ما معني (امسك الخشب) ؟

[تويتي 10]

كنت فى حوار مع زميلة انجليزية

وبعدين باقول لها : الشغل هادى النهارده

قالت لى : تاتش وود ( امسك الخشب )

وطبعا العبارة دى هم بيرددوها كتير زينا

بس هى سألتنى: انتم عندكم اكيد بتقولوا حاجه بدلها

قلت لها: لأ..بنقولها هى هى

قالت لى : بتقولوا امسك الخشب برضه ؟

قلت لها: آه...

قالت: المسلمين بيقولوا (امسك الخشب)؟؟؟؟ معقوله؟؟؟؟

 

استغربت انها مستغربة أوى كده...

قالت لى: أصل الخشب ده المقصود بيه الصليب..خشب الصليب...

 

كانت اول مرة اعرف المعلومة دى فحبيت انقلها لكم لو ماكنتوش عارفينها..وبرجاء نشرها..علشان اللى مش عارف يعرف..

 

بدل ما احنا طول النهار عمالين نغنى:

امسكوا الخشب يا حبايب..امسكوا الخشب....

لاحسن نتحسد يا حبايب...امسكوا الخشب...

ويا ريت نعرف أصل كل حاجه بنقولها....بدل ما احنا كده بنردد تراث الغير

 

ملحوظة :

 

فضلاً عن ذلك أن كلمة امسكوا الخشب إذا كان المقصود بها دفع الضر أو دفع الحسد فهذا مخالف لعقيدة المسلمين الصحيحة

 

لأنه لا يحمي الإنسان إلا الله ولا يمنع الضر إلا الله ولا ينفع إلا الله

 

فإي شيئ مادي أو غيبي ( سوى الله ) يتم الاستغاثة به كخشب أو حجاب أو تعليق كف أو حدوة حصان أو الاحتماء بقبر أحد الصالحين ، كل هذا يعتبر من الشركيات

 

فالأولى الاستغاثة والاستعاذة بالله

 

وصدق الله حيث قال ' فالله خيرٌ حافظاً وهو أرحم الراحمين ' .

 

أرجوكم لا تمسكو الخشب

منقول

[عاشق الصداقه 525]

بارك الله فيكى أختى تويتى

 

معلومه أول مره أعرفها ، وجزاكى الله كل الخير لإفادتنا بها

 

وان شاء الله محدش يقول الكلمه دى تانى

[elmansy designe 1]

شكرا جدا للتوضيح وبارك الله فيك

[bebo3bebo 3]

تسلم ايدك يا جميل

اول مره بجد اعرف كده

[تويتي 10]

كرينكل والمنسي وبيبو عبيبو شكرا جدا لمروركم الجميل

وانا كمان اول مره كنت اعرف المعلومه دي عشان كده حبيت اضيفها عشان كلنا نعرفها

لان بجد احنا بنقولها كتيييييييييييييييييييييييييييييير

[بنت مصرية 66]

انا عمري ماقولت المقولة دي لاني ماكتش اعرف معناها وكنت بحس ان ملهاش لازمة

الواحد يقول ماشاء الله الله اكبر احسن بكتيييييييييير

لكن اول مرة اعرف المعلومة دي ربنا يثيبك خير عليها ياتويتي شكرا

نشاطك حلو اوي في المنتدي يارب علي طول

(الله خير حافظ وهو ارحم الراحمين )

تقبلي مروري

[تويتي 10]

شكرا لمرورك الرائع اختي بنت مصريه

منوراني

[مصطفى بهجت 2]

معلومة قيمة ومهمة جدا .. أختي تويتي

ياااااااااااه ده أنا لسه قايل الكلمة دي النهاردة والله ..

ربنا يسامحني بقى ..

بإذن الله كده خلااااص مش حقولها تاني ..

بلا خشب بلا حديد ..

الواحد أحسن حاجة يقول ::

بسم الله ما شاء الله .. الله أكبر

علشان يحسس اللي قداموا إنه مش بيحسده ..

أحسن من كلمة .. نمسك الخشب

جزاك الله خيرا .

لا تحرمينا من كتاباتك الهامة ..

نورتي المنتدى ..

تحياتي ..

[zoro_hf 8]

تسلم ايديكى والله ملعومات قيمة جدا جلعه الله فى ميزان حسناتك

[ABOTASNEEM 117]

شكرا عالمعلومة القيمة

[«۞۩ أبو سليمان ۩۞» 179]

معلومة جديدة و قيمة

 

شكرا تويتي

[تقوى القلوب 12]

جزاكى الله كل خير اختى العزيزه

 

ربنا يبارك فيكى ويكرمك

[ديدو 3]

للاسف بجد انى مقرأتش الموضوع دة الا دلوقتى , موضوع مفيد جدا تويتى وشكرا على ايضاح هذة المعلومة

جزاكى الله بها خير , شكرا تويتى

[ali desoky 391]

والله معلومه جديده

 

ناس كتير بتقول الكلمه دي

 

وكلام كتير تاني من غير ما تكون فاهمه ايه معناه الحقيقي

[mona ahmed 19]

جزاكى الله خيرا على المعلومة دى

[تويتي 10]

بجد نورتو التوبيك يا جماعه اخجلتم تواضعنا والله

جعلنا الله فخرا للمنتدي هههههههههههههههه

[بنت مصرية 66]

موضوع قيم ويستحق التنشيط

[شهد 2010 4]

معلومه جميله جدا اختى تويتى

اول مره اسمعها

جزاكى الله كل خير

[دعوه للجنه 457]

جزاكِ الله خيرا على المعلومة القيمة...

قال رسول الله – صلى الله عليه وسلم -: ' من دعا إلى هدى كان له من الأجر مثل أجورمن تبعه لاينقص ذلك من أجورهم شيئاً

 

 

 

بارك الله فيكِ

تم تعديل April 9, 2010 بواسطه دفءُ الأٌنْــــــــسِ