عندما تفقد توازنك......اسأل نفسك انت عايش ليه؟؟؟

[:: نبـ القلم ــض :: 8]

السلام عليكم ورحمة الله وبركاته.

 

ياترى سألت نفسك مرة ..أنا عايش ليه؟ لومكنتش ...لو سمحت إسال .....مين .....طبعا ً.....نفسك .

 

كل واحد بيعيش حياته بطريقته الخاصة الى اختارها لنفسه ,دا لو كان عنده هدف واضح ,وللأسف مغظم الناس بيعيش من غير هدف,وزى ماتيجى وخلاص ,لكن لو تخيلنا إن كل واحد له هدف ..

هنلاقى :

واحد بيعيش عشان يكون أجمل إنسان فى المظهر والشياكة واللبس ,وتلاقى معظم كلامه عن الموضة والموبيل والعربية ,ويمشى فى الشارع ينظر للبس الناس ويقيس شخصيتم بناء على كده .

واحد تانى عايش عشان يكون أغنى إنسان من حيث المال ,ومعظم كلامه عن المكسب والفلوس ,ودا ممكن يدفعه لطريقة حرام فى المكسب.

واحد تالت عايش عشان يكون أنجح إنسان ,وكل همه الشغل ولو كان طالب يبقى المحاضرة أوالدرس ,واستحالة يضحى بيهم باعتبار إنه بيفهمهم ,ومالوش دعوة باللى حواليه.

واحد رابع عايش الصحوبية والدزدشة والخروجات,ويسلى قوته وخلاص مع أصحابه سواء كانوا بنات أوولاد,ومش همه هوجرح قلب مين.

واحد خامس عايش عشان ربنا ودعوتهوبيقدم ليها على قد مايقدروبيعيش أجمل حياة مع إخوانه.

تعليق :

 

. 1_أول واحد :الجمال شىء محبب للنفوس ,لكن لازم تعرف إن الجمال مش بس فى المظهر ,الجمال معنى شامل لحجات كتير زى جمال الروح والعقل والمعاملات ,وكتير مانلاقى ناس جميلة فى شكلها لكن أسلوبها فى الكلام مش ظريف ,هتلاقيك مش عاوز تكلمهم .وكمان لازم المسلم يكون مظهره جميل بسمت إسلامى ,مش بيقلد وخلاص .

 

2_تانى واحد:الغنى مش فى المال بس ,يعنى ممكن الشخص يكون معاه فلوس كتير لكنه طماع ,ودايما مش مرتاح ,لكن الغنى هوغنى النفس كما قال الرسول (صلى الله عليه وسلم ),ولوتخيلنا إنسان مرتاح ماديا ,ياترى يقدر يستغنى عن الصحة ,الحب أوالناس.

 

3_تالت واحد :جميل إنك تكون ناجح ,لكن ياريت تعرف إنك عايش فى حياة ,إسال عن أحبابك وأصحابك ,واهتم بمشاكل المسلمين .

 

4_رابع واحد:أنت بتجرح قلب البنت اللى بتصاحبها لما تسيبها ,وحتى لو تزوجتها مش هتحس بسعادة ,لإن ربنا مابيباركش فى اللى بيتبنى على معصية, حافظ على قلبك ولوحبيت ,..حاول ترتبط بيها فى الحلال.

 

5_خامس واحد :احمد ربنا إنه وفقك للطريق الصحيح ,لكن ياريت تفهم الإسلام صح بإنه شامل لكل مظاهر الحياة ,وتحاول تكون أجمل ,اغنى وأنجح إنسان ,وبتملك قلب حنون بيفيض بالحب على كل الناس,وخلى بالك لازم تكون صادق عشان ربنا يثبتك.

 

 

م الآخر :

ياريت كلنا نعيش لربنا ولخدمة الإسلام ,لأن الدنيا مش باقية وبتنتهى فى لحظة ,وعشان كده.....

 

عش حياتك لله .............تكن سعيداً

[نورين عبد السلام 1]

جزاكى الله خيرا كثيرااااااااااااااا

[عاشق الصداقه 525]

جميل جدا جدا يا عاشقة القران

[asmaa 0]

السلام عليكم ورحمه الله وبركاته

حقيقي انا بحب احييك علي المواضيع الجميله دي

ةبجد انا وكلنا اكيد بنستفيد منها كتييييييييييييييييييير

في حاجات كتيره بكون حساها لكن اوقات بكون مش قادره اعبر عنها

وممكن لما اقرأها احس انها بتلمسني وجوايا

وده بلاقيه كتير في موضوعاتك

انا بتمني ليك التوفيق دايما ولكل الاعضاء ربنا يوفقكم كلكم

اتمني نكون اصدقاء للابد

سلاااااااااااااااااااااام

تم تعديل March 24, 2007 بواسطه ::*:: عاشق الصداقه ::*::

[EL3aref 5]

احب اقولك ان الموضوع جميل جدا ربنا يوفقك للمزيد

 

جزاك الله خيرا

[رجل من الصحراء 36]

عش حياتك لله .............تكن سعيداً