اذهب الي المحتوي
منتديات ياللا يا شباب
تويتي

ده كلام يا احمد ؟؟؟؟؟؟؟؟

Recommended Posts

ده كلام يا احمد ؟؟؟؟؟؟؟؟

إستووا.. إعتدلوا.. إستقيموا يرحمكم الله

 

الله أكبر

الله أكبر

 

أحمد ركز بأه في الصلاة وبلاش تسرح طيب خلاص، إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه

 

الله أكبر

أحمد ركز ياأحمد، طيب ماأنا مركز أهوه، مركز إيه طيب إنت قريت سورة إيه؟ أنا قريت سورة اللهب شفت بأه أنا مركز إزاي؟ لألأ دي كانت سورة الفيل

 

سمع الله لمن حمده

ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح، بيقولوا عليه أكله حلو، بس هو في شارع إيه؟ لما أخلّص الصلاة أتصل بالتليفون أعرف العنوان

 

الله أكبر

هيا الساعة كام دلوقتي؟ زمانها أربعة وخمسة، على فكرة هيا الساعة التانية الجلد كنت حطيتها فين؟ آه.. ياإما في الدرج ياإما في الدولاب، دولاب ايه بس ياأحمد ركز ياأحمد إنت بتصلي،أستغفر الله

 

الله اكبر

أهوه أنا مركز أهوه، إنظر لمكان السجود وركز في الأيات اللي بيقولها الإمام

 

الله أكبر

الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية وفي مصر الأحد غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ أحمد.. شفت أهوه إنت رجعت تسرح تاني

 

الله أكبر

هو إحنا في الركعة الكام؟ يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد

 

الله أكبر

أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم

 

الله أكبر

السجادة دي مريحة ولونها حلو، هيا سجادة ولا موكيت، لاموكيت بنسيج السجاد، آه على فكرة إبقى إفتكر تكنس السجادة اللي في البيت بالمكنسة، بس لازم أنضف كيس المكنسة عشان بقالي فتره مانضفتوش

 

الله أكبر

الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا تاني، أستغفر الله

 

الله أكبر

فيه صوت موبايل، الناس دي ليه مش بتقفل الموبايل ساعة الصلاة.. مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟

بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل

.

.

.

.

الله أكبر

الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك

السلام عليكم ورحمة الله

السلام عليكم ورحمة الله

إيه هيا الصلاة خلصت ؟

 

السلام عليكم ورحمة الله

السلام عليكم ورحمة الله

أستغفر الله العظيم

!!!!!

.

.

.

منقوووول

شارك هذه المشاركه


رابط المشاركه
شار ك علي موقع اخر

شكرا على الموضوع يا تويتى

 

اللهم انا نسألك الخشوع فى الصلاة .... آمين يا رب العالمين

شارك هذه المشاركه


رابط المشاركه
شار ك علي موقع اخر

الموضوع حلوة ياتويتي

شارك هذه المشاركه


رابط المشاركه
شار ك علي موقع اخر

العفو يا منسي علي ايه بس

ميرسي لمرورك انت وزمرده

 

 

امانه لكل الل يقرا يدعيلي بالهدايه اميــــــــــــــــــــــــــــــــــــــــن

تم تعديل بواسطه تويتي

شارك هذه المشاركه


رابط المشاركه
شار ك علي موقع اخر

ربنا يهدي احمد ويركز ويهدينا معاه .. كالعاده روعه يا تويتي

شارك هذه المشاركه


رابط المشاركه
شار ك علي موقع اخر

اخجلتم تواضعنا

ربنا يهدينا جميعا وميرسي لمرورك الغالي يا باشمهندس

شارك هذه المشاركه


رابط المشاركه
شار ك علي موقع اخر

على فكره الموضوع عجبنى جدا جدا جدا جدا جدا جدا جدا جدا الى أبعد حد

طريقى عرض الموضوع وهدفه فوق الممتازين

 

الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك

لا احمد معاه حق ،

 

اللهم ارزقنا الخشوع يا رب العالمين

 

بارك الله فيكى وأعزك أختنا تويتى على الموضوع المتميز جداً جداً

 

الموضوع مثبت لفتره

 

