ABOTASNEEM 117 قام بنشر October 23, 2006 باصى ياحمادة سيداتي آنساتي سادتي.. رجعنالكم مرة تانية للتعليق على مباراه الهلال و الحناكيش .. وزي ما حضراتكم شايفين الكورة مع حمادة من فرقة الحناكيش .. حمادة معاه الكورة.. ماشي حمادة بالكورة.. عدى حمادة من الأول والتاني والتالت.. خلاص كفاية كده يا أبوحمييييييييييييييد باصي لزمايلك بقى.. طبعا حضراتكم سامعين زملاءه وهم بيندهوا عليه "باصي ياحمااااااااااااااااااادة .. باصي يا عم !" وحمادة ولا هو هنا.. ماشي حمادة بالكورة.. قرب على الجول.. هيشوط.. ممكن يجيب جول.. آآآآآآآآآآه ه ه ه ه ه ه ه.. برافو عليك يا ميشووووووووووووووووووو .. مدافع صلب بصحيح.. انتهز إن حمادة تعب من المشوار الكبير اللي عمله.. وخطف من قدامه الكورة قبل ما يشوطها.. وضاع المجهود.. مش كنت باصيت الكورة لزمايلك يا ابو حميييييييييييييييد ؟! تفتكر شفت المشهد اللي فات ده كام مرة؟! كام مرة كنت "حمادة" اللي مفكر نفسه بيلعب المباراة لوحده وبس.. مع إن فيه عشرة تانيين بيلعبوا معاه في نفس الفريق؟ وكام مرة كنت مطنش زمايلك وهم بيندهوا عليك "باصي يا كابتن .. باصي يا عم .. باااااااااااااصي يالاااااااااااااااا !" وعملت نفسك مش واخد بالك.. لأنك متخيل إنك لو باصيت الكورة لحد تاني وجاب هو الجول هو اللي هياخد كل الأضواء.. وإنت مهما عملت مش هتاخد ضوء زيه؟ انا عن نفسي شفتها كتيييييير .. يمكن ساعات كنت منهم زمان بس الحمد لله دلوقتي مابقتش كده خـالص وكام مرة جالك شعور وإنت بتلعب كورة ولا بتعمل مشروع مشترك مع زمايلك في الجامعة ولا وانت بتشتغل مع مجموعة كبيرة في شغل ما.. بأنكم تفتقدون أهم حاجة.. بتفقدوا أهم سبب من أسباب نجاح أي مجموعة بتشتغل مع بعضها.. روح الفريق.. TEAM WORK معظمنا معندوهوش الثقافة دي.. ثقافة الكل في واحد.. وده مش مبدأ اشتراكي شيوعي لو جه في بال حد منكم.. مطلقا.. ده مبدأ إنساني بحت.. مبدأ زرعه فينا الله سبحانه وتعالى لما خلانا مانقدرش نمشي بشكل متزن إلا لو كنا بنمشي على رجلين اتنين مش رجل واحدة بس.. واللي خلانا نشوف بشكل أفضل لما نبص بعنينا الاتنين مش عين واحدة وبس.. واللي خلى أجدادنا يلخصوا الكلام ده في مثل بليغ جدا.. إيد لوحدها ماتصقفش وفكرة الابتعاد عن الأنانية والذاتية والعمل بروح الفريق سبب رئيسي في تقدم البشر والناس... حتى الحيوانات والحشرات يا جدع !!!!! على العموم ... اقعد كده على سلم بيتكم.. وتابع مجموعات النمل وهي بتتحرك وبتنقل ذرات السكر اللي وقعتها على السلم .. هتلاقي لو ذرة السكر كبيرة.. حوالي خمس أو ست نملات بيشدوها مع بعض.. عمرك ماهتلاقي نملة عاملة فيها "شجيع السيما" وماسكة ذرة السكر الكبيرة لوحدها وبتجري بيها هي وبس.. لأن النملة عارفة إن "نملة لوحدها ماتصقفش"! بلاها نمل دلوقتي... وتعال للبشر.. البشر الحقيقيين.. دكتور "أحمد زويل" عالمنا المصري اللي أخد أهم جايزة عالمية في العلوم.. دايما بيكون حريص على إنه يؤكد إن الجايزة مش بتاعته وبس.. وإن الكشف اللي وصل له ماوصلوش لوحده.. أبدا.. كان دايما بيؤكد أن وراء الاكتشاف ده فريق عمل كبير جدا.. وأنه لولا الفريق ده متعاون عمرهم ما كانوا وصلوا لكل اللي وصلوا له.. وتخيلوا أن