هيكون بكره اكيد رمضان الشاعر محمد يوسف

[الجندى المجهول]

هيكون بكره اكيد رمضان

 

الشاعر محمد يوسف

 

لما تشوف الناس فى الشارع

زى الريح

عماله بتسبق خطاويها

ووشوشها ماليها التفاريح

والأب وابنه بيتسابقوا

وبيلحقوا أول تراويح

والناس بتهنى فى بعضيها

ووشوشها ماليها الإيمان

حيكون بكره أكيد رمضان

وأما تلاقى الحرم المكى

نوره يزيد

وقلوب كل الناس فى الدنيا

بتردد معنى التوحيد

منتظرين البشرى الحلوه

لأحلى هلال

واستغفارهم ويا دعاؤهم

ليل ونهار دايماً شغال

ودعاؤهم بيهز الدنيا

فى كل مكان

حيكون بكره أكيد رمضان

وأما تلاقى شوارع مصر

ماليها النور

ومنين ما تلف فى ضواحيها

تشم بخور

وأما تجيلك ألف عزومه

لأحلى سحور

تلقى وشوش الناس فرحانه

وتحس بفضل الرحمن

حيكون بكره أكيد رمضان

[الدرة المصونة]

جميبيييييييييلة جدا

 

 

 

ولما تلاقي الكل سعيد .......... يبقى أكيد هلال رمضان طلع من جديد

 

 

 

جزاك الله خيرا أخي الفاضل وأعزك وأعلى شأنك وأنار بالإيمان دربك

 

 

ربنا يبلغك رمضان وأنت بأحسن حال يارب إنه ولي ذلك والقادر عليه

[الجندى المجهول]

اختى الكريمه نونا 19

جزاكى الله خيرا

ربنا يسعدك والجنه يوعدك

جعلكى الله من معتقوقين الشهرا لكريم

[ali desoky]

وأما تلاقى شوارع مصر

ماليها النور

ومنين ما تلف فى ضواحيها

تشم بخور

وأما تجيلك ألف عزومه

لأحلى سحور

 

 

 

 

 

 

كل سنه وانت طيب ياحبيبي

ورمضان كريم علينا وعلي كل المسلمين

 

 

بس ايه حكايه عزومه السحور دي

 

هو مش اتفقنا انك عازمني علي الفطار؟؟؟

[حياتى من اجل ربى]

روووووووووووووووووووووووووووعه

 

وفقك الله فى رمضان الى كل ما يحب ويرضى

 

وتقبل الله منا ومنك صالح الاعمال

 

وهداك الى كل خير وحقق لك كل ما تتمنى

 

واخرجك من رمضان مغفورا لك

 

وكل سنه وانت بخير شااعر المنتدى