اسئلة لاعضاء المنتدى (لا احد يطلع إلا لما يجاوب)

[zoro_hf 8]

لماذا أخترت أسمك المستعار ؟؟

 

 

هل فكرت يوماً أن تغير أسمك ؟؟ لماذا ؟؟

 

 

ماذا يعني لك المنتدى ؟؟

 

 

لديك 3 تذاكر سفر من من الأعضاء ستأخذ معك ؟؟

 

 

لديك مصباح علاء الدين ثلاث أمنيات أطلبها ؟؟دى

 

 

هل فكرت يوماً للأنسحاب من المنتدى ؟؟ لماذا؟؟

 

 

لو رجع بك الزمن إلى الوراء من تتمنى أن يرجع لك ؟؟

 

 

باقة ورد لمن تهديها ؟؟

 

 

باقة من النار لمن تهديها ؟؟

 

لو اهديت سفرة عبر الزمن إلى أي زمن ستسافر الماضي أو المستقبل ؟؟ لماذا؟؟

 

 

أر.. من جميع الاعضاء المشاركه في هذا الموضوع

تم تعديل April 25, 2008 بواسطه zoro_hf

[بنت مصرية 66]

يسعدني يافارس المنتدي اني اكون اول من يرد علي موضوعك

بسم الله الرحمن الرحيم

لماذا أخترت أسمك المستعار ؟؟

اولا انا اصلا دايما بسجل باسم غير اسمي المستعار في مكان تاني

المنتدي هو الوحيد الي اخترت فيه الأسم ده لاني فعلا كنت بحس بالأنتماء

ليه جدا وحسيت بالمسؤلية فيه وكمان انا بحب الأسم لانه زي ماقلت بيشعرني بالأنتماء

هل فكرت يوماً أن تغير أسمك ؟؟ لماذا ؟؟

لا اظن وضحت السبب قبل كدا

ولان فريق العمل خلاص سموني بالأسم ده

ماذا يعني لك المنتدى ؟؟

بيت العيلة

مكان اشعر به اني نفسي وحلم اتشرف بان اشارك فيه

لديك 3 تذاكر سفر من من الأعضاء ستأخذ معك ؟؟

السؤال ده صعب اوي يازورو

معلش اسمحلي انا هاخد معايا عاشق الصداقة والعارف وابو تسنيم

وشيتوس وتمر الجنة وبوسي وباسانت والمنسي وصناع الحياة وحنان القلب

وتاجرة النوايا وسوسنة المتيم

ومتسالنيش ازاي

ابقي احطهم في الشنط ولا اركبهم فوق بعض ولا اي حاجة

هههههههههههههههههههه

لديك مصباح علاء الدين ثلاث أمنيات أطلبها ؟؟دى

ان منظومة النجاح تكبر ويزيد الترابط بينا

اساعد اللي بحبهم علي انهم يحلوا مشاكلهم

احقق اللي نفسي فيه

هل فكرت يوماً للأنسحاب من المنتدى ؟؟ لماذا؟؟

بالطبع لا لانه يجري مجري الدم في عروقي

وكمان لاني سبق ووضحت الأسباب قبل كدا

لو رجع بك الزمن إلى الوراء من تتمنى أن يرجع لك ؟؟

بصراحة ماحدش

لاني الحمد لله مافقدتش حد ممكن اتمني رجوعه

باقة ورد لمن تهديها ؟؟

إلي الناس اللي كانوا مسافرين معايا فوق

لانهم احلي فريق شوفته في حياتي واكتر ناس انا بحترمهم وبحبهم

جدا وربنا يعلم

ربنا يخليهوملي وبالذات تمر الجنة وسوسنة المتيم

باقة من النار لمن تهديها ؟؟

اعوذ بالله انا طبعا ما اتمناش اهديه لحد

لكن ممكن اعملها للي يفكر يمس او يقرب من حلمنا

لو اهديت سفرة عبر الزمن إلى أي زمن ستسافر الماضي أو المستقبل ؟؟ لماذا؟؟

سأختار الماضي وبالتحديد زمن الفراعنة

لاني فعلا بحب العصر ده وشغوفة بيه جدا ونفس اتعلم منهم حجات كتير اوي

موضوع رائع يازورو

تقبل مروري

 

