يا مصر إنتي .. ما تفرضيشي ..

[dr_mido]

يا أمه ... إنتي متفرضيشي..!

 

إنتي قولي .. فين يوجعك ..

 

وأنا هسمعك ..

 

وجنبك هتلاقيني ..

 

زي ما كنت ..

 

يوم عبورك للقنال ..

 

يوم ما حققنا المحال ..

 

وجنبك هتلاقيني ..

 

زي ما كنت ..

 

يوم ما رب الكون ..

 

هز أركانك .. بزلزالك ..

 

كنت في بالي .. وكل أحوالك ..

 

من غير ما إنتي تفرضي ..

 

فرضت ضريبة ..

 

مني لنفسي .. علشانك ..

 

يا مصر .. إنتي ما تفرضيشي ..

 

إنتي قولي فين يوجعك ..

 

وأنا هسمعك ..

 

بس .. إنتي قولي ..

 

وأنا كلي ليكي ..

 

وإن كان مفيشي ..

 

أبيع هدومي وأديكي ..

 

وإنتي روحي .. وروحي في إيديكي ..

 

يا أمه .. إنتي قولي ..

 

فين يوجعك ..

 

وأنا هسمعك ..

 

دا حبك في قلبي كبير ..

 

ملهوش .. نظير ..

 

مزروع في قلبي .. زي ورداية

 

وفرضك فا ..

 

بيقسم الرأس ..

 

ويقتل الحب جوايه ..!!

 

دا أنا أتربيت من خيرك ..

 

ومقدرشي أعيش ..

 

وتايه في الغربة من غيرك ..

 

يا مصر .. إنقذيني ..

 

وبلاش تبعديني ..

 

بإيديكي .. يا أمه ..

 

ضميني ضمه ..

 

تلغي .. الضريبة الغمه ..

 

دا إنتي الراحة .. والأمان ..

 

وإنتي الضلة .. والمكان ..

 

يا لحم كتافي .. يا حضن دافي ..

 

إنتي غطاي .. وفرشي ولحافي ..

 

أيو والله .. إنتي متفرضيشي ..

 

وأنا هسمعك .. بكل إحساسي ..

 

وأشيل همك .. عنك ..

 

يا أم الجميل .. فوق رأسي ..

 

أنا منك .. وإنتي مني ..

 

إزاي .. أدفعلك .. غصب عني ..

 

إنتي قولي .. فين يوجعك ..

 

وأنا هسمعك ..

 

إزاي .. تكوني الحبيبة ..!!

 

وبالقوة .. أدفعلك ضريبة ..

 

دا الفرض .. ع اللي ناكر جميلك ..

 

ومش وعيلك ..

 

ليه تخليني أحس ..

 

بنكران الجميل ..؟!

 

ليه تخليني أحس ..

 

إني ندل مش أصيل ..؟!

 

ليه يا حبيبة ..؟

 

أدفعلك .. بإيدي ..

 

مش بقلبي .. الضريبة ..؟!!

 

ليه تخليني .. أدفعلك ..

 

بإيدي الغريبة ..؟!!

 

أنا منك .. وإنتي مني ..

 

ليه أدفعلك بأيد ..

 

والأيد مش مني ..؟!

 

أنا مش هربان بجلدتي ..

 

دا بعدي .. عنك محنتي ..

 

أنا مشيت منك ..

 

لجل أخف عنك ..

 

ويبقي أنزاح ..

 

جزء من همك ..!!

 

لجل أوفر لقمتي ..

 

لإبن عمي .. وخالي وعمتي ..!

 

لجل أوفر مكان ..

 

لإبن حتتي في قريتي ..

 

من فضلك .. يا أمه ..

 

ضميني .. ضمه ..

 

تلغي الضريبة الغمه ..

 

وبلاش تقولي ..

 

فين يوجعك ..

 

من غير كلام ..

 

من غير أنين ..

 

أنا .. هسمعك ..!!

 

 

أرجو من الله أن تكون القصيده قد أعجبتكم

 

ومنتظر جميع تعليقاتكم إن شاء الله

أخوكم في الله

dr_mido

[ali desoky]

بس .. إنتي قولي ..

 

وأنا كلي ليكي ..

 

وإن كان مفيشي ..

 

أبيع هدومي وأديكي ..

 

 

 

كلمات جميله جدا

ومعبره للغايه

بارك الله فيك

وجزاك كل خير

ان شاء الله

[dr_mido]

جزاك الله كل خير أخي في الله (alidesoky) علي مرورك وردك الرائع

 

وفقنا الله وإياك إلي ما يحبه ويرضاة إن شاء الله

 

أخوك في الله

dr_mido

[Dr.A7MD]

كلمات غاية فى الجمال والروعة يا دكتور ميدو

 

تسلم ايدك يا مبدع

 

متألق دائماً فى اختيار موضوعاتك

 

ربنا يخليك لينا ويبارك فيك ويرزقك كمان وكمان

 

تحياتى ليك

[dr_mido]

مشكور أخي في الله (Dr.A7md) علي مرورك وردك العطر

والحقيقة انا ليس كاتب هذه القصيدة ولكنها واحدة من ديوان قد أنزلة عمي في سنة 2001 بعنوان إغتيال إنسان

وإن شاء الله ربني يقدرني وأختار لكم بعض من هذه القصائد الزجلية وأكتبها لكم بإذن الله

 

فقط أرجو من الله أن تكون هذه القصيدة قد أعجبتكم

أخوكم في الله

dr_mido

[حياتى من اجل ربى]

جميييييييييييييييييل

جزاك الله خيرا اخى على الموضوع الرائع

اسال الله ان يحله فى ميزان حسناتك

وان يهديك الى ما يحب

وان يرزقك من حيث لاتحتسب

وان يحقق لك كل ما تتمنى

[رجل من الصحراء]

تسلم يافنان انت وعمك

بارك الله فيك

[شهد 2010]

جميل جدا جدا جدا

 

جزاك الله كل خير

[dr_mido]

مشكورة أختي في الله (حياتي من أجل ربي) علي مرورك العطر وردك الجميل

 

وجزاكي الله كل خير علي دعواتك الجميلة التي تعطري بها المواضيع في كل رد من ردودك الرائعة

 

أخوكي في الله

dr_mido

[dr_mido]

مشكور أخي في الله (رجل من الصحراء) علي مرورك الرائع وردك الجميل

 

أخوك في الله

dr_mido

[dr_mido]

مشكورة أختي في الله (شهد2010) علي مرورك وردك الرائع

 

جزانا الله وإياكم خير الجزاء إن شاء الله

 

أخوكي في الله

dr_mido