دكتور "زويل" قال مرة إنه كل يوم بيصحى الصبح وهو مبسوط جدا إنه هيروح الشغل عشان يشوف آخر النتائج اللي توصل لها الفريق اللي بيشتغل معاه.. لا فكر بقى في مين اللي هياخد الشهرة.. ولا فكر بقى مين اللي هيجيب جول.. كل اللي فكر فيه إن الفريق هو اللي هيكسب.. مش برضه احنا محتاجين روح الفريق في اي عمل جماعي نكون فيه .. محتاجينها في البيت والمدرسة والجامعة والشغل.. وهنا في المنتدى كمان قولولنا ازاي ممكن نغرس روح الفريق.. وروح الجماعة فينا.. واحكوا لنا عن تجاربكم اللي قمتم بيها مع ناس تانيين ونجحت عشان روح الفريق كانت مزروعة جواكم.. وإيه التجارب اللي فشلت لأن روح الأنانية كانت مسيطرة عليها.. فى انتظار ردودكم ومشاركاتكم ان شاء الله م ن ق و ل ط ب ع ا 1 شارك هذه المشاركه رابط المشاركه شار ك علي موقع اخر
نجمة الكتب 5 قام بنشر October 25, 2006 في الجون يا حمادة.... قصدى يا ابو تسنيم بجد موضوع في الجون ومهم جدا انا عن نفسى مريت بتجربتين عرفت منهم اهمية روح الفريق والعمل الجماعي، اولهم اننا في الكلية عملنا مشروع اسمه طبق الخير ، كل واحد جاب اكل من بيته وبعناه فى الكلية كنا مبسوطين جدا ومكناش مصدقين اننا لمينا الفلوس دى كلها واللى الحمد لله قدرنا نعمل بيها حاجات كتيرة لناس محتاجين، كنا متعاونين جدا وكان كل واحد بيباصي للتانى وطبعا لو كان واحد لوحده عمره ما كان هيجمع الفلوس دى كلها والعمل الفردى يمكن بيسلط الضوء عليك اكتر بس العمل الجماعى ممتع جدا جدا. تانى تجربة برده كانت في الكلية بس للاسف كانت فشل ذريع لاننا كنا مكلفين بمشروع نعمله كمجموعة وللاسف كل واحد اشتغل لوحده يعنى كل واحد فينا كان حمادة وبعض الناس تكاسلوا ومعملوش اللي عليهم بس تعرفوا التجربة التانية دى ادتنى فكرة عن مواصفات الفريق الناجح مهو مش اى فريق لازم ينجح، لأ لازم يكونوا كلهم بيحبوا يشتغلوا وعندهم احساس بالمسئولية ولازم يكون في بينهم تفاهم ومتحابين ومتفقين على الهدف، ده طبعا غير القائد الهمام اللى يقدر ينظم الجهود. يا رب يكون منتدانا مثال للفريق الناجح دايما ان شاء الله ونرفع شعار باصي يا حمادة شارك هذه المشاركه رابط المشاركه شار ك علي موقع اخر
ABOTASNEEM 117 قام بنشر October 25, 2006 الف شكر على مرورك اختى الكريمة نجمة الكتب واحمد الله انم الموضوع قد لاقى قبولا ، واسال الله ان يجعله سببا فى النهوض بمنتدانا وجعله المنتدى الاول على مستى العالم كله ( متضحكيش ) ان شاء الله . واشكرك مرة اخرى على ذكر التجربتن الخاصة بالعمل الجماعى اللى مريتى بيهم ولفت انتباهى عند ذكر للتجربة التانية انك قولتى بس تعرفوا التجربة التانية دى ادتنى فكرة عن مواصفات الفريق الناجح مهو مش اى فريق لازم ينجح، لأ لازم يكونوا كلهم بيحبوا يشتغلوا وعندهم احساس بالمسئولية ولازم يكون في بينهم تفاهم ومتحابين ومتفقين على الهدف، ده طبعا غير القائد الهمام اللى يقدر ينظم الجهود. وده فعلا مهم جدا علشان يكون العنل الجماعى ناجح ..... فإلى العمل الجماعى ياشباب منتدى ياللاياشباب .... وفقنا الله الى ما يحبه ويرضاه واوعى تنسى شعارنا " باصى ياحمادة " شارك هذه المشاركه رابط المشاركه شار ك علي موقع اخر