 

 

 

 

تم تعديل April 25, 2008 بواسطه بنت مصرية

[El-Saher Fantasy 21]

السلام عليكم ورحمة الله وبركاته

بنت مصرية برضو سابقاني بخطوة

يارب في يوم اقدر ابقى معاكي او اسبقك مثلاً (قولي آمين من قلبك)

زورو بجد الموضوع حلو لاننا بنعمل حاجات كتير من غير ما نفكر فيها

بس لازم نفكر علشان نعرف عملناها ليه ولو ماعملنهاش هيحصل ايه

الاجابات

 

لماذا أخترت أسمك المستعار ؟؟

 

لان ده الاسم اللي احب اني اتعرف بيه وكمان لانه اسم الشركة بتاعتي في المستقبل ان شاء الله وكمان لاني فعلا مش متخيل حياتي من غير سهر

 

هل فكرت يوماً أن تغير أسمك ؟؟ لماذا ؟؟

لا طبعا مش ممكن اغير اسمي ..... لانه اسمي

يعني الباسبور بتاعي بين الناس من غيره اتوه وماعرفش اعيش بينهم

 

ماذا يعني لك المنتدى ؟؟

المنتدى يعني لي الكتير بس انا هاقول ابسط حاجة

المكان اللي ممكن اسيّح (اشرد) فيه المشرفين من غير ما يزعلوا

بس يارب مابقاش عضو محذوف

لا بجد المنتدى ده المكان اللي بيربطنا بحلمنا الكبير

 

لديك 3 تذاكر سفر من من الأعضاء ستأخذ معك ؟؟

انا بضم صوتي لصوت بنت مصرية السؤال ده صعب جدا

بس انا هاختار صناع الحياة وابو تسنيم وتاجرة النوايا

وكل واحد منهم عارفق انا هاخده معايا ليه

صناع الحياة علشان العقل

تاجرة النوايا علشان الترمومتر (ياللا نجاح بس اللي هيفهموا ده)

ابو تسنيم علشان اضحك (على اساس انه ........ حبيبي)

 

لديك مصباح علاء الدين ثلاث أمنيات أطلبها ؟؟دى

اشوف ياللا نجاح اول فريق تنمية بشرية في العالم

اشوف El-Saher Fantasy (شركتي) الشركة الاولى على العالم في مجالها

اشوف كل اصحابي ناجحين

 

هل فكرت يوماً للأنسحاب من المنتدى ؟؟ لماذا؟؟

لا..لاني لسه مالحقتش ازهق

وبعدين مش هافكر لاني مش عايز الارتباط يتقطع

 

لو رجع بك الزمن إلى الوراء من تتمنى أن يرجع لك ؟؟

رسول الله صلى الله عليه وسلم

 

باقة ورد لمن تهديها ؟؟

امي طبعا الاول

وبعدين لكل من يكن لي مشاعر الحب والاحترام

 

باقة من النار لمن تهديها ؟؟

لاعداء النجاح في كل مكان

لو اهديت سفرة عبر الزمن إلى أي زمن ستسافر الماضي أو المستقبل ؟؟ لماذا؟؟

إلى ززمن الصحابة وصدر الإسلام ... علشان اكون من اوائل المسلمين

وعلشان اتربى على ايد النبي صلى الله عليه وسلم

 

مرة تانية برافو يا زورو

وتقبل تحياتي وباقة ورد غير اللي فوق (هاشتريها على حسابي)

[تقوى القلوب 12]

