اذهب الي المحتوي
منتديات ياللا يا شباب
ali desoky

نظره عامه علي المشهد المصري بعد 25 يناير .. كلام لازم يتقــال

Recommended Posts

نظره عامه علي المشهد المصري بعد 25 يناير .. كلام لازم يتقــال

 

 

 

 

 

السلام عليكم ورحمه الله وبركاته

 

اخوتي .. دي دعوه للحوار ..

 

انا خلاص بقيت محبط من شويه عناصر " الحمد لله قليله " بتطعن في ظهر الثوار .. لدرجه انه

 

في حد قال عليهم " منتهي الغدر والخيانه " تتخيلوا ؟؟؟

 

 

تعبير لا يوصف الا لاسرائيلين مثلا ..

 

دا مش المشكله .. المشكله الاكبر اني واثق ان الانسان الي قال الكلمه دي مش قالها نتيجه دراسه

 

او تفكير مسبق .. او تحليل للتاريخ .. او اجنده محدده " طالما بقينا في زمن الاجندات "

 

لا دا قالها لانه مستخسر يتعب نفسه ويفكر بوجهه نظره الخاصه .. ويسأل ليه الناس دي عملت

 

ثوره ..

 

كل الحكايه انه صعبان عليه بابا مبارك وماما سوزان بتاعت القراءه للجميع الي اتعود يشوفهم 24

 

ساعه في قنوات الاخبار ..

 

كل الحكايه انه لحد دلوقتي مش قادر يتصور ان التلفزيون المصري كان كداب مخادع بيزور الحقيقه

 

وان وزير الاعلام دلوقتي قيد الاقامه الجبريه في بيته تمهيدا لمحاكمته ..

 

كل الحكايه انه بيسمع كتير كلمه شهدا .. وشهيد في مخه الصغير .. عباره عن " واحد مات " ..

 

واحد اتوفي وخلاص .. مش مهم مات ليه .. او مات ازاي .. او شعور اسرته .. او انه اخوه في الوطن

 

كل دي اعتبارات عمره ما فكر فيها .. ولا فكر انه يكون له اي دور في الوضع في بلده..

 

طيب بعد المقدمه الرخمه دي ..

 

عاوز اشرح - وخلو بالكم الكلام الي بقوله دا وجهه نظري المتواضعه .. يعني يحتمل الخطأ والصواب

 

بمعني اني مش بقول اني صح والباقي غلط .. بس علي الاقل اللي يعارضني يقولي الدليل بتاعه

 

- عاوز اشرح ما هي ظروف ثوره الـ 25 يناير ..

 

مين هما شباب 25 يناير .. وايه قصتهم .. وايه حكايتهم بالظبط .. وازاي قدر 150 شاب علي الفيس

 

بووك .. انهم يسقطوا اكبر طاغيه وديكتاتور عربي وعالمي ..

 

--

 

1- ما هي حركه شباب 25 يناير .. :

 

دي حركه نشـأت بعد الثوره التونسيه مباشرهً .. وجت من جروب علي الفيس بوك اسمه " كلـنا

 

خالد سعيد ." اللي هو شهيد اسكندريه الي تم قتله علي يد الشرطه .. وكمان جروب تاني اسمه

 

حركه شباب 6 ابريل .. و6 ابريل دول الشباب اللي نظموا مظاهرات واعتصامات المحله الكبري ضد

 

الفساد يوم 6 ابريل العام الماضي الي راح ضحيتها قتلي ومعتقليين وكان في تعتيم اعلامي عليهم

 

-------

 

كدا انتهينا من معرفه من هم شباب 25 يناير .. واتاكدنا انهم شباب مصري مليون في الميه ..

 

يقيمون 99 في الميه منهم داخل الوطن والواحد في الميه الباقي في خارج الوطن سواء الغرب او

 

دول شقيقه ..

 

 

------

 

2- ماهي اسباب قيامهم بالثوره ؟

 

- اولا الشعب المصري شعب قديم العهد بالثورات .. وهو شعب ثائر بطبعه .. بيكره ان حد يدوس

 

علي حريته وكرامته ... ومش ناسي انه كان لفتره كبيره من اسياد هذا العالم ايام العصر الفرعوني

 

ووسط العصر الاسلامي في مصر .. وكان منبع الفتوحات الاسلاميه من مصر ..

