ما تسمعوا الكلام بقي !!!!!!!!!!!!!!!!!!!!!!

[نونا19 28]

السلامـ عليكمـ

 

عوده من جديد و قضيه جديده ..

هنا طبعاّ

انما هى موجوده و من زمان ...

و باينه اوى على شعبنا اللذوذ ده اللى بجد جابلى مرض يلا ..

بعد الشر عليا ..

عشان الشعب ده مبيحرمش

مش عارفة ليه الناس عندها حب عناد او ماشيين بنظامـ خالف تعرف ..

مش فاهمةـ يعنى لو فى قوانين تخص حاجه معينه تلاقيهمـ عادى ولا حطينها فى دماغهمـ و بيتعاملوا على انها مش موجوده و ابسط الامثله دى .....

اتوبيس القاهره العامـ بجد الاتوبيس ده بيصعب عليا ..

لما بشوفه ببقى عايزة اقوله الله يعينك او ببقى عايزة اخده على جنب و اجبله شويه بنزين يهدوه كده و يروق حاله

اولاّ الاتوبيس بيبقى مليان على

اّخره و برضه الناس مدلدله منه

.و اللى يغيظ بقى تلاقى السواق بدقن و شكله عارف ربنا و كل شويه يقف يحمل ناس و الناس مبتنزلش ...

و اكتر جمله تغيظ الواحد

يا جماعه الاتوبيس فاضى ورا ..

و تلاقى الاتوبيس اصلاّ عامل زى علبه التونه و كله ملزق فى بعضه و مفيش حاجه اسمها ستات و رجاله ....

مش قله ادب دى

 

و المضحكـ بقى ان الناس عامله ركوب الاتوبيس ده مسابقه اللى يلحق يبقى فااااااز

و مش مشكله ركب فين المهمـ انه شابط فى الاتوبيس لدرجه انه ممكن يركب على حجر السواق

 

و من صعوبه الركوب بيبقى مش عايز ينزل و يضيع المجهود اللى عمله عشان يركب ....

و زى مـ انتوا شايفين فى الصوره اللى فاتت ..

لازمـ يكون مكتوب ( رحله سعيده )

الرحله السعيده دى بقى لو بالمناظر دى ليها نهايه واحده لاقدر الله

 

ربنا يهدى فعلاّ ..

يا جماعه فى بلاد بره ...

سواق الاتوبيس لما بيعدى على المحطه بيشاور بإيده بعدد الاماكن اللى فاضيه و الناس بتبقى واقفه طابور على حسب اللى جاى الاول لو السواق شاور بــ 3 يبقى 3 بس بيطلعوا يركبوا ...

هنا بقى لو شاور بــ 3 بتلاقى 63 ركبوا

 

 

ياريت نلتزمـ يا جماعه ...

 

ياريت نتحضر شويه ممنوع السير على المسطحات

 

بنلاقى كتير الكلمه دى خصوصاّ فى الاماكن اللى فيها مسطحات خضراء ..

عشان اصحاب المكان عايزين يحافظوا على الشكل الجميل

اللى بيريح الاعصاب بجماله

تلاقوا بقى ناس غلسه بوظت المنظر ده

 

طيب ليه ..

كل ده عشان البيه عايز يركنها فى حته ضله

و يكون تحت البيت بالمره و مش فى دماغه المسطح الاخضر ده

 

 

:ang:

 

ممنوع اصطحاب المأكولات برضه نفس الحكايه ..

:ang:

تلاقى مكتوب على بوابه اى نادى مثلاّ او اى مكان كويس ( ممنوع اصطحاب المأكولات )

مش هنقول عشان عايزين الناس تشترى من جوه ..

بس لأن فى ناس بتنسى نفسها يعنى مش ياخدوا ساندويتشات و كده و يقضوا الموضوع لاااااااااااااا ...

ليه و ليه ..

لازمـ صوانى المحشى تنتشر و تعبى فى المكان كله و السمكـ برضه و ساعات فراخ و مكرونات و ما ادراكـ

 

يعنى ولا كأنهمـ فى راس البر على البلاج

 

و كلنا عارفين الاّثار الجانبيه و العدوانيه

فى نفس الوقت للمحشى و خصوصاّ محشى الكرنب

 

طابور العيش

الناس بقت مش طايقه بعض و بنسمع طبعاّ عن المجازر اللى بتحصل بسبب طوابير العيش

 

و ياريت بعد كل ده الواحد بياخد عيش يستاهل الوقفه و التعب و المرمطه دى ..

لدرجه ان الناس جتلها حاله هيستيريه من الطوابير

و محدش بقى عارف الحل فين ..

بس انا مش هتكلمـ عن ان لو فى تقصير او مشاكل كلامى هنا عن النظام و الالتزامـ ...

