كفايه استفزاز بقي قرفتونا,,,,,,,,,,,,,

[zoro_hf 8]

 

 

 

 

 

الموضوع ببساطة هو اعلانات التلفزيون اللي بقت مستفزة بطريقة

تخليك لو قعدت قدام التلفزيون شوية تحس انك عاوز تكسره من كمية التفاهة والاستفزاز اللي بتشوفه

 

 

 

 

خد عندك الأمثلة اللي جاية دي

 

اكبر مول تجارى فى الساحل الشمالى

اكبر ملعب جولف فى الشرق الاوسط

اضخم مساحه خضراء فى مصر

الراحه الكبيره من عناء التلوث

بعيدا عن الزحام

على بعد 10دقائق من مش عارفة فين

عيش انت واولادك فى نعيم دائم

 

 

 

 

وعلى الجانب الآخر

 

أكبر أزمة في رغيف العيش

أكبر أزمة في ارتفاع الأسعار

أقل مرتبات للموظفين ف العالم

الخ الخ الخ

 

طيب دي مش حاجة تحرق الدم؟!!!!!

كل شوية اعلانات عن المدن الجديدة......

 

طب لو واحد قاعد معندوش شقة وشاف اعلانات المدن الجديدة وكمية الشقق اللي الفاضية اللي فيها وهو حلم حياته انه يسكن ف أوضة....ياتري احساسه هيكون ايه؟

طبعا ولا حد من ال بيعملوالاعلانات دى بيفكر في الكلام ده؟

 

 

 

 

طيب بلاش المثال ده.....ارميه على جنب شوية

خد الأمثلة اللي جاية.....

 

اعلانات الضرايب تحسسك ان مفيش حد جايب البلد ورا غيرك

 

 

 

 

ولا اعلانات ميلودي أفلام

(يارب أصبح الصبح ألاقيها اتقفلت)

وهي بتعلن عن انتاج أفلام جديدة

حاجة في منتهي السخاافه

 

 

 

ولا كان فيه اعلان شفته من فترة عن البطالة

معرفش كده بيقولك (الحق القطر قبل مايفوتك...) حاجة زي كده

وكأن فرص العمل على أفي مين يشيل

بس تعمل اييه ف الشباب...تنك ومش بيرضي بالشغل

 

 

 

 

 

ولا الاعلان ده شفته ايام دورى الشباب

عن شرطي بيزعق لواحد واقف ف المخالف

وبعدين بيظهر ان ده أحمد فتحي بوجي

ويقول مصمم الاعلان عشان تعرفوهم روحوا شجعوهم

وكأن لوكان الشرطي يعرفه فمش من حقه يزعقله لو وقف ف المخالف

 

 

 

 

 

 

 

ده طبعا غير الاعلانات اللي تحسسك اننا وصلنا لدرجة من التفاهة لاحدود لها

لأ مش عارفة البطل اللي هيعمل المستحيل عشان كيس شيبسي ولا اللي هيقتل ال قدامه عشان ازازة بيبسي

ولا المسحوق اللي هخلي جوزك يحبك وتتحل كل مشاكلكم الأسرية

ولا ريحة السمنة اللي وصلت للجيران

ولا الأغنية الطويلة العريضة عشان ف الآخر يعلنوا عن ازازة زيت

ولا االبنات اللي عادوا بيجبوهم ف الاعلانات والبنت تقعد ترقص عشان تعلن عن منتج لا يقل تفاهة عنها

 

 

 

 

صراحة حاجة تجيب الضغط والسكر ده ان ممتش بجلطة وانت قاعد تتفرج

مفيش أي مراعاة لشعور المواطن المطحون

وكأن ملخص الاعلانات دي

(مواطن مطحون ايه.....ايكش يولع)

(لتحيا التفاهة)

(أهم حاجة الفلوس.....شعور الناس في داااااهية)

الواحد زهق

ده لو بيصرفوا فلوس الاعلانات على الرعاية الصحية أو الاسكان أو حتي تنظيف الشوارع

كانوا حالوا مشاكل ناس كتير

 

معلش طولت عليكم وقرفتكم معايا

[حياتى من اجل ربى 22]

لأ مش عارفة البطل اللي هيعمل المستحيل عشان كيس شيبسي ولا اللي هيقتل ال قدامه عشان ازازة بيبسي

ولا المسحوق اللي هخلي جوزك يحبك وتتحل كل مشاكلكم الأسرية

ولا ريحة السمنة اللي وصلت للجيران

ولا الأغنية الطويلة العريضة عشان ف الآخر يعلنوا عن ازازة زيت

ولا االبنات اللي عادوا بيجبوهم ف الاعلانات والبنت تقعد ترقص عشان تعلن عن منتج لا يقل تفاهة عنها

 

 

فعلا يعنى تفاااااااااااااااااااهه

 

انا مريحه دماغى بقى ومش بتفرج على التليفزيون اصلالالالالالا

 

 

ربنا يصلح الاحوال يااارب

كل حاجه اصلا باظت خااااااالص والدنيا بقت عجييييييييبه

ربنا يستر علينا يارب

[orgowan 0]

دى حاجه ارخم من الرخامه

بس انتو عارفين

علشان الفلوس

[نودي 41]

لا ولا الاعلان بتاع لاني المصري علي حق لازم يقول للغلط لا وبعدها بفترة حصل حادث العياط وبطلوا يتذاع بعد كده

فعلا بقيت حاجة مملة يازورو معاك حق

ربن يهدي وانت عارف لو اتصرف نص اللي بيتصرف ع الاعلانات ع الفقرا والمحتاجين واطفال الشوارع كنا بقينا حاجة تااااااااااااااانب خاااااالص لكن تقول مين وحتي اللي بيعمل كده بيبقي عشان مصلحة عضوية مجلس شعب ولا صفقة ولا عشان يكسب ود الناس

بس مش كلهم كده اكيييييييد في ناس بتحب الخير من غير اي مصلحة

 

شكرا زورو

[zoro_hf 8]

والله انا سعيد جدا بردوكم الجميلة داى

[ابشرواااا 4]

ابنى الفاضل زورو

 

اشفق حقا مما ترى وتعانى وليست معاناتك وحدك ولكن معاناه لجميييع شباب مصر

اسال الله اللى العلى القدير ان يتعمدنا برحمته وينفتح لكم جميعا ابواب فضله

وكما قال تعالى (وان من شئ الا عندنا خزائنه وما ننزله الا بقدر معلوم ).

فتح الله لك ولجميع شباب المسلمين من جزائن رحمته التى لا تنال الا بطاعته

 

وكما قال صلى الله عليه وسلم ((" لَوْ تَوَكَّلْتُمْ عَلَى اللَّهِ حَقَّ تَوَكُّلِهِ لَرَزَقَكُمْ كَمَا يَرْزُقُ الطَّيْرَ تَغْدُو خِمَاصًا وَتَرُوحُ بِطَانًا " ))

 

اسال الله ان يرزقكم من حيث لا تحتسبوا

 

 

وكما قال غاندى ::

(((كن انت التغير الذى تريد ان تراه فى هذا العالم)))

 

وجزاك الله خيرااااااااااااا

[zoro_hf 8]

مشكور ابشروا بردك الرائع

ومشكور على مرورك ايضا