهدت بيها دول منين ؟؟؟ مش قرآن وسنة برده ؟؟؟؟ ومش كلام الفقهاء والعلماء برده ولا كلامى أنا ؟؟؟؟؟ وأنا فى ردى لا تطرقت لا لشرع ولا مسألة فقهية عشان نمنع الكلام فيها ولا قلت ده حرام أو ده حلال راجع ردى كويس أخى الفاضل انا محكمش على أى أخت سواء منقبة أو محجبة أو لا دى ولا دى أنها كويسة ولا لا أنا بقول الحكم مش بالشوف ولا بالنظر بس ايه الغرابة فى كدا مش عارف هو أنا ردى بيقول أنى ضد النقاب !!!! .... هاتلى الحتة اللى بتقول كدا حضرتك حكمه ووجوبه وهل هو فرض أم سنة ولماذا ينادى به كثيراً فى تلك الأيام التى نحياها فى ظل تلك الفتن العارمةورد أيضاً فيها على الملابسات التى ذكرها الجهلاء من القوم فى تلك القضية أهو حضرتك بتقول " ينادى بها " اسمع حضرتك الشيخ محمد حسان ... او الشيخ وجدى غنيم عن قضية الحجاب كاملة مش النقاب بس وتعال حضرتك قولى كلامى غلط فى ايه وياريت تسمع تفسير الآية اللى ذكرتها والحديث اللى قلت معناه وأنا لا تطرقت لمسألة شرعية ولا قلت فتوى حضرتك الموضوع طرح النقاش فى مسألة ان احنا بنشوف النقاب قدامنا كمنظر ...... لكن كثير جدا لا نراه كسلوك هذا قصدى من ردى على الموضوع ....... وياريت حضرتك تقرى ردى كويس وبلاش تاخد كلامى كلمة وتسيب التانية هذا ردى الأخير وأعتقد أنى كافى وشافى تحياتى ليك أخى الفاضل تم تعديل August 16, 2009 بواسطه Dr.A7md شارك هذه المشاركه رابط المشاركه شار ك علي موقع اخر
ABOTASNEEM 117 قام بنشر August 16, 2009 هذا ردى الأخير وأعتقد أنى كافى وشافى تحياتى ليك أخى الفاضل وتحيتى لك شارك هذه المشاركه رابط المشاركه شار ك علي موقع اخر
رجل من الصحراء 36 قام بنشر August 16, 2009 تحيتي لكما اتنما الاثنين واعتقد ان كده فل خالص شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر August 17, 2009 جزاك الله خيراً (غريق مش لاقى قشه) على موضوعك الرائع والله إنى لأدعو للمنتقبات فى كل مره أرى فيها منتقبه ،، وأسعد بكثرتهم ،، وادعو الله ان يهدى بنات ونساء المسلمين الى النقاب القضيه كبيره جداً ،، وتستحق النقاش - والجدل بها من ضعاف النفوس كثير ،، والله أعلم من كل عالم رسالة أريد توجيهها لأخواتى المسلمات ،، ممن يرتدون لبساَ ضيقاً يبرز مفاتنهم ,, وهم الىن أكثر من حبات التراب فى الشوارع إسألى نفسك أختى قبل أن تلبسى هذا اللبس : أهذا يرضى الله ورسوله !! إذا أجبتى بأنه لا يرضيهم وخرجتى به - فأنتى تتجرأين على الله ورسوله ، وتعاندين الحق - وأدعو الله ان يسامحك ويهديكى ،، أما إذا أجبتى بأنه نعم يرضيه ، وكان هذا اللبس فاضح - فقد كذبتى على الله ورسوله وهذا يوقعك فى أمر كبييير ،، أستعيذ بالله أن تقعى فيه ،، أخواتى .. والله إنكم لجواهر أمتنا - ونريد أن نحافظ عليكم - فلا تنفروا من نصيحتنا وتشجيعنا لكم بالهدايه التامة ،، أدعو كل أخت .. لإرتداء النقاب والإلتزام به وإحترام قدره تحيتى لكم ،، وجزاك الله كل الخير حبيبى مره أخرى على طرح موضوعك الرائع شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر August 17, 2009 لا بجد رد راااااااااااااااااااااائع جزاك الله خيرا عاشق الصداقه ربنا يجعل كل ما تكتب فى ميزان حسناتك وبلغك رمضان وهو راض عنك ويوفقك فيه الى كل الطاعات ويزيدك من فضله ويحقق لك كل ما تتمنى ويجعلك من الشباب الذين يفخر بهم محمد صلى الله عليه وسلم ما انا مش لاقيه موضوع ادعيلك فيه نظرا يعنى لانك بترد على كل موضوعاتى فقولت ادخل ادعيلك هنا ردك اكثر من رائع شكرا جزيييييييييييييييييلا لك شارك هذه المشاركه رابط المشاركه شار ك علي موقع اخر
