[ مميز] *رحلة الكنز

[صناع الحياه 14]

ايوه انا معايا كنز

وكنز كبير سابهولي جدي الله يرحمه

عايزين تعرفو ايه هوه صح

خلاص تعالولي الصبح بدري

هستناكوا عشان اخدكوا ونروح نشوف الكنز مع بعض

 

 

اهلا بيكو اهلا نورتو البيت والله

ثواني اخد" الفولتينينتال بريكفاست" بتاعي وانزل معاكم

هو زي الكونتينينتال بريكفاست بس بدل المربي طبق فول حجم عائلي وبدل

الزبده فحل بصل من اللي قلبك يحبه

مش هطول عليكو ثواني وانزلكم

 

اوكي انا جاهز ياللا بينا

 

انتو عارفيني طبعا اني واد روش وبسيط في حياتي مبحبش اتفلسف ولا اكون

غامض

انا مش من النوع اللي بيروح المطعم يقول للجارسون اديني" شاطر ومشطور

وبينهما طازج" ليه التعقيد ده مالها كلمة ساندوتش

ولما بروح للفكهاني اديله احلي اصطباحه واقوله اديني كيلو برتقان مش زي

واحد صاحبنا بلاش ذكر اسماء " اسمه عمر" لابسلي نضاره قعر كوبايه

وبالطو ابيض يروح للفكاني يقوله " اعطني 3 كيلو جرام * متر /ثانيه

تربيع برتقال "

حاجه تشل عيال عايزه قصف رقابيها

المهم مش هطول عليكم اصل انا واد رطاط شويه بس والله دمي خفيف صح

عارف عارف انا واد دمي خفيف " اضحك احسن اطلعلك من الشاشه اضحكك

بالعافيه"

 

المهم ياللا الخريطه معانا

بينا علي الكنز

 

ايوه خلاص قربنا هناك اهه كام خطوه

 

الحمد لله وصلنا

ثواني احفر

ياسلام اهو الكنز جو الصندوق ده

ايوه الكنز هو الورقه دي

 

عارفين ايه مكتوب في الورقه دي

 

" لا تجعل سعادتك قاصره علي مصدر واحد بل اجعل او اكتشف اوابحث لك عن

مصادر مختلفه من السعاده حتي اذا فقدت احدي المصادر تبقي لك مصادر اخري

تسبح بها في اثير الحياه الساكن فانك ان امتلكت مصدرا واحد ربما يضيع

منك او تفقده وهنا سوف تندم اشد الندم وتسقط في بئر الاحزان "

 

ايوه يا جماعه

انا هكون سعيد ولو كانت الدنيا كلها حولي مثلث جبنه وكباية شاي في

العصر وكتاب اقراه قبل النوم

الحمد لله ان معظم مصادر السعاده بسيطه يعني لو معاك خليه عصبيه وعضله

واحده ونص لسان برده هتعيش سعيد

تم تعديل June 16, 2008 بواسطه عاشق الصداقه
تم إعادة الموضوع بعد حذفه

[:: نبـ القلم ــض :: 8]

جزاك الله عنا كل خير...............نصائح غالية جدا جدا

[نورين عبد السلام 1]

السلام عليكم

دمك عسل مكرر من النوع الابيض مش الاسود

وجزاك ربنا خير على المعلومات

 

 

بس عايزة اقول لك حاجة من غير زعل وعقد وكلاكيع

 

 

الاخبار دى قديييييييييييييييييمة

[عاشق الصداقه 525]

والله دمك شربات يا مضروب " مضروب n " وبجد نفسى اتعلم منك ..

