طفلة لكنها سياسية محنكة !!

[حورية الجنة 114]

بمناسبة الجلسات اليومية النى تعقد لمحاكمة المخلوع مبارك لا بارك الله له

 

وفى ثانى جلسة تحديدا كانت عندنا ابنة عمى الصغيرة "ملك" وكنا نشاهد الجلسة وكانت الجلسات وقتها علنية وأثناء المشاهدة يرن جرس التليفون فإذا بالصغيرة ملك تنهض لترد على التليفون فإذا بها أمها كانت تتصل لتطمئن عليه فإذا بملك لا تعطى فرصة لامها لتتكلم وتقول لها :

"ماما هاتى القناة الأولى علشان تشوفى حكاية حسنى مبـــارك " فإذا بصالتنا تضج بالضحك على ما قالت ملك الصغيرة وكيف حورت الموضوع ليتناسب مع سنها إلى حكاية تشاهدها فى التلفاز .

 

بعد أن انتهت الجلسة وغادر المخلوع محمولا على سريره الطبى عندما شاهدته ملك قالت لى ولسوء حظى كانت تجلس بجوارى وكنت بمثابة المعلق لها ما تشاهد سألتنى "هو قاعد على السرير علشان تعبان حقيقى ولا بيمثل " عجز لسانى أن يرد فأنا لا أستطيع أن اكذب وأقول أنه مريض جدا لهذه الدرجة ولا أقول أن معافى وبيمثل فالتزمت الصمت وقلت هو تعبان شوية .

 

لم تكتف ملك بذلك بل بعد قليل جا ءت أمها عندنا عندما شاهدتها ملك سألتاه "ماما شوفتى حكاية حسنى مبارك فى التليفزيون" وكررت السؤال أكثر من مرة ثم قالت خلاص تعالى شوفيها هنا فردت امها "خلاص والله شوفته يا ملك " لتهدأ بعدها ملك.

 

فقلت صدقتى والله يا ملك إنها حكاية تستحق المشاهدة وأخذ العبرة وسبحان الله العظيم

 

حقا إنك لسياسية محنكة يا ملك

 

تم تعديل September 8, 2011 بواسطه حورية الجنة

[لامار 94]

لكل ظالم و جبار نهاية

انا لا افكرحقيقة بملك فهي لم تعايش فترة مبارك كمن عايشها كمن ولد و مات و مازال مبارك على العرش

 

ربنا يحفظ ملك و اطفال العالم كله

ربنا يحمي كل وطنا العربي

[عاشق الصداقه 525]

فقلت صدقتى والله يا ملك إنها حكاية تستحق المشاهدة وأخذ العبرة وسبحان الله العظيم

 

الجيل ده هو اللى هيحكى الحكاية دى فى المستقبل بإذن الله ،، ويقول كان يا ما كان والناس متصدقش انها كانت عايشه وقت المخلوع مبارك وعاصرت ده وهى طفله ،، وتقول انا فكره فى بداية الالفينات لما اتحاكم كان سنى كذا وكنت بتفرج عليه فى جهاز زمان كان اسمه التليفزيون

 

الجيل ده طالع وكل اللى حواليه بيتكلموا فى السياسه .. منتظرين منه ايه ؟؟؟

جزاكِ الله كل الخير أختى الفاضله ،، وربنا يخليلك الأموره ملك

تحيتى وتقديرى

[حورية الجنة 114]

أه والله فعلا هما الى هيحكوا بعدين كل الحكاية بس هو التليفزيون هيروح فين ؟؟؟ وايه الى هيبقى بداله ؟؟ أستاذ احمد

 

دى كمان كانت ساعات ايام الثورة بتتفرج معانا وكنا بنحاول نشرحلها وفى كنت بنومها وبكلمها شوية فقلتلها بتحبى مصر بلدنا يا ملك وانا مستنية الرد اه فردت رد تانى غير الى مستنياه وقاللتى بسرعة لا استغربت وقلتلها ليه يا ملك فقالتلى علشان الناس الوحشين الى فيها بيضربوا الناس الحلوين ويموتوهم زده طبعا كان من تأثير الى شافته فى التليفزيون ايام الثورة

تصدقى عندك حق يا ملك بس لما تكبرى هتفهمى الحقيقة ولحس ن حظى انها نامت بعدها على طووول من غير ما ارد ووفرت عليا الرد

 

على فكرة ملك معاه اخوها اسمه أحمد بتحبه كتييييييير وبتناديه بابا أحمد وبتفرح كتير لما يجيى من السفر

 

وخير جزاك أخى وشرفنى رد حضرتك على الموضوع ويار ب يخليها ملك وتبطل شقاوة

 

 

لا مار نورتينى يا سكر وربنا يحفظ كل الاطفال يارب