مشرفي الأقسام الجندى المجهول قام بنشر May 16, 2010 مشرفي الأقسام قام بنشر May 16, 2010 قصيده جحا هشام الجخ شعور سخيف إنك تحس بإن وطنك شيء ضعيف صوتك ضعيف رأيك ضعيف إنك تبيع قلبك وجسمك وإنك تبيع قلمك وإسمك ما يجيبوش حق الرغيف سألوا جحا عن سر ضحكه قالك أصل اتنين وشبكو اللى كان من تحت ميت واللى كان من فوق كفيف دا شعور سخيف وشعور سخيف إنك تكون رمز الشحاتة تبنى مبنى للشحاتة تعمل وزراة للشحاتة يا ساقية دورى عدى فوقى ودوسى نصبوا عليا وشحتونى فلوسى ربطونى فيكى .. حتى ما اتغميت هما اللى فرحوا ووحدى أنا اتغميت أنا اللى صاحب البيت عايش بدون لازمة ولما مرة شكيت إدونى بالجزمة مش لاقى تطفح اديك هاتولنا وجبولنا وادونا ودولنا هنجيب منين نديك طافح يابلدى غدايا ولوعتى غدايا وادىالاحبه التقى عدايا أنا اللى زارعك دهب بتأكلينى سباخ إن كان دة تقل ودلع بزيادة دلعك باخ لا شفت فيكى هنا ولا شفت فيكى ترف كل اللى فيكى قرف كرامتنا متهانة واللقمة بإهانة بتخلفينا ليه لما انتى كارهانا يعنى ايه تبقى إنتى هبة النيل يا مزة وكل يوم المية تقطع يعنى ايه لما اشتكى غلو الفاتورة يقولو تشكى بس تدفع لما قش الرز ثروة بتتحرق وأما نفط الأمة ثروة بتتسرق وأما جلادك على ولادك بيبطش وأما علمك ما يلاقيش يآكل فيطفش يعنى ايه نرفع ايدينا بالسلام لجل الغزاة ويعنى ايه لما ابقى ماشى فى حالى اتشد اشتباه يعنى ايه لما اتحبس أربع سنين حبس احتياطى حبس اعتباطى يعنى ايه مش حاسة بالعمر وغلاوته بتصبى مر العمر ليه دة انا كنت ح اوهب لك حلاوته أنا عمرى ما أتأمرت ولا حطيت شروطى ومكان ما ترسى مركبك بابنى شطوطى ا نا كنت جيشك لما مماليلك باعوكى وكنت يوسف لما عشتى سنين عجاف وضلوعى دى اللى فى معركة قادش حموكى وشفايفى دى اللى ما بطلتش فى يوم هتاف دة انا كل شبر فى أرضك اتمرمغت فيه وكل يوم عشتيه أنا اتغذبت بيه بتكرهينى عيونك السودة وأيامى اللى فاتت مانتيش حبيبيتى من النهاردة حبيبتى ماتت علا صوت أدانك جرس فى الشدة صاحينلك من امتى كانوا الحرس هما اللى باقينلك بعتينى علشانهم وعنيكى معصوبة ياهلترى خاينة ولا زيى مغصوبة كل الكلام اتقال والشعر بقى ماسخ والصبر علو جبال والظلم شىء راسخ وطن وغرقان فى النطاعة كل شىء ريحته نطاعة علمونا بالعصاية ورضعونا الخوف رضاعة علمونا فى المدارس يعنى ايه كلمة قيام علمونا نخاف من الناظر فيتمنع الكلام علمونا ازاى نخاف وازاى نكش بس نسيوا يعلمونا الاحترام فمتزعلوش لما ابقى مش باسمع كلامكم وماتزعلوش لما ابقى خارج عن النظام مستنى ايه من طفل ربوه بالزعاق؟ غير المشاكل والخناق كل اللى بيقولك بحبك دول نفاق أنا لما قلت لك بحبك كان نفاق الحب يعنى اتين بيدوا مش ايد بتبنى وستميت تيت تيت يهدو الحب حالة الحب مش شعر وقوالة الحب يعنى براح فى قلب العاشقين للمعشوقين يعنى الغلابة يناموا فى الليل دفيانين الحب يعنى جواب لكل المسجونين هما ليه بقوا مسجونين يعنى أعيش علشان هدف علشان رسالة يعنى احس بقيمتى فيكى إنى مش عايش عوالة يعنى لما اعرق تكافئيى بعدالة الحب حالة الحب مش شعر وقوالة الحب حاجة ما تتوجدش فى وسط ناس بتجيب غداها من صناديق الزبالة بارت مراعينا والبئر قد جفَ والجوع يكوينا والصبر ما كّفى والقلب لا يهدا والجرح لا يشفى ولأننا طوع زنا لهم خفا جاءوا بموكبهم واشتغلت الزفة الدفة مظبوطة وأصلا مافيش دفة والكفة مش مايلة علشان مافيش كفة و جحا اللى جاى بالليل لساه بيتخفى شايف ديدان الغيط سارحة ومارحماشى من جبنه شاف الدود سابه وراح ماشى ولا اتكسف للناس ولا حس على طوله الناس عشمها كبير جريوا بيشكوله ضحك جحا ضحكة مواشى مادام بعيد عن طينى ... ماشى الدود قاعد لك يا جحا ولابد فى طينك بعد ما يمص فى دمانا مش حيحلاله الا طينك احنا اهلك احنا رجالتك أمانك إحنا وقت الشدة سندك إحنا زادك يا جحا احمى ولادك لو كنت عايز تحمى طينك سوف أرحل ربما يلقانى من ارجو لقاه هامشى ويا الشحاتين وابكى على حلمى اللى تاه بس مش هاشحت رغيف هاشحت وطن لله 1
El-Saher Fantasy قام بنشر May 16, 2010 قام بنشر May 16, 2010 (تعديل) احبك انا يا بتاع كل جديد اسف لم اقرأها ولكن يكفي أن اعرف اسمها لاحملها صوتية انت عارف اني مش فاضي اقرا ... بس اسمع حلو وهشام لازم يتسمع جاري التحميل... ------------ سمعتها .. تيت تيت جامدة جدا تم تعديل May 16, 2010 بواسطه El-Saher Fantasy إضافة رأي بعد الاستماع
حياتى من اجل ربى قام بنشر May 16, 2010 قام بنشر May 16, 2010 إنك تبيع قلبك وجسمك وإنك تبيع قلمك وإسمك ما يجيبوش حق الرغيف رووووووووووووعه ومؤؤؤؤؤؤؤؤؤؤؤؤلمه على حالنا جزاك الله خيرا اخى شاعر المنتدى بجد مش بعرف ادخل موضوع ليك ومش ارد جميييل اختيارك ربنا يصلح الاحوال ويجعله فى ميزان حسناتك ويهديك الى ما يحب ويرزقك من حيث لاتحتسب ونسمع عنك كل خير قريب يااااااااااااااااااااااااااااااااارب
مشرفي الأقسام الجندى المجهول قام بنشر May 16, 2010 الكاتب مشرفي الأقسام قام بنشر May 16, 2010 احبك انا يا بتاع كل جديداسف لم اقرأها ولكن يكفي أن اعرف اسمها لاحملها صوتية انت عارف اني مش فاضي اقرا ... بس اسمع حلو وهشام لازم يتسمع جاري التحميل... ------------ سمعتها .. تيت تيت جامدة جدا يارب اكون عند حسن ظنك ربنا يسعدك والجنه يوعدك ربنا يحقق لك ما تتمنى رووووووووووووعه ومؤؤؤؤؤؤؤؤؤؤؤؤلمه على حالنا جزاك الله خيرا اخى شاعر المنتدى بجد مش بعرف ادخل موضوع ليك ومش ارد جميييل اختيارك ربنا يصلح الاحوال ويجعله فى ميزان حسناتك ويهديك الى ما يحب ويرزقك من حيث لاتحتسب ونسمع عنك كل خير قريب يااااااااااااااااااااااااااااااااارب اختى تاجره السعاده بال>مه فى رد على الكلام الجامد دا ربنا يسعدك والجنه يوعدك ويارب يكرمك ويزقك من حيس لا تحتسبى ربنا يجعل كل ماتكتبى فى ميزان حسناتك جزاكى الله خيرا اختى الكريمه
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