مفكر عربى مسلم...خدو بالكو عربى مسلم

[حياتى من اجل ربى 22]

الموضوع ده يا جماعه منرفزنى فقولت اقولهولكم تتنرفزو معايا مش احنا اخوات لازم نتنرفز مع بعض بردو

ماعالينا ........شوفت برنامج على قناه العربيه (بدون ذكر اسامى القنوات يعنى)

كاتب مفكر سعودى مسلم مسلم

بيقول حاجه لذيذه خالص ::::هو بيهاجم الشيوخالرجعيين الذين يعترضون على المسلسل التركى (نور ومهند)ويصفوه بانه ينافى اخلاقنا الحميده وتقاليدنا الاسلاميه ويبقول :ده ايه اللى بيقولوه ده هما مالهم ويعدو يخوفو الناس يقولوهم عن عذاب القبر ايه ده

ده كان اول اعتراض ليه ((فل))

الاعتراض التانى :::هو يشجع دائما الروايات التى تتحدث عن ..........(العلاقات المحرمه)ويقول ان دى حريه وده شئ واقع انتو بتخبوه ليه (مش دى حاجه طبيعيه يا جماعه)

وان كل رواياته يحاول ان يضيف لها هذا الجزء لكى تكون مواكبه للتقدم ((معرفش تقدم ايه بالظبط بس هو قال كده)

ماشى _نكمل ؟؟؟؟؟الاعتراض الثالث ::ايه التخلف اللى فى السعوديه ده مافيش مقاهى ولا حدائق لتسمح لنا بتكوين صداقات حره ((وبيعترض لان كل صداقاته من المدرسه -الشارع -الشغل)بس

رجعيه

وان الناس بقت تستفتى فى كل حاجه ايه ده؟؟؟؟هما ماعندهومش عقل

ها دمكو اتحرق ولا لسه ........انا بصراحه ضغطى ارتفع من كل اللى بيحصل ده

ربنا يكون فى عون اللى عايشين ويابختهم اللى ماتو

حسبى الله ونعم الوكيل

ربنا يخرج من صلبكم يا شباب من يوحد الله وينصر هذه الامه المكلومه ويرفع رايه الاسلام

ويجعلكم ممن يقدم الدين الى الامام لا من يرجعه الى الوراء

تقبلو احترامى لكم

[Shetos 2]

والله موضوع نود مهند ده شائك شوية..

 

أنا تابعت المسلسل..

 

ومكنش فيه أى حاجة مختلفة عن كتير من المسلسلات المصرية..

 

أما عن الإفتاء بغير علم..

 

فده موجود كتييييييييييييييييير جداً..

 

ويكفى أن تتابعى الموقر (جمال البنا)..

 

هتعرفى معنى الإبداع..

 

شكراً حياتى من أجل ربى..

[حياتى من اجل ربى 22]

والله انا اصلا مابتفرجش على مسلسلات اصلا فمعرفش فيه ايه اصلا المسلسل ده

فولا مصرى ولا غيره

وانا نقلت كلام المفكر فقط لا غير لانه بجد كلام نرفزنى

شكرا لمروركShetos زاد موضوعى شرفا ان تكون اول من رد عليه

[«۞۩ أبو سليمان ۩۞» 179]

حياتي من اجل ربي موضوعك رائع

 

و بجد الشخص ده ينرفز

 

شوفت برنامج على قناه العربيه

 

لو كان قصدك قناة العربية الاخبارية (الأمريكية) فطبعا انا موش محتاج اقولك

 

ان الراجل المضلل ( طبعا هو موش مفكر) بيقول كده ليه......

 

دي طبعا حملة منظمة تنظيم دقيق للنيل من الامة في اعز ما تملك

 

طبعا النيل من ديننا

 

و لكن الله سوف يعز الاسلام ديما بمن يحافظون عليه و يتمسكون بالكتاب و السنة

 

بعيدا عن الانفتاح ( ممكن نقول الانفلات) و بين التعصب الاعمي الذي يضر و لا ينفع

 

كما قال تعالي (وَكَذَلِكَ جَعَلْنَاكُمْ أُمَّةً وَسَطًا ) صدق الله العظيم

 

لكي الله يا أمة الاسلام

 

شكرا اختي علي الموضوع الرائع و علي اهتمامك الدائم بقضايا امتك

 

تقبلي فائق التحية و التقدير

[NADA 34]

الموضوع ده يا جماعه منرفزنى فقولت اقولهولكم

 

تتنرفزو معايا مش احنا اخوات لازم نتنرفز مع بعض بردو

 

هو لو الموضوع كده

 

فخلاص ماشى حاضرررررر

 

 

بالنسبة للمسلسلات ,,فأنا ماليش فيها أصلا

 

و لا التليفزيون ولا أى حاجه,,وأكتر حاجه بكرهها ف حياتى

 

هى البرامج المستفزة دى ومش بحب لا اشوفها ولا اسمع عنها اصلا

 

أنا كويس إنى بدخل المنتدى.....بس بجد أنا بحب المنتدى ده علشان هو حلو أصلا

 

انت اللى غلطانة أيه قعدك تسمعى متخلف زى ده

 

عامة التليفزيون كله عامة مش هتاخدى منه غير وجع الدماغ,,وتلف الأعصاب

 

لانهم من الاخر عالم فاضيه بجد,, وانا بتعقد من القضايا والحوارات دى

 

مش بحس اصلا ان بقى فيه بشر ولا ناس ولا اى حاجه

 

هما عبارة عن شوية حيوانات بس أغبية بياكلو ف بعض وخلاص

 

بجد حاجة رخممممممممممممممممممممممة

 

ربنا يكون ف عونكم بجد,,حد قالكم تتفرجو عالتليفزيون..

