[ مميز] *ماما حبيبتي ازيك وعامله ايه ؟

[einour 3]

ماما حبيبتي ازيك و عامله ايه ؟؟؟؟؟؟؟

انتي وحشتيني أوي ,,,,,,, بابا كويس ,,,,,,

انتي عارفه ؟ انا مبارح رحت المدرسة ......

أنا شفت صحبتي حنان و هيه عملة شعرها ضفاير حلوة أوي ,,,, رحت لبابا و قلتلو يعملي ضفاير زيها ..... قلي يا بنتي انا ماعرفش اعملها ازاي .... حاول يعملي ضفيره بس ماكنتتش زي بتاعت حنان ,,,خرجت من البيت و رحت المدرسة و انا بعيط من غير مايحس بابا ..... ماما هوه بابا مابيعرفش يعمل ضفاير؟؟؟

 

بابا كل يوم بيديني سندويتش جبنه للمدرسه .,,, حنان بتجيب كل يوم فطاير ......

ماما هوه بابا مابيعرقش يعمل فطاير !!! مش كده؟؟؟؟

 

 

مريلة صحباتي بيضه وأنا مريلتي رمادية .... حنان قلتلي انو امها بتغسل الابيض لوحده .... وبابا بيحط الغسيل كله مع بعضه ....

ماما هوه بابا مابيعرفش يغسل كمان و لاايه ؟؟؟؟

 

ماما انا كل ماجي لعندك باخد من هنا شوية تراب, ده من ريحتك يا ماما .... باخدو و بحطو في علبة قزاز وحطيت عليها صورتك .... وحطيتها جنبي .... بسلم عليها و ببوسها كل ما اصحى و قبل ما انام ....

و ما خبيش عليك احيانا بتكلم معاها .....

 

 

ماما مين اللي بيخرب الورد اللي بجبهولك كل يوم ؟؟؟؟ ماتسمحيلهمش أرجوك.... أنا بزعل أوي لما بشوفهم بايظين....

 

 

ماما أنا حبقى أزورك كل يوم .... بس داوقتي لازم أمشي عشان بابا مابيعرفش اني بجيلك

هوه لو عرف مش حيقولي حاجه انا عارفه

بس حيزعل عشاني

 

ماما حتوحشيني أوي

تم تعديل October 31, 2006 بواسطه einour

[مريم بنت عمران 0]

يااااااااااه

 

ما اصعب ان نرى الحزن فى عيون الاطفال

 

برائتهم الحزينه تقتلنا ..وكم هى رائعه تلك السطور اذ جسدت لنا مأسآة طفل فى اشتياق لحضن امه

 

سلمت يداك حبيبتى وجزاكى الله خيرا

[einour 3]

شكرا لك اختي الحبيبه و الله لا يحرم حدا من عطف و حنان الام

[عاشق الصداقه 525]

ياااااااااااااااه بجد

أختى إينور ما أجمل موضوعك .. حساس جداً

والله إقشعر جسدى كله من كلام الطفله وخاصةً الأخير

ما أروع كتاباتك !! بسم الله ما شاء الله عليكى ...

[:: نبـ القلم ــض :: 8]

راااااااااااااااااااائع بجد هذا الموضوع ربنا يكون فى عون كل االى معندوش ام

ومش عايزه اقولكم انا بموت فى كيلب لسوف اعود يا امى لاحمد ابو الخاطر

كيلب مستحيييييييييل صراحه اشعر بعده انى اريد ان ارتمى فى حضن ماما

وببقى عايزه اكلم كل اصحابى واسلم عليهم واصالح اى حد زعلته

[einour 3]

شكرا الك اختي عاشقه القران و الله يعين الجميع على الاصلاح بين الناس و انا بوافقك على انو كليب سوف اعود يا امي

كليب رائع و الله يوفقك و يوفق الجميع

[عاشق الصداقه 525]

تم تمييز الموضوع ...

لأنه يستحق ذلك

تحياتنا لكم...

وننتظر منكم المزيد من المواضيع المميزه

 

[عاشق الصداقه 525]

ونقول نرفع الموضوع المتميز علشان الناس اللى ما شفتهوش تاخد الفرصه وتشوفه

[AMR DAWAM 7]

حقا موضوع يستحق التمييز

جميل جدا ... رائع جدا ... صعب جدا

[einour 3]

شكرا اخي عمرو دوام لمرورك الكريم

جزاك الله كل خير

[الرومانسية 0]

شكرا لك اختي اينور

 

فعلا انها قصة ذات مضمون كبير لان مهما نقول لااحد ممكن ان يعوض حنان الام

 

الله يكون بعون الي ماعنده ام خصوصا الاطفال.........

 

لاني انا بالرغم من اني بالغة لا اتخيل نفسي بدون امي.........

 

 

 

 

 

 

 

رحلتوا وانتم اقرب الناس في الحشى ********** وغبتم وانتم في الفؤاد حضوروا