 

الشباب دول شاهدوا ما حصل في ثوره الياسمين في تونس وسقوط الطاغيه الي سرق شعبه

 

زين الهاربين بن علي .. زي ما كلنا شاهدنا ع التلفزيون طوال 24 يوم لحد ما سرق ثروه البلد

 

وهرب خارج البلاد ..

 

بس الفرق بينا وبين الشباب دول .. انهم مقعدوش يتفرجوا بدون اي مسئوليه ..

 

لا استعملوا العقل .. ووجدوا ان دي فرصه سانحه للقيام بثوره تصحيح في مصر بعد وصول الفساد

 

الي اعلي معدلاته في مصر لدرجه ان مصر بقيت في قائمه الدول العشره الاكثر فسادا اداريا في

 

العالم

 

واصبحت في قائمه اليونسكو من الدول التي لا تحترم حقوق الانسان ..

 

واصبحت في القائمه الاقتصاديه في اخر بيان للبنك الدولي من الدول ذات النمو البطيء في الاقتصاد

 

شافو مصر .. مقارنه بدول تانيه كانت اقل مننا .. بتنزل لتحت في كل حاجه ..

 

حتي الفن الي كانوا بيقولو مصر صاحبه الرياده في الفن .. لم يكن فنـا حقيقا .. كانت مجرد اسفاف

 

واستهتار بعقول الشعب والناس ..

 

- الشباب دول قرروا ينظموا ثوره .. لا تطالب بسقوط الحاكم .. وانما تعديلات دستوريه مشروعه

 

منها تغيير مادتين من الدستور عشان يضمنوا ان مبارك لن يورث الحكم لابنه جمال ..

 

لان كلنا عارفين مصر دوله جمهوريه .. مش مملكه .. مينفعش حاجه اسمها توريث ..

 

ومن مطالبهم المشروعه كانت محاربه الفساد والسرقه واهدار المال العام

 

ومن مطالبهم .. ايجاد فرص عمل ومحاصره البطاله الي خلاص بدأت تنهش في البنيه التحتيه

 

للمجتمع المصري

 

-----> دلوقتي لو اي حد عنده اعتراض علي مطالبهم وشايف انها غلط .. يقول .. اوكي .. ؟

 

طيب همشي معاكوا واحده واحده اهوه ..

 

مين اللي قال ان مصر كانت بايظه في عهد مبارك .. وان فعلا كان في بطاله ..

 

تعالوا نشوف سوا ..

 

نتائج حكم الرئيس المخلوع حسني مبارك خلال 30 سنه ..

 

 

1- إحصاءات من الأمم المتحدة تؤكد علي أن نسبة ألاميه بين النساء الذين تقل سنهم عن 15 سنة في مصر 56 % وقالت الإحصاءات أن نسبة الأمية بين الذكور في مصر 33 % ونسبة الأمية بين السكان من النساء الذين يزيد عمرهم على 15 سنة في مصر 37 % التبيان العدد 11 جمادى الآخرة سنة 1429 هـ صـــ13 * تحت عنوان تقرير حكومي أوضاع التعليم تؤكد تخلف مصر كشف تقرير حكومي عن تردى أوضاع التعليم في مصر مؤكد أن هناك تدهورا ً كبيرا ً في العملية التعليمية نتج عن تدنى في مستوى الخريجين من الناحية العلمية العامة أو التخصصية إلى جانب تسببه في ضعف بناء شخصية الخريجين . وقال التقرير أن الوضع التعليمي الذي تعيشه مصر تردي كشأن الدول المتخلفة علميا ً وأضاف في آخر الإحصائيات الدولية أفضل 500 جامعة على مستوى العالم لم تبرز جامعة مصرية واحدة كما أنه على مستوى الأبحاث يأتي ترتيب مصر في المركز الـ 60 وهو ترتيب مشكوك فيه وقد يكون مجاملا ً لمصر . المصري اليوم 1/12/2006

 

تخيلوا .. في وقت العالم فيه بيقول علي الي مبيعرفش كمبيوتر وانترنت جاهل .. وفي الوقت الي

 

احتفلت فيه اليابان بانهاء اميه اخر واحد مش بيعرف كمبيوتر .. توصل عندنا الاميه بتاعت القرايه

 

والكتابه للرقم المخيف دا .. اكتر من نص الشعب .. جهله ؟؟؟

 

امال فين المليارات التي يقول مجلس الشعب المزور انه الرئيس بيصرفها علي تطوير التعليم ..

