مشكلة عندي في أكونت الياهو

[dr_mido]

 

المشكلة أن معظم الكلام عندي بيظهر بنفس الطريقة اللي علي الجنب دي

فياريت أعرف الحل من حضراتكم إن شاء الله أن كان يوجد لها حل بإذن الله

أخوكم في الله

dr_mido

[Dr.A7MD]

حبيبى دكتور ميدو

 

المشكلة دى كانت عندى زمان قبل تحديث بريد الياهو

 

وبريدك الظاهر لسه شغال بالمظهر القديم للبريد Yahoo classic

 

المهم المشكلة كانت عندى زمان وحليتها بطريقة معينه بحثت عنها

 

دلوقتى وأنا على النظام الجديد للبريد مش عارف أوصل للإعدادات اللى عدلت منها

 

بس ممكن أنت توصلها لأن بريدك لسه على النظام القديم

 

حاول توصل للإعدادات دى وشوفها موجودة عندك ولا لا

 

1-اختار من صفحة الياهو الرئيسيه OPTIONS

 

 

2-ثم اختار GENERAL PREFERENCES

 

 

 

 

3-ثم اختارDO NOT SHOW ME YAHOO!SHORT CUT

 

 

4- طبعا اضغط SAVE

 

يارب توصل للإعدادات وتحل مشكلتك

 

بس اسمحلى أقولك حاجة تريحك من مشاكل كتير

 

للأسف فى مواقع كتير ليها مشاكل مع اللغة العربية

 

حتى بعض البرامج وخاصه بعض برامج التعديل على الصور والمونتاج والفيديو

 

بيكون معاها مشكله فى تصفح المجلدات والفولدرات المسمية باللغة العربية عندك

 

بتلاقيها نفس المنظر اللى بتشتكى منه فى الياهو

 

وعشان تتجنب كل المشاكل دى سواء فى الياهو او غيره من برامج وكدا

 

حول اسماء الملجدات واكتبها بحروف انجلش حتى ولو كان المعنى عربى

بس كدا يا غالى

 

معلش طولت عليك

 

تحياتى

[dr_mido]

 

جزاك الله كل خير أخي في الله (Dr.A7md) علي هذ المعلومات القيمه هذه

 

علي فكرة أنا البريد بتاعي النظام الجديد من الياهو مش القديم بس أنا مختار اللون الأزرق وهو واضح زي القديم

 

وأنا وصلت للي أنت قلته عن طريق ( أدخل علي Mail options في الأكونت وبعدين أدخل علي قائمة Filters وبعدين أضغط علي Create or edite filters وبعدين هتفتحلك صفحة جديده هتلاقي فيها أضغط علي كلمة Mail وبعدين هتظهرلك قائمة هتلاقي فيهم General preferences أضغط عليها وبعدين هتلاقي اللي انت قلتلي عليه وضغط علي Do not show me Yahoo! shortcuts) بس للأسف ويبقي الحال علي ما هو عليه ,,, بس جزاك الله كل خير أخي في الله

 

وشكرا كتير علي نصيحتك الغالية هذه ,,, ووفقنا الله وإياكم إلي ما يحبه ويرضاة بإذن الله

 

أخوك في الله

dr_mido

 

[«۞۩ أبو سليمان ۩۞»]

السلام عليكم و رحمة اله و بركاته أخي الحبيب dr_mido

 

أخي اولا النظام الجديد بتاع الياهو اصلا موش بيدعم اللغة العربية كويس و بيعمل معاها مشاكل

 

حتى اني لغاية دلوقتي بستخدم النظام الكلاسيك

 

بس ممكن هناك فيه حل ان شاء الله ياريت تجربه

 

في شريط القوائم لنافذة الانترنت اكسبلورر هتلاقي قائمة اسمها pages اضغط عليه ستفتح لك قائمة اذهب فيها الي

 

encoding

 

و منها إضغط على unicode (UTF8 )

 

و شوف هل هيتغير و لا هيفضل ذي ما هو

 

ان شاء الله تتحل المشكلة

[eng_alaa]

السلام عليكم ورحمة الله وبركاته ...

 

حبيبي دكتور ميدو ..

 

هل المشكلة دي في اكونت ياهو بس ولا بتحصل في مواقع تاني ؟؟

 

عموماً جرب الضغط كليك يمين في اي مكان من صفحة الإكسبلورر ..

 

تظهر قائمة اختار منها encoding ..

 

ومنها اختار arabic windows ..

 

و الأفضل كمان انك تغير وتستعمل فاير فوكس وتنزل معاه فلاش بلاير ..

 

http://download.yallagroup.net/en-s-219-mo...a-firefox-3.5.5

 

http://download.yallagroup.net/en-s-60-flash-player-10

[عاشق الصداقه]

جزا الله خيراً كل من ساعد

 

المشكلة مشكلة ترميز وحلها كما شرح اخى الحبيب عبقرينو ،،

 

وانصحك كما نصحك أحبائى بجعل جميع مجلداتك بأسماء أجنبيه فى بريد الياهو ..

 

لأن موقع ياهو لا يزال يعانى من مشكلات فى الترميز مع اللغه العربية ورغم إطلاق النسخة المطوره من البريد لم يتم حل هذه المشكلات بشكل فعلى .. بل زادت كثيراً

 

تحيتى وحبى

[dr_mido]

جزاكم الله كل خير أخوتي في الله (Dr.Abcarino) و (eng_alaa) و (عاشق الصداقة) علي إهتمامكم بالموضوع

 

ولكن المشكلة لم تحل مع إني جربت كل الحلول اللي حضراتكم عرضتوها في حل المشكلة ولكن من المحتمل أن يكون كما ذكر أخي في الله (عاشق الصداقة) أن العيب أحتمال كبير أن يكون من الياهو نفسه ومشكلته مع اللغة العربية

 

وفقنا الله جميعا إلي ما يحبه ويرضاة بإذن الله ,,, ويرزقنا وإياكم الأخلاص في القول والعمل بإذن الله

 

أخوكم في الله

dr_mido