يا جماعة - قوات الجيش تلتزم الحياد وترفض الدخول بين الطرفين

[Mr Hamdy Ahmad 36]

يا جماعة - قوات الجيش تلتزم الحياد وترفض الدخول بين الطرفين

 

وقعت اشتباكات ومناوشات في ميدان التحرير بين المؤيدين والمعارضين للاستقرار فى مصر والاصلاحات التى اعلن عنها الرئيس حسنى مبارك، وجرى خلال الاشتباكات إلقاء الطوب والحجارة مما أسفر عن وقوع اصابات لم يتحدد عددها ، إلا أن وكالات الأنباء أشارت إلي وجود عشرات الاصابات وقد التزمت قوات الجيش الحياد ورفضت الدخول بين الطرفين.

كانت أعداد غفيرة قد توجهت إلي ميدان التحرير منذ الصباح تدعو الى الاستقرار فى مصر ورفض التخريب وذلك عقب الخطاب التاريخى الذى القاه الليلة الماضية الرئيس حسنى مبارك وتعهد فيه باصلاحات سياسية ودستورية ولكن اشتبك معهم متظاهرين يرفضون الاصلاحات التى اعلن عنها الرئيس مبارك، حيث قامت مجموعات معظمها من أنصار الجماعة المحظورة بالإنتشار فى ميدان التحرير وخاصة فى المداخل المؤدية للميدان لتفتيش القادمين والتأكد من هويتهم , مما أدى إلى وقوع مشاحنات وإحتكاكات بين الطرفين وحدوث تراشق بالحجارة بين أفراد من الجانبين المؤيدين والمحتجين .

وقد إلتزمت قوات الجيش والشرطة ضبط النفس لعدم التدخل أو إستخدام الأسلحة لتجنب حدوث إصابات

بين الجانبين، وكانت قوات الجيش المتواجدة بالمنطقة قد وجهت نداء للمعتصمين بميدان التحرير

بفض إعتصامهم وإخلاء الميدان خاصة بعد خطاب الرئيس مبارك الليلة الماضية لتهدئة الأوضاع وإتاحة الفرصة لإجراء حوار بين أحزاب المعارضة والمسئولين.

ايه رأيكوا

دبلوماسية بشكل عالي

[عاشق الصداقه 525]

هما كده عاوزين حاجه من اتنين (الحزب الحاكم)

 

يا إما إن بلطجيتهم يقدروا يفرقوا الناس اللى فى ميدان التحرير ،، أو حتى يلبسوا الشغب اللى فى البلد لأن الاحزاب الباقيه (الخونه فى نظرهم) ويخلوهو يبدأوا حوار مع الحكومة والموضوع يتلم ،، وفعلاً الاحزاب وافقت على التحدث فى ظل مبارك علشان يفضوا الهرج اللى حاصل ..

 

الحاجه التانيه اللى عاوزينها ان الجيش يحتك بالناس (أنصار الحزب الحاكم ضربوا الجيش ووصل الأمر لإشعال النار فى دبابه) ،، فيبتدى الناس تخسر الجيش اللى هو الأمل اللى باقى للشعب .. بعد الله عز وجل

 

========

اللى انا مستنيه دلوقتى حاجه من اتنين

 

يا إما الجيش يوقف كل الهرج اللى بيحصل ده ويعلن إقالته لمبارك

أو إن الجيش يسيطر على انصار مبارك اللى داخلين يعملوا شغب وضرب دول ،، لحد يوم الجمعه ،، والجمعه بقى هيبقى وضع تانى

 

لأن كده 99% - الناس غلت أكتر من اللى حصل ومش هتسكت وهتتوجه لقصر الرئاسه وتقيل الكلب بالجزمه

 

الحزب الحاكم دلوقتى بيعمل كل اللى يقدر عليه علشان الحوار ميمتدش للجمعه - لأنه لو امتد للجمعه عارفينها هتخرب ازاى على راس اللى جابهم ،، وأتمنى ده

 

واللهم النصر النصر من عندك

[El-Saher Fantasy 21]

الحزب الحاكم دلوقتى بيعمل كل اللى يقدر عليه علشان الحوار ميمتدش للجمعه - لأنه لو امتد للجمعه عارفينها هتخرب ازاى على راس اللى جابهم ،، وأتمنى ده

 

سبحان الله يا أحمد

انا وانت متفقين على انها مش لازم توصل ليوم الجمعة

بس انت لأنك شايف انها هتخرب عليهم

وانا شايف انها هتخرب علينا كلنا

أنا خايف من حـــرب أهلــــية

ربنا يستر

 

//خلونا نتفق اننا مش هنتخانق مع بعض علشان آراءنا أو وجهات نظرنا//

تم تعديل February 2, 2011 بواسطه El-Saher Fantasy

[عاشق الصداقه 525]

عمرنا ما هنتخانق حبيبى حماده الساهر

 

أنا مفيش بينى وبين الكلاب دى حاجه

لكن انا عاوزهم بعد كل اللى عملوه ده يتحاكموا .. ميروحش دم كل اللى ماتوا واتصابوا دول بسببهم هدر

 

لو مجاش يوم الجمعه وحصلت الانتفاضه الكبرى .. الموضوع هيعدى وكأن شيئاً لم يحدث ،، والثوره بكاملها مش هتبقى حققت حاجه ملموسه ولا هدفها الأساسى

لازم يتخلع الخائن ده اللى وضح للعالم كله خيانته لبلده

ولسه لما يسقط نظامه ،، هيتفضح أكتر ظلمة وطغيانه ..

أنا خايف على مصر ،، وخايف من اللى حاصل ،، ووالله والله والله ربنا وحده اللى عالم بحالى دلوقتى لخوفى على مصر

انا وصل بيا الحال للبكى بالدموع خوف على مصر ،، لكن الصح اللى لازم يحصل هو ان النظام ده يخلع ويحاكم علشان إخواننا دول كلهم ضحوا كتير علشان كرامتنا

 

لازم اللى بيعملوه قيادات الحزب الوطنى ده يتحاكموا عليه

لازم البلطجية كلهم يتحاكموا

لازم الرئيس نفسه يتحاكم

لو الموضوع فض ،، ولا هتحصل أى حاجه من دى

وإخواتنا البنات هيغتصبوا تانى فى مراكز الشرطه زى الفيديوهات اللى شفناها ع الجزيره

وإخواننا هيتعذبوا من الشرطه لحد ما يموتوا زى خال سعيد والسيد بلال

وهنفضل فى ذل وطغيان ،، حتى لو مشى مبارك هييجى اللى زيو ،، والانتخابات هتفضل تزور والدنيا هتفضل زى ما هى

هتتحسن تحسن لحظى ووقتى علشان الدنيا تهدى ،، وتدريجياً هترجع أوحش من الأول ،، بل تدريجياً هينتقم النظام الحاكم من كل اللى قالوا لأ لنظامه ،، وهيذل الشعب تانى

الناس اللى فى التحرير دى شرفاء - نزلوا وضحوا بأرواحهم علشان أنا وانت والمصريين من اولادنا نعيش فى دولة غير الدولة اللى احنا عشنا فيها فى الظلم ده خاااااااالص ،،

علشان نعيش على نفس الأرض - لكن بنظام مختلف تماماً - نعيش بكرامه

فيه مخططات كتير جدا جدا جدا جوا الأحداث دى يا حماده يا حبيبى ،، لو فيه وقت كنت ناقشت كل ده ،، وهييجى وقته بإذن الله

كل اللى فى إيدينا دلوقتى ندعى ربنا يقدم اللى فيه الخير لمصر وشعبها

 

وجزاكم الله خيراً