 

انتو عارفين المليار دا كام ؟؟

 

دأ الف مليون .. !!

 

ادي التعليم ..

 

2- تزوير الانتخابات التشريعيه الرئاسيه وانتخابات مجلس الشعب والمجالس المحليه لصالح الحزب

 

الحاكم وطبعا دا مش عايز دليل لانه الحزب بياخد 99 في الميه من الاصوات ودا مستحيل علميا

 

في بلد فيها 83 مليون انسان .. ولو حد شاكك في كلامي يروح يكتب في اليوتيوب .. تزوير

 

الانتخابات ويتفرج بالصوت والصوره علي تقفيل الصناديق في لجان الانتخابات تحت بصر الامن

 

لصالح مرشحي الحزب الوطني ..

 

 

3- تضخم ديون مصر الخارجيه مما يهدد بكارررررررثه .. اصبح الدين الخارجي لمصر للدول التانيه

 

ولصندوق النقد الدولي .. في تضخم مستمر .. لدرجه ان في بعض الجهات المعنيه في البنك

 

الدولي رفضت في الفتره الاخيره اعطاء اي مساعدات او قروض لمصر عشان معدل النمو بطيء

 

ومعدل الديون بيرتفع في جنون ..

 

دا معناه ان بلد زي مصر .. عندها ايرادات السياحه . وقناه السويس . وقطاع البترول وقطاع الغاز

 

الطبيعي .. كل دا بيتسرق ومش بيروح للبلد .. وكمان بيستلفوا من بره .. عشان يسرقوا اكتر

 

ويزودوا الديون علي حساب الشعب وحساب المواطن المطحون

 

 

4- 90 في الميه من ثروات مصر .. يملكها 5 % بس من الشعب .. تخيلوا المصيبه ؟؟؟

 

وباقي الشعب اصبح يا اما علي شفا الفقر .. يا اما تحت خط الفقر .. واصبحت بعض الاسر المصريه

 

بتطلق اطفالها صباحا في مقالب الزباله .. حتي يتناولوا الافطار من فضلات الناس ؟؟

 

متصورين الشكل عامل ازاي ؟؟

 

دخل بعض الاسر المكونه من 6 افراد في مصر .. اصبح اقل من دولارين .. يعني 10 جنيه في اليوم

 

لاب وام واولادهم الـ 4 ... متخيلين الوضع بردو شكله عامل ازاي ؟؟؟

 

5- زياده معدلات الادمان .. وتهريب المخدرات داخل مصر .. لدرجه ان في تقرير لمنظمه الصحه

 

العالميه بيقول ان في شخص واحد من 2.5 مدخن .. يتعاطي انواع مختلفه من المخدرات

 

ورغم المساعدات الرهيبه الي بتاخدها مصر علي اساس قال انها بتحارب الادمان وزراعه

 

المخدرات .. استفحل الادمان فيها ودمر الشباب ودمر البنات .. وبقت البلد حالها زفت ..

 

 

6- تدهور الحاله الصحيه للشعب المصري بطريقه رهيبه .. لدرجه ان مفيش بيت مفهوش سرطان

 

مفيش بيت خالي من الوباء الكبدي والدرن والسل وفشل مصر فشل زريع في القضاء علي انفلونزا

 

الطيور وانفلونزا الخنازير لدرجه ان الامراض دي استوطنت في مصر وتطورت لاجيال عديده ..

