اذهب الي المحتوي
منتديات ياللا يا شباب
نودة

بلاها سوسو خد نادية

Recommended Posts

935171986.bmp

بلاها سوسو .... خد نادية

 

 

سوسو :وفيها ايه يعني لما يخد نمرة موبايللك!!!!!

 

نادية :ويا خدها بمناسبة ايه؟؟؟

 

 

سوسو: يا بنتي ده ميدو صاحب الشلة كلها.

 

ناديه :ما فيش حاجة اسمها صحوبيه بين ولد و بنت.

 

 

سوسو: ياااااه هو لسة حد في حد في القرن ال21 بيفكر بالطريقة دي.

 

نادية: ده شرع ربنا و صالح لكل زمان و مكان.

 

 

سوسو: و ربنا ده ميدو طيب و خدوم و عمره ما زعل حد فينا.

 

ناديه :بطلي بقى و الله انت بنت طيبة بس سيبك من ميدو و تامر و ميمي والناس ده خليكي مع ربنا شويه.

 

 

سوسو: طب هاقولك على حاجة النهاردة الشلة رايحة كلها النادي تعالي معانا و اكيد ها تغيري رايك.

 

نادية :لا مش ممكن الشلة بتعتك ده بنات و ولاد و الاختلط حرام.

 

 

سوسو: ما تحبيكهاش اوي كده و خليكي كووووووول.

 

نادية :و الله يا سوسو انا باحبك في الله و نفسي تتلتزمي في لبسك و تبطلي تكلمي ميدو و تامر و ميمي دول و تصاحبي ناس صالحين.

 

 

سوسو :ده انا اللي نفسي تقلعي الخيمة اللي انت لابساها دى و تخليكي ستايل و ع الموضة وتسيبك من الجماعة المقفليين اللي انت ماشيه معاهم دول.

 

نادية نا استحالة اقلع لبس امرني بيه ربنا.

 

 

سوسو: يابنتي انت ما تعرفيش لما اخرج من بيتنا و امشي في الشارع الشباب كلهم بيبقوا معجبين بيه و اللي يقولي يا قمر و الي يقولي ياجمييل.

 

ناديه :و الله دول بيتسلوا بيكي و عايزينك لعبة ف ايديهم.

 

 

سوسو: على فكرة انت بصراحة متغاظه مني لان انت اكيد سوري في اللفظ يعني ما حدش بيعبرك بلبسك ده المهبل انا بصراحة حاسه انك مش هاتتجوزي خالص و انت يعني صعبانة عليه.

 

نادية: نفسي يا سوسو تفهمي ان الولد لما يفكر في الجواز بيفكر في البنت المحتشمة المؤدبة.

 

 

سوسو :ده كلام زمان الولد اليومين دول عايز البنت الروشة اللي يتفح و يخرج معاها.

 

نادية :ع العموم المناقشة ف الموضوع ده لسة ما خلصتش و وانا دلوقتي عاوزكي تجي درس القران معايا النهاردة بدل ما تروحي النادي مع الجماعة دول ده درس جمييل جدا بنقرا فيه قرآن و نتكلم في الدين و الدنيا و معانا بنات فاضلات وعد مني مش هتندمي خالص.

 

 

سوسو :جمييل جدا بس انا مليش تقل ع الدروس الدينبية

 

نادية: انا مش هيـأس يا سوسو وراكي وراكي لحد ما تسيبك من الشلة اللي هتوديكي ف داهية دي و ربنا يهدي الجمييع.

 

 

 

ملخص الكلام يا معلم هاتاخد سوسو ولا نادية؟؟؟!!!

 

 

 

تم تعديل بواسطه دفءُ الأٌنْــــــــسِ

شارك هذه المشاركه


رابط المشاركه
شار ك علي موقع اخر

جميل جدا والله

 

 

سوسو ولا ناديه؟؟ :wink_smile::smile:

 

 

طبعا من غير تفكير هاخد اللي تخاف ربنا

واللي تتمني انه يرضي عنها

واللي تحافظ علي دينها

 

 

جزاك الله خيرا اختاه

شارك هذه المشاركه


رابط المشاركه
شار ك علي موقع اخر
نفسي يا سوسو تفهمي ان الولد لما يفكر في الجواز بيفكر في البنت المحتشمة المؤدبة

 

بجد أحييكي علي الموضوع وتلك الجزئية تجديداً تصف حال الشباب المقبل علي الزواج ...

