صناع الحياه 14 قام بنشر January 13, 2007 (تعديل) صحيت الصبح بدري لاول مره في حياتي اشوف الساعه سبعه صباحا شكلها ايه دخلت الحمام وطلعت بسرعه لبست البنطلون الدوبل ستريت والقميص المكرمش " موضة القميص المغسول" سرحت شعري وحطيت نص كيلو جيل عشان التسريحه تثبت طول اليوم" تسريحه سبايكي من اللي شعرك يحبها" حطيت الام بي ثري في وداني والنضاره السوده علي عنيه وحطيت الموبايل في ايدي اليمين ونزلت الشارع لقيت البنت سوسو مستنياني علي جنب وبتنادي بصوتها العالي هاي يا مان اخبارك ايه شكلك كده انهارده كووول خالص قلتلها مش طلباكي انهارده ورايا امتحان طنشتها ومشيت " اصلهم صنف يموت في اللي يطنشه لاكن لو لزقت فيه يكرهك " دخلت اللجنه مسكت ورقة الامتحان حطيت اللبانه في بقي عشان ابتدي افكر في الاجابه ملقيتش في الورقه غير سؤال واحد بس تخيلو ايه هوه السؤال السؤال اجباري وعليه كل درجة الامتحان السؤال بيقول " ما هو الانسان؟ " ممكن تغششوني وتقولولي ايه هيه الاجابه لو سمحتم مستني اجاباتكم تسعدوني بيها باي باي بقي تم تعديل June 16, 2008 بواسطه عاشق الصداقه تم إعادة الموضوع بعد حذفه اقتباس شارك هذه المشاركه رابط المشاركه شار ك علي موقع اخر
صناع الحياه 14 قام بنشر January 15, 2007 لقد اجاب عن السؤال علم الفن واسطوره الكلمه الفنان العظيم محمد صبحي في مسلسل " عايش في الغيبوبه" قالها في احد المشاهد الرائعه " الانسان اما مخرج لفيلم تسجيلي ملهوش ممثلين عشان كده فكرته بتوصل من غير تزييف ولا حتي اي رتوش بتفضل الاحاسيس والمشاعر وليده فكر بس مبتنزلش ارض الواقع وبكده بتحتفظ بنشوة الاحساس بيها وفيه ناس تانيه مخرجين لافلام ناطقه بتجسد احاسيسها باشخاص وممثلين ودي للاسف بتكون فاشله وغير صادقه حتي لو كان الممثلين بارعين " اما رايي الخاص بالموضوع ده " كل واحد مننا ليه غرفه صغيره جوه قلبه " قدس الاقداس" الغرفه دي مبيدخلهاش اي حد مهما كانت درجة تقربه لينا حتي كهنة معبد قلوبنا مبيدخلوهاش وبيحطو القرابين علي بابها بنحتفظ جو الغرفه دي باحاسيس ومشاعر مينفعش تتجسد احاسيس ومشاعر لو اخدت صورتها الماديه بتموت احاسيس ومشاعر من نوع خاص لو حد لمسها تموت عشان كده بنحطها في قدس الاقداس بنكتب علي بابها ممنوع الاقتراب او التصوير اقتباس شارك هذه المشاركه رابط المشاركه شار ك علي موقع اخر
Emma 0 قام بنشر January 15, 2007 موضوع رااااااااائع واجابة جميلة لكن اظن بتجاوب على جزئية صغيرة قوي قوي من السؤال... يا تري تقدر تجاوب عليه اجابة كاملة؟؟ ما هو الانسان؟؟ اقتباس شارك هذه المشاركه رابط المشاركه شار ك علي موقع اخر
صناع الحياه 14 قام بنشر January 16, 2007 الانسان نقطه صغيره بين طرفين , وحياته بتتحدد من موضع النقطه دي بي الطرفين ( ا,ن,س,ا,ن) (طرف) *---------------------------------------------* (طرف) أ---------- هو نقطه بين (الفه) كطرف و (انانيه ) كطرف تاني ----------------------------- ن--------- هو نقطه بين (نور) كطرف و(نار) كطرف تاني ------------------------- س-------- هو نقطه بين (سعاده)كطرف و(سهد) كطرف تاني ---------------------------------- أ---------- هو نقطه بين ( امل) كطرف و ( الم) كطرف تاني -------------------------------------- ن--------- هو نقطه بين ( نصر) كطرف و ( نكسه) كطرف تاني ------------------------------------ يا تري ازاي الواحد يوصل للطرف المضئ من كل معادله من دول؟ هل انه يتجه للطرف مباشرة انا من رايي انه يتجه للطرف الكويس بس بطريقه غير مباشره قبل مقول ازاي عايز اسمعكم اقتباس شارك هذه المشاركه رابط المشاركه شار ك علي موقع اخر
