ظاهره غريبه فى مصر ولكنها راااااااائعه

[حياتى من اجل ربى 22]

انهارده يا جماعه كنت واقفه على محطه اوتوبيس علشان اركب من مدينه نصر لرمسيس

حلو

------لحد هنا الموضوووووع عادى خااااااالص

الى ان عدا اوتوبيس بيقول حاجه عمرى ما سمعتها

بس بصرااااحه جميله

بيقول ايه ---(رمسيس بنات بس بنات بس )

هههههههههه

تخيلووووووو بنات بس والله دى حاجه حلوه خااااالص بدل الاختلاط والبهدله والناس الرخمه

انا بصراحه فرحت جدا من الظاهره الغريبه دى

وربنا يجازيه خييييير اللى عمل الفكره ويرزقه الجنه

ومشكووووووووورين على مروركم مقدما[

[eng_alaa 114]

والله حاجه تفرح فعلا اركبوا انتوا الاتوبيسات واحنا نتمشي علي رجلينا ... ربنا يسامح اللي كان السبب .. عموما بكرة يعملولنا اتوبيس بشنب

تم تعديل November 25, 2008 بواسطه eng_alaa

[بنت مصر 3]

فعلا ظاهرة غريبة جدا بس جميل جدا بالنسبة لينا للبنات يعنى

 

بس انا عاوزة اعرف حاجة هو عمل كدة علشان عدم الاختلاط

ولا علشان يكون نالاتوبيس بنات وهو بقى الراجل الوحيد الى موجود

 

 

ويلا بقى هى ظاهرة كويسة للبنات

ووحشة للرجالة

بكرة يعملوا اتوبيسات للبنات بس

ويخلوا السواق واحدة ست كمان علشان عدم الاختلاط

[عاشق الصداقه 525]

بسم الله ما شاء الله

والله الموضوع فرحنى جداً

ولا علشان يكون نالاتوبيس بنات وهو بقى الراجل الوحيد الى موجود

أكيد الموضوع مش كده .. لأنه مكنتش هتفرق معاه .. كان فيه بنات ورجاله وولاد وستات ........ ومش فارقه معاه حاجه

هو هيعمل ايه للبنات يعنى .. هيعضهم

 

ملحوظه كمان .. سواق الاوتوبيس ميقدرش يعمل كده من نفسه ولا مسموحله بكده

ده أكيد طلب أو أمر من مسئول :) ، ويا رب الموضوع ده يتعمم .. حتى لو الرجال هتقضيها ميكروباصات .. بس المهم مشكلة الاختلاط اللى فى الاوتوبيسات دى تتحل .. لأنها بجد حاجه تحزن

 

بس بجد بجد بجد خبر ممتاز وخطوه جميله وربنا يهدى الكل

[حياتى من اجل ربى 22]

والله حاجه تفرح فعلا اركبوا انتوا الاتوبيسات واحنا نتمشي علي رجلينا ... ربنا يسامح اللي كان السبب .. عموما بكرة يعملولنا اتوبيس بشنب

 

مشكووور اخى على الرد وبعدين ما هى الاوتوبيسات كلها بتاعتكو جات على الاوتوبيس الوحيد اللى عملوه لينا ----

ايه الطمع ده

جزاك الله خيرا وزدت شرفا بردك على موضوعى

 

فعلا ظاهرة غريبة جدا بس جميل جدا بالنسبة لينا للبنات يعنى

 

بس انا عاوزة اعرف حاجة هو عمل كدة علشان عدم الاختلاط

ولا علشان يكون نالاتوبيس بنات وهو بقى الراجل الوحيد الى موجود

 

 

ويلا بقى هى ظاهرة كويسة للبنات

ووحشة للرجالة

بكرة يعملوا اتوبيسات للبنات بس

ويخلوا السواق واحدة ست كمان علشان عدم الاختلاط

اشكرك بنت مصر على الرد وزدت شرفا بردك على موضوعى بس اكيد زى ما قال عاشق الصداقه الموضوع مش كده

