اذهب الي المحتوي
منتديات ياللا يا شباب
نودة

اعترض بس من غير ضرب

Recommended Posts

935171986.bmp

 

 

اعترض بس من غير ضرب

 

 

هو السبب ايوه هو السبب.

هاتسالوني مين؟؟

 

قاسم اميين هو فيه غيره!!

 

منك لله يا قاسم يا ابن ام قاسم.

 

هو اللي قال نحرر المراه .

 

و معاه الاخت هدى شعراوي.

 

المراة مظلومة مقهورة حقها متاكل.

 

يا ستي انت حد اشتكاليك.

 

ما احنا كنا قاعديين ف بيتنا كافيين خيرنا شرنا اكليين شاربيين نا يميين 24 قيراط مش انا بنت اهو بنت بس من اكتر الحاجات اللي بتغيظيني اليوميين دول دعاوى تحرير المراه

يا حرام المراة مظلومة يا حرام المراة مش بتتعلم يا حرام المراة مش بتشتغل بل شغل بل نيلة.

 

المراة نصف المجتمع المراة لازم تساهم في قاطرة(حلوة قاطرة دي) التنمية و الكلام التخين ده.

 

انا متاكدة اني في ستات دلوقت شاغليين يا متاخرة يا مقفله.

 

انا باقول فين التقدم ده.

ده مافيش عصر كان المسلميين فيه متاخريين زي عصرنا ده

مش معنى كده ان الستات همه سبب التاخر.

 

انا قصدي ان مثلا ايام الرسول صلى الله عليه و سلم و الصحابة رضي الله عنهم

الحرييم قصدي الستات ما كانوش بيطلعوا من البيت و كان العصر الذهبي للامة الاسلاميه و الحياة زبادي ف الخلاط.

 

 

بصراحة انا زهقت من النزول كل يوم و البهدلة واللي يقوللي كلمه كدة و اللي يضايقني و اللي و الي والستات فاهماني كويس.

 

مالنا احنا و مال ده كله احنا نقعد ف البيت معززيين مكرميين و الرجاله همه اللي يدعكوا

 

اكيد في بنت دلوقتي نفسها تديني قلميين.

 

و تانية عايزه تعضني .

 

و تالتة هاتموت و تشدني من شعري .

 

و رابعة بتقول اخرسي خلينا نثبت ذاتنا.

 

 

يا ستي اثبتي حد ماسكك.

 

 

و كمان واحدة بتصرخ احنا بنساهم ف دخل الاسرة.

 

دخل ايه هانضحك على بعض ده نص مرتب الست راح علي هدومها و شنطها و جذمها

والانح من كده ان الواحدة من دول تكون بتشتغل و لما تجوز و تخلف تسيب ابنها عند امها اللي ما بقتش حمل العيال او ترميه قصدي تويدي ف حضانه.

 

و الله اعلم الدادات و المشرفات بيعلموا ف ولادنا ايه.

 

المجلس القومي للمراة و ما ادراك ما المجلس القومي للمراه

ندوات و مؤتمرات عن حقوق المراه .

 

هيه المراه ناقصة حقوق ده دينا الحنيف ادى المراه حقها تالت و متلت.

 

لا و بيطلعوا بحاجات غريبه ايشي المراه ليه ما تطلقش الراجل زي ما هو ليه الحق ده

مش عارف ليه الست ما تتجوزش 4

و حدث و لا حرج

اللي حازز في نفسي قوي ان فرع المجلس المذكور اعلاه في محافظتنا ما لاقلوش مكان يعملوه غير جنب البيت.

 

 

بالله عليكم مش حاجة تغيييييييييظ..

 

 

لو عملنا استفتاء الستات نصها هيبقي عاويز يقعد ف البيت و النص تاني نفسه بس معاند.

 

اما الرجالة بقه فمعظمهم موافق ان الست تقعد ف البيت و الباقي معترضين بس من ورا قلبهم .

 

 

 

ياجماعه اللي عاوز يعترض يعترض بس من غير ضرب.

.............................................................

شارك هذه المشاركه


رابط المشاركه
شار ك علي موقع اخر

مش هتناقش علشان الناس بتزعل ،، وفى الموضوع ده بالخصوص !!

