كلام من خاطرى

[حياتى من اجل ربى 22]

احبائى اعضاء بيتى الثانى

 

الزمن ده ماينفعش فيه امانه

البلطجى وقليل الاخلاق بس هو اللى بيعيش

لازم هى الناس دى مش بتيجى غير كده

دلوقتى احنا فى زمن الدراع

لو عندك ذوق وطيب هتاخد على دماغك

لازم تكون ناشف ودماغك ((مش نضيفه ))علشان تكبر

عيش نصاب تعيش مرتاح

 

 

كلمات سمعتها وتكررت كثيرا

من كثيرا من الناس

هل يجب ان اعامل الخائن بنفس اسلوبه؟

هل يجب ان اكذب لان من امامى كذاب ؟

هل يجب عليا ان اسرق لان من امامى اصلا حرامى ؟

ام على ان اتعامل باخلاقى مهما كان من اتعامل معه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رايئ انا فى هذا الموضوع

 

"أد الأمانة إلى من ائتمنك، ولا تخن من خانك" (رواه أبو داود)

 

 

انا شايفه ان مش علشان الدنيا كلها غلط امشى انا كمان غلط

ماهى اصلها مش فارقه كتير

لا

انا ساجبر من امامى ان يتعامل معى باخلاقى لا باخلاقه

بس الموضوع بس محتاج شويه صبر

ولا انتم ايه رايكم

؟؟؟؟؟؟؟؟؟؟؟

ياريت اللى شايف فى رائ حاجه غلط يقول

انا كاتبه الموضوع ده علشان لو كان فيه فى افكارى

او اللى انا مقتنعه بيه

اى شئ غلط تصلحهولى

انتم جمييييعا اخوتى

احبكم فى الله

[الجندى المجهول 37]

ارضى ربك يرضا عليكى يهدى حال الدنيا بيكى

 

عمركى مترضى ربنا وفى حد فى الدنيا يقدر يضرك كل الكون هيمشى معاكى

جزاكى الله الجنه

بارك الله لكى فى شهر رمضان

ورزقكى استجابه الدعاء

واضاء وجهك بالقراءن

[حياتى من اجل ربى 22]

جزاك الله خيرا

شاعر المنتدى

اسال الله ان يوفقك فى رمضان الى طاعته

وان يهديك الى كل ما يحبه ويرضى عنك

ويحقق لك كل ما تتمنى

كل عام وانت بخير

[«۞۩ أبو سليمان ۩۞» 179]

بجد وحشتني جدا موضوعات النقاش الجادة لأختي حياتي من اجل ربي

 

طبعا انا معاكي ان دلوقتي الغلط هو الشيء السائد و ان اللي بيعمل الصح بقي انسان غريب

 

افتكر مرة ان فيه واحد صاحبي بكلمه و بقوله رأيي في موضوع كده

 

فبيقولي اللي ذيك انقرضوا من زمان ,,,, على اساس اني ديناصور يعني

 

المهم

 

صحيح ان اللي بيتصرف صح هيلاقي مشاكل كتير و هيتعب ... بس برضوا كفاية انه هيرضي ضميره و انه ينام و هو مرتاح

 

يعني تقريبا يوميا بتحصل معايا مشاكل في الشغل بسبب اني عاوز اشتغل صح

 

و رأيك اختي حياتي من اجل ربي صح جدا

 

مهما اللي قدامي بيتصرف غلط ,,, لازم اتصرف على اساس اخلاقي موش اخلاقه

 

أولا هرضي ربي بتصرفي ده

 

ثانيا هو هيضطر يعاملني بأخلاقي

 

ثالثا ان بتعاملي معاه ممكن ربنا يهديه و يتصرف صح بعد كده و تتصلح اخلاقه و يبقى كسبت كتييييير جدا

 

يكفي قول رسولنا الكريم فيما معناه ولأن يهدي الله بك رجلاً واحداً خير لك من حمر النعم

 

شوفوا بتعاملي ده ممكن اكسب قد ايه

 

بجد هي تجارة مربحة جداااااااااااااااااااااااااا

 

جزاكي الله خيرا أختي

 

تحيتي و تقديري

[حياتى من اجل ربى 22]

