صناع الحياه 14 قام بنشر November 6, 2006 عزيزي القارئ في الموضوع ده انا عايزك تكتب اي حاجه في اي حاجه اكتبلنا كلمه اثرت فيك موقف غير حياتك قصه حكهالك زميلك احكيلنا عن اغنيه بتحبها مشهد من فيلم عجبك ولا قلك احكيلنا عن موقف صعب عديت منه نكته ظريفه عجبتك اكتبلنا عن نفسك وحياتك عن احلامك احكيلنا عن قتلك للنمل احكيلنا عن تعديلك للنسبيه اهم حاجه احكيلنا افتحلنا صدرك هنسمعك انا عارف ان الدنيا اخدت الجماعه الكبار مننا وبطلوا يسمعونا احسن حاجه نسمع بعض يللا نطلع جبال الكلام الي علي صدورنا يللا نفيد بعض ونناقش احلامنا واراءنا يللا نتكلم قبل الكلام ميغلي ويبقي بفلوس ابتدي انا حاضر في يوم من الايام كنت في اولي اعدادي قعدت في الخيمه اسمع التليفيزيون كنت بحب الافلام جدا وبالذات الكرتون واسالو كابتن ماجد ومازينجر وجرين دايزر المهم فجاه جات المزيعه وقالت موعدكم مع الفيلم جبت الحصير وفرشته وجهزت المخده عشان اسمعه وانا متسلطن ابتدي الفيلم كان الفيلم لدريد لحام كان بيقوم فيه دور مدرس غير فكر مدرسه بحاله علم الاولاد ازاي يعيشوا في مدرسه مفتوحه علمهم ان الحياه هيه المدرسه الفيلم شدني جدا دريد لحام كان بيعلم الاولاد كل حاجه كان ياخدهم معاه دايما بره الفصول وينطلق بيهم بين الزروع والطبيعه الحصص ملهاش عنوان في اي لحظه يوقفهم ويديهم حصه في اي موضوع يتعرضو ليه الفيلم احداثه ثبتت في دماغي جبت اخوي الصغير تاني يوم قعدتو جنبي واشتغلت اشرحله ومن يوميها وانا بحب التدريس وكل ده بسبب فيلم شوفتو ازاي حياتنا مواقف اسيبكم ونلتقي قريب شارك هذه المشاركه رابط المشاركه شار ك علي موقع اخر
نجمة الكتب 5 قام بنشر November 7, 2006 كان عندى ١٤ سنة وكنا في اجازة الصيف الساعة ١ بالليل وانا ماسكة ايد والدى وبنتمشى فى طريق بين الشجر اللي في ارضنا، السما كانت صافية جدا والدنيا منورة بضوء النجوم: - بابا حضرتك شايف النجم اللى هناك ده؟؟ دا بيلمع قوى. - انتى عارفة اهو انا وانتى وارضنا والجبال والوديان والقارات والانهار والمحيطات وكل المخلوقات اللى على الارض بتدور مع دوران كوكبنا حوالين نجم زى ده ويمكن اصغر منه... - الشمس؟؟؟؟ - ايوة، الشمس اللى تعتبر نجم متوسط الحجم،وحجمها اكبر من حجم الارض بحوالى اكتر من مليون مرة، ومجرتنا درب التبانة فيها بلايين بلايين النجوم زى الشمس واكبر منها كمان وبيفصل بينهم بلايين بلايين السنوات الضوئية، ومجرتنا بتدور هى وعدد غير معلوم من السدم والمجرات في فضاء الكون اللامتناهي في الكبر. - ياااااااااااه يا بابا دا احنا صغيريين قوى قوى. - صغيرين دى مينفعش توصفي بيها حجمنا بالنسبة للكون ، احنا شيئ لا يذكر نكاد نكون عدم في الكون العملاق اللى احنا عايشين فيه، لكن اللى انا عايز اقولهولك ان الكون كبير قوي اكبر من اننا نتخيل حجمه فما بالك بقى باللى خلق الكون ؟؟؟؟؟