ربنا يجازيه خيير اللى عمل كده بجد

 

بسم الله ما شاء الله

والله الموضوع فرحنى جداً

 

أكيد الموضوع مش كده .. لأنه مكنتش هتفرق معاه .. كان فيه بنات ورجاله وولاد وستات ........ ومش فارقه معاه حاجه

هو هيعمل ايه للبنات يعنى .. هيعضهم

 

ملحوظه كمان .. سواق الاوتوبيس ميقدرش يعمل كده من نفسه ولا مسموحله بكده

ده أكيد طلب أو أمر من مسئول ، ويا رب الموضوع ده يتعمم .. حتى لو الرجال هتقضيها ميكروباصات .. بس المهم مشكلة الاختلاط اللى فى الاوتوبيسات دى تتحل .. لأنها بجد حاجه تحزن

 

بس بجد بجد بجد خبر ممتاز وخطوه جميله وربنا يهدى الكل

اشكرك عاشق اصداقه عطرت موضوعى بمرورك الطيب

وفرحت جداااا من ردك الجميييييل جعله الله فى ميزان حسناتك ورزقك الجنه

وياااااااااارب فعلا الظاهره دى تتعمم

[Shetos 2]

ههههههههههههههههههههههه..

 

حضراتكم ناس أفاضل وبتبصو للموضوع من النظرة العقلانية..

 

ولكن أنا سألت سواق عن حقيقة هذا الموضوع وقالى إيه السبب فى موضوع النداء على الركاب البنات بس..

 

والسبب إن البنات بترضى إنها تشيل بعض بمعنى إن الكرسى اللى بيقعد شخصين ممكن البنت ترضى تقعد واحدة

 

جنبها من غير ما تكون متضايقة..

 

أما الولد فيهعمل مشكلة مع السواق ويقوله هو الكرسى مش بيشيل إتنين جايب ناس تانى ليه ويبقى مواااااااااااال..

 

فالغرض من موضوع البنات هو المكسب المادى للسواق ليس إلا..

 

طبعاً بجانب إنهم زباين وشهم زى العسل..

 

شكراً أختى الكريمة لتوضيح إحدى معانات الشباب فى المواصلات..

 

تقبلى مرورى..

[EL3aref 5]

جميل بنات بس ..

 

ممكن يكون ليه وجهة نظر انه ممكن يقعد 10 بنات على كرسى واحد .. لانهم بنات مع بعض ومش هيتزمروا

 

[حياتى من اجل ربى 22]

ههههههههههههههههههههههه..

 

حضراتكم ناس أفاضل وبتبصو للموضوع من النظرة العقلانية..

 

ولكن أنا سألت سواق عن حقيقة هذا الموضوع وقالى إيه السبب فى موضوع النداء على الركاب البنات بس..

 

والسبب إن البنات بترضى إنها تشيل بعض بمعنى إن الكرسى اللى بيقعد شخصين ممكن البنت ترضى تقعد واحدة

 

جنبها من غير ما تكون متضايقة..

 

أما الولد فيهعمل مشكلة مع السواق ويقوله هو الكرسى مش بيشيل إتنين جايب ناس تانى ليه ويبقى مواااااااااااال..

 

فالغرض من موضوع البنات هو المكسب المادى للسواق ليس إلا..

 

طبعاً بجانب إنهم زباين وشهم زى العسل..

 

شكراً أختى الكريمة لتوضيح إحدى معانات الشباب فى المواصلات..

 

تقبلى مرورى..

جزاك الله خيرا يا اخى على مرورك ---وياريت تكون الظاهره اخلاقيه مش ماديه

احنا محتاجين اى احترام فى بلادنا

شكرا لمرورك

 

جميل بنات بس ..