هكتفى بإنى هقول إنى موافق وبشدة على كل كلمة فى الموضوع

 

الله يفتح عليكى :wink_smile:

شارك هذه المشاركه


رابط المشاركه
شار ك علي موقع اخر

بسم الله ما شاء الله عليكى

 

وعلى جرأتك فى هذا الطرح المتميز

 

بالرغم من مخالفتك لبنات جنسك (اللى واخدهم التيار)

 

والله العظيم .. الست ما ليها غير بيتها وولادها

 

هى دى مهمتها الأساسية والرئيسية .. واللى مينفعش حد تانى يقوم بيها مكانها

 

وهما عارفين كده كويس بس

 

الستات نصها عاويز يقعد ف البيت و النص تاني نفسه بس معاند

 

أنا من أكتر المؤيدين لذلك الموضوع

 

وأسأل الله أن يردنا جميعاً للإسلام مرداً جميلاً

شارك هذه المشاركه


رابط المشاركه
شار ك علي موقع اخر

من الآثار السلبية على عمل المرأة وخروجها من بيتها:

 

إهمال الأطفال من العطف والرعاية.

إذ لا شك أن عملية التربية تقوم على الحب والصدق والملاحظة طول الزمن، وبدون ذلك لا تتحقق التربية، ومحاضن الرضع والأطفال عند الآخرين، تظهر أنها لا تحقق للأطفال ما يتحقق لهم في بيوتهم؛ لأن المربية في المحضن مهما كانت على علم وتربية فإنها لا تملك قلب الأم، فلا تصبر، ولا تحرص، ولا تحب كما تفعل الأم. المرأة العاملة تعود من عملها مرهقة متعبة، فلا تستطيع أن تتحمل أبناءها، وقد يدفعها ذلك إلى ضربهم ضربًا مبرحًا، حتى انتشرت في الغرب ظاهرة الطفل المضروب،

 

 

إن المرأة التي تخرج إلى العمل في المجتمعات التي تخالط الرجال فيه، وقد تخلو بهم، يؤدي ذلك إلى أضرار على سمعتها وأخلاقها

 

إن المرأة التي تعمل خارج البيت تحتل في كثير من الحالات مكان الرجل – المكلف بالإنفاق شرعاً على المرأة -، وقد يكون هذا الرجل زوجها أو أخاها، ثم هي تدع في بيتها مكاناً خالياً لا يملؤه أحد.

إن المرأة التي تعمل خارج البيت تفقد أنوثتها، ويفقد أطفالها الأنس والحب.

إن المرأة إذا خرجت من بيتها للعمل فستعتاد الخروج من البيت – ولو لم يكن لها عمل كما هو ملاحظ -، وبالتالي سيستمر انشطار الأسرة وانقطاع الألفة بين أفرادها، ويقل ويضعف التعاون والمحبة بين أفرادها – كما هو حال البلاد الغربية وقد كادت الأسرة تنهار كلياً.

الآثار الصحية: فعمل المرأة خارج المنزل، ولساعات طوال، يعرض المرأة لأنواع من الأمراض، يأتي في مقدمتها الصداع، فقد أكد رئيس نادي الصداع – الذي يشكل النساء فيه الغالبية العظمى – أن الصداع خمسة أنواع، وأن المرأة تتفوق على الرجل بأكثر من أربعة أنواع، وللصداع أسباب يأتي في مقدمتها: العمل

الأثر النفسي: ذلك أن عمل المرأة وخروجها من البيت، وتعاملها مع الزميلات – أو الزملاء – والرؤساء، وما يسببه العمل من توتر ومشادات - أحياناً-، يؤثر في نفسيتها وسلوكها، فيترك بصمات وآثاراً على تصرفاتها، فيفقدها الكثير من هدوئها واتزانها، ومن ثم يؤثر بطريق مباشر في أطفالها وزوجها وأسرتها.

الهدر الاقتصادي ويتمثل ذلك في ثلاثة أمور:

الأمر الأول: أن المرأة مجبولة على حب الزينة والتحلي بالثياب والمجوهرات وغير ذلك، كما قال _تعالى_:" أَوَمَنْ يُنَشَّأُ فِي الْحِلْيَةِ وَهُوَ فِي الْخِصَامِ غَيْرُ مُبِينٍ".