لماذا أخترت أسمك المستعار ؟؟ من الاية الكريمة:- ومن يعظم شعائر الله فإنها من تقوى القلوب     &&&&&&&&&&&&&   هل فكرت يوماً أن تغير أسمك ؟؟ لماذا ؟؟   لا.لانى انا اللى اخترته من البداية     &&&&&&&&&&&&&     ماذا يعني لك المنتدى ؟؟   باختصار هدف     &&&&&&&&&&&&&&&&&     لديك 3 تذاكر سفر من من الأعضاء ستأخذ معك ؟؟   هديهم لعرابى واحمد سيف وكرينكل يطلعوا سوا واقعد انا     &&&&&&&&&&&&&&&&&   لديك مصباح علاء الدين ثلاث أمنيات أطلبها ؟؟دى السعادة.......راحة البال......... الستر   &&&&&&&&&&&&&&&&     هل فكرت يوماً للأنسحاب من المنتدى ؟؟ لماذا؟؟ نعم....اعتذر عن الاجابة لان موضوع الانسحاب لايزال قائم   &&&&&&&&&&&&&&&&       لو رجع بك الزمن إلى الوراء من تتمنى أن يرجع لك ؟؟ _حبيب عمرى       &&&&&&&&&&&&&&&&   باقة ورد لمن تهديها ؟؟ لبلاك دريم   &&&&&&&&&&&&&&&&     باقة من النار لمن تهديها ؟؟ لنفسى   &&&&&&&&&&&&&&&& لو اهديت سفرة عبر الزمن إلى أي زمن ستسافر الماضي أو المستقبل ؟؟ لماذا؟؟ للعام الذى تم فيه فتح مكة,حتى ارى وجه الرسول صلى الله عليه وسلم فى هذه اللحظة [/b]

<script language="Javascript1.2"></script>

[bassant 2]

اولا احب اشكرك على الموضوع واليك اجاباتى

لماذا أخترت أسمك المستعار ؟؟

هل فكرت يوماً أن تغير أسمك ؟؟ لماذا ؟؟

اسمحلى اجاوب على السؤالين معا لانهم من اصل واحد

انا اسمى الحقيقى باسنت وانا بعز الاسم ده اوى ولا اعتقد انى يمكن ان اغيره او ادخل بأسم اخر

ماذا يعني لك المنتدى ؟؟

يعنى البيت السعاده الوفاق الحياه يعنى كل شىء ولا تقول اننى مجامله لان الواقع اكثر من كلماتى

لديك 3 تذاكر سفر من من الأعضاء ستأخذ معك ؟؟

انا حاخد كل ااعضاء المنتدى معي طب كد يتبقى تذكره زياده عارف ليه لانهم فى نظرى شخص واحد يكتب بقلمه لينير المنتدى لغيره

لديك مصباح علاء الدين ثلاث أمنيات أطلبها ؟؟دى

اولا : ان اكون احد اعضاء فريق ياله نجاح الذى كنت اتمنى ان اشارك فيه

ثانيا: ان اقابل اعضاء يالا شباب وجها لوجه

ثالثا: اتمنى ان اكون مع الحبيب المصطفى فى الجنه

هل فكرت يوماً للأنسحاب من المنتدى ؟؟ لماذا؟؟

لاه السؤال الغريب ده

الى يدخل المنتدى لايمكن ان يخرج منه بمزاجه لابد ان يحدث شىء قهرى ليخرج مثل انقطاع النت المستمر عندى

او انقطاع الكهرباء او الصلاه وغير ذلك لايمكن ان نخرج لانه فى قلوبنا

لو رجع بك الزمن إلى الوراء من تتمنى أن يرجع لك ؟؟

اتمنى ان ترجع السعاده وياليتها تدوم

باقة ورد لمن تهديها ؟؟

اهديها لكل اعضاء المنتدى

باقة من النار لمن تهديها ؟؟

وهى النار ورانا ورانا اهديها لكل من يحاول ان يدمر حياتى

لو اهديت سفرة عبر الزمن إلى أي زمن ستسافر الماضي أو المستقبل ؟؟ لماذا؟؟

للماضى للامحى اخطائه ليزول عنى حزن الايام

 

 

بجد استمتعت بالرد على الموضوع شكرا لك

[zoro_hf 8]

شكرا للجميع على التفاعل والردود الجميلة داى

ومنتظر بقيت الاعضاء

[ABOTASNEEM 116]

لماذا أخترت أسمك المستعار ؟؟

 

لانى بحب جداً يبقى ليا كنية زى جيل الصحابة

 

هل فكرت يوماً أن تغير أسمك ؟؟ لماذا ؟؟

 

حصل ايام ما كنت شاب اهبل ..