 

ممكن يكون ليه وجهة نظر انه ممكن يقعد 10 بنات على كرسى واحد .. لانهم بنات مع بعض ومش هيتزمروا

 

جزاك الله خيرا اخى

ويااااااااااارب تكون اخلاقيه وخلينا نحسن الظن فى الناس حتى يتبين لنا عكس ذلك

(فالمتهم برئ حتى تثبت ادانته)

زدت شرفا لمرورك

[بنت مصرية 66]

شكرا ياحياتي من اجل ربي علي الموضوع الحلو ده

والله هو يمكن الموضوع ده يكون كويس في القاهرة علشان الزحام الفظيع اللي موجود هناك وكدا

لكن هو فكرة حلوة وليه لا ...احنا في الجامعة بتاعتنا المواصلات بجد حاجة صعبة

موااااال بجد... عن نفسي لان بيتي يعتبر اول البلد والجامعة اخر البلد فطبعا مشوار الجامعة ده انتحار

وفعلا موضوع ان البنات بيشيلوا بعض هو بيحصل ولله احنا بنعملها مش علشان السواق لا ده شفقة علي بعض اخد ثوابها بدل ماهي واقفة ...بس سعات لما السواق بيكون بجد لايحتمل بتلكك انا وصحابي وبرفض ان يركب حد تاني وهو مايقدرش يفتح بقه معانا.... وموال تاني ان ارجع من الجامعة لان الوصلات برضوا مشكلة جامدة ... بالنسبة للأتوبس انا مش بحب اركبه خالص لانه بياخد المشوار في وقت اكتر من المفروض وكمان الزحمة والاختلاط المقرف الي بيكون في الأتوبيس ويوم مابركبه بقي لاني اتاخرت جدا وطبعا ببئي كاني بتعذب ... هو ياريت التجربة تتعمم علي كل حال شكرا ليك ياحياتي من اجل ربي ...قلبتي المواجع

[حياتى من اجل ربى 22]

شكرا ياحياتي من اجل ربي علي الموضوع الحلو ده

والله هو يمكن الموضوع ده يكون كويس في القاهرة علشان الزحام الفظيع اللي موجود هناك وكدا

لكن هو فكرة حلوة وليه لا ...احنا في الجامعة بتاعتنا المواصلات بجد حاجة صعبة

موااااال بجد... عن نفسي لان بيتي يعتبر اول البلد والجامعة اخر البلد فطبعا مشوار الجامعة ده انتحار

وفعلا موضوع ان البنات بيشيلوا بعض هو بيحصل ولله احنا بنعملها مش علشان السواق لا ده شفقة علي بعض اخد ثوابها بدل ماهي واقفة ...بس سعات لما السواق بيكون بجد لايحتمل بتلكك انا وصحابي وبرفض ان يركب حد تاني وهو مايقدرش يفتح بقه معانا.... وموال تاني ان ارجع من الجامعة لان الوصلات برضوا مشكلة جامدة ... بالنسبة للأتوبس انا مش بحب اركبه خالص لانه بياخد المشوار في وقت اكتر من المفروض وكمان الزحمة والاختلاط المقرف الي بيكون في الأتوبيس ويوم مابركبه بقي لاني اتاخرت جدا وطبعا ببئي كاني بتعذب ... هو ياريت التجربة تتعمم علي كل حال شكرا ليك ياحياتي من اجل ربي ...قلبتي المواجع

 

ايه الماساه دى يا بنتى ربنا يكون فى عونك بجد دى جامعه دى ولا جيش --ربنا يارب يرزقك بعربيه علشان تريحى دماغك من ارف المواصلات بقى ويارب يعينك وينجحك يا احلى بنت مصريه

[حنان القلب 1]

