مش باقى منى جمال بخيت

[الجندى المجهول 37]

مش باقى منى جمال بخيت

كتب جمال بخيت قصيدة من اجمل ماابدع

لحب بلاده الغالية

حب مصر.....

مش باقى منى

غير شوية ضى فى عنيا

انا حديهملك

وأمشى بصبرى فى الملكوت

يمكن فى نورهم تلمحى خطوة

تفرق معاكى بين الحياة والموت

 

مش باقى منى

غير شوية نبض فى عروقى

خدى وعيشى

و أفتحيلى تابوت

افرح بريحة ورد فرعونى

وربنا فى عونى

اذا دخلت الجنة ولا النار

حاشتاق الى ضحكتك

وقاعدتى فى الدار

و القهوة متحوجة من طيبة العطار

فى كل يوم الصبح اشرب حليب قبطى

وفى النهار

و المسا

امسك ستار الكعبة لو سبتى

و اثبت اذا هربتى

أهديكى عمرى

و حسى

وجوارحى

أهديكى جرحى

هو الى باقى فى دنيتى

لما خلص فرحى

 

مش باقى منى

غير شوية لحم فى كتافى

بلاش يتبعتروا

فى البحر

بلاش يتحرقوا

فى قطر الصعيد فى العيد

بلاش لكلاب الصيد تناوليهم

خدى الى باقى من الأمل فيهم

وابنيلى من عضمهم

فى كل حارة مقام

وزورينى

مرة وحيدة

لو كل الفين عام

ألم الجراح يتلم

 

مش باقى منى

غيرشوية دم

متلوثين بالهم

مرين وفيهم سم

كانوا زمان شربات

والنكتة سكرهم

شربتهم الخفافيش

فى قلب اوكارهم

 

مش باقى منى

غيرشوية دم

مقدرشى

اسقيكى مواجعهم

وبرضو مقدرشى

ارميكى و ابعهم

يمكن فى مرة تعوزى

تطلبينى شهيد

حاحتاج يوميها الدم

يمضى على شهادتى

 

مش باقى منى

غير شوية قوة

فى ارادتى

على شوية شعر

من خطى

حاسبى عليهم

وانتى بتخطى

وانتى فى صبح الدلال

بتعطرى شطى

 

مش باقى منى

غير شوية ضى فى عنيا

انا مش عيزهم

لو كنت يوم حلمحك

وانتى بتوطى

فى معركة مفيهاش

لاطيارات

ولاجيش

وانتى فى طابور العيش

 

يناولك لقمة

من حقك المشروع

 

 

مش باقى منى

غير .. شهقة

شهقة فى نفس مقطوع

بفتحلها سكة

ما بين رئة وضلوع

ما بين غبار و دموع

وانا تحت حجر المقطم

فى الدويقة بموت

انا والعطش و الجوع

يئن تحت التراب

وانا صوتى مش مسموع

يا حلمنا الموجوع

من المرور ممنوع

مستنى لما يمر

موكب سلاطينك

 

 

مش باقى منى

غير شوية رحمة من طينك

على شوية صبر من دينك

 

 

مش باقى منى

غير حبة غنى تايهين

فى الضلمة

مش لقين

حس الفواعلية

ولاصوت مراكبى عفى

فوق المعدية

ولا صوت بناتى العزارة

فى كل صبحية

والغنوة امنية

يما نفسى اقابل حبيبى

وانا ع الزراعية

صوتك و صوتهم غاب

وانا تحت حجر المقطم

باموت لواحدية

الليلة

راحت عيونى

تطل عالبستان

وجناين الرمان

رجعتلى توصف

عناد الغل و الدخان

وسحابة سودة تضلل

على الغنى الغلبان

رجعتلى توصف

هبوب الموت

على الألوان

رجعتلى توصف

خيال الزل

فى موائد الرحمن

 

 

مش باقى منى

غير شوية كفر بشروقك

وانا منبع الأيمان

 

مش باقى منى

غير شوية ضى

وعنيا مش قادرة تلمحنى

فى وحدتى محنى

خايف اموت من الخوف

والضعف يفضحنى

السجن عشش فى قلبى

وماشى فى شوارعك

نفس الى باعنى انا

بالرخيص بايعك

أشيل حمولى انا

ولا حاشيل حملك

ما عدت املك شئ

فيكى ولا فيا

ولا قيراط ولابيت

ولانسمة صافية

تلاغى النيل بحرية

 

مش باقى منى

غير شوية حب

جارحنى

ولاباقى منى

غير شوية ضى

فى عنيا

[ali desoky 391]

مش باقى منى

غير شوية قوة

فى ارادتى

على شوية شعر

من خطى

حاسبى عليهم

وانتى بتخطى

وانتى فى صبح الدلال

بتعطرى شطى

 

 

 

جميل جدا

كلمات اكثر من رائعه

بارك الله فيك شاعر المنتدي

دائما ما تاتي لنا بكل جميل

[الدرة المصونة 3]

السلام عليكــم ورحمـة الله وبركاتــه

 

 

 

وأنا بقى .... مش باقي مني إلا إني أشكرك على الجمال ده ...وهوده إلي كان باقي مني

[الجندى المجهول 37]

استاذ شباب يالا شباب

جزاك الله كل الخير

ربنا يسعد ويكرمك

 

 

 

 

اختى الكريمه

جزاك الله خيرا

كلماتك رائعه

ربنا يسعدك ويكرمك

[لميس المهدى11111 2]

href="/monthly_03_2010/post-51212-1269350332.gif">بجد جميلة جزاك الله كل خير

[الجندى المجهول 37]

وجزاكى مثله اختى الكريمه

ربنا يسعدك ويكرمك والجنه يوعدك

مرورك اضاء الموضوع