 

حتي غير الملتزمين عندما يفكر في الزواج لا يفكر فيمن " مشي معاها " حسب قولهم ...

 

إنما يختار الملتزمة المتدينة ..

 

موضوع متميز كالعاده يا نوده ...

 

جزاكي الله خيراً ...

شارك هذه المشاركه


رابط المشاركه
شار ك علي موقع اخر

يعطيك الصحّة يا "نودة" يا اختي على هالموضوع

 

 

بارك الله فيك و جزاك كل خير ان شاء الله

 

 

و اكيد انا رأيي زي رأي أخي "علي" و أخي "علاء"

 

... زي رأي نادية بالضبط .... :wink_smile:

 

﴿

فان لم يستجيبوا لك فاعلم انما يتبعون أهواءهم و من أضلّ ممن اتبع هواه بغير هدى من الله ان الله لا يهدي القوم الظالمين . و لقد وصّلنا لهم القول لعلّهم يتذكّرون

 

 

 

﴿ و ما أوتيتم من شيء فمتاع الحياة الدنيا و زينتها و ما عند الله خير و أبقى أفلا تعقلون ﴾
تم تعديل بواسطه الرّام

شارك هذه المشاركه


رابط المشاركه
شار ك علي موقع اخر

أسلوب جميل جداً

 

جزيتى خيراً

 

بس معلش أنا مقدرش أخد غير واحدة بس

 

وهى أسماء "أم تسنيم"

 

وإلا .. إنتو عارفين اللى ممكن يحصل

 

مرة تانية .. جزالك الله خيراً

شارك هذه المشاركه


رابط المشاركه
شار ك علي موقع اخر

موضوع رائع نوده

جزاك الله خيرا

واسال الله ان يجعل كل ما تكتبين فى ميزان حسناتك

وان يهديك الى كل ما يحبه ويرضاه

وان يزيدك من فضله

ويحقق لك كل ما تتمنى

ونسمع عنك كل خير قريب يااااااااااارب

شارك هذه المشاركه


رابط المشاركه
شار ك علي موقع اخر

جزاكى الله كل الخير

 

الموضوع أكثر من ممتاز

 

نادية نفسي يا سوسو تفهمي ان الولد لما يفكر في الجواز بيفكر في البنت المحتشمة المؤدبة

 

بالظبط ،، والله هو ده :wink_smile:

 

عجبتنى كلمة حق للدكتور حازم شومان لما قال /

 

يا بنتى قسماً بالله - قسماً بالله - قسما بالله (ما عند الله لا يؤتى الا بطاعة الله)

 

حتى لو اتجوزتى اللى انتى عاوزاه ، هتبقى عيشتك سوده معاه :smile: ،، اللى عند ربنا أفضل ،، ومش هييجى الا بطاعته

 

الامثله كتيره ومن واقع حياتنا ،، ولو عاوزين اضرب امثله حيه لناس أعرفها ممكن احكى ،،

 

أخواتى - إنتظروا حملة أعد لها ان شاء الله ،، سيساعدنى هذا الموضوع جداً ان شاء الله

 

جزاكى الله خيراً اختى ،، أكثر من رائع بحق :smile:

شارك هذه المشاركه


رابط المشاركه
شار ك علي موقع اخر

السلام عليكم ورحمة الله وبركاته

 

 

جزاكى الله كل خير أختى نودة

 

بجد الموضوع رائع جدا ومثل حى لان

 

فعلا ده اللى بيحصل فى الايام اللى احنا فيها دى

 

وأحب اقول للشباب رسالة ( بلاها سوسو وخد نادية ) :smile:

 

وأقول رسالة للفتيات ( بلاه تيمو وخدى محمد ) :wink_smile:

 

ولكى تحيتى وربنا يحفظنا ويهدينا جميعا

تم تعديل بواسطه sindrella 26

شارك هذه المشاركه


رابط المشاركه
شار ك علي موقع اخر

السلام على الجميع :wink_smile:

 

احب اقول

 

ان فى شباب كتير بتفكر ف نادية

 

بس فى شباب بردو بيفكروا ف سوسو

 

هو ممكن ياخد نادية :smile: لو امه دعياله

 

وممكن ياخد سوسو :smile: ويديها قلم حلو زى بتوع الافلام

وشخطتين على زعقتين ويخليها بقدرة قاااادر تبقه نادية

 

اقصد ان فى شباب ملتزم فبالتالى مش هيفكر غير ف وحدة ملتزمة تعينه على طاعة الله

 

وفى شباب فانكى..بتاع هاى باى شلة

اكيد يوم ماهيفكر يتجوز هيبص للبت المروشنة اللى مش متنشنة

اللى تبقه ماشية جمبه لايقة عليه بمعنى اصح

 

وربنا يهديكى يا سوسو

وتبقى أحسن من نادية

:smile:

شارك هذه المشاركه


رابط المشاركه
شار ك علي موقع اخر

بداية اعتذر عن تاخري في الرد يانودة

بجد موضوع متميز ورائع و

 

ملخص الكلام يا معلم هاتاخد سوسو ولا نادية؟؟؟!!!

 

اكيد طبعا لو كنت ولد هختار نادية

جزاك الله خيرا

شارك هذه المشاركه


رابط المشاركه
شار ك علي موقع اخر

جزيتي خيرا على الاسلوب الرائع

الحمدلله اخترت بدري وربنا كرمني

عقبالكم

شارك هذه المشاركه


رابط المشاركه
شار ك علي موقع اخر

شكرا على الموضوع الرائع,,

طبعا هختار سوسو دا شىء أكيد

بس سوسو جوه البيت بس

اما نادية فبره البيت أكيد هختارها

هههههههههههه

تحياتى

شارك هذه المشاركه


رابط المشاركه
شار ك علي موقع اخر
ملخص الكلام يا معلم هاتاخد سوسو ولا نادية؟؟؟!!!

 

ههههههههههههههه

بجد انتِ فعلا مالكيش حل

 

ماشاء الله عليكى

ربنا يحفظنا جميعا ويرزقنا العفاف والغنى

 

اللهم اربط على قلوبنا فلا يملأها الا حبك وحب من احبك

 

 

ربنا يوفقك نودة

ويرزقك الاخلاص

 

تقبلى مرورى

شارك هذه المشاركه


رابط المشاركه
شار ك علي موقع اخر

بسم الله الرحمن الرحيم

اولا انا اول ما شوفت عنوان الموضوع ضحكت..وبعدين قلت يا ترى الموضوع هيبقى حلو زى اسمه ولا هيبقى عادى

الموضوع ما شاء الله رهيب وطريقة فى عرض الفكرة جذابة جدا

انا عن نفسى هختار نادية لان اللى عندها دين هتعيشك عيشة جامدة جدا من كله دى قناعتى يعنى

شارك هذه المشاركه


رابط المشاركه
شار ك علي موقع اخر

هاخد الي تراعي فيا ربنا وتخاف عليا وأكيد هتبقي شبه نادية .. :wink_smile:

تقبلو مروري

شارك هذه المشاركه


رابط المشاركه
شار ك علي موقع اخر

طيب ايه رايكم لو بلاش سوسو وبلا ناديه

شارك هذه المشاركه


رابط المشاركه
شار ك علي موقع اخر

الموضوع رائع والعنوان مشوق جزاك الله كل خير أختي

الحقيقة انت وضعت يدك على الألم

هناك شباب يعتقدون وللأسف أنهم إذا اخذوا سوسو سيصلحوها وما إلى هناك من أساليب شيطاني

وأنا لاأنس قول معلمة لي عندما كنت أسألها عن الشباب قالت لي إذا صدقت الله في النية سيصدقك في العطاء

أنا عن نفسي ارى ان المرأة أشد تأثيراُ في زوجها وبيتها من الرجل فما رأيكم إخوتي

شارك هذه المشاركه


رابط المشاركه
شار ك علي موقع اخر

جزاك الله خيرا

وجعله فى ميزان حسانتك

فكره الموضوع رائعه جدااااااااااااااا

دومت مبدعه

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..