فإذا خرجت المرأة للعمل كل يوم، فكم ستنفق من المال على ثيابها وزينتها؟ لا شك أن الإنفاق على أدوات الزينة وخلافها سيبلغ رقمه – على مستوى الدولة – ملايين الدولارات - كما أثبتت ذلك الإحصاءات المتعلقة بهذا الجانب -، فماذا نطلق على هذا؟؟ أليس هدراً اقتصادياً لا تستفيد الأمة منه بشيء؟؟

الأمر الثاني: أن المرأة أقل عملاً وإنتاجاً من الرجل، وأقل منه رغبة في الطموح، والوصول إلى الجديد؛ ذلك أن ما يعتريها من العادة الشهرية، وأعباء الحمل والوضع، والتفكير في الأولاد، ما يشغلها حقاً أن توازي الرجل في عمله، ويعوقها عن التقدم بالعمل، والنادر من النساء لا ينقض القاعدة.

الأمر الثالث: الزيادة في نفقات المعيشة، رغبة في زيادة مستوى الأسرة، حيث دفع هذا الأمر بالمرأة إلى النزول إلى ميدان العمل للمشاركة في إعالة الأسرة ومساعدة الزوج في تحمل مسؤوليات المعيشة، وبما أن الحياة الحضرية تتطور فيها السلع والخدمات بشكل مستمر، ((فإن دخل الأسرة مهما نال من تحسين أو زيادة لا يمكن أن يفي بهذه المطالب المتجددة، وهكذا أصبحت الأسرة الحضرية تتجه نحو الاستهلاك المتزايد، وأصبحت ظاهرة الاستهلاك من الظواهر التي تهدد الأسرة دائماً بالاستدانة، أو استنفاد مدخراتها أولاً بأول)).

ساهم عمل المرأة مساهمة فعالة في قضية العنوسة، فالمرأة التي ترغب العمل لا توافق على زواج قد يقطعها عن الدراسة التي هي بريد العمل، وإذا عزفت عن الزواج في السن المبكر فربما لا تجد من يتقدم لها بعد ذلك.

الحد من عدد الأولاد، وذلك أمر طبيعي عند المرأة التي تريد العمل وتحتاج إلى الراحة، وقد وجد من دراسة أجريت على 260 أسرة عاملة أن 67.31% أطفالهن من 1-3، و8.46% أطفالهن من 4-6، و1.92% أطفالهن من سبعة فما فوق.

شارك هذه المشاركه


رابط المشاركه
شار ك علي موقع اخر

السلام عليكم

 

بجد بجد أحييكى على هذا الموضوع الجرئ أختى نودة

 

وأنا رغم إنى واحدة ومن البنات اللى بتشتغل بس مؤيدة الموضوع ده جدا

 

وان شاء الله لما ربنا يوفقنى والاقى نصيبى أعتقد ان مفيش حاجة تلزمنى

 

غير انى أحافظ على بيتى وأولادى وأشوف احتياجاتهم وأحب أقول إن أختى

 

الحياة وهى عضوة معانا فى المنتدى شافت معايا الموضوع ده وبتأيده جدا

 

ولكى تحيتى وخالص دعواتى بالتوفيق

شارك هذه المشاركه


رابط المشاركه
شار ك علي موقع اخر
انا باقول فين التقدم ده

ده مافيش عصر كان المسلميين فيه متاخريين زي عصرنا ده

 

 

اه والله

وطبعا انا معاكى جداااا فى الموضوع ده يا نوده

وماشاء الله المراه اليومين دول مش واخده حقها بس دى اصلا مش سابت للرجاله حاجه :smile:

جزاك الله خيرا

موضوع رااااااااااائع

اسال الله ان يجعلك من الهداه المهتدين

وان يزيدك من فضله

ويحقق لك كل ما تتمنى

وان يهديك الى ما يحبه ويرضاه

 

 

