يا ريت تحلوا لي هذا اللغز

[سجده 44]

السلام عليكم و رحمة الله و بركاته ,

 

من عجائب مصر لغز حارت فيه العقول , و سالت مصريين كثييرين , فأختلفت الردود لكن لم يحل لي احدهم هذا اللغز , فقلت اسأل اخوتي في المنتدى يمكن يعرفوا يحلوه , قبل ما اقول اللغز يجب ان اطرح مقارنة تتعلق بمقومات الزراعة بمصر و المملكة العربيه السعوديه السعودية وهذا حسب خبرتي المتواضعه و بعدها اطرح لغزي عليكم , و طبيعة المقارنة التالي :

 

اولا , بالنسبة لمصر :

 

1 - من مقومات الزراعه وفره المياه العزبه ، وبداهه يتجه زهننا الي نهر النيل ، فالحمد لله المياه وفيره

2-من مقومات الزراعه ايضا الارض الخصبه وما اكثرها علي امتداد ضفاف النيل و مناطق متفرقه في مصر ، هذا غير بقيه المليون كم و صلاحيته للاستصلاح الزراعي

3-مقوم أخر وهو توفر الايدي العامله و الفلاحين و ملايين يمنهنون الفلاحه منذ عهد الفراعنه الي يومنا هذا و ايضا الخبرات الزراعيه ، ومصر معروفه بتقدمها العلمي في هذا المجال وكلنا نعلم انه باللاضافه الي الي الكليات الزراعيه الموجوده هنا ايضا المدارس الثانويه الزراعيه بحيث يبدأ التعليم الاكاديمي الزراعي بمرحله مبكره فيستفيد الاكاديمي بدل من ان تضيع سنوات من الخبره هباء

 

 

ثانيا , المملكة العربية السعودية :

 

 

1- لا يوجد لديهم مياه وفير بل يعتمدون علي نظام التقطير في الزراعه وعلي تحليه مياه البحر المالحه وعلي ندره المياه الجوفيه

 

2- لا يو جد في المملكه اراضي خصبه بل هي صحراء قاحله رمليه

 

3- الايدي العاملخ ليست محليه ، بل مستورده (هنود ، باكستانين الخ)

 

4- الخبرات في المجال الزراعي حديثه ، وليست بعمق نظيرتها المصريه ( امتداد معرفه 7000 سنه)

 

 

 

 

اللغز اللذي اريد اسأل عنه هو , كيف الشعب المصري لا يستطيع ان يكفي نفسه من محصول القمح اللذي يعتمد عليه غذاءه الرئيسي رغيف الخبز , و كيف المملكة العربية السعودية مع فارق المقارنة مع مصر وصلوا الي حد الاكتفاء الذاتي من القمح , بل المصيبة ان المملكة السعودية بتصدر قمح لمصر !!

 

يا ريت تحلوا لي هذا اللغز بارك الله فيكم .

[Marghany 0]

بصراحه حاجه تكسف ياريت جات علي القمح بس تقريبا كده احنا كل حاجتنا مستوردة مفيش ف حاجه من البلد ...

ده احنا بنموت موت بطئ ... بجد حاجه تكسف وتحزن :wink_smile:

تم تعديل March 1, 2010 بواسطه Marghany

[لميس المهدى11111 2]

السلام عليكــم ورحمـة الله وبركاتــة ،،

قول رأيك بحرية أحسن ما تموت أو يجيلك أزمة قلبية

 

واللة عندك حق مش بس فى القمح دا فى كل حاجة دلوقتى حتى الملابس وكل الاشياء تقريبا

وجزاكى اللة خيرا

[El-Saher Fantasy 21]

بسم الله الرحمن الرحيم

الاجابة: البطيخة

أختنا سجدة...

دعي الملك للمالك

[سجده 44]

السلام عليكــم

 

بسم الله الرحمن الرحيم

الاجابة: البطيخة

أختنا سجدة...

 

هههههههههههه

 

هي بطيخه فعلا بس قرعه

خلينا ساكتين و عمرها ما هتتفتح البطيخه دي

 

دعي الملك للمالك

 

و نعم بالله بس المالك خلق لنا عقول و ميزنا بيها عن ال.......واللا أيه؟

 

واللا نروح نعمل بيات شتوي في البطيخه

 

انا عن نفسي مش بحب البطيخ ، مش عارفه ظروف حضرتك أيه؟

 

قول رأيك بحرية أحسن ما تموت أو يجيلك أزمة قلبية

 

 

أه والله يا بنتي معاكي حق و هي هتبقي ازمه بس دا ضغط وسكر و قولون ومراره و... كفايه كدا

 

بس لو الوحد اتكلم هتجيلوا حاجه واحد هي واحد بس

 

بس بعدها يمكن مش يشوف الشمس تاني

 

بصراحه حاجه تكسف ياريت جات علي القمح بس تقريبا كده احنا كل حاجتنا مستوردة مفيش ف حاجه من البلد ...

ده احنا بنموت موت بطئ ... بجد حاجه تكسف وتحزن

 

انا اسفه كان نفسي ارد علي كلام حضرتك بس الباب بيخبط

 

شكلهم كدا امن الدوله واللا المخابرات ،هههههههههههههههه

 

كفايه كدا بقي و خلوني ساكته

 

لو اتاخرت عليكم عارفين طبعا ُ انا هكون بتفسح فين