 

شكرا على حرقة الدم اللى قبل الأكل وبعده 3 مرات يومياً

 

 

وربنا يكرمك يا حياتى ,,أنا هربانة من التليفزيون والمشاكل

 

وانت جايباها لحد عندى بجد بجد مش عارفه اقولك ايه...

 

 

[عاشق الصداقه 525]

مقدرش اقول فى واحد زى ده غير ان دى قلة أدب

 

:lololo: :lololo:

 

اللى بيتكلموا تحت غطاء الدين كتروا جداً .. وبيبدعوا ما شاء الله فى التخلف

 

كل خروف عاوز يتشهر يطلع على التليفزيون ولا يكتبله كتاب ويخبط فى الدين

 

ربنا يهديهم أو ياخدهم .. وربنا ينتقم من كل مضلل ، وشكراً لحرقة الدم

[El-Saher Fantasy 21]

ليس هناك الكثير ليقال

فقط

حسبنا الله ونعم الوكيل

ولكن اختي حياتي من اجل ربي

إذا كان لابد أن تشاهدي التليفزيون

فاعتقد أنه عليكي أن تأخذي بطريقتي

إما تشاهدين القنوات الإسلامية الموثوقة

وما أكثرها وأنبلها من قنوات

أو تشاهدين قنوات غربية لا علاقة لها بالدين

(أي لا تقدم أي برامج دينية)

وايضاً ما اكثرها من قنوات

جزاكي الله خيرا لموضوعك المتميز

وارجو ألا نكثر من نقل مثل هذه الفتاوى لان هناك الكثير من ضعاف النفوس الذين يبحثون عن مثل هذا التفريط

تقبلي مروري

[حياتى من اجل ربى 22]

اقولكم بقى يا جماعه الحكايه ((والدى العزيز)مدمن اخبار )وقنوات الاخبار (الجزيره -العربيه -الراى)

كده يعنى ومامتى --قنوات دينيه---- واختى كرتون جيبتلكم العيله اى خدمه

انا بقى ماليش دعوه بالتلفزيون اصلا اللى بيفتح فيهم على حاجه تعجيبنى بعد اتفرج انما انا مش من الهواه

انا اللى منرفزنى ان ده مفكر مسلم مش واحد غريب

Dr Abcarino

الراجل ده كان فى برنامج اضاءات بيجيبوا وااحد((سياسى-مفكر-محلل -ناقد)اى حاجه يعنى وينقدوه ويوضحه فكره -بس مش اكتر

واسعدنى مرورك للغايه يارب يجعلك ممن ينصر بهم امته ويعز بك دينه

 

NADA

والله يا حيبتى انا مش قصدى اوجع دماغك بس اعمل ايه --كلام نرفزنى ---شكرا لمرورك حبيبتى ولرايك المميز

 

عاشق الصداقه

اولا منور الموضوع واسفه جدا على حرقه الدم

بس شوفتوكو مرتاحين حبه قولت انرفزكو

جزاك الله خيرا على الرد ويارب كده منوره مواضيعى دايما بردك العطر

 

El-Saher Fantasy

حقيقى يعنى رد جمييييييل وشكرا على المرور ويزيدنى شرفا ان يكون اسمك ممن رد على موضوعى ربنا يجعل ما تكتب فى ميزان حسناتك

وانا اصلا المفروض اتلم واعد اذاكر علشان امتحاناتى خلاص وماتفرجش على حاجه فهحريمكو شويه من مواضيعى اللى تحرق الدم دى

ادعولى بقى

[El-Saher Fantasy 21]

انتي عندك امتحانات

احنا ندعيلك ليه بقى؟؟

 

احنا ندعي لكل اللي عندهم امتحانات

 

اللهم وفق كل شباب المسلمين إلى ماتحبه وترضاه

[حياتى من اجل ربى 22]

يا جماعه ادعولى وخلاص انتو هتخسروا حااااجه

ده ثواب يا اخى ((والملائكه بتقولك --ولك بالمثل)

ايه البخل ده

[EL3aref 5]

شئ غريب والله هو بيتكلم فى ان مسلسل مهند ونور مش حرام لان مفهوش اى حاجه غريبه ومخدش باله ان ابسط حاجه ان المسلسل فى واحده مع واحد اجنبى بدون حجاب وهو ابسط حاجه وما خفى كان اعظم ..

 

مش عارف اقول ايه بصراحه .. حسبى الله ونعم الوكيل ..

 

شكرا حياتى من اجل ربى

[أبو الهيثم 71]

هو فعلا كلام ينرفز اوي

 

وبعدين دي حاجة جميلة في السعودية ان الواحد يعرف يعبد ربنا بدون ما شيئ يفتنه او يلهيه عن ذكر ربه

 

 

جزاكي الله خيرا علي النقل

[حياتى من اجل ربى 22]

EL3aref-----eSLaM KaTo

 

والله مافيش كلام الصراحه يتقال اكتر من اللى قولتو ((حسبى الله ونعم الوكيل ))جزاكم الله خيرا

عطرتم موضوعى بمروركم الجميل

ويااااااارب نفضل داايما اسره واحده على طووووووووول

تقبلو احر امنياتى بالتوفيق لكم جميييعا

واللهم انصر الاسلام واعز المسلمين

[ABOTASNEEM 117]

حسبى الله ونعم الوكيل

[حياتى من اجل ربى 22]

شكرا لك اخى الكريم نورت موضوعى

جزاك الله خيرا على الرد

[اعتز بحجابى 0]

iam so sorry to hear that