حصريا موال الفول والطعميه كامل

[الجندى المجهول]

عن موضوع الفول واللحمة

 

صرح مصدر قال مسئول

 

ان الطب اتقدم جدا

 

والدكتور محسن بيقول

 

ان الشعب المصري خصوصا

 

من مصلحته يقرقش فول

 

حيث الفول المصري عموما

 

يجعل من بني ادم غول

والبروتين الكامن طيه

مافيه زيه ايها فول

 

 

تأكل فخده في ربع زكيبه

 

والدكتور محسن مسئول

 

يديك طاقة وقوة عجيبة

 

تسمن جدا تبقى مهول

لحم نباتى ولا فى الحاتى

تاكل قدرها تعيش مبسوط

 

 

ثم اضاف الدكتور محسن

 

ان اللحمه دي سم أكيد

 

بتزود أوجاع المعدة

 

وتعّود على طولة الايد

 

وتنيم بني ادم وتفرقع منه المواعيد

 

واللي بياكلوا اللحمة عموما

 

حيخشوا جهنم تأبيد

 

يادكتور محسن يامزقلط

 

يامصدر ياغير مسئول

 

حيث ان انتو عقول العالم

 

والعالم محتاج لعقول

 

مارأى جنابك وجنابهم

 

فيه واحد مجنون بيقول

 

احنا سيبونا نموت باللحمة

 

وانتو تعيشوا وتاكلوا الفول

 

مارأيك ياكابتن محسن

 

مش بالذمة كلام معقول

تم تعديل October 16, 2009 بواسطه الجندى المجهول

[مصطفى بهجت]

طبعا ده كلام جدا جدا معقول ..

طول ما جايلنا من جندي مجهول ..

يبقى لازم نعيش على الفووووول ..

 

كلمات حقيقية ومن الواقع جدا جدا ..

 

شكرا لك اخي ..

[الرّام]

"الجندي" ..

 

بارك الله فيك يا خويا على نقلك لهذه القصيدة الرائعة .. و على كل ما تنقله لنا من روائع

 

ربي يجزيك بالخير ان شاء الله على كل المواضيع الجميلة

 

 

ربي يحفظك و يحميك يا رب ان شاء الله