و ليه الناس مبقتش طايقه بعضها و لا حد مستحمل حد ..

يمكن من همـ الدنيا و المشاغل و الحياه ..

بس لو الموضوع مشى بنظامـ شويه الحياه هتمشى برضه كويس ..

يا اما كل واحد يشد كرسى فى ايده و هو رايح

 

بس محدش عارف ظروف حد ...

و يمكن اللى انت بتتخانق معاه ده تبقى ظروفه اقوى من ظروفك ...

نقول الحمد لله و نهدى شويه و نستحمل بعض عشان عيب اللى احنا بنعمله ده معلش طولت عليكمـ انا عارفة ..

.

بس دى شويه مشاكل من ضمن حاجات كتيـــر جداّ و انتوا عارفين

اتمني ان الموضوع يعجبكم

اختكم نونا

تم تعديل July 4, 2010 بواسطه ali desoky
حذف صورة مخالفه

[دعوه للجنه 457]

أكيد بدوووووون تعليق

 

ربنا يصلح الحال ..

وكل واحد يعرف اللى له واللى عليه..

 

جزاكِ الله خيرا أختى ع الموضوع المتعب كتير :ang:

 

 

ربنا يوفقك حبيبتى وييسرلك كل خير

 

 

تقبلى مرورى

[نونا19 28]

بشكرك اختي دفء الانس علي مرورك بالموضوع

واتمني الناس تصلح من نفسها شوية

وان المشاكل اللي عندنا تتحل كلها

يارب

[Mohammed Dwy 2010 35]

(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

 

احنا شعب بيرجع لورا زي عمال البلاط والسيراميك

يركب بلاطه ويرجع لورا بظهره...

تم تعديل July 4, 2010 بواسطه ali desoky
تصحيح الايه القرانيه

[ali desoky 391]

فعلا نحتاج الي معجزة حتي نقف ونفكر اولا قبل ان نتصرف

لا ان نجعل الصدفه واللامبالاه هي المتحكم الرئيسي في افعالنا

نحن قوم نعيش بمبدأ

 

طنش تعيش .... تاكل قراقيش

 

كل واحد يعمل الغلط ويقول وانا مالي هي جات عليا انا

ما كله بيغلط

 

ربنا يصلح الحال

 

 

موضوع جميل ومتميز يا اختاه

بارك الله فيك

وجزاك كل خير ان شاء الله

[الدرة المصونة 3]

مش عارفة الواحد هيقول ايه ؟ ولا إيه ؟

 

 

الناس اتغيرت وكل حاجة اتغيرت

 

وياجماعة الاتوبيس فاضي من ورا هههههههههههههه

 

 

بجد ياروح قلبي موضوع في غاية الجمال لإنه ناقش الواقع

 

جزاك الله خيرا حبيبتي وربنا يكرمك ويزيدك من فضله ونعيمه يارب

 

و... بحبك في الله

[نونا19 28]

بشكر كل من كتب لي رد

واتمني بجد ان الناس تتغير

من جوه اقبل ما تتغيير من برة

[حياتى من اجل ربى 22]

يا جماعه الاتوبيس فاضى ورا

 

اكتر جمله بتغيظنى اووووووووووووووووى

 

 

ربنا يصلح الاحوال يارب

 

جزاك الله خيرا يا نونا

 

ربنا يكرمك ويصلح احوال مصر

[الجندى المجهول 37]

طيب حد سمع دى

المصرين هما اللى نزلو سوفت عده نوكيا على موبايل سامسونج

جزاكى الله خيرا اختى الكريمه

[ali desoky 391]

المصرين هما اللى نزلو سوفت عده نوكيا على موبايل سامسونج

 

 

 

لا دي انا مصدقها فعلا

دول مصريين ياعم

ربنا يصلح الحال

[ام آدم 0]

نسيتي يا نونا مشكله الزباله والمخلفات.يعني بما اننا في الصيف وقت الخروجات والفسح.خرجنا لمكان جميل نشم شويه هوا.كل الناس اللي معايا استغربوا اني ماسكه كوب الجيلاتي الفاضي لحد ملاقي صندوق مهملات.وسمعت كتير يابنتي ما ترميها .انت شيلاها وتاعبه نفسك بيها ليه.يعني كوبايتك هي اللي هتعمل الازمه.طبعا كوبايتي هتعمل ازمه مع كوب غيري وغيري وغيري.مع ان الحل بسيط جدا وفي ايدنا ومش هيتعبنا ولا هيكلفنا حاجه.بس خلاص الناس الكبار اتعودوا علي كده. والحل اننا نربي اولادنا والجيل الجديد علي النظام.يارب نقدر.