احنا النظريه دي ماشيين بيها كل السواااقين عندنا زي ما قالت بنت مصريه وكمان عشان يحشر البنات في العربيه كانها علبة سردين بس انا عن نفسي برزل جامد جدا لما تكون الدنيا رايقه ومفيش داعي للزحمه ومبرضاش احمل الكرسي اكتر من زيادته وممكن اخد مكان ليا وللشنطه واحاسب للشنطه كمان اهو طلبت معايا رزاله

وكمان يا حلاوه لو مش محمل لاخر الخط قال يوصل لاخر الشارع ويلف ويرجع واذا كان عاجبنا احنا طلبة الجامعه بس لما بنحطلهم عسكري مرووور والله بندلع احلى دلع و غصب عنهم بيتظبطوا بيبقوا حيشلونا من عالارض شيل

اما اللي يركب اتوبيس يفضل التباع يزعق فيه ويزق فيه لجوه كانه مركبه ببلاش اي نعم بيلم الشعب بس بيهزا نفسه اللي بيركبه وعموما محدش بيقدر يتكلم مع البنات عندنا فالسواق يرمي الكلمه ولو الواحده بصتله كده بعين ونص بيلم نفسه ويسكت ويمشي زي الالف

اما على معاملتهم مع الشباب فربنا يعين الشباب والله واخديين على دماغهم من كل الناس مش السواقين بس دا الدكاتره وحرس الجامعه والابهات الدنيا كلها بس يستاهلواااا ههههههههههههههههههههه مش هم الرجاااله

بس الموضوع دا ملهوش دعوه بالناحيه الاخلاقيه بالمرههههه فمتعشميش يعني فيهم وربنا يهدي الناس على بعضهم

[تقوى القلوب 12]

هههههههههههه

الظاهره دى عندنا من سنتين يا بنتى

 

بس اللى يفرق بقى انك تلاقى العربيات اللى سيدات فقط مشغله احدث الاغانى

وشيك جدا

مفيهاش ولا خدش

 

وتلاقى العربيات المشتركه دايما الكاسيت بتاعها بايظ او شغال وهو مش بيشغله اساسا

ومعدمه

[zoro_hf 8]

رغم اختلاف وجهات النظر فى الموضوع بس احب انبه الاخوة انى حياتى من اجل ربى بتتكلم على رمسيس يعنى القاهرة

واغلب وبنت مصرية وحنان القلب بتتكلم عن قنا لكن اللى حصل فى القاهرة داى ظاهرة فقط غريبة وهى اول مرة تحصل وده مش طريقة من هيئة النقل العام انما من فكر السواق والمحصل انى هو يحمل بنات فقط اما عن حنان القلب الاخت المفترية على السواقين بس بردو انى اغلب السواقين مش خوف من عسكر مرور او ضابط انما اغلب اللى بيتشغلو على خط السيرافيس يكون محترمين انا بتكلم على فكرة عن تجربة مقعنة لانى انا اخد فترة كنت من هذه الطائفة وعلى فكرة يا حنان انا مكنتش بخاف من حد انما احترام للشخصية اللى قدامى واللى هو معروف عن شباب الصعيد انى احنا بنعامل الناس باحترام انما اللى بيقل ادبة بياخد على دماغه

انا مقصدتش حاجة على راى شيتوس انما حبيت اوضح وثانيا انى السواقين بيحبوا يركبو البنات علشان البنات بتشيل بعض انما الشباب بيحسك انى هو اشترى العربية بالاجرة بتاعته فالسواق بيكون دماغه مش رايقة لمشاكل ووجع دماغ مع طالب بيرح دماغه مع بنات وخلاص وشكرا على الموضوع الاكثر من رائع اللى طرح فكرة وموضوع للنقاش .