 

فين بقي المليارات الي قالوا بيصرفوها علي الصحه ؟؟؟

 

7- انتشار الرشوه . والفساد . والواسطه . في كل الاماكن الحكوميه في مصر .. لدرجه اصبحت فيها

 

الخدمات المجانيه التي يدفعها المواطن المصري من الضرائب بيدفع قدها تاني مرتين رشاوي

 

عشان حاله يمشي .. تحت سمع وبصر الجهات المسئوله وبدون اي نوع من المحاسبات

 

8- فسـاد رهيب في القطاع الاعلامي .. وانتشار افلام الجنس والجريمه والعنف بشكل عشوائي

 

لا يقدم اي نوع من الفن للجماهير . لدرجه فوجئنا ببعض المطربين بيعملوا حاجات "ئبيحه " وش

 

في الافلام .. بدون ضابط او رابط .. ومخالفا بذلك الشريعه الاسلاميه والتعاليم التي اتي بها المسيح

 

كل دا تحت سمع وبصر الدوله ..

 

 

9 - فساد القطاع العام .. وموافقه رئيس الجمهوريه ووزير الصناعه علي بيع مصانع مملوكه للدوله

 

تمنها الحقيقي 325 مليار جنيه مصري .. تم بيعها بـ 32 مليار فقط .. لاصدقاء الرئيس واصدقاء ابنه

 

امثال الفاسد الكبير احمد عز ووزير السياحه زهير جرانه وابنه والمغربي وابنه وطلعت مصطفي

 

وفضائح بيع اراضي الدوله باسعار تافهه جدا .. واصبح القطاع العام صفر علي الشمال ..

 

كل دا بمباركه الرئيس الفاسد واسرته الفاسده وعدم النظر للناس الي بتموت مالجوع ..

 

واللي بتموت مالمرض ..

 

 

10 - الرئيس مبارك عدل الدستور تمهيدا لتوريث ابنه .. علي اساس انها عزبه ابوه .. واداله الامانه

 

العامه للحزب الوطني .. وخلي اصدقاء ابنه في مراكز قياده فقط للسرقه والنهب وظلم الناس

 

واطلاق يد الشرطه بواسطه الوزير الظالم حبيب العادلي لقتل كل المعارضين وسحل وسجن واهانه

 

واغتصاب المعارضات في ثوره القضاه الاخيره ,. وامتهان كرامه الانسان المصري ..

 

لدرجه اصبحت معه كرامه الانسان المصري بره وجوه لا تساوي شيئا ..

 

 

دا غير الفساد في قطاع السياحه وبيع الغاز المصري لاسرائيل بابخس الاثمان وبيع القضيه

 

الفلسطينيه وتجويع شعب غزه ومعاداه دول مثل ايران بدون سبب لمجرد تنفيذ الاجندات

 

الامريكيه من قبل الموظف الامريكي حسني مبارك ..,. مما افقد مصر دورها القيادي ..

 

والي بيقول الراجل دا حمانا 30 سنه مالحرب .. اقوله انت راضي تعيش ذليل للغرب عشان

 

خايف تحارب ومرعوب .. ودا مش مصري .. ولا يمكن ان يكون ..

 

 

----------------

 

كدا احنا باختصار وضحنا نقطتين كبار جدا ..

 

من هم شباب 25 يناير .. وما هي توجهاتهم .. ولماذا قاموا بالثوره ..

 

ومن هو حسني مبارك وكيف كان طاغيه لا يخشي الله فاسد ولص ومظاهر الفساد في نظامه ..

 

---------------

 

نيجي للنقطه التانيه ..

 

كيف بدأت الثوره .. ؟

 

وكيف استطاع 150 فرد .. ان يحركوا ما لا يقل عن 20 مليون مواطن في جميع انحاء مصر ..

 

 

---------

 

بدأت المظاهره يوم 25 يناير .. يوم عيد الشرطه ..

 

بدأت بتجمع فيه بعض المئات من الحقوقيين انطلقوا في قلب ميدان التحرير ..

 

وقاموا برفع لافتات تطالب بالنقاط الاربعه الي ذكرناهم الاول ..

 

ولم يكن من بينهم اسقاط النظام ابدا ولا حتي تنحيه الحكومه

 

تعاملت الاداره المصريه في البدأ بتجاهل الناس دول من الصبح لحد ما وصلت العصريه كدا فوجئوا

 

ان الناس انضمت بكثره للمظاهره دي واصبح العدد يتجاوز 4 الاف مواطن في الميدان ..