لسبب بسيط جداً .. انى كنت اهبل

 

ماذا يعني لك المنتدى ؟؟

 

بداية حلمى .. وابن اخويا "كرينكل"

 

لديك 3 تذاكر سفر من من الأعضاء ستأخذ معك ؟؟

 

اكيد ام تسنيم

وبس طبعاً ..

 

 

لديك مصباح علاء الدين ثلاث أمنيات أطلبها ؟؟

 

فلوس كتير .. بس بشرط انى اصرفها فى الخير

يعنى اتجوز واعم واعمل مركز التممية البشرية اللى انا بحلم بيه

واخلى امى وابوية يروحوا يحجوا .. واعيش انا فى المدينة المنورة طول حياتى

 

هل فكرت يوماً للأنسحاب من المنتدى ؟؟ لماذا؟؟

 

اكيد لا

 

لو رجع بك الزمن إلى الوراء من تتمنى أن يرجع لك ؟؟

 

احمد فؤاد .. احد عز اصدقائى وما زال

بس هو عايش فى القاهرة

وانا نفسى يبقى جنبى

 

باقة ورد لمن تهديها ؟؟

 

للاستاذ عمرو خالد

 

باقة من النار لمن تهديها ؟؟

 

لا اتمنى ان افعل هذا لاى حد

 

 

لو اهديت سفرة عبر الزمن إلى أي زمن ستسافر الماضي أو المستقبل ؟؟ لماذا؟؟

 

اكيد وبلا شك الى عهد رسول الله صلى الله عليه وسلم

ولن اذكر الاسباب ..لانها اكيد معروفة

 

 

 

 

شكر اً عالموضوع

الغالى علينا جميعا

زورو

[zoro_hf 8]

اهاااااااااااااااااااااااااااا

ابوتنسيم الغالى

[EL3aref 5]

لماذا أخترت أسمك المستعار ؟؟

 

لان ده لقبى وكل اصحابى بينادونى بيه .

 

هل فكرت يوماً أن تغير أسمك ؟؟ لماذا ؟؟

 

لا طبعاً .. لو غيرته اصحابى مش هيعرفونى .

 

ماذا يعني لك المنتدى ؟؟

 

يعنى لى ( كرينكل _ وابو تسنيم _ عرابى _ المنسى _ شيتوس ) بإختصار عمرى كله .

 

لديك 3 تذاكر سفر من من الأعضاء ستأخذ معك ؟؟

 

كرينكل _ وابو تسنيم _ عرابى _ المنسى _ شيتوس .. هدفع بقيت التذاكر على حسابى .

 

لديك مصباح علاء الدين ثلاث أمنيات أطلبها ؟؟

 

شركتى تكبر .. والدتى تشوفنى حاجه كبيره .. اعيش معى اصحابى طول العمر .

 

هل فكرت يوماً للأنسحاب من المنتدى ؟؟ لماذا؟؟

 

هعتبر نفسى مشفتش السؤال ده

 

لو رجع بك الزمن إلى الوراء من تتمنى أن يرجع لك ؟؟

 

رسول الله .. صلى الله عليه وسلم ..

 

باقة ورد لمن تهديها ؟؟

 

لكل اعضاء المنتدى .

 

باقة من النار لمن تهديها ؟؟

 

للعيال اللى بتلعب فى الشارع وانا نايم

 

لو اهديت سفرة عبر الزمن إلى أي زمن ستسافر الماضي أو المستقبل ؟؟ لماذا؟؟

 

لزمن الصحابه بعد فتح مكه .. والسبب معروف اكيد .