عظمته اعظم واسمى من اننا ندركها بعقلنا المحدود. مش قادرة اوصفلكم احساسى كان ايه ساعتها وازاى كلام بابا خلانى استشعر حاجات اكبر منى بكتير قوى كنت حاسة ان فيه كهربا ماشية في كل خلية من خلايا جسمى وعقلى كأنه نور فجأة......كانت اول مرة في حياتي استحضر عظمة ربنا بالصورة دى.. فضلت ساكتة شوية وبابا بيبصلي وبيبتسم كأنه شايف الصورة بتترسم جوا عقلي الصغير... - بس تعرفي انت ممكن تكوني اكبر واعظم من الكون ده كله. - ازاى يا بابا؟؟!!!!!!!! - بإنك تنصري ربنا جواكي وساعتها نوره هيملى قلبك وعقلك، شوفى بقى لما نور ربنا يبقى فيكى هتبقي كبيرة وعظيمة قد ايه. روحت البيت وانا حاسة اني كبرت خمسين سنة ومن ساعتها وانا بقيت احب التأمل جدا لأن دقيقة منه ممكن تقربك من ربنا اكتر من سنين صلا وصوم ، ومن ساعتها كمان ابتدت قصة حب بينى وبين الكلمات لأن كلمة زى الكلمات البسيطة اللى والدى قالهالى ممكن تزرع في قلبك وردة ، وكلمة ممكن تديلك جناحات من نور وتخليك توصل لابعد نجمة في الكون. ربنا ينور قلوبكم وعقولكم شارك هذه المشاركه رابط المشاركه شار ك علي موقع اخر
صناع الحياه 14 قام بنشر November 8, 2006 عمي بيذاكر شعر هوه واصحابه بيذاكرو قصيده غرناطه لنزار قباني انا جبت كتاب الحساب بتاع سنه رابعه ابتدائي وقعدت جنبهم علي الحصير عيني في الكتاب ومخي وودني معاهم بسمعهم وهمه بيتناقشو في القصيده بعد ساعه جاعو وراحو يتغدو اخدت كتابهم واشتغلت اقره القصيده عجبتني قوي قعدت احط خطوط واحفظ فيها فجاه دخلو علي ولقوني بشخبط في الكتاب اخدت حتت علقه من يوميها وانا بحب القصيده دي موت لاني بسببها اخدت علقه حلوه لما كبرت القيتها في المسابقات والندوات ده غير اننا اخدت الاول علي مستوي المحافظه في القاء الشعر بسببها وكانت هيه بدايه لحياتي الادبيه ودي هيه القصيده بتمني انها تعجبكم غرناطة رقم القصيدة : 211 نوع القصيدة : فصحى ملف صوتي: لا يوجد في مدخل الحمراء كان لقاؤنا ما أطـيب اللقـيا بلا ميعاد عينان سوداوان في جحريهما تتوالـد الأبعاد مـن أبعـاد هل أنت إسبانـية؟ ساءلـتها قالت: وفي غـرناطة ميلادي غرناطة؟ وصحت قرون سبعة في تينـك العينين.. بعد رقاد وأمـية راياتـها مرفوعـة وجيـادها موصـولة بجيـاد ما أغرب التاريخ كيف أعادني لحفيـدة سـمراء من أحفادي وجه دمشـقي رأيت خـلاله أجفان بلقيس وجيـد سعـاد ورأيت منـزلنا القديم وحجرة كانـت بها أمي تمد وسـادي واليـاسمينة رصعـت بنجومها والبركـة الذهبيـة الإنشـاد ودمشق، أين تكون؟ قلت ترينها في شعـرك المنساب ..نهر سواد في وجهك العربي، في الثغر الذي ما زال مختـزناً شمـوس بلادي في طيب "جنات العريف" ومائها في الفل، في الريحـان، في الكباد سارت معي.. والشعر يلهث خلفها كسنابـل تركـت بغيـر حصاد يتألـق القـرط الطـويل بجيدها مثـل الشموع بليلـة الميـلاد.. ومـشيت مثل الطفل خلف دليلتي وورائي التاريـخ كـوم رمـاد الزخـرفات.. أكاد أسمع نبـضها والزركشات على السقوف تنادي قالت: هنا "الحمراء" زهو جدودنا فاقـرأ على جـدرانها أمجـادي أمجادها؟ ومسحت جرحاً نـازفاً ومسحت جرحاً ثانيـاً بفـؤادي يا ليت وارثتي الجمـيلة أدركـت أن الـذين عـنتـهم أجـدادي عانـقت فيهـا عنـدما ودعتها رجلاً يسمـى "طـارق بن زياد" شارك هذه المشاركه رابط المشاركه شار ك علي موقع اخر
:: نبـ القلم ــض :: 8 قام بنشر November 9, 2006 السلام عليكم ورحمة الله وبركاته حصل لى موقف غرييييييييييب جدا فى شهر رمضان ده كنت فى يوم فى الاواخر العشر قاعده على النت بتصفح موقع دينى وجه موضوع بيقول شووووف صورة راااائعة جدا سبحان الله فدخلت عشان اشوف الصورة لقيتها صورة لاسم للهيكل العظمى للانسان على هيئة اسم سيدنا محمد الصورة توضح ان عظم الانسان مرسوم على شكل اسم محمد فالجمجه هى الميم والقفص الصدرى هى الحاء وعظم الحوض الميم الثانيه والرجلين هى الدال فقلت سبحان الله ازاى مخدتش بالى وانا بدرس فى كليه الطب وبعدين قفلت الكمبيوتر عشان اروح اصلى التهجد بس اليوم ده رحت متاخرة شويه فدخلت المسجد وقد بدا الشيخ الصلاة فدخلت فى الصلاة بسرعة وسمعت اول ايه كان الشيخ يقراها هىىىىىىىىىىىىىىى (واعلموا ان فيكم رسول الله) سبحااااااااااااااااان الله مش عايزة اقولكم جسمى اقشعر وحاسيت ان فى حاجه هزت قلبى وكياااااااااانى من جوه وقالتى لاء لازم تقررى انتى رايحه فين ومن سا عتها قررت لعل هذا الموقف يكون سببا فى هدايه الجميع شارك هذه المشاركه رابط المشاركه شار ك علي موقع اخر
:: نبـ القلم ــض :: 8 قام بنشر November 9, 2006 عايزة احكليكم على موقف حصل لى كان سببا فى تثبيتى كنت فى اول رمضان وفتتحت التلفيزيون عشان اشوف اى حاجه اتفرج عليها لقيت برنامج حى فى قلوبنا بتاع الحبيب ابن على الجفرى فكان بيتكلم عن الرسول صلى الله عليه وسلم والرد لاسائته فكان موضوع مؤثر جدا فبكى وابكى كل من فى المجلس معه وابكانى ايضا فتاثرت جدا واستغربت من الحبيب ابن على اصلا ازاى يبكى فى كل لحظه واول ما يحكى قصه عن الرسول عليه الصلاة والسلام فقولت اكيييييييييييييييييد الحبيب مش بيسمع اغانى واكيييييييييييييييييد الاغانى هى اللى مبهدلانا كده وحاطه الغشاوة على قلوبنا فقررت اشيييييييييييل كل الاغانى اللى عندى على الكمبيوتر وكان هناك لى جارة منقبه تسافر السعوديه دايما فكانت دائما تنصحنى بعدم سماع الاغانى وكانت تدعو لى بالهدايه المهم بعد ما شيلت الاغانى نمت وحلمت بيها وانا بجرى عليها وبقولها باركلى مش انا شيلت الاغانى من على الكمبيونر ومعنتش هسمع اغانى تانى فبسرعة خادتنى فى حضنها وباستنى وقالتى الف مبررررررررروك وبعدها صحيت ومش عايزة اقولكم كنت مبسوطه قد ايه ومن بعدها معنتش بسمع اغانى وحتى سبحان الله لو سمعت اغنيه لا اتاثر بيها ولو لحظه واحده شارك هذه المشاركه رابط المشاركه شار ك علي موقع اخر