ali desoky 391 قام بنشر August 18, 2009 بصراحه عجبني جدا النقاش وراء هذا الموضوع لذا فاني لا استطيع ان اضيف شيئا سوي الدعاء لاخواتنا المسلمات بان يسترهن الله ويبعد عنهن الفتنه ويكرمهن بالخير دائما شارك هذه المشاركه رابط المشاركه شار ك علي موقع اخر
YouTh~TiGeR 4 قام بنشر August 18, 2009 بسم الله والصلاة والسلام على رسول الله إلى اخى عريق سبتنا ومشيت هههههههههه عملتها وجريت....موضوع مناقشة حامى ومش شايفينك من ساعتها عسى المانع خير وردك اخى YouTh~TiGeRاكثر من راااااااااااائع شكرا لكى أختى حياتى يمكن أكون مش كويس .. لا أنا أكيد مش كويس ومقصر فى حق ربنا سبحانه وتعالى وفى حق المصطفى صلى الله عليه وسلم كنت لسه هأقول لك عالبيت اللى بيضم المعنى ده ...لقيتك ذاكره بعديها بسطرين وانت حضرتك اعطتنا مثل للمنتقبة والمتبرجة ...... طيب فين الصنف التالت يا أخى الكريم حبيب قلبى دكتور أحمد أشكرك على التنبيه وأسف إنى أتأخرت فالرد بس النت كان فاصل حضرتك لو تراجع القول لمنقبة= الحلوى المغطاة بكيسهامتبرجة او متحجبة حجاب عادة وليس عبادة= حلوى مكشوف غطائها بس لو تلاحظ إنى عملت معادلتين عكس بعض....فلو قلنا إن المقية عكس المتبرجة....فمعنى كده إن الحجاب العادة وليس عبادة موجود معناه مجازا فى قول المنقبة عن قول الحجاب العبادة وليس العادة وهناك مقولة تحسم الأمر كله.... "لنا الظواهر ولله السرائر" فحتى هى لو غطت عشان موضة أو تتجوز فهى رحمت شباب كتير من الفتنة وشجعت غيرها ولو بطريقة غير مباشرة على النقاب....صح؟ ورأى إنى بعامل اللى قدامى على حسب ما شايف مظهره ما دام معرفتهوش أو عرفته معرفة سطحية...وإلا فإيه فايدة الفراسة اللى برع فيها العرب..؟ والبصيرة اللى بتكتسبها من غض البصر ..؟! يعنى نضرب مثل... لو أنت روحت مكان ولقيت فيه شخصين واحد لابس هدوم كده غريبة ولابس سلسلة و"حظاظات" وواحد لابس محترم يعنى تى شيرت عادى أو قميص تحب تروح تعد جنب أنهى..؟وتفتح معاه حديث..؟ بالتأكيد اللى محترم "فالأرواح جنود مجندة"تتجاذب لمثيلاتها وأنا فى أشد الإتفاق معك أن النقاب والإسدال أصبحوا موضة وأنا شفت بعينى كذا منظر يدل على كدا وبلاش أقول لحسن تتحسي عليا يوم الدين وإن كنتوا تعلمون فهناك إمام من الآمة الأربعة كان أسلوب حديثه ونقاشه أن يقتنع بوجهة نظر من أمامه ليتمكن من إقناعه شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر August 18, 2009 وهناك مقولة تحسم الأمر كله.... "لنا الظواهر ولله السرائر" فحتى هى لو غطت عشان موضة أو تتجوز فهى رحمت شباب كتير من الفتنة وشجعت غيرها ولو بطريقة غير مباشرة على النقاب....صح؟ يعنى بصراحه مش عارفه اقتبس انهى جزء الكلام كله تماااااااااااااام بجد جزاك الله كل خير ربنا يكرمك ياااااااااااااااااااارب شارك هذه المشاركه رابط المشاركه شار ك علي موقع اخر
غريق مش لاقى قشه 1 قام بنشر August 19, 2009 (تعديل) لالالالالالالالا انا ماكنش قصدى انى اعمل الحوار الجامد ده بس زى الفل طلعتم جامدين جزاكم الله خيرا عملتها وجريت....موضوع مناقشة حامى ومش شايفينك من ساعتها لا والله يا محمد انا بس كنت بخلص ورق الجيش بتاعى ادعووولى كل سنه وانتم طيبين تم تعديل August 19, 2009 بواسطه غريق مش لاقى قشه شارك هذه المشاركه رابط المشاركه شار ك علي موقع اخر