 

 

شكراً ليك يا زورو على الموضوع الرائع

[ديدو 3]

لماذا أخترت أسمك المستعار ؟؟

لان الاسم دة معايا من زمان واللى اطلقة عليا ناس عزيزة عليا

 

هل فكرت يوماً أن تغير أسمك ؟؟ لماذا ؟؟

لا لانى بحب الاسم دة جدا

ماذا يعني لك المنتدى ؟؟

مكان بلاقى فية نفسى

 

لديك 3 تذاكر سفر من من الأعضاء ستأخذ معك ؟؟

عمرو دوام _ ندى _ شيتوس

 

لديك مصباح علاء الدين ثلاث أمنيات أطلبها ؟؟

1- اكون شخص نافع لكل الناس

2- الزوجة الصالحة

3- ان يرزقنى ربى بالحلال

 

هل فكرت يوماً للأنسحاب من المنتدى ؟؟ لماذا؟؟

بتهيالى صعب

 

لو رجع بك الزمن إلى الوراء من تتمنى أن يرجع لك ؟؟

الحب اللى كان

 

باقة ورد لمن تهديها ؟؟

لكل صديق يوفى لصديقة

 

باقة من النار لمن تهديها ؟؟

لكل حاقد وحاسد

 

لو اهديت سفرة عبر الزمن إلى أي زمن ستسافر الماضي أو المستقبل ؟؟ لماذا؟؟

الماضى وزمن الطفولة وعدم حمل المسؤلية

شكرا زورو موضوع جميل بجد

[Shetos 2]

لماذا أخترت أسمك المستعار ؟؟

 

بصراحة مش أنا اللى إخترته ..أيام ما كنت بلعب فى النادى الأهلى كان إسلوب لعبى يشبه طريقة لعب اللاعب وائل رياض شيتوس..وللعلم هو مالهوش علاقة بتشيتوس بتاع الشيبسى..وكل أصحابى بيعرفونى بيه

 

هل فكرت يوماً أن تغير أسمك ؟؟ لماذا ؟؟

لا طبعاً..لأنه بيفكرنى بأيام جميلة جداً

 

ماذا يعني لك المنتدى ؟؟

 

حاجة مهمة بالنسبة لى

لديك 3 تذاكر سفر من من الأعضاء ستأخذ معك ؟؟

 

العارف.كرينكل.أبو تسنيم.عرابى.المنسى.ديدو.زورو.يامن.بنت مصرية.تمرالجنة.حنان القلب.باسنت..

والحساب يجمع يا زورو

 

لديك مصباح علاء الدين ثلاث أمنيات أطلبها ؟؟

 

القرب من الله

رضا الوالدين

الزوجة الصالحة

 

هل فكرت يوماً للأنسحاب من المنتدى ؟؟ لماذا؟؟

 

 

طبعاً مستحيل..لأنه يحتوى على أشخاص قريبين جداً من قلبى ولا أريد فقدهم..

 

لو رجع بك الزمن إلى الوراء ماذا تتمنى أن يرجع لك ؟؟

 

نقاء نفسى

باقة ورد لمن تهديها ؟؟

لكل من ساهم فى خروجى من أكبر محنة واجهتنى فى حياتى

باقة من النار لمن تهديها ؟؟

لا أهديها لأحد.لانى لا أتصور أن أتسبب فى آلم أحد

 

لو اهديت سفرة عبر الزمن إلى أي زمن ستسافر الماضي أو المستقبل ؟؟ لماذا؟؟

 

 

الماضى لكى أرى أشرف وأطهر الخلق سيدنا محمد.. لكى أستشهد معه فى سبيل الله

 

 

 

شكراً على موضوعك الجميل يا زورو

 

 

 

 

 

 

[El-Saher Fantasy 21]

دخلت علشان أرد في الموضوع بس لقيت اني رديت فعلا

علشان كده عايزين نشوف ردود باقي أعضائنا

[رحمتك رجائي 1]