نجمة الكتب 5 قام بنشر October 27, 2006 ABOTASNEEM ::*:: مشاركة بتاريخ Oct 25 2006, 05:19 PM واسال الله ان يجعله سببا فى النهوض بمنتدانا وجعله المنتدى الاول على مستى العالم كله ( متضحكيش ) ان شاء الله . ان شاء الله هيكون احسن منتدى فى المجرة بحالها مادام فيه ناس عندهم الطموح اللى عندك ده ومصممين ينجحوا شارك هذه المشاركه رابط المشاركه شار ك علي موقع اخر
مريم بنت عمران 0 قام بنشر October 27, 2006 جزاك الله خيرا كثيرا أخ "ابو تنسيم" موضوع مهم فعلا وعايز وقفه وسبحان الله اللى خلانى اشترك هنا فى المنتدى انى حسيت روح التعاون هنا عاليه جدا ولمست فيكم حب اننا نعمل نهضه وتنميه وهيفضل التعاون باذن الله طالما فى هدف عايزين نوصله وطالما فى نيه عندنا احب لأنفسنا من اى شىء جزاك الله خيرا كثيرا شارك هذه المشاركه رابط المشاركه شار ك علي موقع اخر
ABOTASNEEM 117 قام بنشر October 27, 2006 ان شاء الله اختى العزيزة نجمة الكتب واختى مريم بنت عمران ولكن ،،،،، اود منكما ومن جميع الاعضاء المشاركة الجادة ************************************* فاتمنى اعطائنا طرق وخطوات نسير عليها فى المنتدى للوصول الى القمة التى نسعى لها دائما وجزاكم الله خيرا وجعلنا واياكم زخرا وعزا ونصرا للاسلام والمسلمين فى مشارق الارض ومغاربها شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر October 28, 2006 موضوع غايه فى الروعه ..... أشكرك حبيبى أبو تسنيم على إثارته ... وقد أبدعت فى نقله فجزاك الله خيراً ... " باصى ياحمادة " فعلاً ... لازم حماده يباصى ... وميعتبرش نفسه لوحده فى الملعب .. وينفض للباقى علشان هو اللى يجيب الجون ... واقع نراه فى حياتنا كل يوم .. ويارب منكزنش من الناس دى لأننا بنحاول نغير نفسنا واللى حوالينا علشان الكل يفكر بطريقه ايجابيه وده علشان ننجح كلنا .. لازم حماده يباصى فى الشغل .. وفى الجامعه ... وحتى فى المنتدى ... واسال الله ان يجعله سببا فى النهوض بمنتدانا وجعله المنتدى الاول على مستى العالم كله ( متضحكيش ) ان شاء الله . ================================================================= ان شاء الله هيكون احسن منتدى فى المجرة بحالها مادام فيه ناس عندهم الطموح اللى عندك ده ومصممين ينجحوا أحب أوضح إن دى هى تجربتى الناجحه والحمد لله ... المنتدى اللى إحنا فيه دلوقتى " منتدى ياللا يا شباب "؟؟ المنتدى ده علشان يوصل للى هو فيه ده كان نتيجة مجهود من فريق عمل متكامل قد بنى هذا المنتدى بأفكاره ومشاركاته وهذا يعد أول عمل جماعى أعمله .. والحمد لله إنى إخترت الطريق الصح " فريق العمل " ومكنتش " حماده " !!؟؟ واللى أثبتلى نجاح العمل ده على إيدين فريق العمل "مشرفى وأعضاء منتدى ياللا يا شباب " إنى كل يوم بيمر بحس فيه بنجاح المنتدى وبحس نفسى أقل عضو فيه ... لما بشوف المشاركات والمواضيع اللى فعلاً بتبهرنى ... فجزاكم الله خيراً شباب المنتدى وهنيئاً لكم هذا النجاح .... ولكن القادم أفضل ... بل أفضل بكثير طالما أننا والحمد لله نعمل كفريق و "بنباصى" لبعض طموحى فى نجاح هذا العمل لا يتخيله أحد منكم ... أسأل الله أن يعيننا على نجاحه ويجعل عملنا هذا خالصاً لوجهه الكريم والحمد لله مليش تجارب كنت