[حياتى من اجل ربى 22]

احنا النظريه دي ماشيين بيها كل السواااقين عندنا زي ما قالت بنت مصريه وكمان عشان يحشر البنات في العربيه كانها علبة سردين بس انا عن نفسي برزل جامد جدا لما تكون الدنيا رايقه ومفيش داعي للزحمه ومبرضاش احمل الكرسي اكتر من زيادته وممكن اخد مكان ليا وللشنطه واحاسب للشنطه كمان اهو طلبت معايا رزاله

وكمان يا حلاوه لو مش محمل لاخر الخط قال يوصل لاخر الشارع ويلف ويرجع واذا كان عاجبنا احنا طلبة الجامعه بس لما بنحطلهم عسكري مرووور والله بندلع احلى دلع و غصب عنهم بيتظبطوا بيبقوا حيشلونا من عالارض شيل

اما اللي يركب اتوبيس يفضل التباع يزعق فيه ويزق فيه لجوه كانه مركبه ببلاش اي نعم بيلم الشعب بس بيهزا نفسه اللي بيركبه وعموما محدش بيقدر يتكلم مع البنات عندنا فالسواق يرمي الكلمه ولو الواحده بصتله كده بعين ونص بيلم نفسه ويسكت ويمشي زي الالف

اما على معاملتهم مع الشباب فربنا يعين الشباب والله واخديين على دماغهم من كل الناس مش السواقين بس دا الدكاتره وحرس الجامعه والابهات الدنيا كلها بس يستاهلواااا ههههههههههههههههههههه مش هم الرجاااله

بس الموضوع دا ملهوش دعوه بالناحيه الاخلاقيه بالمرههههه فمتعشميش يعني فيهم وربنا يهدي الناس على بعضهم

اشكرك حنان القلب على ردك على موضوعى تشرفت بذلك ولكن سواء كانت ظاهره اخلاقيه او لا فالمهم انها اتعملت وفعلا زى ما قال زورو الموضوع ده عمره ما حصل عندنا فى القاهره -عادى انا قولت احسن الظن بالناس الى ان يثبت عكس ذلك

واشكر مرورك

[حياتى من اجل ربى 22]

هههههههههههه

الظاهره دى عندنا من سنتين يا بنتى

 

بس اللى يفرق بقى انك تلاقى العربيات اللى سيدات فقط مشغله احدث الاغانى

وشيك جدا

مفيهاش ولا خدش

 

وتلاقى العربيات المشتركه دايما الكاسيت بتاعها بايظ او شغال وهو مش بيشغله اساسا

ومعدمه

 

اشكرك تقوى القلوب على ردك -عطرتى موضوعى بمرورك ولكن انا بجد فرحت من الظاهره دى علشان الاختلاط اللى بيكون فى الاوتوبيس ففهمتها كده يعنى ----وبعدين لازم ننظر للحياه بنظره ايجابيه حتى لو كانت بتنطق هى بالسلبيه

جزاك الله خيرا

[حياتى من اجل ربى 22]

رغم اختلاف وجهات النظر فى الموضوع بس احب انبه الاخوة انى حياتى من اجل ربى بتتكلم على رمسيس يعنى القاهرة

واغلب وبنت مصرية وحنان القلب بتتكلم عن قنا لكن اللى حصل فى القاهرة داى ظاهرة فقط غريبة وهى اول مرة تحصل وده مش طريقة من هيئة النقل العام انما من فكر السواق والمحصل انى هو يحمل بنات فقط اما عن حنان القلب الاخت المفترية على السواقين بس بردو انى اغلب السواقين مش خوف من عسكر مرور او ضابط انما اغلب اللى بيتشغلو على خط السيرافيس يكون محترمين انا بتكلم على فكرة عن تجربة مقعنة لانى انا اخد فترة كنت من هذه الطائفة وعلى فكرة يا حنان انا مكنتش بخاف من حد انما احترام للشخصية اللى قدامى واللى هو معروف عن شباب الصعيد انى احنا بنعامل الناس باحترام انما اللى بيقل ادبة بياخد على دماغه

انا مقصدتش حاجة على راى شيتوس انما حبيت اوضح وثانيا انى السواقين بيحبوا يركبو البنات علشان البنات بتشيل بعض انما الشباب بيحسك انى هو اشترى العربية بالاجرة بتاعته فالسواق بيكون دماغه مش رايقة لمشاكل ووجع دماغ مع طالب بيرح دماغه مع بنات وخلاص وشكرا على الموضوع الاكثر من رائع اللى طرح فكرة وموضوع للنقاش .