لماذا أخترت أسمك المستعار

لانه جميل وان شاء الله ربي يرزقني الجنة

هل فكرت يوماً أن تغير أسمك ؟؟ لماذا ؟؟

نعم حابة نكتب اسمي الحقيقي زائد اسم بلدي

 

ماذا يعني لك المنتدى ؟؟

ملتقي لرقي الفكر والاستفادة وتجمع شباب اسلامي راقي

 

لديك 3 تذاكر سفر من من الأعضاء ستأخذ معك ؟؟

هل ينفع اخذ كل البنات الي اعرفهم في المنتدي

هم اخواتي في الله

علي راسهم رام وحياتي وشهد

 

لديك مصباح علاء الدين ثلاث أمنيات أطلبها ؟؟دى

 

ان ارزق الجنة ويجمعني الله باحبائي في الجنة يارب

ارزق وظيفة

يرزق اخي ذرية لكن هذا بمشيئة الله

هل فكرت يوماً للأنسحاب من المنتدى ؟؟ لماذا؟؟

لا مزال مفكرتش

اه نسيت ربما فكرت في اول موضوع ليا وكان رد احد العضوات قاسي جدا

ففكرت بالانسحاب لكن بعد تفكير رايت انني اخطات بوضع موضوع يفتح جرح لابد ان يلتام ولا نزيد الجرح علي الجرح

ربي يحفظ الامة الاسلامية وكل الاوطان العربية

 

لو رجع بك الزمن إلى الوراء من تتمنى أن يرجع لك ؟؟

اه

جدتي رحمها الله

 

باقة ورد لمن تهديها ؟؟

 

لكل الاعضاء الطيبيين في المنتدي

والله لقد وجدت انهم من الشخصيات الطيبة الراقية

باقة من النار لمن تهديها ؟؟

لا لا اهديها ساطفئها

اعوذ بالله من هكذا باقة

لو اهديت سفرة عبر الزمن إلى أي زمن ستسافر الماضي أو المستقبل ؟؟ لماذا؟؟

زمن الرسول صلي الله عليه وسلم

يا ليت كنت احضيت شرف رؤية وجهه الشريف

 

أر.. من جميع الاعضاء المشاركه في هذا الموضوع

 

بارك الله فيك

[الرّام 173]

لماذا أخترت أسمك المستعار ؟؟

هل فكرت يوماً أن تغير أسمك ؟؟ لماذا ؟؟

 

اخترت اسم مستعار اول لانه كان نفس الاسم الي كانت تناديني بيه الي كانت اعز صديقة و كانت اول وحدة تكون صديقة ليا في حياتي .يعني باختصار لان له ذكرى اغلى من الغالية و لا تمحى ابدا .و لكن فيما بعد اكتشفت انه كان اسم آلهة قديم وبعض معبودات الهندوس . فقرّرت تغييره اتقاءا للشبهات لا اكثر و لا اقل .المشكلة اني لما حبيت نغيّره ما قدرتش لشدّة تعلقي بذكراه . ففكّرت اني لكي لا أتسبب في ايلام نفسي اكثر اغيّره باسم يشبهه شوية لكن في نفس الوقت يكون بعيد عن كل شبهة . فقرّرت اني اجعله "الرّام" يعني اسم يطلق على الشجر

فوجدت ان اسلم شيء ان يكون اسمي "الرّام"

"الرام" مع الشدة على الراء

و هو حسب المعجم العربي يعني "شجر"

اي نوع من انواع الشجر ... فقلت على الاقل "شجر" و مهما يكن نوعه يبقى مخلوقا من مخلوقات الله عز وجل (مثلي)

افضل من اي شيء اخر .. اتقاءا للشبهات

 

 

ماذا يعني لك المنتدى ؟؟

في صفحتي الشخصية كتبت "أكون أنا بمجرّد دخولي هنا" و اعتقد انها اجابة كافية لسؤالك

 