فيها "حماده " علشان كده مفيش قصه مضاده علشان أحكيها ******** خالص شكرى لكاتب الموضوع حبيبى أبو تسنيم .. ولكل من شارك فى الموضوع برده وننتظر باقى المشاركات .. فقط ممن يريدون النجاح لمنتدانا العزيز ... شاركونا لنرسم معاً الطريق لنجاحه شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر May 13, 2007 تم تمييز الموضوع ... لأنه يستحق ذلك تحياتنا لكم... وننتظر منكم المزيد من المواضيع المميزه شارك هذه المشاركه رابط المشاركه شار ك علي موقع اخر
mahdi 2 قام بنشر May 15, 2007 الله عليك ياعمر الشعب المصرى كله تنقصه روح الجماعه ورينا مهاراتك لان اغلب الناس تفتقد للقائد الذى يقود الجماعه حتى الضياع اللى فيه الامة لانها تفتقد الك القائد شارك هذه المشاركه رابط المشاركه شار ك علي موقع اخر
ABOTASNEEM 117 قام بنشر July 24, 2007 مشكور حبيبى مهدى على المرور الكريم شارك هذه المشاركه رابط المشاركه شار ك علي موقع اخر
ABOTASNEEM 117 قام بنشر July 29, 2007 بمناسبة الموضوع ده احب افكركم انه النهاردة ماتش الاهلى وبنفيكا والاكيد انه الاهلى هيفوز ان شاء الله شارك هذه المشاركه رابط المشاركه شار ك علي موقع اخر
تقوى القلوب 12 قام بنشر July 29, 2007 (تعديل) موضوع جميل ابو تسنيم وطريقة سرده فيها روح حلوة وسلسة جزاك الله كل خير ويااااااااااااااااااا رب الاهلى يتغلب تم تعديل July 29, 2007 بواسطه تقوى القلوب شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر July 29, 2007 طب طمنونى يا جماعه .. طمنونى حماده باصى ولا لأ ؟؟ :llll: شارك هذه المشاركه رابط المشاركه شار ك علي موقع اخر
سبرتو 2 قام بنشر August 12, 2007 موضوع جميل جدا جدا والاجمل ان انتة قلت حتة جملة مهمة جدا يمكن ساعات كنت منهم زمان بس الحمد لله دلوقتي مابقتش كده خـالص كلام كويس بس هل يا ترى الناس اللى هتضحى عشانهم دول واللى انتة هتجرى وتجيبلهم كل حاجة هيفتكروك يا عم دة خير مثال انتة عارفة بيكون مثال الانتخابات واحد بيطلع ميتينة فى التربيط بي الفرق المختلفة الجبهات المختلفة وينجح واحد فى الكلية هوة الكل فىىالكل ومش كدة وبس دة كمان ممكن يكون اللى مضحى دة مالهوش اى لازمة بعد كدة وكمان ممكن يكون فى حاجات تانى كتيييييير ما حدش يعرفها يعنى انا اعرف واحد طلع ميتينة فى حوار انتخبابت الجامعة وكليتة هى الى نجحت انا مش بقول هوة السبب لكن انا بقول انة كان عندةخبرة شوية وكمان كان بركة ربنا معاهم لانهم كانو فاكرين بعض رجالة وبعد كدة راح فيييييين ولا واحد يسمع عنة حتى تكريم فى حفل الاتحاد مافيش يااااااااااااراجل قول يا باسط الفكرة ان الواحد يضحى عشان ناس يستاهلو ومواقف زى كدة كتيييييييير واكيد ناس كتيييييير حصل معاها اكتر من كدة بس هقولك اييييية خلينا فى الماتش اللى فاز فية الاهلى 2/1 على بنفيكا وخلينا فى الكورة ويجعلة عامر شارك هذه المشاركه رابط المشاركه شار ك علي موقع اخر
ABOTASNEEM 117 قام بنشر August 12, 2007 انت بتقصد واحد اعرفه كويس عالعموم زى ما انت قولت خلينا فى الموضوع اللى بيفيد المنتدى لغاية ما نشوف صاحبنا بتاع الانتخابات شارك هذه المشاركه رابط المشاركه شار ك علي موقع اخر
