المصرى اللي علي حق يقول للغلط لالالالالا

[ديدو 3]

بســم الله الـرحمــن الرحيــم

اولا : احب أسلم عليكم عليكم أخوانى وأخواتي لانكم بجد وحشتونى جدا , وأسأل الله أن تكونا بخير وسعادة دائما .

ثانيا : انا كتبت الموضوع دة لانى بجد حزنت جدا لما رأيت حادث القطارين فى العيط وسمعت عدد الضحايا وعدد المصابين لناس ملهاش ذنب , بجد مش انا لوحدى هنا اللى زعلت علشان الخبر دة وكل الناس المصريين حزنوا جدا

احنا من فترة كنا سمعنا وشوفنا اعلانات هيئة السكة الحديد واللى كان شعارها : المصري اللى على حق يقول للغلط لا

قولتى لنفسى البلد شكلها فيها تغييرات والسكة الحديد بتطور ومش هيكون فيها البهدله اللى كنا بنشوفها وتأخير المواعيد بالساعتين ( ياعنى كنت ممكن علشان اوصل النادى الساعة 4 مثلا كنت بوصل 6 ) اة ودة كان الطبيعى بتاع كل يوم دا غير الجرارات واللى كانت شبة يوميا بتولع مش عارف لية ان كان في صيف ولا شتاء ولا الكراسى اللى كانت لاتصلح للاستخدام الادمى وان كنت مبعرفش اقعد عليها اساسا بس كنت اهو بشوفها من بعيد ودة كفاية وبقول انى احسن من غيرى اللى متشعبط برة القطار خالص ولا التذاكر اللى كانت بتغلا كل شوية وبدون سبب ولا ....... كفاية كدة !

نرجع تانى للاعلان الجميل بتاع السكة الحديد بجد شوفتة حسيت ان الكلام دة ممكن يكون صحيح والتحسينات اللى بيقولوا عليها دى هتبقى حقيقة , بس يخسارة كنت بحلم.... !

بجد انا مضايق من اللى حصل دة وأدعوا الله أن يرحم ضحايا هذة الحادثة وأن يلهم أهلهم الصبر والسلوان ويشفى المصابين ان شاء الله

شكرا لكم

[El-Saher Fantasy 21]

لنا الله

موضوع هايل يا ديدو

انا باشتغل في مجال الإعلان ونصيحتي ليك

"ماتصدقش كل اللي بتشوفه"

واعتقد انت كده زي غيرك كتير اخدت درس في الموضوع ده

بجد مايتقالش حاجة غير لنا الله

وحسبنا الله ونعم الوكيل

جزاك الله خيرا على موضوعك الحساس

وجعله الله في ميزان حسناتك

تقبل مروري وتحياتي

تم تعديل October 27, 2009 بواسطه El-Saher Fantasy

[حياتى من اجل ربى 22]

"ماتصدقش كل اللي بتشوفه"

 

 

وخصوصا لانك فى مصر

 

والله انا اول ماقرات الخبر ده زعلت جدااااااااااا

ربنا يارب يرحم كل اللى ماتو ويصبر اهلهم يارب

 

ربنا يستر بجد على البلد دى

انا ملاحظه فعلا ان كل حاجه بقت فى النازل

كـــــــــــــــــــل حاجه

 

اسال الله ان يصلح حالنا

وان يهدينا الى الخير

جزاك الله خيرا كابتن المنتدى

ربنا يحقق لك كل ما تتمنى \

ويرزقك الخير كله يارب

[ali desoky 391]

يبقي انت اكيد اكيد في مصر

ولو صدقت اي حاجه تدل علي التغيير

يبقي انت متعرفش مصر كويس

مصر بقت طبقتين

طبقه فوق واخده كل حاجه ومش سايبه اي حاجه

ولما تحس انها ممكن تسيب حاجه بتهرب بره بكل حاجه

وطبقه تانيه غلبانه بياخدوا منها كل حاجه

وبردي بتحلم انه لسه فيه حاجه

مع اني كل حاجه خلاص راحت للناس اللي مش محتاجه

 

حد عايز مني حاجه؟؟؟

 

 

 

لنا الله

حسبي الله ونعم الوكيل

[ديدو 3]

أخي الساهر شكر لمرورك الجميل وتعبيرك الرائع ويارب أشوفك اعلامى كبير بس متنساش تاخدنى معاك معلق رياضى هههههههههههه شكرا حبيبي

 

أختى حياتى من أجل ربي شكرا على الرد المحترم وبجد شكرا ليكى على الدعاء الجميل

نورتى الموضوع أختى

 

 

حبيبي علي الدسوقى اللى منور الموضوع وبجد مش عارف أقولك اية على المجهود اللى انت عاملة فى المنتدى وبالاخص المنتدى الرياضي

شكرا ليك بجد وجزاك الله خيرا حبيبى

 

وبمناسبة ردكم على الموضوع ياجماعة وانا عارف انكم زعلنين جدا من حادثة القطارين دى علشان كدة انا كلمة مسؤل كبير فى هيئة السكة الحديد لانى معرفتش اكلم وزير النقل لانة كان قدم استقالتة فكلمت المسؤل دة وطلع راجل فى منتهى الذوق حب للبلاد

انا سألتة وقولتلة اية تعليقك على الحادث دة : الراجل بهدوء رد عليا وقالى الحمد لله ان الخسائر جت فى القطارين وفى الناس وأهم شىء ان القضبان سليمة ولم يصيبها مكروه لا قدر الله ! اما الناس فعدد سكان مصر كتيير ومش هيحصل حاجة لو مات 10 او 30 او حتى 100 الشعب المصري فوق ال 80 مليون , انما القضبان دى مهمة جدا , وقالى لو كان القضبان حصلها حاجة كان باقى القطارات هتمشى ازاى وباقى الناس هتركب ازاى وتروح مصالحها ازاى ؟؟

قولتله عندك حق دا انا مكنتش اعرف حاجة وبرمى الناس بالباطل وبظلم الحكومة انا والشعب المفتري , دا انا وحشين اوى اوى اوى اوى ...

 

شكرا أحبائى .... والمصرى اللى علي حق يقول للغلط لالالالالالا