ضحكوا عليكم يا شعب مصر

[عاشق الصداقه 525]

آسف جداً لما أول ما اكتب عن الثوره بدل ما اوضح الصور الرائعه اللى حصلت فى الشارع المصرى والتضحيات الكبيره اللى حصلت والرقى اللى كان فى الشارع المصرى للمطالبه بحقوق واضحه

بكتب علشان اقول ضحكوا عليكم - ومش بتكلم عن الكل

 

بس بالفعل الخطاب الرئيس لمبارك ،، مع لعبتين تلاته من التليفزيون المصرى الوقح اللى بيشتغل الناس من اول الثوره وجايب شوارع فاضيه وبالغ فى اعمال السرقه والتخريب علشان يوضح ان البلد فى خطر

 

والناس كلها يقودها الخوف (الحالى والمؤقت) على مصر - لإنها تستسلم وتفض الثورة وتوقف ضدها ،، ويتهم كمان مؤيدى الثوره على أنهم خونه ومش عاوزين الخير لمصر

 

بيحركوا حب مصر فى نفوس الناس - لأنهم يرضوا بالواقع ويقولوا كفايه وتتفض الثوره من أجل مصر وإستقرار مصر

 

غبااااااااااااء ،، والله العظيم غباء

لكن بإذن الله الشعب المصرى الأكثريه فيه أذكى من انهم يشتغلوهم بالطرق دى

 

لو ده مش مخطط ولو ده مش قلة أدب - ليه يتوجه التابعين لمبارك لميدان التحرير ويحتكوا بالمتواجدين !!!!!!!!!

منين جابوا الخيول والجمال اللى راكبينها دى وبيهجموا بيها على القائمين على الثورة ؟؟؟؟؟؟؟؟؟؟؟؟؟؟؟

 

الشرطة نزلت تانى بلبس مدنى ومعاها مواطنين مخدوعين داخلين يضربوا شباب بلدهم علشان بيقولوا نعم لكرامة الشعب المصرى ، ولا للطغيان ، ولا للظلم ،، وكفايه يا ظالم ،، ويتغير النظام وحكم مصر بالكامل والدستور ..

 

بيحصل تلاعب كبيييييييييييييييييييير بعقول الشعب المصرى دلوقتى

مبارك بيتلاعب بسياسه كبيره ..

 

ساب البلد تول فى بعضها والشرطة تضرب فى الناس والدنيا تبوظ وما طلعش حتى يقول كلمة يهدى الناس الا امتى ؟؟؟؟؟ - ده بيحب مصر وبيخاف على مصر ولا بيخاف على كرسيه ؟؟؟؟؟؟؟؟؟؟؟؟؟؟؟؟

ده خاين - ده ظالم - ده طاغيه - ربنا ينتقم منه

 

ولما عرف كمان ان الامر خرج من ايده طلع للمره الاولى يشتغل الناس .. والكل وقف ضده فى ده

الطلعه التانيه قدم تنازلات كبيره برضه التفاف على انه يتشال بالقوه من الحكم (وهو يستحق كده) ،، وبيخوف الناس من عدم استقرار مصر لو اتشال ،، وكأنه الاله اللى حارس مصر

 

لو اتشال الرئيس النائب هيمسك البلد وتمشى زى ما هى ،، وساعتها هيحصل تواصل وتفاهم بين الاحزاب والمواطنين والحكومه للتنسيق والدنيا ترجع أفضل من الاول

 

فيه ناس ماتت علشان تتكتب الحريه لمصر ولأبنائها مستقبلاً من النظام الحاكم لمصر والدستور الحاكم لمصر ..

دم الشهداء دول يروح كده - بإن مبارك يقول مش هترشح تانى ؟؟؟ - يا رااااااااااااااجل ؟؟

 

والحكومه تزور الانتخابات الجايه برضه وياخدها الحزب الوطنى ،، بل وينتقموا من الشعب للى حصل ،، بعد فتره لما الامور تهدى ..

هو ده اللى الناس دى ماتت برصاص الشرطة علشانه ؟

هو ده اللى يرضى شعب مصر؟؟

هو ده اللى يرضى ربنا ؟؟

 

النظام مسئول عن كل اللى بيحصل - غير الـ 30 سنه طغيان وظلم - ساب الشرطة تضرب فى الناس ومش عاوز يطلع ،، بعدها يخللى التليفزيون بتاعه يعمى الناس عن الحقيقه ويبث فى عقولهم ان مصر فى خطر بسبب اللى بيحصل فى الثورة السلمية دى - مش بسبب النظام واللى بيعملوا مؤيديه ؟؟

 

بقالنا أسبووووووووووع ،، مفيش حاجه حصلت ولا حتى حالة تحرش واحده ...

فى يوم ما يطلع أنصار مبارك يحصل ضرب بين الشعب المصرى فى بعضه ؟؟؟ - علشان مبارك ؟؟ - علشان طاغيه - حسبى الله ونعم الوكيل

يبث فى عقول الناس ان الثوره دى مخطط غربى ،، وشوية إنها مخطط من الأحزاب ..

الأحزاب كلها على كلمة واحده من اول الثوره بتقول إنهم خلف شباب الانتفاضه - لأن اللى قاد وعمل الانتفاضه دى الشباب ،، والله الشباب .. وبعدها انضم ليهم الاحزاب السياسية والوطنيه

والاحزاب كلها بتقول - انه ليس لأى حزب الحق فى أن يدعى انه يقود الثوره أو حتى كان سبباً فيها ،، لأن اللى عمل ده الشباب - شباب مصر الخايف على مصر بجد وعارف مصلحة مستقبل مصر فين بجد

 

شباب وااااااااااااااااااااااعى جداااااااااااااااااااااااااااااا - وصورة الشارع المصرى وميدان التحرير وتنظيم المرور واللجان الشعبيه وكل اللى حصل يوضح قد ايه الشباب ده واعى

واللى متابع الموضوع ده من قبل 25 يناير هيعرف ان الشباب هو اللى قاد وعمل الثوره بدون توجيهات احد

 

حد يقولى ايه معنى اللى بيحصل ده فى ميدان التحرير من هجوم مؤيدين لمعارضين سلميين ؟؟؟؟؟؟؟؟؟؟؟؟؟؟؟؟؟؟؟؟؟

إيه معنى نزول الخيول والجمال دى ضد المؤيدين للثوره الشرفاء ؟؟

 

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

[حياتى من اجل ربى 22]

حرااااااااااااااااااااام بجد