الجندى المجهول 37 قام بنشر October 3, 2009 حكاية بلد كان يا ما كان بلد على الخريطة ناسها كتير عاملين زحمة وعاملين زيطة ********* بلد حكايتها أعجب من العجب سنين تعدى عليها وهى بتتنهب خيرها لغيرها وعمره ما قَل خيرها دايما بيكفى الكُل ********* وناسها حكايتهم أعجب وأغرب حكاية للخيال اقرب عمرهم ما اشتكوا من أى حاجة مع إنهم شافوا كل حاجة ********* السكوت مرض مُزمن عايش ما بينهم صحيوا .... ناموا سمعوا .... شافوا مش مهم المهم إنهم عايشين فى حالهم ومش مهم إيه تكون نتيجة سكاتهم ********* عدى عليهم حضارات أشكال وألوان راحت كلها فى طى النسيان وهمَّّ فضلوا زى ما همَّ شعب دايماً حيران ********* من نظام لنظام من أحلام لأحلام ومن مقام لمقام دايرين يدوروا عاللى كان فى يوم حقيقة وفى الاخر طلع أوهام ********* راحوا يدوروا ع الخلاص من الإحتلال قولت انسوا لأنه أمر أكيد محال انتم انكتب عليكم تعيشوا .... تسألوا نفس السؤال إمتى يخلص الإحتلال؟ والإجابة........... إرسموها فى الخيال. شارك هذه المشاركه رابط المشاركه شار ك علي موقع اخر