سبرتو 2 قام بنشر August 13, 2007 اهو على رايك يا راجل قووووول يا باسط ويجعلة عامر شارك هذه المشاركه رابط المشاركه شار ك علي موقع اخر
7mada el3atfy 0 قام بنشر November 27, 2007 ههههههههههههه يا حماده يا حماده هو حماده حلو مش وحش بس هوا معندوش ثقه فى الى حوليه حسسوه بالثقه هيبقا احسن هياخد ويدى معاكو قربو منو دخلوه فى الفريق براحه مش بالعافيه وانا بطلاب من المدير الفنى ميطلعوش بالعكس يديلو فرصه ان زمايلو يقربو منو واكيد هوا هيحس بروح المشاركه وهيعرف ان متعتها احسن من متعه الاضواء شكرا على الموضوع الجميل ده شارك هذه المشاركه رابط المشاركه شار ك علي موقع اخر
ABOTASNEEM 117 قام بنشر November 27, 2007 اشكر مرورك الكريم 7mǻďą ĔĿ-3ăŧƒγ واهلا وسهلا ومرحبا بك فى بيتك الثانى ياللاياشباب ونتمنى رؤية الكثير من مشاركاتك الفعالة ونتمنى ان يكون المنتدى قد لاقى اعجابك !! فى رعاية الله شارك هذه المشاركه رابط المشاركه شار ك علي موقع اخر
bads ahmed amer 0 قام بنشر June 25, 2008 موضوع جميل ويستحق التمييز فعلا وأنا طول عمرى بحب التعاون وبحب روح الجماعة و الفريق بس بصراحة ده حصل أكتر لما دخلت الكلية وعرفت الجوالة وإشتركت فيها وإشتركت أيضا فى أسر مختلفة لكن أيام السنوية العامة وما قبلها الحق يتقال اللى كان بيساعدنى مكنتش بتأخر إنى أساعده ولو حد طلب المساعدة كنت بحاول برضه بقدر الإمكان لكن اللى كان بيقول نفسى نفسى كنت بعمل معاه ذى مابيعمل بدس أحمد عامر شارك هذه المشاركه رابط المشاركه شار ك علي موقع اخر
شمووخ 0 قام بنشر June 26, 2008 موضوع جميل ومفيش احلى من روح الفريق الجماعى فعلا شارك هذه المشاركه رابط المشاركه شار ك علي موقع اخر
EL3aref 5 قام بنشر June 26, 2008 موضوع اكتر من رائع يا ابو تسنيم .. ومتهيألى المحاضره الجاية فى ياللا نجاح .. هتكون عن روح الفريق .. يمكن اكون غلطان وتكون مش الجايه .. بس احنا فعلاً محتاجينها شارك هذه المشاركه رابط المشاركه شار ك علي موقع اخر
جمانة المصرية 0 قام بنشر June 26, 2008 موضوع جميل بس نادر لما نسمع على فريق العمل و علشان تلاقى الروح دى لازم يكون كل الفريق بيحب بعضه بجد علشان لو بيجافوا على بعض هيحسوا بقيمة الحاجة دى وان كلهم واحد مش هتفرق مين الى هيبقى فى الصوره شارك هذه المشاركه رابط المشاركه شار ك علي موقع اخر
eng_alaa 114 قام بنشر June 26, 2008 موضوع اكثر من رائع بصراحة انا كنت " حمادة " زمان بس الحمد لله الواحد اتعلم من الدنيا كتيييييير شارك هذه المشاركه رابط المشاركه شار ك علي موقع اخر
«۞۩ أبو سليمان ۩۞» 179 قام بنشر June 27, 2008 موضوع رائع ابو تسنيم بصراحة موضوع روح الفريق مختفية تماما الايام دي عند العرب بس موجودة بشكل رائع في الغرب في كل المجالات علي الرغم من ان المشورة مبدأ اسلامي " و امرهم شوري بينهم " صحيح هناك اسلام بلا مسلمين و هنا مسلمين بلا اسلام شكرا اخي علي الموضوع تقبل مروري شارك هذه المشاركه رابط المشاركه شار ك علي موقع اخر
MOSTAFA_SHA3RAWY 0 قام بنشر June 29, 2008 بجد عجبتني طريقة سرد الموضوع اكتر من الموضوع نفسه الطريقه خلتني اتشد للموضوع جدا بجد تحفه شارك هذه المشاركه رابط المشاركه شار ك علي موقع اخر