لديك 3 تذاكر سفر من من الأعضاء ستأخذ معك ؟؟

لا هو اني ما نستحقّش الا تذكرة وحدة لكل اخ لي و اخت الذين احبهم في الله

(فيعني اتصرف انت في التذكرتين الباقيتين .. موش مشكلة بالنسبة ليا .. هههه)

 

لديك مصباح علاء الدين ثلاث أمنيات أطلبها ؟؟دى

 

لا بصراحة انا ما عنديش الا امنية واحدة وحيدة .. "نحقق كل الي نتمناه"

(لكن طبعا الي نتمناه هو الخير لاهلي و لكل مسلم و مسلة و كل و اي حد مسلم و مسلمة في هذه الدنيا يكون عنده امنية تتحققله و النصرة للدين الاسلامي و اني نقدر نسعد راجلي في الايام الجاية كيف يسهل علينا ربي و نتلموا لانه تعذب برشة في حياته و يرزقنا الله الذرية الصالحة و يرزقهم لكل مسلم و مسلمة و الشفاء التام لكل حد مريض و السعادة و الراحة و الايمان و الستر لكل مسلم و مسلة و ... وو..و..وو.. و..)

انا كنت حابة نكمل لكن خفت لـــ

 

 

هل فكرت يوماً للأنسحاب من المنتدى ؟؟ لماذا؟؟

هو يمكن لظروف الحياة القاسية الي ما يكونش لين فيها يد او قدرة عليها يمكن اني نبعد شوية (يوم او اثنين او شوية يعني) لكن اني انسحب طبعا لا

و باختياري اكيد لا

 

 

لو رجع بك الزمن إلى الوراء من تتمنى أن يرجع لك ؟؟

موش عارفة لكن انا حقا عندي امنية في قلبي (رؤية رسول الله عليه الصلاة و السلام و على آله و صحبه اجمعين) لكن موش عارفة تتحققلي او لا ..

 

باقة ورد لمن تهديها ؟؟

 

لكل انسان يعرفني .. يعرفي باي شكل من الاشكال (يعني موش ظرورة انه يكون شافني) لكن اهدي كل من يعرفني احلى ورود العالم -طبعا مع تمنياتي ليه بكل خير الدنيا و الآخرة و برضى الله عليه-

 

 

باقة من النار لمن تهديها ؟؟

للصهاينة

 

 

لو اهديت سفرة عبر الزمن إلى أي زمن ستسافر الماضي أو المستقبل ؟؟ لماذا؟؟

 

انا في مرّة قلت لأمي : لو اني كنت زمن الرسول عليه الصلاة و السلام .لاني كنت اود لو كنت ممن حاربوا معه و هاجروا معه و كت اتمنى لو اني انا اسلمت مع اول المسلمات

هي وقتها جاوبتني : انت لو تحبي الرسول عليه الصلاة و السلام فكوني واثقة انه سيكون عايش معك في احساسك و لو كنت تودين نصرته فانصريه الآن و اتبعي خطاه الآن و جاهدي قدر استطاعتك لنصرة الاسلام الآن .. فهذا افضل لك لان هذا ما اختاره لك خالقك .. ان تكوني الآن في هذا الزمن .. لا قبله و لا بعده

--------

فاجابتي لك : لن اختار لا الماضي و لا المستقبل . بل سأبقى في الحاضر

 

 

********

 

جميلة أسئلتك

 

بارك الله فيك

 

على فكرة اني باش نسرق هذه الاسئلة منك .. و باش نسالها لبابا و لامي (طبعا موش كلها. لانهم فقط متابعين للمنتدى بشكل متواصل لكن من غير اشتراك) .. لاني حابة نقارن بين اجابتهم و اجابتي .. لاني احيانا نحس اننا واحد موش 3

 

لكن موش الآن .. ان شاء الله في الليل .. كيف يروّحوا من الخدمة (يعني من عملهم)

 

[دعوه للجنه 457]

السلام عليكم

قبل ما أجاوب بشكرك جدا جدا

موضوع جميل

جزاك الله خيرا زورو

 