تحيتى

شارك هذه المشاركه


رابط المشاركه
شار ك علي موقع اخر

ميرسي لمرورك الرائع يا كرينكل وتثبيت الموضوع

ربنا يكرمنا جميعا يا رب

شارك هذه المشاركه


رابط المشاركه
شار ك علي موقع اخر

موضووع جميل جدا ياتويتي وعجبني اوي اوي

وزي ماقال عاشق الصداقة طريقة العرض جميلة جدا

وعلي فكرة دي مشكلة بتواجه ناس كتير

وده من وجهة نظري بيحصل لان الناس بتاخد الصلاة علي انها عادة مش عبادة

انا علشان ما اسرحش في الصلاة ة وشيطان الصلاة ماينتصرش عليا

بطبق نظريةى حلوة اوي وعجبتني جدا والحمد لله في الصلاة طبعا بتخيل ان ربنا يببصلي واني انا دلوقتي

واقفة امامه ولازم اكون في قمة ادبي وخشوعي... كمان بتخيل ان ملك الموت واقف جنبي وان دي اخرصلاة هصليها

ده بسعدني علي طمانينه الصلاة والخشوع فيها

دعائي ايضا كما دعاه المنسي اللهم ارزقنا الخشوع في الصلاة

شارك هذه المشاركه


رابط المشاركه
شار ك علي موقع اخر

اللهم امين يا بنت مصريه

وشكرا لمرورك

شارك هذه المشاركه


رابط المشاركه
شار ك علي موقع اخر

رائع رائع رائع

موضوع جميل جدا يا تويتى

بس احمد ده طلع مشكله بجد

ربنا يهديه ويهدينا جميعا ويجعلنا من اهل الجنه

ان شاء الله

وشكرا على مواضيعك الشيقه ياتويتى

وننتظر منك المزيد

شارك هذه المشاركه


رابط المشاركه
شار ك علي موقع اخر

موضوع جميل يا تويتى ..

 

اللهم امين

شارك هذه المشاركه


رابط المشاركه
شار ك علي موقع اخر

ربنا يهديكي يا تويتي انا تهت في الموضوع :smile::)

 

 

 

و ربنا يهدي احمد و جميع المسلمين يا رب و يرزقنا الخشوع آمين

شارك هذه المشاركه


رابط المشاركه
شار ك علي موقع اخر

السلام عليكم

 

القصة فعلا جميلة جدا

 

و طريقة عرضها حلوة جدااااااااااااااااااااااااااااااااااااااااااااااااا

 

 

انا اندمجت فيها و انا بقراها بجد مش عارفة اوصفها ازاى

 

بس استحالة استحالة ده كان بيصلى يعنى

 

 

 

ربنا يرزقنا كلنا الخشوع ف الصلاه

آمين يا رب

شارك هذه المشاركه


رابط المشاركه
شار ك علي موقع اخر

ممدوح وعارف والمتحديه وسوسن وسماء الكون و سراج ميرسي جدا جدا جدا لمروركم الرائع دا

ونورتوا التوبيك يا شباب

وربنا يهدينا جميعا يا رب

شارك هذه المشاركه


رابط المشاركه
شار ك علي موقع اخر

موضوع جمييل جدا جدا

 

اللهم ارزقنا الخشوع في الصلاه

 

مشكلة بتواجه العديد من المصليين

شارك هذه المشاركه


رابط المشاركه
شار ك علي موقع اخر

ثانكس كاتو نورت التوبيك

شارك هذه المشاركه


رابط المشاركه
شار ك علي موقع اخر

ميرسى اختى تويتى

فعلا انا اتبسط جدا من الموضوع بتاعك وطريقة عرضك لية

ياريت كل الناس تعرف تطبق النظرية بتاعتك يا بنت مصرية

 

 

موضووع جميل جدا ياتويتي وعجبني اوي اوي

طريقة العرض جميلة جدا

مع تحياتى

شارك هذه المشاركه


رابط المشاركه
شار ك علي موقع اخر

ميرسي جدا جدا لمرورك يا بنت مصر

بس كده بنات مصر كتروا اوي عندنا ولا ايه يا بنت مصريه :)

شارك هذه المشاركه


رابط المشاركه
شار ك علي موقع اخر

alyfargly

 

 

hanyalily

 

ميرسي جدا لمروركم يا شباب ويشرفني تكون اول مشاركه ليكم فالتوبيك بتاعي

شارك هذه المشاركه


رابط المشاركه
شار ك علي موقع اخر

الله اكبر والله الموضوع رائع جدا ياتويتي ربنا يقويك ودايما بمواضيعك الجميله تسعدينا

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..