الجندى المجهول 37 قام بنشر September 27, 2009 فى المحل و ع الرفوف مرصوصين زى الجبال ادى نايلو وادى صوف وادى فضلات للعيال اما انا حتة قماش قطن من طينة بلادى غاب على ابن الحلال اللى هيبدل سهادى نفسى ارتاح بين ايديه نفسى أتفصل عليه عشان أسيب المرمطة بين الأيادى والرفوف والمنفضة " مبروك يابيه " قالها على عامل رفوف المنسوجات ولقيتنى ف ايدين اللفندى جوه لفه من ورق مش حاسس انى باتخنق خادنى معاه من بعد ما دفع التمن ادى الزمن ============= وشويه ويفك الرباط القى نفسى ف بيت كبير واد يقول للبيه : يا أونكل ايه ده ورينى حرير رد عليه الأستاذ أونكل لأ ياحبيبى دا غيره بكتير قاله ياسوسو روح نادى دادى علشان أشوف ايه رأيه ف ذوقى ===== أونكل دادى وسوسو كمان بالذمه دى أسامى ياناس طب دا أنا كنت ف غيط عم أحمد ومراته خضرة وعارف الفاس كنت صغير سمونى لوزة ولما انفتح الغطا وكبرت قام عم أحمد لمنى قطن جابو بنات وولاد وعيال بت يا زهرة خشى الخط طب وحياة راس سيدى هلالى لخصم منك نص اليوم واد يا كمال مش وجت حديت شهل ياله فز وجوم واتحطيت جوه الكياس واترحلت ورحت المصنع سبت الكفر وسبت الناس "حلوة أوى امتى هتتفصل" قالها عجوز انما متلمع زى الخوجه ف كفر العلو "بكره أروح للسطى محمد راجل جنتل تفصيله حلو" وانطفى نور القصر وناموا ناموا فوق ريش النعام اللى نام يحلم بزيزى والميعاد واللى سافر يشترى عربية مرسيدس وعاد واللى طول الليل بينقل حاجته م البيت الكبير نفسه ال ايه يوم يهاجر فوق بساط الريح يطير ادى أحلام ناس تعيش ليله واحده بألف عام شفت عم أحمد زمان ف الغيطان ع الأرض نام ومراته خضره جايه فى القياله وف ايدها الرغيف الرغيف اللى انعجن ويا العرق لكن نضيف شفت تانى ف دنيتى جوه المصانع اللفندى اللى فوق هوه دا البيه المدير كان مروره كل يوم لجل يخصم م الفقير رزق العيال اللى سمعوا ف الجوامع ان من جد وجد وان ربك لما يرزق يعطى لاينسى أحد بس انسان الزمان دا قلبه قاسى ياولد واترميت جنب المقص اللى راح يقطع لسانى لجل ماسكت للأبد شارك هذه المشاركه رابط المشاركه شار ك علي موقع اخر
mona ahmed 19 قام بنشر September 27, 2009 جزاك الله خيرا شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر September 27, 2009 جميله جزاك الله خيرا اسال الله ان يجعل كل ماتكتب فى ميزان حسناتك وان يرضى عنك ويحقق لك كل ماتتمنى شارك هذه المشاركه رابط المشاركه شار ك علي موقع اخر
الجندى المجهول 37 قام بنشر September 27, 2009 وجزاكى مثله اختى منى اللهم ارزقها الرضا واقسم لها من رحمتك جزاكى الله خيرا عن الكلام الرائع فى كل رد اختى حياتى من اجل ربى رزقكى الله جوار الرسول فى الجنه ورزقى زياره قبره الكريم شارك هذه المشاركه رابط المشاركه شار ك علي موقع اخر