صناع الحياه 14 قام بنشر November 19, 2006 مره كننا بنمتحن في اول سنه لينا في كلية علوم وكنت الامتحانات ضغطانا خالص الواحد جاع جدا كان يوم الطبيخ علي انا وصاحبي هاني قلتلو يا هاني احنا لازم نعمل طبخه محصلتش لازم ناكل الشقه طبخه اول مره يدوقوها فتحنا التلاجه طلعنا الفول ونزلناه في الزيت في حله كبيره حطينا عليه كذبره وبقدونس وجرجير وفجل حطينا بعد كده بطاطس مسلوقه ورمينا علي كل ده شطه خضره نزلنا عليهم شويه طماطم وتوم لقيت لسه الاكله مكملتش نزلت اربع بضات عليهم وقلبت كويس هاني قاللي حط شويه ميه قلتله اوكي افتح الحنفيه لغاية الحله متتعبه وغطيت عليهم لمدة ساعه قلتله عايزين نسمي الطبخه دي قاللي بسيطه ناخد اول حرف من اسم كل واحد فينا وفعلا حطينا العين مع الهه وادانا كلمه " هع" وسمناها والحمد لله هع قبل متستوي بربع ساعه حطينا برنجان والملح وشويه توابل وبعد ساعه فتحت لقيت مفاجاه بلاش احكيها انا وهاني اخدنا علقه سخنه واكلنا الشقه بره علي حسابنا وانا وهوه اكلنا" الهع" ومن ساعتها وبطني مش بيفارقها الامساك خالص شارك هذه المشاركه رابط المشاركه شار ك علي موقع اخر
ريم 0 قام بنشر November 19, 2006 انا بعتقد ان دي من اللحظات اللي عمر الواحد ما هيحس ان في احلي منها انا بعد ما خلصت امتحانات ثالثة اعدادي قعدت ازن ازن علي بابا وماما اننا نسافر السعوديه عمرة . الحمد لله ربنا سهلهالنا وسفرت مع بابا وماما وشوفوا الصدفه اول مرة اركب طيارة في حياتي كان يوم عيد ميلادي كمان كانت احلي رحله عمر ما هيبقي في احلي منها اصلا ولا اول يوم نوصل المدينه تحس انك عايز تشوف كل شبر بتتطلع في السماء والتراب حتي ياياياياههه الرسول والصحابه كانوا بيمشوا هنا ولاولالما تقف زحمة شديدة عشان تقرب شويه من الروضه ولما توصل ياه احلي اللحظات بجد ولا اول مرة لما تشوف الكعبه بجد عمرك ما هتنسي الذكريات دي وعمرك ما هتنسها ولا هتلاقي احلي من دي رحلة يا رب يتقبل منا ومنكم ويوعدنا اننا نزور كلنا تاني وادعولنا رمضان السنه الجايه هيجي في الصيف يا ه ما فيش احلي ولا اطول من عمرة شعبان ورمضان لانها الوحيدة اللي بتبقي اسبوعين وساعات اكتر اسألوا مجرب ويا رب كلنا نكون صحبه اوعوا تنسوا لما توصلوا اول ما تنظر الكعبة لك دعوة مجابه لا ترد جهزولها ونسألكم الدعاء شارك هذه المشاركه رابط المشاركه شار ك علي موقع اخر