احبك فى الله

شارك هذه المشاركه


رابط المشاركه
شار ك علي موقع اخر

بسم الله الرحمن الرحيم

اسمحولي بعد فترة غيابي الطويلة حبتين اني اقولكم وحشتوني جدا

بس ده مش موضوعنا

أنا باشكرك جدا يا نودة ع الموضوع الهايل ده

واحب اذكر حاجة بتدور في ذهني من زمان جدا

لو كل واحدة من الحريم (أقصد الستات) تسأل نفسها ايه الأهم

الشغل ولا الصلاة؟؟

النشاط المجتمعي ولا الصيام؟؟

طبعا الكل هيرد وبدون تفكير الصلاة والصوم أهم

طيب تخيلوا ان ربنا سبحانه وتعالى عفا عن الستات في الفرضين دول علشان مهمتها الأكبر وهي رعاية زوجها وأبناءها

(اسف ان كان كلامي هيجرح حد أو جرئ شوية)

بس فعلاً هي دي الحقيقة

آسف للإطالة وجزاكي الله خيرا يا نودة

وأكثر الله من أمثالك :smile: كل الرجالة تقول آمين

شارك هذه المشاركه


رابط المشاركه
شار ك علي موقع اخر

انا سبق وقلتلك انتي بجد مالكيش حل

ماشاء الله علكي بجد استري في الطريق ده

لان مش بس افكارك لا وكمان طريقة كتابتاك رائع

ربنا يزيدك يااختي...

بالنسبة للموضوع

مالك داخلة كدا ومغطية عينك وراسك

وخايفة تتضربي..لااطمني مافيش حد هيضرب ولاهيزعل منك علشان الموضوع اللي النتي كتباه ده

لان كل البنات بيفكروا كدا والي مش كدا مش حاسين انهم بنات ومش شايفين نفسهم علي اساس كدا

بصي يانودة الحق حق ومايزعلش ...

وعلي فكرة انا لاؤمن بموضوع المساواة بين الرجل والمرأة

اذا كان ربنا قال وفضلنا بعضكم علي بعض درجات والرجال قوامون علي النساء

الحاجة الوحيدة الي فعلا يتقال ان المراة محتجها

هي معانملتها كانسانة وبشر

وفيه ناس كتير ممكن تتفق معايا ان الموضوع ده منتشر جدا

لااحترام ولامعاملة كوسة وكانها شيء مملوك وضرب واهانة وكل مايمكن تخيله

بالله عليكم فين الحقوق في كدا

الكلام الفاضي بتاع المساواة اللي بيضحكوا بيه علي الناس لانهم عارفين ان الغسلام حمي حقوق المرأة وكرمها

طب تعالوا بقي نقلب الموازين ونحسسهم انهم في سجن

وللاسف لان الصورة والتربية غلط فممكن تلاقي كثير من ضعيفات القلوب بيصدقوا ده ...

الراجل قوام لانه هو اللي بيحتوي المرأة وبيحميها فهوي الكائن الاقوي كالام الحنون علي جنينها ..هو ده الرجل الصح

والمرأة اللي ربنا خلقها من الضلع الأعوج اللي بيجمي القلب لان دي وظيفتها فهي كاللبلسم الشافي للجروح..هذه هي المرأة الحق....

ربنا خلق الراجل والمرأة لكل منهم وظيفة لايستطيع الآخر القيام بها كما يقوم بها الأخر

ودي اساسا طبيعة المرأة مالهاش غير بيتها بس الأهم انها تفهم ده وفعلا تبقي مربية وزوجة وام كما ارادها الإسلام ان تكون

ماهي مش كفاية تبقي مصدقة انها هتعد في البيت وخلاص ...

وانا فيه مووضع كتبته هنا في المنتدي بيحي في وجه النظر دي

 

http://forums.yallagroup.net/5270

 

بس المشكلة فين بقي

المشكلة مش في ان البنات دي عايزة تحقق ذاتها والكلام ده

الست لولا الظروف الإقتصادية الصعبة ماتخرجش من بيتها وتشتغل

وهتلاقي ناس كتير كدا تنكروا مثلا ان فيه بيوت اللي شيلينها ستات يامة ارملة ومافيش حد يصرف عليها

او يكون زوجها مريض طريح الفراش او هو عالة عليها ...