جزاك الله كل خير اخى خالد

طبعا انا مهما قولت لن اوفيك حقك

بجد كلام اكثر من راااااااائع

ربنا يوفقنا دائما الى مافيه الخير

ويتقبل منا اصلح الاعمال

ويهدينا الى احسن الاخلاق

 

 

 

احترامى وتقديرى لك اخى

وكل عام وانت بخير

تم تعديل August 21, 2009 بواسطه حياتى من اجل ربى

[عاشق الصداقه 525]

أكثر جمله أعجبتنى فى الموضوع ،،

انا ساجبر من امامى ان يتعامل معى باخلاقى لا باخلاقه

رغم أنها لا تفلح دائماً ،، لأن هناك انواع من البشر لا يصلح الأمر معهم ولا يتعاملون بالخلق الحسن إلا إن هداهم الله

فلا نستطيع دائماً أن نجبر من يتعامل معنا أن يعاملنا بالحسنى إن كان هو ليس من اهل الحسنى ،، ولكن بالنسبة لتصرفنا رداً على تصرفاتهم :

الزمن ده ماينفعش فيه امانه

البلطجى وقليل الاخلاق بس هو اللى بيعيش

لازم هى الناس دى مش بتيجى غير كده

دلوقتى احنا فى زمن الدراع

لو عندك ذوق وطيب هتاخد على دماغك

لازم تكون ناشف ودماغك ((مش نضيفه ))علشان تكبر

عيش نصاب تعيش مرتاح

 

بالطبع كل هذا خاطىء تماماً ،، ولكن الحل للتعامل (الصحيح) مع الناس - سواءً كانوا أخيار أم أشرار هو أسلوب بسيط للغايه ،، ولكن لمن يطبقه

 

هو أن تتعامل بما يرضى الله ورسوله

 

هذا خلاصة القول وأفضله ،، وإن كان تطبيقه ليس بالأمر الهين - الى من وفقه الله لذلك

دعك من المقولات التى إخترعناها وصدقناها ونسير على نهجها والكل يقتل بعضه والكل يعادى بعضه والكل يفترى والكل .... وأين الله من ذلك ؟؟

دوماً إسأل نفسك قبل أن تتعامل ، أو يصدر منك اى فعل - هل هذا يرضى الله ورسوله !! وبناءً على إجابتك تصرف

تحيتى لك أختى الفاضلة وجزاكى الله كل الخير وجعل كل ما تفيدينا به فى ميزان حسناتك وجعل كل حياتك من اجله وإبتغاء مرضاته وأسعدك فى الدنيا والآخره

[حياتى من اجل ربى 22]

ياسلام

جزاك الله خيرا اخى

اولا ::يشرفنى ردك على موضوعى جداااااااا

ثانيا ::طبعا هو الاعتبار الاول ان تكون كل افعالى ترضى الله ورسوله

ربنا يوفقنا الى افضل الاعمال ويخلقنا بافضل الاخلاق

ويوفقك فى رمضان الى طاعته

والى خير الاعمال

ويحقق لك كل ما تتمنى

ويهديك ال ما يحبه ويرضى عنك ويعتقنا جميعا من النار

 

شكرا لك

:smile:

[AMR DAWAM 7]

شكرا أختى حياتى على طرح هذا الموضوع الرائع

 

فعلا بنسمع الكلام دا كتير اليومين دول

 

وانا معاكى ومع رايك ان لازم اعيش بمبدأى وطالما ان كويس وعندى القدرة فى التحكم بانفعالاتى واستيعاب الاخر

هجبره على انه يتعامل معايا كويس

*****************

[ali desoky 391]

اختي حياتي من اجل ربي

 

دايما مواضيعك كده تشد الواحد ولازم تخليه يرد عليها

بصراحه كده مواضيع نقاشيه هايله

 

بس انا مش هارد غير باقتباس

 

أد الأمانة إلى من ائتمنك، ولا تخن من خانك

 

وبعد الاقتباس ده مفيش كلام تاني

 

 

جزاك الله خيرا

اختي المحترمه جدا جدا

 

اللهم اجعل شهر رمضان شهر خير لكي

ويحقق لكي كل ما تتمنينه