نجمة الكتب 5 قام بنشر November 28, 2006 كان عندي ست سنين و متسألونيش انا فاكرة ازاي حاجة حصلتلي وانا عندي ست سنين بس عشان انا اتأثرت قوى فضلت فاكرة وكمان يمكن عشان الواحد وهو صغير ذاكرته بتبقى لسة صفحة بيضا اي حاجة بتتكتب فيها بتبقى واضحة قوى، المهم شبيت شوية واخدت المجلة اللي كانت محطوطة علي التربيزة وقعدت في ركن اتفرج فيها ( عبقرية من يومى ) مش فاكرة اذا كان فيه كتابة ولا لأ ، انا كنت ساعتها لسة مبعرفش اقرا، بس الحدوتة كانت بالظبط عبارة عن ٣ صور: الصورة الاولانية فيها بنت صغيرة لابسة هدوم مقطعة وقاعدة جنب حيطة وماسكة في ايديها ٣ عيدان كبريت وفاكرة انهم كانو كبااااار يمكن اطول من البنت الصغيرة والدنيا كانت مغيمة والبنت كان شكلها بردانة قوى، الصورة التانية كان فيها البنت مولعة عود كبريت من الكبار دول والاتنين التانيين كانو مرميين جنبها محروقين والبنت كانت خدودها حمرا ودفيانة، الصورة التالتة كانت فيها البنت قاعدة ومغمضة عنيها ووشها شاحب جدا بعد ما خلصت عيدان الكبريت اللي كانت بتولعهم وتدفـّي بيهم... قعدت ابص للصورة التالتة كتير قوى وبعدها قعدت اقلب في المجلة وادور علي صورة رابعة ييجي فيها حد وينقذ البنت الصغيرة لكن ملقيتش، انتهت الحدوتة على كدة واتوجع قلبي الصغير ، مش قادرة انسى احساسي ساعتها ولا قادرة انسى صورة البنت الصغيرة. انا لما بفتكر الحدوتة دي بفكر ازاى الصورة ممكن توصل حاجات اكتر بكتير من اللي بيوصلها الكلام وبفكر كتير قوي قبل ما احكي لبنت اخويا الصغيرة حدوتة لاني عارفة اني بكتب في صفحة بيضا فلازم اكتب حاجة كويسة زي حدوتة التلت صور وكمان لازم اكتب بحرص . ودلوقتي لما كبرت شفت كتير زى البنت اللي في الحدوتة بس حقيقيين والبرد اللي بيخلي وشوشهم تبيض وايديهم تزرق حقيقي، وعايزة اقول لكل واحد بينام في بيته دفيان في ليالي الشتا ، احمد ربنا وادعي لكل اللي مالوش بيت. الحمد لله شارك هذه المشاركه رابط المشاركه شار ك علي موقع اخر
:: نبـ القلم ــض :: 8 قام بنشر December 1, 2006 يوم 26/11/2006 يوم لا ينسى فى حيااااااااااااااتى عارفين ليه ؟؟؟؟؟؟؟؟؟؟؟؟ قبل ما اقول اريد ان تبارووووكى لى وتهنؤنىعلى هذه الخطوة التى ترددت للقدوم عليها طويلا ولكن تمت نعمة الله عليا وعشان مطولش واحده بس فى المنتدى ده هى اللى تعرفها ولكنى اود ان انشرها فكما نعرض المساوئ ومشاكل حياتنا اليوميه فمن واجبنا ان نعرض الجانب المضئ حتى لا نمل ونحبط فى هذا اليوم قررت ان البس الحجاب الشرعى يعنى ايه الحجاب الشرعى؟؟؟؟؟؟؟؟؟هو فيه حجاب شرعى وحجاب غير شرعى ايوة طبعا كونك تكونى مغطيه شعرك فقط لكن لابسه بضى مجسم وجيبه بفتحه او بنطلون مش عارفه البنات بتلبسوا الزاى وتقولى على نفسك محجبه لالالالالالالالا هيهات ولكن الحجاب الشرعى ليس لبسا معينا ولكن يشترط ان لا يشف ولا يصف المهم مش عايزه اقولكم فرحتى لا توصف فى هذا اليوم وكمان شاركت فى مسيره عن لحجاب وفرحتى الاكبر انى حاسه انى رديت على فروق حسنى بقوله عن الحجاب فانى اقول له شكرا جزيلا فقد تحجب فى هذا اليوم عدد كبير من الطالبات وهداهم الله للبس الحجاب الشرعى وسيخرج مننا بناتا اقدر مننا لى حمل الرساله وتحرير الاقصى وتحرير العالم من امثالك شارك هذه المشاركه رابط المشاركه شار ك علي موقع اخر