اشكرك زورو على ردك على موضووعى بجد فرحت خااالص واشكرك على توضيح فكرتى -جزاك الله خيرا هى فعلا ظاهره اول مره تحصل عندنا

وتقبل فائق احترامى وتقديرى لك

[ABOTASNEEM 117]

بصراحة مش مقتنع انه عامل كده علشان يمنع الاختلاط

 

علشان نفس الحوار بيحصل عندنا فى بلدنا

 

بيندهوا بردو عالبنات بس ..

 

وعلى فكرة دى حاجة بتنرفذنى جداً

 

لانهم عايزين تبقى العربية كلها بنات .. وهو الرتجل الوحيد فى العربية

[انفاس الانين 0]

ههههههه والله حاجة جميلة اوى

بس للاسف مش عندنا فى بلدى

عندنا المينى باص يجى والرجالة بعيد عنكم تجرى عشان تلحق مكان قبل الستات

حاجة تشل والله

بس انا مرة عملت حاجة حلوة......بس من اقرؤها من غير تريقة

انا لقيت الدنيا زحمة فرحت اديت كتبى لراجل من الشباك وقلتله جنبك وقالى ماشى

الحمد لله عرفت اطلع و قعدت احسن من الشعلقة

واليومين دول اصلا قليل اوى لما تلاقى حد بيقوم للبنات يا اما بيعملوا نفسهم نايمين يا اما يقعدوا يكحوا طول الطريق

[حياتى من اجل ربى 22]

abotasneem

اشكرك على مرورك وعلى العموم احنا برده عايزين نحسن الظن فى الناس لحد اخر لحظه

مش فارقه بقى هو نيته ايه المهم احنا هنعملها ايه

احنا هنقلبها احترام ان شاء الله جزاك الله خيرا وتقبل فائق احترامى وتقديرى

 

انفاس الانين

ايه الشجاعه دى يا حبيبتى --اهنئك عليها انا مقدرش اعمل كده الصراحه

بس حاجه لذيذه

ربنا يرحمك بقى من موضوع الاتوبيسات المقرف ده ويكرمك بعربيه ليكى

وبخصوص ان الناس مابقاش عندها دم فدى مش حاجه جديده يعنى

تقبلى تحيااتى واشكرك على مرورك الطيب

[مصطفى بهجت 2]

فكرة جلوة ومحترمة جدا ..

لكن للأسف الشديد إحنا بنطبق الأفكار الجديدة غلط .. إزاي ؟؟

إيه المانع إن الأتوبيس يكون مشترك فيه رجالة وستات ولاد وبنات لكن باحترام ..

طيب إفرضي مثلا أنا معايا أختي أركب أنا مواصلة وهيه مواصلة تانية يعني ولا إيه ؟؟

وبرضه ما ينفعش يكون السواق رااااااااجل وكل الركاب بنات ؟؟

أنا أعرف بنات يحاولوا يركبوا أتوبيس أو أي وسيلة مواصلات يكون فيها ركاب رجالة علشان يشعروا بالأمان شوية ..

لكن أشكرك جدا يا أختنا على إنك قولتي على الفكرة الجيدة دي ..

تقبلي مروري المتواضع ..

تحياتي ..

[حياتى من اجل ربى 22]

والله يا مصطفى دى مش فكرتى

دى حاجه شوفتها واعجبت بيها جداااااااااااااااااا

وربنا يرزقك بعربيه يارب وتريح نفسك من المواصلات خالص ياعم

جزاك الله خيرا على المرور

[رجل من الصحراء 36]

يامسهل وتتعمم