والسبب التاني من وجهة نظري

انا عن نفسي بشتغل وشغلي ده كله جه محض الصدفة

انا شايفة ان البنات نفسهم في فترة شبابهم وحتي الاولاد لازم يتعلموا ازاي يشاركوا ويعملوا حاجة يساعدوا بيها غيرهم

لان احنا ربنا خلقنا علشان نخلفه في الارض ونعمره وجزء كبير من عمارة الكون ان المرأة تقدر تطلع جيل عارف الوظيفة دي كويس

واي شغل هيعملها حاجة جدية ومفيدة وهتقربها من ربنا يبقي تدخل فيه ..

وانا شغلي في التنمية والعمل الخيري علمني كتير جدا جدا

وزي ماينقول لكل حديث مقال....

لكن البنات الي بيشتغلوا بدون لازمة في شغلانة مالهاش لازمة وحتي لو عندهم بيت ونفس الموال

معلش دول لاهما عارفين هما عايش ليه ولا عشان ايه

ماحدش يحاول ينظر للموضوع من وجهة نظر سطحية

كل حاجة فيها .. الكويس والوحش

وربنا يصلح حال الجميع

ربنا يكرمك يارب وفعلا عذرا لاطالتي

تم تعديل بواسطه بنت مصرية

شارك هذه المشاركه


رابط المشاركه
شار ك علي موقع اخر

جميل جدا كتابتك واسلوبك

احييك عليه

واحييك اكثر على طرحك لمثل هذه المواضيع

جزيتي خير

شارك هذه المشاركه


رابط المشاركه
شار ك علي موقع اخر

بجد جريئه وقولتى على كل حاجه فعلا بتعانى منها اى بنت

 

رائع رائع رائع جزاك الله خير

 

نفسى المجتمع يرجع زى زمان والله كان احسن بكتيييييييير كانوا

 

مريحين دماغهم من وجع القلب المذاكره والمواصلات

 

بس الواحد يرجع ويقول برده لازم يبقى عنده كيان وشخصيه واهداف يحققها

 

بس الزمن ده مينفعش فيه كده

شارك هذه المشاركه


رابط المشاركه
شار ك علي موقع اخر

اشكرك على هذا الطرح الراااااااااااااااااااااائع

وانا متفقة معك فى هذا الموضوع وفى كل كلمة قولتيها

وان الست ملهاش غير بيتها وولادها هى دة مهمتها الاساسية

انتى حقا متميزة وفى انتظار المزيد من مو ضوعاتك

تقبلى مرورى

شارك هذه المشاركه


رابط المشاركه
شار ك علي موقع اخر

موضوعك جميل أختى فى الله

 

أنا ليا رؤية فى الموضوع

 

أولا الإسلام أعطى لكل المرأة حقوقها

 

مشكلتنا بس أننا مش قاريين فى الفقه كتير

 

ومشكلتنا الأصعب أننا ماشيين بالعادات والتقاليد

 

البنت أو الست عموماً مش بتخرج للشغل إلا لسببين اتنين

 

اولا للإعانة من الناحية الإقتصادية خاصة ولو كان معاها مؤهل عالى

 

السبب التانى أنها حاسة بفراغ فى حياتها وقاعدة وحيدة أغلب الوقت

 

لكن لو جينا للشرع وقرينا كويس فى الدين هنعرف أن المرأة فى الإسلام ملكة متوجة

 

بشكرك على الموضوع

 

تحياتى ليكى

شارك هذه المشاركه


رابط المشاركه
شار ك علي موقع اخر
البنت أو الست عموماً مش بتخرج للشغل إلا لسببين اتنين

 

اولا للإعانة من الناحية الإقتصادية خاصة ولو كان معاها مؤهل عالى

علي فكرة في بنات كتير مش بتحب تشتغل بس ساعات الظروف بتجبرها علي كدة ولو حتي لفترة معينة

انا متفقة معاكي جداااااااااااااا في الرأي ده وجزاكي الله خيرا

شارك هذه المشاركه


رابط المشاركه
شار ك علي موقع اخر

احب احيكى فعلا واقول

خلالالالالالالالالالالالالالالالالالالالالاص جيه زمن السيدات :hhhh::hhhh:

بس بصراحه مانكرش انى عايزه احقق ذاتى بذاتى

شارك هذه المشاركه


رابط المشاركه
شار ك علي موقع اخر

السلام عليكم ورحمة الله وبركاته

 

 

انا بنت زيك وموفقاقى جدا على كل كلمه قولتيهاوبحيكى جدا على جراتك وموضوعك الراقى جزاكى الله خيرا اختى العزيزا

شارك هذه المشاركه


رابط المشاركه
شار ك علي موقع اخر

الله ينصركم ان شاء الله

تنضم إليكم ... ""انفال الجهاد""

 

انفال الجهاد

 

 

:lol::):yahoo: :yahoo: :lol:

تنتظر ترحيبكم

شارك هذه المشاركه


رابط المشاركه
شار ك علي موقع اخر

بسم الله ماشاء الله

 

سلمتِ لنا اختى الكريمة

 

اشكر سردك الجميل وعبارتك الرائعة

 

 

تقبلى مرورى

شارك هذه المشاركه


رابط المشاركه
شار ك علي موقع اخر
هيه المراه ناقصة حقوق ده دينا الحنيف ادى المراه حقها تالت و متلت

 

بس فين بقى اللى يطبق الحقوق دى

 

تقدرى تختارى شريك حياتك زى السيدة خديجة رضى الله عنها ما عملت؟؟؟

 

 

عموما ندخل فى الموضوع الاساسى

 

عمل المرأة من وجهة نظرى هى المجال اللى بتحس فيه بذاتها واهميتها

 

تحس بنجاحها

 

لكن موضوع مش ملزم

 

يعنى انا بحب العمل جدا جدا جدا وبحس فيه بمتعه كبيرة جدا

 

اذا ظروفى كانت تسمح ليا بالعمل هشتغل ... لكن لو بيت واسرة وما شابه اكيد هيبقى بيتى اهم من اى عمل فى الدنيا

 

ورعايتى لاسرتى هى السبيل اللى احقق فيه نجاحى

 

 

فمن وجهة نظرى اهمية عمل المرأة بتختلف من امرأة لاخرى وفقا لظروف المجتمع اللى عايشة فيه ووفقا لظروف حياتها كمان

 

 

تقبلى مرورى

شارك هذه المشاركه


رابط المشاركه
شار ك علي موقع اخر

عندك حق في كل كلمه قولتيها انا بنت زيك وموافقه رأيك الجريء ده دلوقتي كل ما تفتحي برنامج تلاقيه بيقول المرأه وحقوق المرأه لما احنا البنات زهقنا فما بالك بالرجال .

شارك هذه المشاركه


رابط المشاركه
شار ك علي موقع اخر

هو انتوا حد غصبكوا على الطلوع من البيوت ولا ايييييييييه :hhhh:

 

 

 

 

 

 

 

 

 

 

 

 

انا اسف وانا بهزر ياريت ماحدش يكون زعل منى

شارك هذه المشاركه


رابط المشاركه
شار ك علي موقع اخر

موضوع جرئ بس بجد عجبنى وانا معاكى فى كل كلمة كتبتيها

وتسلم الايادى:keda:

شارك هذه المشاركه


رابط المشاركه
شار ك علي موقع اخر

يسلمووووووووووووووو على الموضوع الرائع

انا طبعا معاكى فى كل كلمه قولتها فى الموضوع ده

الاسلام اعطى للمراه حقها

بس هنقول ايه غير

يا ربنا رد الامه الاسلاميه اليك رد جميلا

 

شارك هذه المشاركه


رابط المشاركه
شار ك علي موقع اخر

بسم الله الرحمن الرحيم

اولا بشكرك على الموضوع الجرئ ..ومتخافيش مفيش ضرب ولا حاجة:smile: انا متفقة معاكي في كتير من اللي انتي قولتيه

بس عوزة اضيف ان احنا محتاجين سيدات للعمل في بعض الاعمال مثلا محتاجين مدرسات ومحفظات قرءان ودكتورات للنساء يعني شغل المرأة كله مش غلط

وفعلا احنا مش هنلاقي دين زي الاسلام كرم المرأة واعطاها حقوقها

شكرااااااااااا ع الموضوع

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..