البغبغان هشام الجخ

[الجندى المجهول]

البغبغان

هشام الجخ

 

 

كان يوم مَطَر ..

البغبغان جُوَّا القَفَص طَلَّع لِسانُه لعصفورين فوق الشجر ..

خَلِّيكو سايقين العناد ..

العِشّ قاد ..

وخسِرتُو ويَّاه الولاد .. لَـمَّا انفَجَر ..

هو انتو حِمْل السِيل ؟؟ ولا حِمْل المطر ؟؟

كان فيها إيه لو تِعْمِلُوا زيِّي وتقولوا زَيّ ما يقول البَشَر ؟؟..

 

ردُّوا علِيه العصفورين : لَوْ عَ الوِلاَد .. البَطْن ولاَّدة ..

والعِشّ مَهْمَا يقِيد ..

صخر الجبل عَنَاقِيد ..

نِفْرِشْهَا سِجَّادة ..

وانتَ اللي فرحان بالقَفَـص ..

أصْلَـك ( قَفَص ) !!..

كَتَمُوا الهوا جُوَّاك و نَسُّوك ان ما بين الحياة والموت .. نَفَس ....

[حياتى من اجل ربى]

كَتَمُوا الهوا جُوَّاك و نَسُّوك ان ما بين الحياة والموت .. نَفَس ....

 

كلمات فى منتهى الرووووووووعه

وتحمل معااااااان كثييييييييييييرا

 

جزاك الله خيرا اخى

ربنا يجعل كل ما تكتب فى ميزان حسناتك

ويحقق لك كل ما تتمنى

ويستجيب دعائك ياااااااااااااااااارب

 

 

لا تحرمنا من روعه موضوعاتك

[الجندى المجهول]

تاجرع السعاده

جزاكى الله خيرا اختى

اقتباسك رائع فعلا كلمات قليله لها مدلولات كبيره

ربنا يسعد ويكرمك والجنه يوعدك

يارب يجعلك مستجابه الدعوه

واله ما بيدى التاخير

ومقدرش ابعد ع المنتدى

[eng_alaa]

جميلة جداً جداً ..

تسلم ايدك يا جندينا المجهول ..

الشاعر هشام الجخ له أشعار جميلة جداً وكلماتها معبرة ..

[الجندى المجهول]

حبيبى الباشمهندس

جزاك الله خيرا مرورك اضاء الموضوع

فعلا هشام شاعر رائع

ربنا يسعد ويركم والجنه يوعدك

[عاشق الصداقه]

الراجل ده بيقول كلام زى الفل