لا تجعل سعادتك قاصره علي مصدر واحد بل اجعل او اكتشف اوابحث لك عن مصادر مختلفه من السعاده حتي اذا فقدت احدي المصادر تبقي لك مصادر اخري تسبح بها في اثير الحياه الساكن فانك ان امتلكت مصدرا واحد ربما يضيع منك او تفقده وهنا سوف تندم اشد الندم وتسقط في بئر الاحزان

كلمات رائعه ... أرجو ممن الجميع تفهمها جيداً .. فهى فعلاً .. كنز

[صناع الحياه 14]

شكرا ليكي اخت نورين

عايز اقولك ان كل شئ في الكون قديم بس الحكايه احنا بنصيغه بطريقه جديده ليس الا

المياه مثلا قديمه جدا

خليناها عصاير وكولا وحجات تاني

الحمد لله ان الفكره عجبتك لدرجة انك نقدتيها لان الشئ الجيد هو اللي بيتنقد

والف شكر ليك يا عاشق الصداقه

يارافع معدنياتي دايما

روح ربنا مي وريك زنقه في موضوع

[Ensan Moslem 0]

والله دمك عسل يامان ونصيحة فى الصميم وكلام صح الإنسان المتعقل زى مابيقول قرآنا هو اللى بيجد النقد البناء " والبناء مش الهدام اللى أكيد عارفينو " أفضل من كلمة مدح أوشكر ..

تحياتى لك وللجميع

إنسان مسلم

[صناع الحياه 14]

شكر ليك علي متابعتك معانا

ويارب مواضيعي دايما تعجبك

[عابدين 3]

ايه احلاوه دي ياخال نصايح غاليه

بس انا شايف ان السعاده تكون اكتر في هديه تقدمها لصديق او خدمه لحبيب

باختصار انك تشوف اللي حوليك فرحانين لان الحبايب هما الاحتياطي الذي لاينضب من السعاده

[عاشق الصداقه 525]

تم تمييز الموضوع ...

لأنه يستحق ذلك

تحياتنا لكم...

وننتظر منكم المزيد من المواضيع المميزه

 

[Shetos 2]

كن راضياً تعش سعيداً..

 

شكراً عرابى..

[رجل من الصحراء 36]

" لا تجعل سعادتك قاصره علي مصدر واحد بل اجعل او اكتشف اوابحث لك عن

مصادر مختلفه من السعاده حتي اذا فقدت احدي المصادر تبقي لك مصادر اخري

تسبح بها في اثير الحياه الساكن فانك ان امتلكت مصدرا واحد ربما يضيع

منك او تفقده وهنا سوف تندم اشد الندم وتسقط في بئر الاحزان "

[NADA 34]

لو مش كان تاريخ الموضوع ده قبل ما أدخل المنتدى

 

كنت قلت إنك غشيته منىىىىىىي**

 

راااااائع بكل المقاييس ,,

 

بجد يعني مش عارفة ممكن أقول أيه

 

بس رااااااائع ...... وحط مالا نهاية

[AMR DAWAM 7]

هو فعلا كنز مدفون جوا كل واحد فينا

 

لازم نحاول ونحفر علشان نكتشفه

************************

[الرّام 173]

" لا تجعل سعادتك قاصره علي مصدر واحد بل اجعل او اكتشف اوابحث لك عن

مصادر مختلفه من السعاده حتي اذا فقدت احدي المصادر تبقي لك مصادر اخري

تسبح بها في اثير الحياه الساكن فانك ان امتلكت مصدرا واحد ربما يضيع

منك او تفقده وهنا سوف تندم اشد الندم وتسقط في بئر الاحزان "

 

هانا نّحاولوا ... و ربي يجيبنا في الصواب .. ان شاء الله

 

 

 

 

****

 

بالرسمي كلام ياسر معقول .. و عندك الحق فيه

 

 

 

ربي يخليك ان شاء الله

 

و ربي يباركلك في حياتك و يبارك فيك

 

و يهديك و يجزيك بالخير ..ان شاء الله

 

 

[orgowan 0]

الموضوع اكثر من رائع يا سيدى

 

 

ولكننى اعشق الغموض

 

 

 

 

 

 

orgowanارجوان