صناع الحياه 14 قام بنشر December 10, 2006 عارفين ايام الشتا الجميله الناس بتقعد علي النار وتحكي وتقول قصص الاطفال بيتلفو حوليهم وبيسمعو الحكاوي دي فعلا ايام زمان دي جميله جدا مكانش فيه دش نسهر عليه او كومبيوتر ياخد كل وقتنا مره من المرات كانت امي واختي الكبيره عايزيني انام ومسهرش معاهم علي النار عشان اقدر اصحي الصبح بدري للمدرسه بدل خناقة كل يوم الصبح علي الصحيان بدري قررو انهم يضحكو علي وياخدوني انام معاهم وبعد ميتاكدو اننا باكل رز مع الملايكه يتسحبوا وينزلو تحت مع اهللنا وجرانا علي النار يسهروا . كل يوم علي الحال ده كنت اسالهم انتو بطلتو تسهرو ليه معالناس كانو يقولولي اصلنا بنتعب من شغل البيت فلازم ننام بدري بس انا مقتنعتش بالاجابه دي " من يومي واد فلحوص" فكرت وقررت اني اربط جلبيتي بفستان اختي من غير متحس تحت الغطا بحيث لو اتحركت اصحا واشوف ايه الحكايه وفعلا نفذت الخطه نمت زي المغفل كالمعتاد بس بعد ساعه لقيت نفسي واقع علي الارض واختي المسكينه بتحاول فك فستانها من جلبيتي وامي شغاله تتضك بصتلهم وقلتلهم " رايحين فين وسايبيني" ونزلت معاهم وانا فرحان قوي شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر December 18, 2006 انا ححكيلكوا حكايه حزينه شويه .... وإعذرونى لكده بس ده وقتها ... وعاوز أفضفض لحد ومفيش احسن من الموضوع ده أفضفض فيه أنا فيا حاجه بعتبرها وحشه جداً جداً .. بحذر الكل منها ... وهى تعلقى الشديد جداً بأصدقائى ... بجد بيسبب مشاكل كتيييييييييير مثلا انا دلوقتى فى فترة امتحانات وده خلانى ابعد عن أصدقائى شويه لأن كل واحد بيذاكر فى بيته وفى ناس تانى بعدت عنهم لظروف تانى .. او هما بعدوا .. وبسبب ده حالتى النفسيه محطمه جدا جدا جدا مش عارف أعمل أى حاجه ... مش عارف أقاوم الظرف ده بالذات ... ونفسى تكون أزمه وتعدى إن شاء الله وكل حاجه ترجع زى ما كانت ... وأرجع مبسوط تانى ... مش عارف أكمل أقول إيه .. بس أنا كده حعتبر نفسى فضفضت... يمكن ده يخفف عنى شويه !!! شارك هذه المشاركه رابط المشاركه شار ك علي موقع اخر
AMR DAWAM 7 قام بنشر December 19, 2006 معلش يا كرنكل على الامتحانات وربنا يعديها على خير وتكون أزمة وعدت بس انت ليه بتقول ان تعلقك باصدقاءك شئ وحش بالعكس دا شئ من أسمى المبادئ فى الحياة , الصداقة دى أجمل شئ فى الوجود . انا مثلا من اجمل ايام حياتى اللى ما اعتقدش انى ممكن انساها هى سنة اولى فى كلية العلوم علشان اتعرفت من خلالها على اصدقاء من اجمل الشخصيات اللى قابلتها فى حياتى زيك انت وعمر وكتيييييييييير انا دلوقتى لما حولت من جامعة جنوب الوادى لجامعة بنها لحد دلوقتى مش لاقى حد يعوضنى عنكم يارب نرجع مع بعض تانى ويارب يوفقك فى الامتحانات وترجع منها للمنتدى ولينا مبسوط ان شاء الله . شارك هذه المشاركه رابط المشاركه شار ك علي موقع اخر