Emma 0 قام بنشر January 16, 2007 الالفة -الوحشة....الانانية -الايثار.......السعادة -الحزن.......الصدق- الكذب .......الاخلاص-الخيانة....النجاح -الفشل........ الوفاء......الايمان....الحب....الضمير..... أي كلمة من دول عشان نعرفها محتاجين نتكلم كتير قوي وممكن منقدرش نجمع كل معانيها، ما بالك لو عايزين نعرّف مخلوق بيجمع كل معاني الكلمات دي وعدد غير محدود من الصفات والمشاعر المتناقضة بعضها عقلي وبعضها وجداني ،تفتكر هنقدر؟؟ حاجة كمان تصعب المهمة: اي كائن حي ممكن توصف فرد من فصيلته وتبقى ذكرت كل خصائص وصفات الفصيلة دي لكن المشكلة ان كل فرد من بني الانسان بيمثل فصيلة لوحده ليها صفات مختلفة تماما عن باقي البشر.. وكمان انا ممكن اوصف اي حد لكن صعب اوصف نفسي ،لازم اطلع براها عشان اقدر اشوف و اوصف صح وده يمكن يحصل بعد الموت -الله اعلم-، يعني احنا كبشر مهمتنا صعبة قوي لو عايزين نعرّف يعني ايه انسان. لكن لو هنتكلم بصورة عامة ممكن نقول ان الانسان هو الكائن الحي الوحيد اللي مبيتبعش قوانين الطبيعة ( وده مصدر شقاؤه ومجده)الانسان مبيتبعش العقل الكوني العملاق اللي بيعمل بطريقة واحدة في كل الكائنات واللي بيخلي الارض تدور والكائنات تتعايش وتحافظ على انواعها، لكن بيتبع تعليمات عقل ربنا ميزه بيه، العقل ده بيختلف من فرد للتاني و بيحط قدامه مالانهاية له من الاحتمالات الخيرة والشريرة ،يعني هو بخلاف الكائنات الاخري له انه يختار لكن هو مسير في اختياراته وبتتحكم فيه صفاته الشخصية وطريقة نشأته والبيئة اللي عايش فيها...نقدر نقول عايش بقانون( الجبر الذاتي). ولو عايز يوصل للطرف المضئ لاي اختيار بيتحط فيه لازم يتوحد مع الطبيعة وميفكرش في نفسه كأنه في عزلة عن العالم ،لازم يبقى جزء من نظام الكون المحكم اللي الكائنات الاخري بتنفذ قوانينه من غير ما تدركها لكن هو بادراكه هيكون حفاظه على نظام الكون وتنفيذه لحكمة الخالق اسمى واعظم من كل الكائنات لأنه عمل ده بالاختيار... وهي دي فلسفة الوجود اللي وصلها مفكرين عظماء بعد ما افنوا عمرهم في البحث عن مغزى الحياة . اعتذر على الاطالة. اقتباس شارك هذه المشاركه رابط المشاركه شار ك علي موقع اخر
صناع الحياه 14 قام بنشر January 17, 2007 وجوون وجوووووووووووووون وجوووووووووووووون الاخت emma تقمست شخصية عميد الهدافين ولبست القميص رقم 9 واحرزت هدف اكتر من رائع جماهير المقصوره والدرجه التالته بتحييكي اقتباس شارك هذه المشاركه رابط المشاركه شار ك علي موقع اخر
Shetos 2 قام بنشر May 2, 2008 (تعديل) دخلت الحمام وطلعت بسرعه لبست البنطلون الدوبل ستريت والقميص المكرمش " موضة القميص المغسول"سرحت شعري وحطيت نص كيلو جيل عشان التسريحه تثبت طول اليوم" تسريحه سبايكي من اللي شعرك يحبها" حطيت الام بي ثري في وداني والنضاره السوده علي عنيه وحطيت الموبايل في ايدي اليمين ونزلت الشارع طبعاً أنت هنا تتحدث عن عيال الخلا.. " ما هو الانسان؟ " إذا أمكنك أن تجمع جميع الصفات التى طلبها الله ورسوله..وقتها يمكن ان تصنف من يحملها إنساناً.. شكراً عرابى تم تعديل May 2, 2008 بواسطه Shetos اقتباس شارك هذه المشاركه رابط المشاركه شار ك علي موقع اخر