 

---------

 

هتف المتظاهرون " سلميه .. سلميه " ..

 

في اشاره منهم انهم خرجوا فقط لتظاهر سلمي .. ولا يوجد اي نيه للتخريب ولا لاثاره الفتن ..

 

رد البوليس المصري باطلاق خراطيم المياه .. واطلاق القنابل المسيله والقنابل الخانقه

 

لدرجه قيام ظباط امن الدوله بتعليمات رئاسيه ووزاريه من مبارك ووزير داخليته ..

 

برش المصلين في الميدان بالخراطيم واطلاق عربات لتدهس الناس في الميدان ودا كله موثق

 

بصور حيه وفيديوهات .. موجوده علي موقع الجزيره وعلي موقع اليوتيوب بدون اي تزوير او تزييف

 

-

 

ثبت اولئك الشباب .. وسقط الشهداء واحد تلو الاخر .. وكان الي بيوقع منهم .. العشرات بيجووا وراه

 

تلاحقت الاحداث بسرعه في الايام القليله التاليه لهذا اليوم ..

 

واستعمل الحزب الوطني البلطجيه لقتل المتظاهرين .. ولسحلهم .. وللتمثيل بهم .. عشان يخوفوا

 

المتظاهرين .. استعملوا الرصاص الحي .. استعملوا سلاح الاعتقالات .. وكل يوم الثوره تكبر ..

 

وتتضخم .. ومبارك ركب دماغه او " غبائه " السياسي المعروف ..

 

وانطلقت ابواق الاعلام الكداب تتكلم علي البطل بتاع اكتوبر .. وحرام كدا .. وتلفق اخبار .. وتقول

 

علي الي في التحرير خونه وموساد وايران واخوان .. وكان الي بيعارض " الاله " مبارك يبقي مش

 

مصري ..

 

لدرجه انكم صدقتوهم بدون وعي .. ولحد دلوقتي مصدقينهم .. ودا للاسف ..

 

المهم

 

حارب النظام بكل قواه الاستعماريه .. والوحشيه .. والبربريه .. والغبيه .. والقمعيه ..

 

وسقط الشهداء في السويس الباسله التي اشعلت الشراره .. وفي اسكندريه الرائعه التي ادبت

 

كلاب الامن المركزي وفي سيناء وفي الصعيد وفي كل مكان في مصر ..

 

- واستعمل هذا الرئيس الحقير .. خدعه حقيره احقر منه .. واطلق المساجين من السجون

 

وامرتهم اداره السجن بانهم يسرقوا .. ويقتلوا .. وقالولهم بالعربي " البلد بتاعكتم " ودا مثبوت

 

بالادله الفيديو لسجن الفيوم واعترافات السجناء نفسهم واعترافات البلطجيه ..

 

في بعد كدا قذاره .. ؟

 

في بعد كدا استخفاف بحياه المصريين ..؟

 

في بعد كدا احترام للبني ادم ؟؟

 

الناس الي بتنادي دلوقتي وتقول ارحموه ؟

 

لماذا لم يرحم 80 مليون ؟

 

حد يجاوبني منكم ولا فالحين بس تقول حرام وبتاع وشغل العيال اللي مش فاهمه حاجه ده ؟؟

 

حد منكم يرد ؟؟

 

اعداد الشهداء حسب المنظمات تتراوح بين 210 و 350 شهيد ولسه العدد متأكدش عشان لم

 

يتم الحصر التام .. بس جاري حصره ..

 

 

وانتصرت الثوره في الاخر .. واترمي مبارك بره القصر الرئاسي لان في التحرير كان في

 

وحوش .. في هانوفيل اسكندريه .. في مسجد القائد ابراهيم .. في حي 40 السويس .. في الممر

 

الاسماعيلاوي في معديه بورسعيد .. في رفح المصرريه وسينا .. في اسيوط وقنا وسوهاج الصعيد

 

كان في رجاله وقفوا وقالوا لا ..

 

قالوا اننا مصريين .

 

قالوا اننا كرماء .. اولاد كرماء ..

 

قالوا هناخد تار اللي ماتوا ومش راجعين ..

 

انتصر الشعب ..