نجمة الكتب 5 قام بنشر December 28, 2006 بمناسبة حلول وقفة عرفات وعيد الاضحى المبارك احب اقولكم كل سنة وانتم طيبين واحكيلكم عن اول ذكرياتي مع خروف العيد ، كانوا اطفال العيلة كلهم ملمومين وعمالين نفرقع بمب وصواريخ وفجأة ابن عمي اللي هو كان اكبر واحد فينا قالنا ياللا هنروح نتفرج على الخرفان وكله طلع جري وراه ولا كأنه ويليام والاس رايح يحارب الانجليز ، جريت معاهم طبعا وقعدت الاعب الخروف واكله برسيم وفضلوا مستنيين الراجل اللي هيدبح الخرفان وانا واقفة معاهم ومش فاهمة هما مستنيين ايه، وجه اخيرا الراجل ودبح اول خروف وكانت صدمة فظيعة بالنسبالي ، قعدت اعيط واصوت وادبدب برجلي في الارض ورحت اشتكي لجدتي وقولتلها الراجل جه وعور الخروف بتاعنا، موته يا تيتة، مليش دعوة انا عايزة الخروف بتاعناااااا.... وقعدوا اسبوع يهدوا فيا وانا انام واقوم اقولهم عايزة الخروف هاتولي الخروف ومسكتش الا لما اخويا قالي متزعليش الخروف بتاعنا هيروح الجنة عشان كان بيسمع الكلام . الحمد لله من ساعتها وانا ثباتي الانفعالى زاد جدا لدرجة اني بدخل اي غرفة عمليات وبقعد فيها ربع ساعة بحالها قبل ما يغمن عليا كل سنة وانتوا طيبين شارك هذه المشاركه رابط المشاركه شار ك علي موقع اخر
:: نبـ القلم ــض :: 8 قام بنشر December 29, 2006 صراحة وانا صغيرة كنت بعيش مع القصص اللى الابله كانت بتحكيهالنا لدرجة ان لما درست قصة عباس محمود العقاد وعرفت انه وهو صغير كان بيوفر المصروف عشان يشترى بيه كتب >>>>>صراحة قررت انى اعمل زيه لانى كنت بعشق الكتب والقصص والحكايات بس ربنا يسامح كليه الطب بقى اللى مش عطاينى فرصه حتى اتنفس ..........بس ومن ساعتها اتفقت مع مكتبه جانبنا انى كل يوم هاجى واشترى منها قصه كانت القصة غاليه قوى ب35 قرش ومصروفى كان50 قرش بس عشان كل حاجه كانت عندنا ومن يوميها وانا جمعت كميه قصص لللاطفال عن الانبياء وازى نتعلم الصلاة والوضوء وقصص اطفال الصحابه وكلها عندى لحد الان واطفال العيلة بيخدوها منى عشان يقراوها .............لكن ماما كانت بتجرى ورايا لانها معلمانى اسلوب القرش السود ينفع فى اليوم الابيض وكانت بتستغرب انى ما بعملش زى الاطفال واجيب لبس اولى لكن بابا كان بيقولها سيبها مصورفها وهى حرة فيه .............ولحد الان لغايه ما عملت مكتبه كبيييييييييييرة خالص مليان كتب ومجلدات لعلمائنا الكبار .........لدرجه انى بدات اتفهم الامور الفقهيه لما سمعت الحديث عن النبى صلى الله عليه وسلم(من يرد الله به خيرا يفقهه فى الدين) بجد لولا القصص الصغيرة دى ما كنتش فهمت حاجات كتير فى الدين ونفسى الكتب ترجع محط انظار القراء زى الاول شارك هذه المشاركه رابط المشاركه شار ك علي موقع اخر