ام مجد 0 قام بنشر August 19, 2009 موضوع جميل جدا وانا راي مشابة تقريبا لراي اخي drاحمد فعلا النقاب اليومين دول بأة موضة وراي دة عن ثقة وتعامل مع كتير من النوعية دي ان عرفت بنات لبسين النقاب اصلا مبيصلوش وكمان بيسمعو اغاني ومبيسمعوش قران خالص مع العلم اني مش ضد النقاب انا اصلا لبسة النقاب بس انا ضدد الي بيلبسوه قبل ميكملو فروض دينهم ولكم كل الاحترام شارك هذه المشاركه رابط المشاركه شار ك علي موقع اخر
مي مادي 1 قام بنشر August 19, 2009 والله يا جماعة الموضوع دة اختلف فيه ناس كتير وعلماء كتير بس الحقيقة هو طبعا شئ جميل وعفاف لبنات المسلمين خصوصا في زمان كثر فيه الفتن ربنا يحفظنا بس فعلا للاسف في 70%من الي لبسين النقاب ميعرفوش معنا النقاب الحقيقي وكتير كمان لبسه عشان يستخبى فيه وكتير بيلبسوه في اوقات معينة والاوقات التانيه لأ مفيش حد منكم شاف واحدة لبسة النقاب على جيبة ضيقة وبضي مفسر كل جسمها؟ انا شفت كتيييييير مفيش حد فيكوا شاف واحدة لبسة نقاب مليان خرز وترتر بيلمع ومسبتش حاجة للراقصات؟ انا شفت وغيرها عينات للاسف كتيييييييييييير انا مش ضد النقاب انا نفسي لبساه من 9 سنوات يعني كان اياميها لسة مطلعش موضة بس بجد انا لما بشوف العينات السيأة دي محس ان الناس كلها شيفة المنقبين انهم مش كويسين يا جماعة العينات دي موجودة فعلا ومش معقول انكم مشفتهاش بس زي ما في كدة في عينات الواحد يتشرف انه بيعرفها بس فعلا السيئة بتعم والحسنة بتخص وللاسف السيئة كتيييييييييير يارب اهدي بناتنا وبنات المسلمين شارك هذه المشاركه رابط المشاركه شار ك علي موقع اخر
AMR DAWAM 7 قام بنشر August 19, 2009 موضوع رائع جدا اخى غريق نظرت له من جانب جيد ومتميز جدا وكما ذكرت اختى حياتى من اجل ربى "لنا الظواهر ولله السرائر" فعلا نتمنى الخير امام الناس وكفى ما قاله ابو تسنيم وبصراحة انا شايف انو الوحدة اللى لابسة نقاب بتبعدنا خالص -احنا الشباب- عن التفكير فى حاجات كتير غلط والباقى ندعو الله ان يهدى الجميع لطاعة الله الخالصة شكرا لك اخى غريق ******************** شارك هذه المشاركه رابط المشاركه شار ك علي موقع اخر
نودة 41 قام بنشر October 6, 2009 السلام عليكــم ورحمـة الله وبركاتــة ،، فرضا ان النقاب ده موضة زي ما بعض الاخوة ذكروا فما احلاها من موضة انا شخصيا مش عايزة البس النقاب انا هاموت و البسه شارك هذه المشاركه رابط المشاركه شار ك علي موقع اخر
خلادالحوتي 0 قام بنشر October 6, 2009 بالنسبة للنقاب أنا أحترمه وأؤيده وإن كان سنه ويجب علينا ألا نحكم عاى المنقبات أهل له أم لا بيعملوا به أم لا فهذا الأمر موكل لله نحن ننظر للزي نفسه يؤدي الهدف أم لا ليس لنا حق أن نقول هناك من يرعى حقه أم لايرعاه الأمر بالضبط زي المسلم الذي يؤدي تعاليم الإسلام والمسلم بالاسم فقط فهل يجوز أن نصف اسلام المسلم بالاسم فقط بانه غير مناسب العيب في الأفراد وليس في الشرع الشرع له ضوابطه وأهدافه ونحن من نقوم بها أو نهدمها هنا الحكم لشرع وليس للميل أو الراحة وهذا الموضوع فصل فيه العلماء ونحن بصدد السمع والطاعة وليس المراجعة شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر October 6, 2009 ويجب علينا ألا نحكم عاى المنقبات أهل له أم لابيعملوا به أم لا فهذا الأمر موكل لله نحن ننظر للزي نفسه يؤدي الهدف أم لا ليس لنا حق أن نقول هناك من يرعى حقه أم لايرعاه راااااااااااااائع جزاك الله خيرا اخى ((خلاد الحوتى)) كلامك جميل ورائ فى منتهى الروعه احترامى وتقديرى لكلماتك الرائعه شارك هذه المشاركه رابط المشاركه شار ك علي موقع اخر
غريق مش لاقى قشه 1 قام بنشر October 8, 2009 متشكرين يا شباب شارك هذه المشاركه رابط المشاركه شار ك علي موقع اخر