 

 

 

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




  • محتوى مشابه

    • بواسطه VIRUS
      نشر الموقع الرسمى لوزارة الدفاع، فعاليات المناورة " قادر 2020"، والتى تنفذ على مختلف الاتجاهات الاسترايتيجية، وتتضمن مشاركة كافة أسلحة الجيش الجديدة من طائرات مقاتلة و حاملات المروحيات، ومنظومات الدفاع الجوى، وغيرها من أسلحة الجيش المختلفة
      معذرةً على الموسيقى في الفيديو
      وتشهد الأيام القليلة المقبلة قيام القوات المسلحة بتنفيذ المرحلة النهائية من المناورة (قادر 2020) ، حيث شاركت تشكيلات ووحدات القوات المسلحة من القوات البرية والبحرية والجوية وقوات الدفاع الجوى بالإضافة إلى عناصر القوات الخاصة من الصاعقة والمظلات فى تنفيذ عدد من الأنشطة التدريبية تتضمن عمليات الفتح الإستراتيجى للقوات على كافة الإتجاهات الإستراتيجية للدولة وعلى ساحلى البحرين الأحمر والمتوسط . ومن المقرر تنفيذ عدد من الرمايات بالذخيرة الحية لمختلف الأسلحة من القوات البحرية والقوات الجوية وقوات الدفاع الجوى والقوات البرية، بما يثبت قدرة القوات المسلحة على تأمين المصالح القومية للدولة والتعامل مع كافة العدائيات على كافة الإتجاهات، وتعد المناورة (قادر 2020) تأكيداًعلى قوة وجاهزية القوات المسلحة لحماية مقدرات وثروات الوطن ، حيث شهدت القدرات القتالية للقوات المسلحة تطوراً ملحوظاً خلال السنوات الخمس الماضية.
    • بواسطه عاشق الصداقه
      نتيجة الشهادة الابتدائية الترم الثانى 2016

      نقدم لكم طلابنا الأحبة نتائج الصف السادس الابتدائى الترم الثانى فى جميع محافظات مصر ونعرض نتيجة الشهاده الابتدائيه فى محافظة الاسكندريه ومحافظة القاهره ومحافظة الجيزه ومحافظة القليوبيه ومحافظة البحيره ومحافظة المنيا ومحافظة كفر الشيخ ومحافظة الدقهليه ومحافظة الشرقيه ومحافظة المنوفيه ومحافظة اسيوط ومحافظة بنى سويف ومحافظة اسوان ومحافظة الوادى الجديد ومحافظة الاسماعيليه ومحافظة دمياط ومحافظة البحر الاحمر ومحافظة الفيوم ومحافظة الغربيه ومحافظة السويس ومحافظة شمال سيناء ومحافظة قنا .
       
       
      يوجد عدة طرق للتعرف على نتيجة الشهادة الإبتدائية 2016
       
      أولاً: الإستعلام عن النتيجة برقم الجلوس: http://r.natega-eg.info
       
      ثالثاً: روابط مباشره للتعرف على نتيجة الشهاده الابتدائيه 2016 الترم الثانى - من موقع التربية والتعليم لكل محافظة
      =========================================
       