لماذا أخترت أسمك المستعار ؟؟

باختصار انا ماليش كتير فى عالم النت عموما فأما جيت اشترك فقولت

أدخل اكتر من منتدى ادور ادور ادو

على نيك نيم حلو

مش كنت اعرف بقى انى ممكن اعمل أسم يعبر مثلا عن حاجة عاوزه اعبر عنها او عن جاجه بحبها واللى انا فهمته يعنى عن المنتديات بعيدين

 

هل فكرت يوماً أن تغير أسمك ؟؟ لماذا ؟؟

بصراحة

يعنى اه نفسى اغيره

بس اللى مانعنى ليا معاه ذكرى صعب نسيانها

بس ممكن يعنى اغيره

 

ماذا يعني لك المنتدى ؟؟

مقولة ارددها دوما ان عجزت عن التعبير عن شيئا

""قد يعجز المرء عن وصف ما بداخله فلا يجد الا الصمت..

 

لديك 3 تذاكر سفر من من الأعضاء ستأخذ معك ؟؟

بما انى هتكلم بصراحة

يبقى مش 3 انا هقولك مين اللى نفسى اكون معاهم ومشكلتك بقى تجيب لهم التذاكر دى

مهندسة المنصورة..حياتى .. سجدة..شهد2010.. الرام ..أُمى الحياة .. نودى ..بسمة الاقصى..لميس المهدى..

على دسوقى..عاشق الصداقة..د..عبقرينو..د..ميدو.مصطفى بهجت..

 

كفايه دوول

العربيه يادوب بتاعت القطر تكفينا

نصها لللاخوه ونصها للاخوات ههههه

 

لديك مصباح علاء الدين ثلاث أمنيات أطلبها ؟؟

نفسى اكون مرتاحة البال..

نفسى بجد اعيش مع الناس اللى بحبهم وبيحبونى

ونفسى يرضى عنى ربنا ديما

ونفسى انل شرف الدعوه لله اكثر واكثر

كفايه كده

 

هل فكرت يوماً للأنسحاب من المنتدى ؟؟ لماذا؟؟

نعم فكرت العديد والعديد

احنا اتفقنا على الصراحة

ولكن افضل الاحتفاظ بالاجابة...

 

لو رجع بك الزمن إلى الوراء من تتمنى أن يرجع لك ؟؟

حاجات ياااااما اووى

وأولها برأتى واسلوبى الطفولى اللى كنت بتعامل بيه حتى فقدته منذ اشهر قلائل جدا

وسبب الفقدان بلا شك اندماجى مع ما يقال عليهم بشر الان

ما اروع الطفوله

يكفيك والله

ان تنم وان كان بك ضيقا ولكن على الاقل مرتاح البال

الحمد لله على ايه حال

 

باقة ورد لمن تهديها ؟؟

معلمتى الحبيبة

تبلغ من العمر ال33 عاما

ولكن كان لى الشرف ان تعلمت على يدها العديد ويكفينى أن كانت خطوات التزامى بعد فضل الله بين يديها وتعلمت كيف ادعو الى الله

ثم اتى التعلم الاكبر بالا كتساب والتمرن و.....

 

باقة من النار لمن تهديها ؟؟

 

اليهود عليهم لعنه الله والملائكة والناس اجمعين

 

لو اهديت سفرة عبر الزمن إلى أي زمن ستسافر الماضي أو المستقبل ؟؟ لماذا؟؟

الماضى لا طائل من السفر له الا اذا حوى ذكريات جميلة

وانا للاسف حتى الان لم اقل حدث لى ذكريات سعيدة صع بنسيانها

فسرعان ما تنقلب

اما الان فانا الذى افضل العيش فيه

وكذا المستقبل...

 

مافيش جايزة

 

 

انا جاوبت كل الاسئلة

 

جزاك الله خيرا زورو

 

 

دمتم لنا جميعا اخوة واخوات رباط الحب والود والتقدير يجمع بيننا

[zoro_hf 8]

لسه باقى اعضاء تانى نفسنا نشوفها فى الموضوع