خيال مقاته .....اسامه عبد الصبور

[الجندى المجهول 37]

اسامة عبد الصبور

 

 

خيال مقاتة

 

 

خيال مقاتة لكني بحمي ميت فدان

 

وعمري ما حلمت إني أصبح ف يوم إنسان

 

أخرس وعايش يغني كل يوم بلسان

 

وياما ناس تحكي عني وقالوا كان ياما كان

 

عاشق لنور النهار عاشق للون الخضار

 

عايش فْ قلبه العمار مش غدر وشماتة

 

خيال مقاتة

 

خيال مقاتة بحب الدنيا وعشقتها

 

ولاعمري يوم خوفت منها ولا عمري خوفتها

 

والدنيا فَانيَة حقيقة بدري وعرفتها

 

وعرفت إني بغني لدنيا مِتفَاتة

 

خيال مقاتة

 

خيال مقاتة وقالوا عني قش فْ قش

 

لكن عايشها ببساطة وعمري ما اعرف غش

 

وادي إبن آدم يا عالم كل ساعة بِوّش

 

تراب وفوق التراب يتمشى ب ألاطة

 

خيال مقاتة

 

خيال مقاتة ومن يومي بقول الحق

 

والكل يعرف كلامي إنه صدق ف صدق

 

لاقطع لساني واغمض وابكي أحزاني

 

وأقفل وداني واعض شفايفي بسناني

 

طيب وإنساني وكل الدنيا عارفاني

 

ولا حاجة نقصاني إلا ،،،

 

إن قلبي يدق ...

 

خيال مقاتة ومن يومي بقول الحق

[ali desoky 391]

خيال مقاتة

 

خيال مقاتة بحب الدنيا وعشقتها

 

ولاعمري يوم خوفت منها ولا عمري خوفتها

 

والدنيا فَانيَة حقيقة بدري وعرفتها

 

وعرفت إني بغني لدنيا مِتفَاتة

 

 

رائع جدا

كلمات جميله يا حبيبي

متميز كالعاده

[الجندى المجهول 37]

اذا كان التميز حرفه فانت شيخنا فيه

جزاك الله خيرا حبيبى

ربنا يسعدك والجنه يوعدك