      نتيجة الصف السادس الابتدائى محافظة القاهرة إضغط هنا
      نتيجة الصف السادس الابتدائى محافظة الإسكندرية إضغط هنا أو هنا
      نتيجة الصف السادس الابتدائى محافظة دمياط إضغط هنا
      نتيجة الصف السادس الابتدائى محافظة الفيوم.. إضغط هنا
      نتيجة الصف السادس الابتدائى محافظة الجيزة إضغط هنا
      نتيجة الصف السادس الابتدائى محافظة المنيا إضغط هنا
      نتيجة الصف السادس الابتدائى محافظة بنى سويف إضغط هنا
      نتيجة الصف السادس الابتدائى محافظة الدقهلية إضغط هنا
      نتيجة الصف السادس الابتدائى محافظة أسيوط إضغط هنا
      نتيجة الصف السادس الابتدائى الصف السادس محافظة مطروح إضغط هنا
      نتيجة الصف السادس الابتدائى الصف السادس بمحافظة البحيرة إضغط هنا
      نتيجة الصف السادس الابتدائى الصف السادس محافظة أسوان إضغط هنا
      نتيجة الصف السادس الابتدائى محافظة الإسماعيلية إضغط هنا
      نتيجة الصف السادس الابتدائى محافظة الغربية إضغط هنا
      نتيجة الصف السادس الابتدائى بمحافظة السويس إضغط هنا
      نتيجة الابتدائية بمحافظة الأقصر إضغط هنا
      نتيجة الابتدائية بمحافظة بورسعيد إضغط هنا
      نتيجة الابتدائية بمحافظة جنوب سيناء إضغط هنا
      نتيجة الابتدائية بمحافظة سوهاج إضغط هنا
      نتيجة الابتدائية بمحافظة الشرقية إضغط هنا
      نتيجة الابتدائية بمحافظة البحر الأحمر إضغط هنا
      نتيجة الشهادة الابتدائية بمحافظة قنا إضغط هنا
      نتيجة الابتدائية بمحافظة القليوبية إضغط هنا
      نتيجة الشهادة الابتدائية محافظة الوادى الجديد إضغط هنا
      نتيجة الشهادة الابتدائية بمحافظة شمال سيناء إضغط هنا
      نتيجة الشهادة الابتدائية محافظة مطروح إضغط هنا
      نتيجة الشهادة الابتدائية محافظة المنوفية إضغط هنا
      نتيجة الشهادة الابتدائية محافظة المنيا إضغط هنا
      نتيجة الشهادة الابتدائية محافظة كفر الشيخ إضغط هنا
       
      مع خالص تمنياتنا لطلابنا الأحبة بالنجاح والتوفيق
       
    • بواسطه VIRUS
      ماكيت العاصمة الإدارية الجديدة لمصر‬، والتي أعلن عنها خلال المؤتمر الإقتصادي المصري (مارس 2015) كأكبر مشروع سيتم طرحه، تبلغ مساحتها 3 أضعاف العاصمة الأمريكية واشنطن، و12 ضعف منهاتن، وتعادل مساحة سنغافورة؛ وتقع على بعد 45 كيلو من وسط القاهرة و 80 كيلو من السويس.
      وقام الرئيس عبد الفتاح السيسي بتوقيع مذكرة التفاهم مع دولة الإمارات للبدء في تشييد العاصمة الجديدة باستثمارات 45 مليار دولار أي بما يعادل 340 مليار جنيه مصري، وأعلن وزير الإسكان خلال المؤتمر الإقتصادي أن العاصمة الجديدة تتسع لـ 5 مليون نسمة، وتوفر 1.5 مليون فرصة عمل دائمة.
       

       

       

       

       

    • بواسطه VIRUS
      قطار فائق السرعة بمصر من الإسكندرية لأسوان ستموله الصين بالكامل
       
       

       
       
      أكد المهندس هاني ضاحي وزير النقل إن الزيارة المرتقبة للرئيس المصري عبد الفتاح السيسي للصين فتحت أبواب المفاوضات الجادة مع الشركات الصينية لإنشاء القطار فائق السرعة الإسكندرية - أسوان.
      وقال أيمن الشريعي، مدير العلاقات الخارجية والإعلام بمكتب وزير النقل، إن المهندس هاني ضاحي والوفد المرافق له يجري خلال زيارته الحالية للصين مفاوضات جادة مع كبرى الشركات الصينية الحكومية لبحث إنشاء القطار فائق السرعة الإسكندرية- أسوان.
      وأضاف مدير العلاقات الخارجية والإعلام بمكتب وزير النقل أن المرحلة الأولى للقطار ستمتد من القاهرة للإسكندرية بطول 220 كيلومترا، تعقبها المرحلة الثانية حتى أسيوط، ثم المرحلة الثالثة حتى أسوان
      فيما قال المهندس محمود جمال، مستشار وزير النقل للاستثمار، إن الجانب الصيني أبدى رغبة كبيرة في التعاون مع الحكومة المصرية تقديرا منهم لزيارة السيسي الصين، ولدور مصر الريادي في تدعيم مناخ الاستثمار بما يشجع جذب الاستثمارات الوطنية والأجنبية في المشروعات القومية الكبرى وفقا للمصري اليوم.
      وأشار مستشار وزير النقل للاستثمار أن المفاوضات تدور على أن يتم تنفيذ المشروع دون أن تتحمل ميزانية الدولة أي أعباء بالإضافة إلى تعظيم دور الشركات المصرية في تنفيذ المشروع بمصر وكذلك تعظيم دور الإنتاج المحلي المصري.
      وقال المهندس محمود جمال مستشار وزير النقل للاستثمار أنه من المنتظر أن تنتهي المفاوضات بشكل إيجابي خلال الساعات القليلة المقبلة
       
       
      وقال علاء حيدر، رئيس تحرير وكالة أنباء الشرق الأوسط، إن زيارة الرئيس السيسي للصين تاريخية وستنعكس بالايجاب على الاستثمار في مصر.. مشيرا إلى أن الاتفاق على تنفيذ القطار فائق السرعة ستموله الصين بشكل كامل.
      وأكد حيدر، أثناء تواجده بالصين، خلال مداخلة تليفونية للحياة اليوم، مع الإعلامي عمرو عبدالحميد، أنه من أهم نتائج زيارة السيسي للصين الاتفاق على تنفيذ قطار السرعة بين الإسكندرية وأسوان، والقطار المكهرب السريع "بلبيس- القاهرة".
      وقال إن هناك مشاركة عربية صينية لتحويل قش الأرز ومخلفات الزراعة المصرية إلى صناعة الورق حيث سيقام مصنع كبير في هذا الشأن، مما سيساهم في القضاء على ظاهرة السحابة السوداء التي تهدد البيئة المصرية.
    • بواسطه عاشق الصداقه
      أعلنت وزارة التربية والتعليم عن حاجاتها لشغل عدد 30 ألف وظيفة معلم مساعد وأخصائى مساعد بكافة مديريات التربية والتعليم بالمحافظات على أن يكون التقدم بطلب شغل الوظيفة وفقًا للنموذج المرفق مدعمًا بالمستندات الدالة على صحة البيانات الواردة بالإستمارة، على أن يبدأ قبول استمارات التقدم لشغل الوظيفة بإدارة شئون العاملين بالمديرية التعليمية التى يقيم بها المتقدم أو الكترونيًا من خلال موقع المديرية إعتبارًا من يوم الثلاثاء الموافق 2014/9/9 ولمدة أسبوعين تنتهى يوم الأربعاء الموافق 2014/9/24.     يتم التقديم بشكل أساسي على موقع الوزارة على الرابط :   http://portal.moe.gov.eg/Pages/job.aspx  
      وننشر عناوين المواقع الإلكترونية بجميع المجافظات؛ للتقديم بمسابقة 30 ألف معلم مساعد، وهي على النحو التالي:-

      القاهرة http://cairomoe.us/site/index.php

      الجيزة http://gizaedu.gov.eg/

      الإسكندرية /http://www.alex-edu.com

      القليوبية /http://qalubiaedu.org

      المنوفية /http://www.mnfedu.org

      الغربية /http://portal.algharbiaedu.gov.eg

      كفر الشيخ /http://kfsedu.gov.eg

      البحيرة /http://www.doe.gov.eg

      مطروح /http://mersa.matrouh.gov.eg

      الدقهلية /http://edudk.net

      بورسعيد /http://eduports.org

      الإسماعيلية http://www.ismailia.gov.eg/education/default.aspx

      الشرقية http://www.sharkia.gov.eg/natiga/default.aspx

      سيناء شمال http://www.northsinai.gov.eg/home.aspx

      جنوب سيناء http://www.southsinai.gov.eg/modryat/edu/default.aspx

      أسوان http://www.aswanedu.com/

      قنا http://www.qena.gov.eg

      سوهاج http://www.sohag.gov.eg

      أسيوط http://www.egypt-edu.com/assiut/

      المنيا http://www.minia.gov.eg

      بنى سويف http://www.bns-edu.com/

      الفيوم http://www.fayoum.gov.eg

      البحر الأحمر http://www.redsea.gov.eg     بالتوفيق للجميع
  • موضوعات

×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..